川味雞烤魚大王 (隆亨商場)

閒日請假貪沒太多人流，和朋友打算到大圍新地標行街，朋友說要帶我去食地道好味的烤魚。我們二人點了午市套餐，可選烤魚或雞煲，再選配料。我們今次選了鉗魚，以前食開是鱸魚，所以對鉗魚好有期待，再選了肥牛，薯粉和蔬菜藍；份量足夠我們二人享用！原條大大條鉗魚，魚肉很多，厚實，但吃起來又有滑嫩口感，好好味！而且無什麼魚骨，也很適合小朋友吃！烤魚裡面還附配了一些蘿白和蔬菜。雪花肥牛看似好肥，但煮熟後，雪花和牛分佈得適中，入口嫩滑！薯粉真是絕配，索了少許湯底的辣汁，好入味，質地通透又彈牙👍🏻，總結而言，這個午市套餐性價比高。每人百多元可以吃到烤魚火鍋，豐富但又不會飽得過份。…查看更多

我住附近，查實食過呢間川味雞幾次，佢一直保持住水準，真係要讚下佢。附近有間咁正既鋪，今次想好好推介一下！佢舖頭好光鮮，都幾大，分左兩個鋪位，下午有米線食，但我通常晚上去食，真係我好鍾意食佢個酸菜魚呀！酸菜魚係鋪頭招牌菜來，二百幾好似有點貴，但查實係好抵，真係佢真係大大盆大大條魚俾你，仲要配埋薯蔔等等配料！酸菜魚一上枱，真係香到不得了！！佢魚皮經過處埋，上邊有香料仲要煎香左，我每次都要襯佢未俾D湯煮林就夾來食，真係又香口又脆脆地，好開胃的！！另外佢配既酸菜都好好味，唔係太鹹，係酸酸甜甜既，真係好開胃好味呀！另外我必定會叫涼拌粉皮，$48大大碟，佢個味麻辣好好味，真係一試難忘的，食完一口就想再食一口！我通常都會留住個汁用來點野食，叫多個薯粉加落去食，真係美味無窮。由於佢個魚都好大下，一般我一家人去食都好易飽左，最多會叫多個菜籃同牛丸，墨魚滑咁。每次試既野都好好食，佢嘅配菜，牛丸，都用上十分上乘嘅食材！今次我叫左個花枝片，新鮮又爽口，份量都大，所以我先話呢個店真係我真心推介，常去既晚飯點！…查看更多