光榮冰室 (厚福街)

成日見光榮冰室排晒隊 今日一試終於明點解✨蔥油雞排飯 $55好大塊雞排 大過我隻手掌 食落係外脆內超嫩滑 好香雞味又夠juicy 配埋啲香蔥勁香👍👍 推介要叫呢個✨叉燒滑蛋飯 $50個蛋炒得啱啱好 真係好滑 叉燒瘦得黎但又唔會好似柴皮咁 😋🍹橙冰茶 跟餐+$9幾好飲 似係甜嘅茶 橙味唔太出 可以唔洗特登+9蚊飲🍹西柚冰茶 跟餐+$9呢個比起橙茶比較澀 鍾意冇咁甜嘅可以試呢個嘅總括黎講呢個價錢食到呢個質素嘅野食性價比好高 不過坐得真係好逼 同埋都排左一陣隊先入到去食 但都係推薦嘅👍👍👍💰午餐人均$6x味道❤️❤️❤️❤️價錢❤️❤️❤️❤️❤️服務❤️❤️環境❤️❤️…查看更多

💛光榮冰室·呢間我哋好耐之前幫襯過一次㗎喇 記得佢個開心浩園餐好正 難得依家黎左尖沙咀呢邊翻工 就決定再幫襯下😌😌·蔥油雞扒飯 l 叉燒炒蛋飯 $50佢塊雞扒真係超級大塊 好似平時既兩塊咁😂😂而且佢都幾juicy 係邊邊位乾左少少 之後佢個蔥油都好正 撈飯一流😋之後佢個叉燒炒蛋就有少少過老啦 所以食落唔算好滑 反而入面既叉燒幾好味😎😎·#rbyeat#rby港式#rby💛#rby尖沙咀 #rby旺角 #rby九龍灣 #rby荃灣 #rby深井 #rby觀塘 #rby銅鑼灣 #rby元朗·📍尖沙咀厚福街5-6號地下6號鋪📍旺角花園街3-5號鴻威大厦地下12-13號舖📍九龍灣宏開道15號九龍灣工業中心地下4號舖📍荃灣兆和街18號地下📍深井深井村54-55號地舖📍元朗教育路44, 46及50號兆明樓地下B號舖📍觀塘開源道63號福昌大廈地下A11號舖📍銅鑼灣登龍街37號地舖…查看更多

黎呢到食嘅時候，還沒有二人限聚令，所以兩個人來吃要搭枱，兩人坐一邊，跟對面兩人之間有一塊膠板分隔，會跟對面對上眼👀哈哈。叫了這個名物蔥油雞扒飯，飯量極多，蔥油香到爆，雞扒炸到熱辣辣，邪惡但可以輕鬆食哂d飯！因為蔥油配豉油本身已經很好送飯！雞扒好滑，一d都唔會鞋口！呢個相比起就普通左d，不過茶記嚟講都算係水準以上，茄汁唔係死甜唔算好假，而且洋蔥都比得多，豬扒略顯實左d，呢碟係你可以想像到的味道，無咩特別。$48一碟飯連嘢飲，仲有呢個質素，只好多多幫襯。…查看更多

其實光榮冰室我已經食過好多次，不過今次好似係第一次寫報告。當日行到去厚福街嗰頭，見到光榮冰室咁啱冇乜人排隊，諗都冇諗即刻行咗去，平日條人龍都至少有五六個人，坐低咗冇耐之後就見到出邊開始有人排隊。同平時一樣，我都係嗌蔥油雞扒飯，不過今日想食邪惡少少，於是問侍應可唔可以多蔥油，佢話ok。介紹返個餐牌，其實仲有好多好食嘅嘢，例如佢個叉蛋飯都好正，不過我都係鐘意雞扒飯多啲。介紹埋今日個主角，塊雞皮煎到好脆，加埋雞肉啲肉汁同埋蔥油甜豉油，簡直係絕配。光榮真係性價比高，$48就有碟咁正嘅一餐。…查看更多

