翔壽司

今次去翔壽司食晚餐，由原本嘅立食變成有座位坐，咁就可以同朋友慢慢嘆傾吓計。鮪壽司拼盤包括有：赤身、中拖羅、大拖羅、腦天、炙燒面脥肉、蔥吞拿魚腩手卷。中拖羅魚味濃郁‼️大拖羅油脂非常豐富‼️腦天魚味非常香濃，有回甘味‼️面頰肉充滿彈性，食落有啲似生牛肉刺身‼️手卷嘅吞拿魚腩蓉份量非常足，食到尾都仲有😍炙燒壽司盛盒包括有：炙燒吞拿魚腩、炙燒三文魚腩、炙燒吞左口魚邊、炙燒金線鯛、炙燒帶子。經過炙燒後，魚味更香。比較特別嘅係金線鯛，即係日本紅杉魚，魚皮上嘅紅黃花紋好突出，魚肉柔軟黏口，魚味偏淡但鮮甜☺️10件自選壽司只係$168，價錢唔算貴。點左比較特別嘅魴鮄同深海池魚。兩款都係深海魚，肉質鮮甜美味😋拖羅海膽杯喺飯上面鋪滿滿嘅一層碎拖羅，上面再鋪上肉質肥厚又大大片嘅加拿大海膽同入口卜卜脆嘅三文魚籽，真係超級滿足😌…查看更多

尖沙咀CP值最高omakase😜 雖然每次黎都要等好耐位（因為成間鋪得10個位😭），今次擇左個最抵食既「櫻 Sakura $380 」Set, 包括10款壽司+手卷+麵豉湯。.▪️金目鯛肉質細緻肥美，金目鯛厚切，爽甜新鮮肥美而不膩。.▪️北海道牡丹蝦牡丹蝦夠新鮮口感彈牙，重膠質得黎好甜。.▪️蜜柑鯛蜜柑鯛的飼料中加入了蜜柑皮, 所以食既時候會散發出淡淡的蜜柑味，沒有魚腥味，十分易入口.▪️間八魚間八魚係日本被認為最高級壽司，因為漁獲量很低，口感幼滑細膩、風味鮮甜。.▪️赤貝廚師介紹為活赤貝刺身，食落肉質爽厚、味道更鮮甜，令人再三回味。.▪️北海道海膽海膽味較濃郁，但味道就偏鹹少少，口感較豐腴，鮮甜厚實。.▪️新鮮銀雪魚第一次吃銀鱈魚刺身、想不到魚肉這麼結實、好爽口又鮮甜 。.▪️飛魚 飛魚係白身魚，入口甘香清爽，還富有嚼勁！另外飛魚肉肉質易散開，所以每片都切得又薄又透，好考師傅的專業刀工。.▪️靖魚呢度既鯖魚刺身係經過醋製的，所以食既時候唔會食到魚腥味，反而可以享受到鯖魚鮮味。.▪️大吞拿魚腩大拖羅肉質粉紅，入口軟嫩，油分多分布，筋位少，相當有咬口。.▪️蔥吞拿魚腩手卷吞拿魚腩蓉肉質軟綿， 入口即融，配上脆口的紫菜並加上芝麻、蔥花，令手卷更香，口感更豐富。.最後仲有麵豉湯送，好香既蔥蝦味😚😚$380食廚師發辦好高質又抵食😍😍…查看更多

厚福街一直都係我嘅覓食好去處有唔少嘅好西同黃店都集中喺度幾次經過翔壽司嘅時候都想試但因為好多人排隊就冇食到😭今次趁住平日六點幾未到食飯時間去碰下運氣終於可以唔洗排隊🤣🤣今日嘅目標係$380 Omakase平時$380連午市Omakase都食唔到🤣所以之前見到翔壽司$380可以食到晚市Omakase 就即刻放左入Bucket List!!!