無麵不歡 - 中華私房粉麵

全港十八區每區都有它們各自的食街，旺角內最有名的食街莫過於其中一條通菜街即是女人街，中間的通道主要做遊客生意，內則兩旁則可算是一條平民食街，食店不但多樣化，而且價錢都非常大眾化。.旺角雖然多美食，但廣西粉麵店卻不多，所以當發現通菜街內有一間朋友食過都話可以encore的一間成都粉麵店就挑起了我的興趣，趁Happy Friday就飯都唔煮，跟他一齊試下。店舖是威達商業大廈內的一間地舖，非常易找到，入面位置不大，枱也只有八九張，幸好當晚剛好不用等位。一入到去有一陣籠罩住成都柳州螺螄粉既味道，適應了一會便沒有太濃烈，幸好我一點也不抗拒。是坐下再看看餐牌才發現之前在太子已吃過一次，但記錄模糊，亦不防再來一次，餐牌是畫圈圈的，非常環保♻️劃錯了也可以抹走再劃...餐紙上簡單易明亦非常多麵款選擇，每種都好特別，湯麵、拌麵都有，外面真係未見過！小食價錢又相當吸引！都心思思左一會兒。最後選擇點多一兩樣野食開心Share。總共點了一個粉，追加了一個配菜及五個小食！可以試多點不同的味道呀！正！.主食點了柳州螺螄粉 $48外型好討好啊，因為好似眼望有好多唔同既野食，面頭啲料擺得都略顯心機，可以影下相呃下Like！間舖咁大陣味，上枱又冇覺得任何味道怪異，究竟懂異味道從何來呢？配料包括有「螺絲肉、脆腐竹、肉末，脆花生、酸豆角，蔥花，酸辣筍，黑木耳」!入面配料量一點也不少，款款都唔錯，很喜歡它的配料好似特殊醃製的香筍同脆腐竹口感脆脆的！螺絲粉好滑好好食...烹調時間拿捏得啱啱好! 湯底層次豐富好香，可能酸辣一直都好喜歡, 呢碗嘢我食下食下就同朋友食曬了，真係幾惹味！出奇地好吃！加上各種配菜，份量超大份！足夠兩人吃 ，因為麵真的很多很多很多..追加配料 豬軟骨$12椒鹽鍋巴土豆$26土豆，一心以為係一塊塊一片片既椒鹽薯仔又或者是一條條幼身的土豆絲，點知係薯條，雖然都覺得好好食好惹味，炸得通透又夠熱辣辣，調味仲非常惹味，椒鹽十足，但完全跟土豆好有出入，哈哈。三味爽脆魚皮 $48開胃嘅前菜，出面已經唔多涼拌魚皮食了，（ 酸辣、香辣、泡椒）！晶瑩半透的魚皮，整體爽口惹味，爽的滑的脆的夠嚼勁的，少麻少辣吊吊癮。仲可以做得出有三味，個人最喜歡的是泡椒，較為特別。麻辣手撕雞 $38雞肉撕成肉絲，再拌入香濃的醬汁，手撕雞啖啖肉好入味，麻辣醬汁配上嫩滑雞肉非常惹味！ 簡簡單單完成的一道小菜, 鹹辣鮮香都包了!蛋餃 $18用蛋皮包制而成的一種美食，餃皮以新鮮雞蛋製成，真材實料，口感細緻，蛋香十足；肉餡則採用新鮮豬肉，風味鮮美，營養豐富，相信小朋友也很愛的料理。有5隻，都幾抵食。煎出顏色均勻完整不破的，味道唔錯啊，好推介呢！【無麵不歡】24小時通宵營業！真係咩時間都食到！我對麵食既喜愛度好高，呢間對我黎講都合格有餘了， 價錢非常平民化又抵食，全部大份又飽肚，款式又特別！ 老闆特意到廣西學師！所以特色麵條來說應該算係好正宗！呢種風味暫時好難係第二度食到！唔好比門口陣味搞到抗拒了，只要踏誰這門口你就會想不到這巷子竟然有令人驚喜的麵食了。俾次機會試下咁特別既【中華私房粉麵】啦！ …Read More

