綠林甜品

同同事食完愛文生，就搵咗間附近嘅糖水舖。綠林糖水係呢區歷史悠久嘅糖水舖，去到門口都好多人等緊，等位嘅時間啱晒睇定餐牌。其實除咗餐牌外，牆上都有啲季節限定推介，例如秋冬嘅栗子系列。蛋花馬蹄露同事叫嘅蛋花馬蹄露，馬蹄露唔係間間糖水舖有，入口清甜，味道正常OREO 豆腐布甸豆腐布甸不夠滑，質感有啲鞋口，Oreo 碎唔太新鮮，有點兒淋總括然而，如果係一大班朋友嚟食，呢度嘅選擇應該可以滿足唔同人士嘅需求。不過傳統糖水比較穩陣😂…查看更多

每次喺深水埗食完飯，都必然嚟綠林食個甜品，有幾次嚟食甜品仲撞到朋友，可想而知綠林係幾多人去呢其實好多時去到綠林，門口都一大堆人，不過唔洗驚要等好耐，因為其實有啲人係等外賣嘅，而且都好快，通常等一陣就有枱架啦其實我不嬲唔食蓮子架，但呢度嘅蓮子就好好食朋友鐘意桑寄生茶，呢個仲有烏豆呀除咗傳統中式甜品，仲有西式甜品其實我想揀桃膠架👉👈其實除咗睇佢餐牌外，牆上都有推介，例如冬天就有季節限定嘅栗子露，不過今次就過咗冬天，食唔到lu!…查看更多

咁食完飯就梗係去食甜品，咁深水埗都好多選擇，不過都係想揀啲平靚正嘅，所以呢就揀咗一間，佢啲座位都幾多架。紅豆粒椰西雪糕小丸子$38這一個我見佢推介，咁咪試吓囉，而且都幾鍾意食紅豆，咁食落去好似食緊宇治金時咁。Oreo豆腐布甸$28好香好正，親埋Oreo一齊食。蛋花馬蹄露$19一個又平又正。爽滑糖不甩$17好好食，不過都係多啲人一齊分享好食啲。榴槤班cake加雪糕$43個班cake好好食呀，配埋個雪糕係一流。…查看更多

有一段時間無嚟綠林甜品，呢一日再嚟，原來佢新裝修過。感覺上地方整潔咗，同埋啲枱整齊咗無再咁擠迫。我最鍾意食呢樹嘅綠豆糖水同埋蛋花馬蹄露，今次就叫咗蛋花馬蹄露，爽脆嘅馬蹄，食落索索聲，碗糖水又夠凍，食落透心涼。朋友叫咗碗綠豆沙杏仁露，我唔太好食杏仁露，因為唔太鍾意佢嘅味，但朋友就話好香杏仁味，好好食！順帶一提，這裡有凍嘅桑寄生茶，夏天熱辣辣再食碗熱嘅桑寄生都幾辛苦。有凍食就啱哂，咁就夏天都食得，但我都係覺得熱嘅桑寄生茶好味啲！…查看更多

綠林是「檸茶」到深水埗區必到的五大食店之一, 「例牌」不外乎是傳統中式熱糖水, 例如腐竹薏米湯水和芝麻糊等。不過, 炎炎夏日, 要選擇熱的東西, 實在很難, 於是便選擇衝出「例牌」這個框框。說的是蛋花馬蹄露 ($15), 這款糖水當然以凍的風味較佳, 甜度不高, 蛋花極多; 驚喜位則來自那大大小小的馬蹄粒, 由切碎的小馬蹄粒到原粒馬蹄, 統統都有, 帶來不同程度的口感和涼快感覺。下次來到這裡, 「檸茶」又多一個「例牌」了！…查看更多

在耀東街的「萬發」吃完晚飯，一行六人就來到了這間歷史悠久的甜品店「綠林」吃糖水。其實單以元州街來說，甜品店舖就有好幾間之多，但若論人氣高企的，除了天悅廣場的「松記」外，則非這「綠林甜品」莫屬了。曾來過「綠林」的都應該知道，這裡賣的不只是傳統中式糖水，還有多款新式甜品供應，如豆腐布甸、大明珠、黑珍珠等，不過筆者和食友皆是愛栗之人，此行目的當然是來吃生磨栗子粒露 ($18)。同食友二人分享其中一碗，因之後還要吃豆腐布甸和馬蹄露，呷了一口狀似糊但又不太稠身的栗子露，入口質感細滑，而且還散發著淡淡的栗子香氣，只不過未知是否真的是不時不食，吃來總覺沒預期般濃鬱，和想像中確實有些落差，幸好每一羹都舀著滿滿的栗子粒，雖然粉糯程度是有點遜色，但口感豐富，總算了卻咗筆者這晚的心願，到秋冬時分一定會來再戰。另亦點了一客備受好評、白雪雪的豆腐布甸 ($16) 和眾人分享。澆上了花奶的豆腐布甸，入口豆味香濃而不覺甜，質感軟滑得猶如燉鮮奶般，綿綿的口感卻又不膩不滯，把布甸和豆腐的兩種軟滑特質結合成為一體，既滋味又不失清淡，口感十分特別，真的不錯，難怪深受食客歡迎。在南瓜馬蹄露及蛋花馬蹄露 ($13) 之間選了後者，這馬蹄露端上來時，樣子看似混濁，但實則內裡放了不少碎碎的馬蹄和絲絲的蛋花，分吃了一點，用上新鮮馬蹄的馬蹄露，入口冰涼潤喉，吃來格外清甜，而且在口腔內還散發著陣陣清香，果然是一道不錯的夏日甜品。其實食甜品通常並非為充飢，而是為了逗自己開心的快樂事，一啖滋味無窮的糖水進口，心中的煩躁也即時變為甜意，但在現今香港，想享受一碗落足心思、落足材料炮製的甜品，這份豪情已經買少見少，但願這些紮實的傳統糖水店，生意能長做長有。…查看更多