尖沙咀厚福街食肆臨立，經過疫情洗禮，好多餐廳結業，亦有部分街鋪重新樹立新招牌。事過境遷，「光榮冰室」仍然屹立，午餐時分餐廳門外仍然人頭湧湧。平日中午時間到達餐廳，等候嘅時間比想像中少，門口嘅人多數等緊外賣，所以好快入座。店舖面積唔大，大概有30個座位，裝修光猛。餐廳供應常餐、三文治多士、飯類意粉等常見品種；全日快餐有6款選擇，定價$48，仲有嘢飲添，凍飲仲唔使加錢，現今香港少見 😮疫情期間，餐廳推出三款外賣優惠飯盒，今日選擇有：蕃茄炒蛋飯、粟米肉粒飯，同埋太陽蛋雞中翼飯，$30-$35不等，性價比高 👍平時食開「開心浩園餐」，個名好特別呢 😏 即係招牌「蔥油雞扒飯」，加三隻脆邊太陽蛋，兩樣有齊最開心 🤤 由於今朝早餐食咗雙蛋，午餐唔食蛋lu~怕膽固醇過高 🙊「蔥油雞扒飯，多蔥油，走色啊，唔該！」=========================◊ 蔥油雞扒飯 $48 雞扒一個字，正！雞扒好似碟咁大塊，雞皮金黃色，煎得啱啱好，肉質嫩滑 juicy，切開時仲有肉汁流出～將蔥油拌入碟中白飯，辛香嘅蔥花、清爽辛辣嘅薑蓉，鹹鹹香香好送飯，對於熱愛薑蓉嘅人嚟講，薑蓉先係主角！😂=========================光榮冰室 (尖沙咀)📍 尖沙咀厚福街5-6號地下6號鋪…查看更多

🍛蔥油雞扒飯 $45食過一次外賣開心浩園餐，已經覺得好正。今次堂食發現真係超大碟，雞扒超大塊，雞皮煎到脆卜卜，雞肉極嫩滑，好食過外賣1萬倍。雖然好邪惡，但係蔥油同豉油送飯真係一流，真係好好食。仲有超級罕有嘅凍飲唔洗加錢(雖然我養生飲熱飲😂)…查看更多

/ 椒鹽豬扒飯 $46 /去親光榮冰室都會叫開心浩園餐，今次一於試吓另一款，豬扒份量多，夠哂你食成個飯，同埋佢切開哂一條條好容易食😌。椒鹽夠哂入味，撈埋落個飯到好香口，但整體都比較乾身，食落會比蔥油飯齋啲。[ 8 / 10 ]/ 蔥油雞扒飯 $46 /雞扒一如既往嘅嫩滑，肥瘦適中，雞皮帶少少焦香，連皮食認真一流🤤。成個飯撈勻薑蔥後非常惹味，濕潤度剛剛好，一啖蔥油飯，一啖雞扒，超正！[ 9 / 10 ]
光榮冰室 (尖沙咀)尖沙咀厚福街5-6號地下6號鋪…查看更多

💛Weekend晏晝黎到光榮冰室，排左二十分鐘有多先有得入😳 其實都唔使多講，黎到一定係叫叉燒滑蛋飯 ($45)/ 蔥油雞扒飯 ($45)/ 開心浩園餐 ($49)，今次就叫左頭兩樣。叉蛋飯個個滑蛋🍳真係好正好滑，食過一次番唔到轉頭🤪 叉燒就比較瘦d，岩我！ 另外既蔥油雞🐔好厚好大塊，仲要煎得岩岩好，配埋薑蔥甜豉油撈飯好好味👍🏻 兩個飯既分量都比較大，lunch會包埋凍熱飲品好抵食🤩 支持！.📍 光榮冰室🎗️尖沙咀厚福街5-6號地下6號鋪…查看更多

想食平野慳錢，尖沙咀冇咩選擇，醒起呢間光榮冰室，一於去解決晚餐。我地好早六點鬆d就到，所以唔駛等位，食完出黎就已經有人排隊，好彩早去咋。我地見到全日快餐最抵食，$45有碟飯仲包野飲，凍飲唔駛加錢添。叫左叉燒炒蛋飯配滾水蛋同蔥油雞扒飯配凍檸茶。叉燒炒蛋飯d蛋色水好靚，好黄，食得出落左好多隻蛋，食落好滑，有蛋味。叉燒有肥有瘦，份量都多，好夠食。第一次飲滾水蛋，冇乜特別，唔落糖就好似飲緊水甘。蔥油雞扒飯好重蔥油味，但雞扒幾鞋，雖然都大塊。凍檸茶有茶味，唔錯。…查看更多

