七喜粥麵小廚

很好吃! 很好吃!  很好吃!  蜆介炸鯪魚球. 必點必食之選!行過路過, 怎能錯過, 坐低食即炸熱辣辣, 真材實料炸魚球.京都炸醬麵, 也惹味!醬汁恰到好處.太子店:  七喜粥麵小廚…查看更多

早幾晚約左封筆食家"今餐食乜好"交收, 於是相約一齊食晚飯啦; 由於師傅都好遲先收工, 加上封筆食家"今餐食乜好"又收夜, 所以合晒合尺(何車)! 食店由封筆食家"今餐食乜好"提議, 於是就揀左黎呢度!坦白講師傅都係好耐冇黎呢度食野, 所以都幾期待; 準時去到, 兩個非洲飢民成隻餓鬼咁, 入到去二話不說即刻柯打野食; 封筆食家"今餐食乜好"一早已經諗定食咩, 厲害; 芝士大蝦伊麵就係封筆食家"今餐食乜好"嘅心水喇, 而師傅都唔客氣即刻叫番碗肉丸粥濕下個口, 再加個招牌爽脆生魚皮, 同蜆介炸鯪魚球, 最後師傅還是意猶未盡, 再叫多碗三牛麵添!最快登場嘅係爽脆生魚皮, 爽脆生魚皮真係勁爽口, 一d都唔腥, 更加唔臭, 就算唔食薑葱都唔覺有咩問, 配上辣鼓油, 惹味非常, 而件碟嘅花生, 鬆鬆脆脆, 不錯; 再黎就係師傅頗欣賞嘅肉丸粥, 七喜嘅粥底真係好綿, 加上又冇味精, 入口非常舒服, 而肉丸又大大粒, 十分爽口, 唔會實的的, 真係好好味; 蜆介炸鯪魚球一碟六粒, 鯪魚球是大大粒的, 炸得香香脆脆, 淨食都食得出鯪魚肉的美味, 入口彈牙, 不過就碎骨多少少, 就算唔配上蜆介, 一樣出色!芝士大蝦伊麵師傅都係第一次食, 芝士香香濃濃, 一d都唔膩, 而大蝦又夠爽口, 伊麵又唔會成pat野咁, 賣相同味道都相當有水準, 唔怪得封筆食家"今餐食乜好"一早就話要食啦; 最後係三牛麵, 三牛麵有牛腩, 牛肉同黑柏業, 牛腩好鬆身加上帶少少肥, 香香地勁好味, 牛肉就冇咩特別, 不過都幾鬆, 而黑柏業就好爽口, 一d都唔老唔韌, 確實不錯, 加上麵身彈牙, 又食唔到有鹼水味, 真係不錯!總括黎講食物質素真係頗好, 而環境都可以, 服務又友善, 價錢大眾化, 所以有機會師傅一d會再黎; 不過最難得係可以同封筆食家"今餐食乜好"坐底食番餐, 天南地北風花說月一番, 真係回味無窮, 正呀; 笑臉一定會比! 不過今次師傅唔知幾多錢, 皆因封筆食家"今餐食乜好"冇收到師傅錢, 所以師傅就此謝過便是了, 下次嗰餐就到師傅啦!…查看更多