🤓小店嘅座位大約8-10個所以真係要提早黎排隊🤤$380餐包括左十貫壽司 手卷 麵豉湯呢個價包手卷其實真係好超值介紹幾款我比較深刻嘅壽司北海道牡丹蝦🦐超級大隻🤤🤤🤤🤤🤤而且食落係非常鮮甜亦有光澤唔少餐廳都會做創新調味如果想食比較傳統同原汁原味翔壽司就比較適合🤣赤貝平時我好少食貝類壽司覺得冇咩鮮味但食完翔壽司個赤貝發現應該係之前未食到好食材因為真係鮮味十足 而且肉質彈牙令我好想再食貝類😭😭燒新鮮銀鱈魚呢樣食材比較少見師傅亦強調係新鮮銀鱈魚味道絕對同急凍嘅有分別再以灸燒帶出銀鱈魚油香食完成口都係魚油香🤩最有心思係師傅下一樣比左較清淡嘅伊佐木 清一清油膩係編排上都見到心思的確同銀鱈魚好大反差為味蕾帶黎豐富層次北海道海膽十分飽滿顏色亦有光澤不過食落味道同平時食嘅海膽有唔同我諗用嘅海膽種類較特別較少海水鮮味反而甜味比較重😆😆壽司部份以蔥吞拿魚腩手卷收結強調多次呢個價位晚市仲有手卷真係好抵而師傅亦好細心😍關心客人會唔會太飽 因應情況放飯量拖羅蓉份量多 就黎瀉出黎食完完全夠曬飽不過可能掛住影相影耐左紫菜就唔脆了😭😭所以提提大家唔好好似我咁掛住影麵豉湯都係家常野但師傅特別講原來個湯用左岩岩食嘅牡丹蝦蝦頭熬製多左蝦嘅鮮味🤤🤤亦處處都見到食物編排嘅心思整體黎講翔壽司Omakase比較保留材料原味未有太多創新調味當然如果係omakase發燒友呢個餐就未必適合你喇但如果作為體驗下Omakase 呢個價位就非常適合喇😆😆…查看更多

港女嘅我日日食日本嘢都唔會食到厭🤣，呢晚一嚐想食多時嘅「翔壽司」。小店座落於尖沙咀厚福街，食街食肆林立、競爭相當大，不過佢仍能站穩一席位！星期三嘅晚上八點鐘，大約要等十分鐘先有位。餐廳環境好細，一眼睇哂，座位只係得十個左右，所以要等位都好正常。不過我認為尚算坐得舒服，唔會太窄，枱面放食物啱啱好夠位，枱下就設有掛鈎掛袋🛍。食物選擇有單點壽司、刺身、丼飯以及壽司盛盒。另外更設有平民版廚師發辦，$380或$450一位。自己想食乜，隨便揀，豐儉由人😉。鮪壽司拼盤($280)，鮪魚即係呑拿魚，一客有六款，包括唔同部位，一齊食就可以比併邊款好食啲。5️⃣五款壽司左至右分別係炙燒面脥肉、腦天、赤身、中拖羅同大拖羅，額外再搭件蔥吞拿魚腩手卷。個人無乜印象有無食過呑拿魚嘅面頰肉同腦天🤔，前者即係指面珠墩，後者則指頭頂位置嘅肉。由於面頰肉(圖左一) 筋位相對多啲，所以師傅將佢輕輕炙燒過，燒完出嚟油香滿滿，好食😋。腦天(圖左二)脂肪含量高，因此魚味極濃，口感軟綿。赤身(圖左三)色澤好靚，食落爽口，無多餘嘅筋。接住就係兩款拖羅，我比較鍾意大拖羅🐟(圖左一)，因為油脂明顯多啲同回味啲。老實講幾款之中，我對拖羅以外嘅三款更為欣賞，可能關有喜出望外嘅感覺事？蔥吞拿魚腩手卷嘅魚蓉超多，咬到落底部都仲有餡，雖則我平日好憎食蔥；但手卷例外，連埋蔥同芝麻食特別香口☺️。北海丼($188)，丼飯俾我嘅第一個感覺係好足料同好大碗🍚，男仔食佢應該會飽肚啲，哈哈。刺身包括三文魚、牡丹蝦、帶子、蟹肉、海膽同三文魚籽。每款刺身都幾新鮮，特別係牡丹蝦🦐，蝦頭啲蝦膏好鮮甜，帶子亦都夠厚，唔錯。不過講到配飯最正嘅莫過於三文魚籽，因為每啖都爆哂漿，好過癮🤤。火炙三文魚($9/件)，🔥火炙壽司不嬲都係賣飛佛，加上上述食物無任何一樣係炙燒，所以點都要嗌返件食下。炙燒燒得好均匀好靚，但可能唔係食魚腩位，所以油香真係爭少少。飛魚籽手卷($20)，今次即食手卷，所以可以確定紫菜係脆嘅✅。飛魚籽好食，因為係大粒嗰種，咬落好爽。總括嚟講，壽司翔🍣真係幾唔錯，食物質素不俗，無邊樣食物會令人失望。食物以外，店員服務非常好，有禮貌不在話下，仲要勁專業，師傅介紹完幾款呑拿魚後，女店員亦不忘再提醒，兼解釋魚肉嘅部位，用餐過程中佢不斷幫客人添茶🍵，抵讚👍！…查看更多