早前在網試熱爆的螺絲粉，後知後覺的我早兩日才知道旺角開了門市食螺絲粉。二話不說選了本行目標—柳州螺絲粉，朋友想試蛋餃，於是叫了一碟share。螺絲粉一上檯，我已經黑人問號，‘’唔臭嘅？咁淺色嘅？‘’但不要緊，保持面不可貌相的心情，吃了一口嘗嘗，頓時心沉了一沉。大概是為了迎合香港人口味，店家把口味調淡了，荀不臭，湯不濃，麵不辣，成了個三不像，好失望啊，好歡螺比這個好吃多了😩。下次還是回家自己寫會更好一點吧。蛋餃挺好吃的，但好小一隻，又小又扁，如果肉多一點就更好吃了！…Read More

之前睇過佢介紹個條片，一直都想搵機會試，前幾日終於都同男友去食喇。舖頭位置好搞笑，係個窿入面，舖面比較細，7點幾去到個時未洗等位。本身猶豫左好耐食螺獅粉定花甲粉絲，最後好似花甲粉絲特別d,都係揀左花甲粉絲。另外叫左一份蛋餃同排骨，男友就叫左個原創胡椒豬肚雞麵。本身想試埋三味爽脆魚皮，但估唔到咁快無晒，想叫王老吉，又無王老吉，想話要杯水，又唔記得拎黎，無奈下叫左罐雪碧算。講返d食物先，因為肚餓排骨唔記得影，但味道ok既，肉質還好的。蛋餃一份有5件，都算幾香口，要趁熱食因為凍左會標油，餡料食到有馬蹄，口感不錯。花甲粉絲個人覺得好一般，湯頭唔係特別鮮甜，粟米唔算好甜，花甲同蜆正常，粉絲質感一般，不太爽口。叫左加辣，原來係一碟剁椒豉油，其實同普通豉油無咩分別。而男友叫既胡椒豬肚雞麵，胡椒味唔出，湯頭偏淡，上海麵還可以，食左舊豬肚唔un算係咁。一路食出面開始排緊隊，睇黎宣傳既功效明顯，食到一半我地都掉左一次枱，就一就其他食客，其實唔係話介意，但客觀黎講覺得舖頭擺位差d,變左要成日要客人調動座位。總體都好普通，唯一欣賞佢個辣椒油幾香。…Read More

前幾日和幾個朋友們去左間新開的麵館，真心覺得幾不錯👍本身係我朋友話見到網上幾多人話唔錯都去試，於是我們就即興成行了！😄佢的位置方便在通菜街，不過都要留心去搵下，因為舖面不算大，屈左入地下電梯大堂，一不小心就行過左。我們去到的時候是平日晚上八點幾，都坐滿人要等一陣位，我們在等位的時候已經急不及待研究menu睇下食乜嘢了，好期待！見到佢啲麵感覺好有特色，而且講到明不同的麵底係配不同的湯，唔可以自由配搭，幾有性格和原則👍感覺對食物有堅持，欣賞！👍另外我哋見到有好多小食都好想食，其實見佢嘅麵食同埋小食價錢都唔算貴，非常之親民，所以我哋就買咗四款唔同嘅麵食，再點了勁多小食，癲左😂好期待呀！好快佢就上咗啲小食，首先上緊係香煎蛋餃($16),一碟有五件，用蛋皮包住啲肉餡再，煎得好靚而且好特別, 味道仲好好！我鍾意食餃子又鍾意食雞蛋，呢個小食一次過滿足我兩個願望👍😋麻椒豬爽肚($38)我覺得都好正，麻而太辣，豬肚夠爽👍香酥排骨（$30）係另一個必吃嘅小食，一份大概有七，八粒，粒粒炸得香脆，而且食得出係生炸！所以零舍肉嫩有肉汁😋其他嘅小食如炸雞扒同埋秋葵都正常好味， 但我首推都係蛋餃，香酥排骨同埋麻辣豬肚😋👍麵食部份我哋叫咗四碗各有特色，首先嚟嘅係柳州螺獅粉（$48），淘寶大熱嘅螺獅粉我一早想試，但次次都冇機會，估唔到今次竟然可以在此食到，螺獅粉並非我哋香港食開嘅螺絲形狀的螺絲粉，而是佢入面會加咗少少類似蜆肉嘅螺獅肉，加上肉沫，酸豆角，酸辣荀，脆花生等，以佢嘅份其實係好似米線粗少少嘅粉，螺獅粉最出名應該係嗰一d酸酸地嘅筍味，我覺得係一種魔法嘅味道，聞落去開始會怪怪地，但食落去覺得幾好食會越食越想食，會令人不知不覺食晒一碗！好神奇👍😝跟住就係五穀漁粉($56), 佢嘅湯底係魚湯但係可以揀原味，酸辣或者麻辣三款味道，我哋揀咗原味，湯底的確非常鮮甜，而且入面有鯇魚片，滑豆腐，黃豆同埋酸菜等配料，重點係佢嘅五穀漁粉，五穀制精製而成嘅米粉，所以係唔同顏色㗎， 我哋覺得下次可以試吓酸辣或者麻辣湯底，再加上呢隻五穀米粉應該好索湯，原味就會清淡左少少。跟住我哋仲點咗胡椒豬肚雞麵（$68），呢個都幾足料，豬肚和雞都幾多，湯底似熬左好耐嘅老火湯，都幾好味，不過胡椒味唔算好濃，而佢配嘅係上海麵，我個人就覺得比較稔身，不是我喜歡的口感。 最後嘅卜卜蜆花甲粉絲（$62）係我最推介的👍個湯底非常鮮甜！而且每一粒蜆肉都勁肥美，重點係啲粉絲索晒啲湯！媽！好正呀👍😍成餐飯我哋幾個朋友食到好滿足同好飽咁捧住個肚走，真係幾唔錯👍雖然呢間小店係新開張，但係都感受到佢對食物嘅認真同埋用心，而且店員嘅服務態度都幾好，應該會有下次再來光顧的機會😋👍______________________________店名: 無麵不歡 - 中華私房粉麵 環境：7/10服務：8/10 價錢：8.5/10食物質素： 8/10 整體：8/10 地址:旺角通菜街1A -1L號威達商業大廈地下M號舖…Read More