今日出開尖沙咀，決定黎呢間人人叫好既冰室- 光榮冰室最近香港愈來愈多呢類懷舊性嘅冰室，通常食物質素會比較參差，但呢間光榮冰室絕對唔會令你失望❗️❗️❗️快餐選擇花多眼亂，但唯一要留意係出餐算慢，如果趕時間要自己睇路😂😂今日決定紅酒牛腩飯同蔥油雞扒飯紅酒牛腩飯 $45賣相一般，但其實好好食，紅酒汁味濃，撈飯一流，牛腩好冧，好多，整體黎講好出色😍😍但如果同呢碟蔥油雞扒飯相比，簡直係冇得比，雞扒好厚，炸得好香，唔會太濃，加埋蔥油簡直係perfect match，講真係我食過最好食既蔥油雞扒飯🥰🥰🥰題外話：佢杯茶走都係勁出色，煉奶完全唔吝嗇，好飲！…查看更多

今日嚟到尖沙咀，終於比我食到光榮冰室嘅蔥油雞扒飯。$45大大塊雞扒，仲包埋飲品，凍飲都唔洗加錢。除此之外，佢呢度嘅炒蛋叉燒飯都係好出名，值得一試。因為呢間係黃店，所以晚飲時間特別多人排隊，但係等幾耐都係值嘅！！😋❤️…查看更多

最中意呢啲麻甩野午餐1200前到$40尖沙咀地段抵啦，不過我個日就1213入去$45🥴凍飲唔洗加錢👍🏻 .蔥油雞扒飯 ($45) 凍奶茶少甜未黎就已經決定好食呢個見到IG啲想好吸引，黎到就知點解咁多人叫。係雞扒係重點，大大塊面頭煎得夠香脆，肉厚但又唔會煎到老，肉質仲係嫩，茶記黎講真係唔話得。蔥油撈飯一流，加分位係飯夠曬熱又夠多豉油🤤用嘅係甜豉油甜甜地唔會太鹹要我淨食油撈飯都得始終都係蔥油，一路撈飯會見到碗底有油，唉唔理啦好食就得😬三眼叉燒飯 ($45) 凍咖啡少甜一上就見到隻三眼仔煎得咁靚，蛋有脆邊，煎得啱我好可以蛋黃撈飯。諗住茶記又唔係專門食燒味叉燒應該麻麻啦，係爸爸個碗偷咗舊黎食，又唔錯喎衰鬼，肥瘦適中唔會乾硬。平時飲凍奶茶最怕太甜，聽聞呢間唔會就試下啦，又真係唔太甜，唔澀幾好。本身想試下我爸杯咖啡點知轉個頭就冇曬😑一滴都飲唔到.呢間雖然係茶記，但樣樣都做得幾好，齊曬香港經典野好似叉燒滑蛋飯、常餐等等，價錢又抵。重點係咖哩黃，炒蛋黃，蛋黃黃，西多黃，咁黃，唔係唔罰呀嘛。 …查看更多

唸住去食唯一上海麵，搵極唔見，明明記得係肥仔滷味隔離。原來變左呢間光榮冰室，招牌紅紙都未撕，又食新餐廳。順便講下貴租累死每一行，尤其香港飲食業。香港政府睇住d租係咁加，無能力又無智慧去處理，一早收空置稅，肯定唔會淪落到如此田地，9成香港人都活係呢個壓力底下，食碗粥都難過登天，賣廿幾蚊碗粥，點俾幾十萬租金？以前厚福街真係口福街，平貴都有得食。宜家連唯一麵檔都無埋，真係嬲到想爆粗！伙計放低張單，仲係用緊唯一的單，我估係轉型吧，茶餐廳易做d掛！唉！講番嘢食，午餐有好幾種揀，試下蔥油雞扒飯。正常茶餐廳嘢，雞扒都夠大塊新鮮，飯夠熱夠量，蔥油咪蔥油囉！OK既！但度度都有茶餐廳架啦，俾返唯一上海麵我啊，俾返我啊，俾啊，唔制啊！…查看更多