越北牛肉粉專門店 (已結業)

一向都好鍾意食越南野，係沙田行完街夠鐘差唔多食lunch，就入呢間未試過嘅越式餐廳試下。生牛肉湯金邊粉試吓呢碗精選推介先～面可以揀河粉/檬粉/金邊粉。面底粉量好足，女仔未必食得晒。湯底濃郁但唔油膩，我飲左半碗lol牛肉約有三大片，口感都算嫩，不過我掛住食沙律，所以牛肉入口個陣已經唔算「生」。另以亦都可以自行落辣椒粒，增加少少辣嘅風味。越南海蜇沙律同平時見到嘅海蜇唔同，呢款係較少加工嘅裙邊海蜇。沙律醬汁酸甜，有大量芹菜、蘿蔔同青瓜絲，爽脆又健康。薄荷青檸梳打酸酸甜甜透心涼，加埋薄荷葉就更加清爽～整體嘅餐廳環境都舒適。午餐set都幾抵食，$80上下就包埋野飲加小食。下次想試吓撈檬。😆…查看更多

路過又見到唔多人排隊，就試一試呢間越式粉麵。我叫咗一個一人套餐，主食係牛肉牛腩牛丸粉。湯底唔錯，越式風味又唔太咸，我鍾意佢辣椒同青檸另上。牛肉片全熟，有啲鞋。牛腩片更加鞋，咬唔開。牛丸就好食，夠肉汁又彈牙，如果可以大粒啲就更加好。海蜇好爽甜，配汁酸酸甜甜好開胃。啲配菜就好大草青味，我自己唔鍾意。薄荷青檸梳打薄荷味唔重，梳打偏甜，配青檸好清新。我一向好鍾意食湯粉麵，就算夏天都忍唔住口。今次配菜好適合夏天配湯粉食，下次再黎會試埋檬粉米紙卷😋…查看更多

今日(13-3-2021 Sat)晏晝,同老公嚟攞口罩但冇晒,咁食個晏啦,原本想食牛摩,但唔太吸引就唔食,改嚟呢間,我哋要咗兩個餐同一個小食:1. 加$8.00嘅凍香茅蘆薈蜜喺好奇同戰戰兢兢之下要呢個,因為覺得用香茅做飲品未必好飲.最後係,真係唔太接受到,不過佢嘅味道已經唔係太濃同太甜.2. 加$8.00嘅薄荷青檸梳打呢個正常冇問題.3. $58.00嘅河內香茅烤雞扒撈檬件雞扒都幾大塊同juicy,香茅味唔太濃,但都幾鹹.檬粉正常冇問題.4. $68.00嘅順化湯檬有牛腩片,扎蹄,扎肉同牛肉丸o衣o家睇返menu,至知係檬粉,但老公食嘅時候係河粉.而我就只食咗啖牛肉丸,都幾彈牙同食到牛肉香味;老公話啖湯好甜,我試咗係OK,而且都唔係好辣.5. $15.00嘅越北炸春卷兩件外脆,饀料味道唔太濃亦唔太鹹,ok.抵食係2.6分…查看更多

炎熱天氣，食之無味。最好就係食粉麵。難得有相同興趣的人一齊去食。去到餐廳服務員第一時間就係探體溫，每人派個紙袋比客人裝好個口罩😷，仲有張消毒濕紙巾。好貼心的服務呀。坐低就叫左杯特飲，薄荷葉青檸梳打，好香的薄荷葉味道，感覺似mojito 。個朋友一直話要食河粉河粉河粉，所以叫左兩個都係河粉，適合喜歡食牛肉的人士食生牛肉湯河，一次過滿足我個朋友兩個願望！好味到連個湯都飲曬！跟餐加22蚊就有小食追加，今次叫咗個蓮藕蝦餅，感覺意想不到的特別，有蓮藕的口感又有蝦餅的香脆。一口咬落，一個字，正！而朋友都忍唔住一口食曬。再配上佢的香滑奶茶。好有滿足感。餐廳冷氣十足，適合怕熱的人，有種涼快的感覺！下次可以再去試試！…查看更多