早前晌中環一家居酒屋，就試過一款好抵嘅「廚師發辦」（Omakase），包括先付、刺第六點、壽司六貫、季節湯品及甜品，定價六百多一位。如果有試過「廚師發辦」嘅人都知，有番咁上下質素嘅，千零蚊落樓喺常事，就算非旺區嘅，$800、$900位都好正常。但晌尖沙咀厚福街嘅「翔壽司」，就可以平平哋體驗一下「廚師發辦」嘅趣味，就喺有食友早前去試過，大讚性價比高，試一試，睇睇佢有無機會成為一家耳熟能詳嘅壽司店。有食友曾到訪過，亦大讚其刺身夠新鮮，並話呢度之前喺立食，依家就改為有櫈坐。而室內環境唔大，L型壽司吧枱，可以直接跟師傅交流，大概10個位左右，一眼睇晒，掛有少少和風嘅吊飾。雖然無影出嚟，但枱下有掛勾，可以掛住啲背包或手提包。唯可惜前面喺擺魚生嘅凍櫃，未能直接欣賞到師傅捏壽司嘅手勢。上文都講過一心嚟試「廚師發辦」啦，果然真喺堅抵，共有兩款「廚師發辦」俾客人選擇，分別喺刺身4點、壽司7點、手卷、麵豉湯，只喺$450位；另一款喺壽司10點、手卷、麵豉湯，只喺$380位。無論刺身、抑或壽司，款式都喺少接觸嘅，想一試「廚師發辦」，「翔壽司」喺抵玩嘅入門。$380 / $450對唔少人都可能覺得有點貴，但依家餐廳推出「冬季大割引」，只要按讚及跟蹤店家嘅FB或 IG，就有全單八折嘅優惠，喺咪好正先！刺身4點打頭陣嘅先嚟刺身3點，包生銀鱈魚、鹿兒島鰤魚、北海道牡丹蝦，擺盤非常之靚，而山葵都喺用上日本嘅新鮮山葵即磨而成，絕無欺場。而之後，師傅就親自遞上第4點：大吞拿魚腩。生銀鱈魚因為老婆幾鍾意食銀鱈魚，所以，過往食銀鱈魚都食過唔少，不過，「生」嘅都喺第一次食，雖然話「生」，但就有少少火炙過嘅。外皮有點點脆口，而魚肉則有點點似食燒銀鱈魚咁，依然保持嗰份嫩滑及油潤。鹿兒島鰤魚睇見其粉嫩嘅淡紅色，唔介紹初時仲以為喺啲中拖羅嚟。鰤魚貴為日料嘅頂級食材，不過，一直未接觸過，皆因好講時令，而「翔壽司」嘅「廚師發辦」就以時令魚為亮點。估唔到啲鰤魚口感都幾鮮滑細膩，油脂亦幾豐腴。北海道牡丹蝦寫到明牡丹蝦嚟自北海道，就喺想話俾客人知，唔怕你貨比貨，最怕你唔識貨。牡丹蝦嘅外觀晶瑩亮麗，喺新鮮度嘅指標。沾少少醬油，鮮甜度更突出，而肉質黏黏哋卻又帶有爽身嘅口感，無疑又喺靚貨嚟。大吞拿魚腩伴紫菜點解唔同其他3款刺身一齊上碟，因為食法有別，師傅一早以極脆口嘅紫菜包住一大件大吞拿魚腩，再遞到小弟面前。件大吞拿魚腩嘅油花極重，分佈平均。老實講，件大吞拿魚腩真喺幾有入口即溶嘅感覺，而且，油脂好油潤。鰻魚BB壽司接落嚟，就會開始品嚐壽司，7款壽司逐點登場。鰻魚BB（穴子苗）以前都曾試過，不過，主要喺刺身多。啲鰻魚BB好雪白，幼細而透光，其實無乜味，故加咗少少甘筍蓉同蔥絲嚟提味，入口亦好滑溜，帶點清爽感。活北寄貝壽司活嘅北寄貝都唔喺第一次食，跟熟嘅喺好唔同，入口喺煙煙韌韌，卻又有種爽口嘅口感，做成壽司，亦都好好食。