其實我係旺角返工，成日都經過呢間麵店，但係都聞到一陣臭渠味 🤧 後來喺網上面睇到啲介紹，先知原來裏面有桂林米粉食，唔怪得陣味難聞，但係都有熟悉嘅味道，原來係喺大陸曾經食過嘅桂林米粉 😲既然係食物嘅味道，捧住我都係一個臭豆腐同榴槤嘅愛好者之心，就搵左一日同朋友入去試吓 😳首先係嗌啲小食，先黎個蛋餃: 好特別，未食過咁樣嘅餃子，愛蛋之人嘅我，愛上左佢💙跟住係麻辣涼拌秋葵，因為朋友係秋葵愛好者，佢話只要有秋葵食就可以，哈哈，不過真係唔錯，麻辣味都好正宗 跟住係麻椒豬肚爽，唔錯真係好爽口！因為螺絲粉呢期好Hit，所以叫佢嚟試吓，螺絲粉同桂林米粉一樣都真係好臭，因為上面既醃筍既味道，食落去真係冇乜嘢，螺絲粉仲好滑，唔錯！嘩，呢個卜卜蜆花甲粉既湯真係好鮮，同粉絲好配！唔錯！最最最有驚喜嘅就係呢個麵！胡椒豬肚雞麵，個湯真係冇得頂，感覺有少少藥材，又唔會係太濃嘅胡椒味，仲有一啲鮮雞嘅味道，你啲雞肉同個麵都好滑，好正！其實依材料同味道黎講，性價比真係好過一碗拉麵👍🏻真係唔錯，開頭俾佢鋪頭陣臭味嚇親，但估唔到原來係一間隱世好麵店，好彩冇走到寶…Read More

燃麵真的不能抵抗！所以一搵到呢間有燃麵的店就衝左去試～原來在大廈lift口隔離，搵左一陣先搵到。燃麵是我目的所以一定要叫的，這裡的是拌麵，上面有好多配料！花生、葱、海帶、肉碎，加辣撈埋就食得，好味好滿足！另外叫左個卜卜蜆花甲粉，呢個超驚喜！個湯真係好新鮮，蜆都係，加埋入面有粉絲，仲要用明火煱上，熱住比你真心好warm，如果冬天食一定好溫暖。仲有個煎蛋餃，雖然有點油但好香口，香港無咩地方可以食到，所以真的要一試～臭豆腐係幾臭，不過太硬，可能厚切會好點。仲有我最愛的椰汁添！perfect…Read More