提到呢度搓嘅壽司，飯粒黏糯有米香，而且，鬆緊度啱啱好，唔會「實崩崩」，但又唔會一夾就散。北海道海膽軍艦海膽呢種食材唔使多介紹，而嚟自北海道嘅貨色，質素就更加唔使點懷疑。海膽晌壽司飯之上堆到滿滿，絕不欺場，入口甘香豐腴，質感綿密細膩，紫菜亦十分之脆口，要趁快食，否則紫菜變腍就大打折扣。針魚壽司睇外觀，刺身顯出一線銀光，感覺好靚。師傅話針魚本身屬於淡味嘅魚類，所以，特別伴上薑蓉、蔥花嚟提味，故此，入口有份小清新嘅感覺，至於針魚嘅口感，則帶點柔韌，爽身，跟帶油脂嘅魚種真喺明顯幾有分別。花魚壽司「花魚」真喺好陌生，第一次聽，第一次食，上網查過吓佢嘅真身，但都唔確定到喺點。至於做成壽司，食落就感覺頗有油香，好嫩滑，味道幾唔錯。剝皮魚壽司一聽剝皮魚小弟第一時間只諗起「打冷」時嘅大眼雞，咁實際當然唔喺嗰啲啦，色澤雪白，面頭放有少少魚肝蓉，可以話喺精華之一。入口，剝皮魚嘅魚肉又幾鮮味喎，而且，頗為彈牙添，喺予人感覺幾爽嘅魚種。火炙吞拿魚鮫壽司平常講吞拿魚鮫，都喺一大件就咁燒完奉客，印象就未試過做壽司，今次就以吞拿魚鮫起肉，再以火炙處理，睇見啲線紋，以及表面嘅油潤感，已好誘人。的確，件火炙吞拿魚鮫壽司好正，油潤芳香。蔥吞拿魚腩手卷接近尾聲，怕你唔夠飽，就奉上大大件嘅手卷，雖然捲起咗睇唔到，但裡面着實塞滿好多吞拿魚腩，並伴以蔥花及白芝麻提味。一咬紫菜就應聲脆開，而吞拿魚腩刴成蓉，綿密鮮味，油香慢慢晌口腔內溢出四散。麵豉湯食咗多件刺身及壽司，都喺時間飲碗熱湯嚟暖番吓個胃。不過，個麵豉湯就做得較平實，味道夠穩陣，麵豉嘅濃香度不俗，但就唔算有咩驚喜。除咗「廚師發辦」，都有好多單點菜式嘅，如壽司、卷物、刺身、手卷、海鮮丼、小食、飲品、啤酒、清酒……等等。此外，仲有啲壽司盛合啦、手卷盛啦、海膽杯……等等特色嘢，另外，兩種自選壽司組合（10 / 12件），亦喺非常人氣嘅選擇。自選壽司10件 $158友人就揀咗自選壽司10件，因為一來夠自主，二來平啲吖嘛。從30款壽司或軍艦中，揀出心水嘅10款都唔喺易事，又要揀啲自己啱食，但又想揀到啲貴價嘅款式，最後，點咗八爪魚壽司、熟蝦壽司、火炙三文魚壽司、油甘魚壽司、深海池魚壽司、魴鮄壽司、帶子壽司、赤蝦壽司、火炙金線鯛壽司、牛油果沙律軍艦。睇見每件壽司都喺色澤光亮，已知道用料不賴，友人試完之後，亦讚賞用料夠新鮮，絕對無令人失望。以往食過啲高檔次嘅「廚師發辦」，會有埋精緻嘅前菜三味、臨尾嘅和果子或日本生果，雖然晌「翔壽司」嘅「廚師發辦」去走咗呢啲嘢，但魚生嘅質素相當高，其性價比自不然高。兩位年輕嘅妹妹仔，做嘢勤快，添水收拾都好自動波，服務好唔錯，只喺略嫌上菜有點點急而已。寫呢篇食文之時啱啱喺大年初一，宅晌屋企，趁尾都祝大家如意吉「翔」，即喺希望大家生活得美滿稱心！…查看更多

朋友邀請一齊去試日本嘢，因為試咗人生第一次既Omakase Sakura，由於本人比較少食魚生，結果有被驚喜到在門外看，門口不大，一不小心就會miss，裡面只有幾張凳圍住細細既吧枱，上菜時師傅會將食物擺喺吧枱對上既位置，食物都係精緻，一口份量食客可以用枱面既點餐紙散叫或者有選擇困難症可以有2款厨師發辦選擇（2個唔同既價錢）。全部魚生都好新鮮，完全冇腥味，魚肉軟熟，好滑師傅會為每一件壽司簡介一次，會就住大家食嘢速度上菜。如當日menu上item缺貨會以另一食材取代。細細間鋪頭完全照顧到每位食客需要，希望之後都保持到水準…查看更多

廚師發辦可算是最高級的日本料理之一，而在香港隨便一間都要價逾千元，對於學生或平民百姓而言可謂遙不可及。近年開始興起立食壽司，而位於尖沙咀厚福街的翔壽司向來備受好評，但這次來到發現店內已經增設座位，雖然無緣一嘗立食風味，但這舉無疑能令食客用餐更加舒適。廚師發辦只需$380一位，比起坊間便宜約兩三倍實在令人難以置信，包括十款壽司，而款式亦會因應季節有所不同。金目鯛壽司。北海道牡丹蝦晶瑩剔透肉質彈牙。赤貝爽脆鮮甜。生銀鱈魚油脂豐富，炙燒過後進一步逼出油香，絕不比大吞拿魚腩遜色。油甘魚腩軟嫩鮮美。海膽色澤金黃飽滿，甘香濃郁。鯖魚魚味濃郁，配上昆布清爽得多。季節限定的花魚略經燒香，肉質軟綿。池魚配上薑蔥鮮味更加濃厚。大吞拿魚腩肥美油潤、脂香豐腴，入口即化。蔥吞拿魚腩手卷上舖滿堆積如山的蔥吞拿魚腩蓉，口感綿密豐潤而紫菜亦保持香脆。味噌湯加入蝦頭熬煮增添鮮味。意猶未盡更加點了一份炙燒壽司盛合($118)，包括有炙燒金線鯛、炙燒左口魚邊、炙燒帆立貝、炙燒三文魚腩及炙燒吞拿魚腩。當中又以最後三款壽司最得我心，炙燒過後逼出魚油更加香氣四溢。雖然這裡始終面積不大，環境未必能夠媲美高級日本餐廳，但單論食物水準卻絕不遜色，如果著重食物大於環境的話，這裡絕對是物超所值的不二之選。…查看更多

是日和友人high tea睇戲,完場晚飯時間見還未算肚餓於是決定搵間壽司店輕鬆食。想起厚福街內有一間小型壽司店,全店只有一張長bar枱,約10個坐位。6點半到達已見小店滿坐,等了30分鐘終於到我地啦!!在等候時間已經和友人決定好!要一個鮪壽司拼盤+上壽司盛合鮪壽司拼盤有普遍的赤身,中腩及大腩位置由油脂最小的赤身開始順序食,腩位呈淡粉紅,新鮮非常。拼盤其中之一重點-腦天腦天即是吞拿魚的後腦部分,在香港的餐廳比較罕見。其特色是粉紅,由於不是腩位,有小許筋肉,口感煙韌,魚脂卻像中TORO一樣豐富。另一重點-炙燒吞拿魚面脥肉跟前者一樣魚油滿佈,師傅輕輕在表面炙過,魚油香再帶點燒焦感。上壽司盛合亦非常出色,以這價錢可以品嚐的如此高質的壽司真的無可挑剔…查看更多

今日又同另一半孖住去左尖沙咀厚褔街覓食。平時夜晚經過翔都要排隊，今日可能因為早嘅關係比我見仲有位，咁我地梗係即刻入去啦😆我地今日食lite啲，所以唔係叫左好多野食或者飯，食到剛剛剛好就very good👍🏻先黎個二人前精選刺身 三文魚-色澤好靚油甘魚-好肥美，仲好厚身牡丹蝦-好甜、好好味池魚-好新鮮，一啲腥味都無👍🏻帆立貝-好大片仲好厚肉，味道鮮甜😋蔥吞拿魚腩手卷 呢個真係吞拿魚腩黎㗎，因為佢比一般吞拿魚蓉肥美，油脂味道更濃、更香。而且我仲係手卷中食到wasabi😮師傅意然係飯與吞拿魚中間加入左wasabi，可見細心同用心，好似去左日本食壽司咁，只要加幾滴醬油係手卷面就食得👍🏻另外，我地仲散叫左啲壽司🍣金目鯛-清甜，口感一流👍🏻👍🏻👍🏻赤蝦-蝦味濃、好香甜，而且師傅已除蝦尾，可以一啖食落肚🥰鯖魚-呢款我令我好驚喜🤗因為另一半好鐘意食鯖魚，所以點左2件，佢食左一件后，叫我點都要try try🙄我一食🤭個味道都係幾好味😋鯖魚有一片紫蘇同醃蘿蔔，靚得黎味道仲好夾，果然無介紹錯😚活北寄貝-味鮮，爽口秋刀魚-魚肉比我想像中肥美，好味😋但作為晚餐，份量剛剛好，而且種類豐富，食材新鮮，係唔錯嘅選擇😊…查看更多

今天全是畫圖，改圖，忙得不可開交，水也沒怎麼喝，本身約了朋友吃飯，她見我這麼忙索性晚餐吃立食壽司，慰勞辛苦工作的我，吃完可立即回家休息，明晚再吃別的慢慢聊。翔壽司有散點壽司，$158自選壽司10件和$380廚師發辦，我們分別點了$158自選壽司及$380廚師發辦，既可以嚐到自己喜歡的壽司，亦可以吃到廚師推介嘛。我們自選了三文魚腩壽司，油甘魚壽司，真鯛壽司，深海池魚壽司，辣味帶子軍盤，帶子壽司，火炙左口魚邊壽司，火炙金線鯛壽司和火炙帶子壽司，這堆壽司很不錯，鮮度破表，我就不多介紹自選，想集中分享廚師發辦的，因為廚師發辦的比較特別。首先出場的壽司是金目鯛，金目鯛粉嫩的色澤給人柔和感，吃起來卻嫩中帶有絲絲脆感，鮮味方面很不賴，我們漸漸期待之後的壽司。深海池魚壽司可算是廚師發辦的重頭戲之一，晶瑩剔透的深海池魚吃起來嫩中帶有微微彈性，魚味極為厚重，略有一股魚油溢出，教人念念不忘。北海道牡丹蝦壽司師傅細心處理，把蝦尾去掉，吃得方便，不用啃殼。牡丹蝦口感爽彈，絲絲鮮甜飄盪著，多麼優秀的一道蝦壽司。赤貝壽司很重海鮮味，猶如潛入深海吃到的味道，完全不用沾點芥末醬油吃已味美萬分，赤貝有著迷人的紋理，肥美富彈勁，是晚三甲之一。火炙鱈魚壽司驚喜連連，肉質幼滑細緻，細細咀嚼，鱈魚的鮮香在口腔飄散，然後轉化成鱈魚獨有的甜美，火炙鱈魚壽司絕對是令人歡喜的一道壽司。北海道海膽壽司素來是壽司皇牌之一，海膽一出，誰與爭鋒? 在北海道出產的海膽濃郁無比，甜甜的滋味簡直是人間美味，就像處身於大海之中。火炙左口魚邊壽司嫩到入口即化，左口魚邊輕輕火燒逼出其油脂，淡淡的油香令人愛不惜口，所以我們在自選壽司亦有點火炙左口魚邊壽司，足見它的魅力。生鯖魚壽司外形跟其他壽司與眾不同，以亮透的海帶蓋於生鯖魚上，中間夾著一片紫蘇葉。一口咬下生鯖魚壽司，海帶的海味，紫蘇葉的清幽與生鯖魚的甘甜配合得天衣無縫。火炙吞拿魚面頰肉壽司應該滿矜貴的，面頰部份肉不多，真是大飽口福。炙燒過的吞拿魚面頰肉都被融化，更顯它的細膩感，美味極致。大吞拿魚腩壽司一入口的時候，明顯感覺到大吞拿魚腩的嫩，接著湧入味蕾的是它的脂滑感，壽司醋飯渾厚深層的酸跟大吞拿魚腩非常合拍。蔥吞拿魚腩手卷絕不輸給大吞拿魚腩壽司，朋友覺得手拿手卷品嚐更具風味。吞拿魚腩切得小小的，均勻釀入醋飯裡，撒上細細的蔥花，以脆脆的紫菜包覆，色香味俱備，充分感受到吞拿魚腩的綿軟。一般人聽到味噌湯，必定聯想到死鹹的味道，但翔壽司卻善用蝦頭，與滑溜的豆腐，湯帶，味噌熬煮，意想不到的清甜，超讚的味噌湯，不一會被我喝光光，是晚大滿足。…查看更多