熊本牛鍋 (世宙商場)

同朋友喺元朗搵地方打邊爐，試咗「熊本牛鍋」個任食不限時澳洲和牛套餐，唔單止可以坐低慢慢食，仲有勁多選擇。📍整體體驗：抵食+舒服座位夠闊落，拎配料同斟野飲都好方便。最驚喜係個價錢，五周年優惠價$280（原價$308）已經包埋澳洲和牛、雞煲、蒸海鮮仲要免加一，真係幾抵。🐔雞煲惹味一坐低就先食個和風雞煲，啲雞夠入味，食完之後店員會幫手加湯做火鍋湯底！另外送咗個蟲草花烏雞湯，好適合冬天，就咁飲返碗湯都好滿足。🦪隱藏福利：打卡送海鮮餐廳仲做緊優惠，我地跟指示like & share咗佢哋專頁，竟然免費送咗盤蒸海鮮！有鮑魚、扇貝、生蠔，款款都幾新鮮，個鮑魚仲好彈牙，呢個福利幾有誠意。🥩主角和牛有質素叫咗個澳洲M4-M5和牛，油脂花紋幾靚，輕輕一淥就食得，入口好軟熟，牛味都夠。另外試咗牛白肉，口感爽脆，幾有特色。🍲總結嚟講呢個價錢有齊雞煲、和牛、任飲任食，再加埋個蒸海鮮同無限時，成個體驗好滿足，已經約定朋友下次再encore！…查看更多

估唔到朗屏都有好嘢食😋車站行5分鐘就到！熊本牛鍋（高質牛肉，火鍋配料，飲品任點）澳洲M4 和牛套餐 $260/位皇牌套餐 $230/位‼️打卡仲送一籠蒸海鮮🦐即叫即切M4M5和牛，牛肩胛，牛白肉…和牛超正，夠薄夠牛味。除了和牛，仲有一煲雞煲，個味調得剛剛好，好味！另外打卡仲有免費蒸海鮮，有鮑魚，有蝦，有聖子，超吸引！仲有其他配料，有手打丸，雲吞，水餃！無限時無加一無限量#朗屏美食 #元朗美食 #朗屏必食 #熊本牛鍋 #世宙…查看更多

🍲 澳洲M4-M5和牛套餐（$308/位）套餐有日式和風雞煲，食完雞煲之後可以加湯打邊爐，無限時任食澳洲M4/M5和牛、牛白肉、頂級牛肉、牛肩胛，保濕豬豚肉同雞肉🥘 雞煲好足料，除左有大大件啖啖肉嘅雞件之外，仲有紫薯、紅蘿蔔，洋蔥同豆卜，味道甜甜地惹味得嚟帶少少辣🦐 而家只要CLS(Comment Like Share)餐廳嘅ig page即可免費獲贈蒸海鮮（每日數量有限，送完即止）餐廳會為有預約嘅客人優先安排，唔好以為餐廳免費送嘅就會揸流攤；海鮮有鮑魚、大蝦、扇貝，蠔同蒜蓉蟶子粉絲，份量十足仲好新鮮；鮑魚彈牙，蝦肉爽口，蠔好飽滿肥美，蟶子鮮甜🥩 肉類方面，牛白肉爽口有嚼勁；和牛油花分佈平均，入口即化，牛肩胛肉質比較結實，牛味香濃；保濕豬豚肉相對普通豬肉鬆軟同肉汁豐富🥬 火鍋配料方面，無論係平時打邊爐唔少得嘅丸類，餃子、菇菌類，蔬菜定係主食都一應俱全應有盡有🧃 飲品方面主要係罐裝飲品比較多，無論係啤酒定非酒精飲品都一應俱全，樽裝飲品方面有餐廳自家製嘅冰糖紅棗燉雪耳同夏枯草，烏龍茶同韓式燒酒🍮 甜品方面有雪糕、藍莓奶凍、豆腐花、木糠布甸、冰粉，啫喱杯同燉蛋💰 而家餐廳做緊快閃優惠，$278皇牌套餐/$308澳洲和牛套餐二人同行一人半價，我同朋友埋單嘅時候見到平左真係好驚喜同埋110cm以下嘅小童星期日至四仲可以免費添🆓…查看更多

凍冰冰最啱就係打邊爐🍲 記得之前喺附近食野嗰陣發現到呢間嘢，已經俾佢個名吸引咗🐻 最喜歡就係任飲任食同無限時，因為食咩都得😉 又唔洗趕頭趕命🥵～ 宜家打卡仲會送蒸海鮮添🦞 但係聽講數量有限，記得ʙᴏᴏᴋ好位先啦😍◾️澳洲ᴍ4-ᴍ5和牛套餐🐮今次揀個中間價位～ 二人同行一人半價勁抵呀🙌🏻 先食咗個日式和風雞煲～ 對比港式雞煲無咁辣🤭重頭戲當然係任食嘅澳洲ᴍ4-ᴍ5和牛、牛白肉、頂級牛肉、牛肩胛、保濕豬豚肉🐷 澳洲ᴍ4-ᴍ5和牛嘅油花好靚🙈 啲牛肉唔會切到好薄🤤珍貴嘅牛白肉超有咬口，滿滿嘅牛油香味😋加埋自助嘅火鍋配料，食完唔驚唔夠飽😚▫️蒸海鮮🦞估佢唔到原來送嘅海鮮種類都好多下🤩一籠仔入面有鮑魚、扇貝、大蝦、生蠔🦪… 配上蒜蓉辣椒好吸引🌶️ 最緊要係質素唔差，一啲都唔ʜᴇᴀ😌…查看更多

食雞煲定打邊爐好? Why not both!先雞煲，後火鍋啦。熊本火鍋😍嘅和風雞煲無限時火鍋放題，丸類菜類齊全，仲有炸物， 任食雪糕同甜品🌸打卡CLS 即送免費蒸海鮮🦐海鮮原籠上，認真震撼，有齊蜆扇貝蝦鮑魚，師傅教落水滾正七分鐘就食得，蒜蓉勁香不過數量有限，送完即止~提早預約會優先安排🌼🐥雞煲雞件份量約1/4隻雞，唔會太多太少，有quota食其他配料。肉質嫩滑，吸收晒湯底嘅味道。唔會太麻、容易入口，適合唔食得好辣嘅朋友仔。當月生日嘅話，WhatsApp提早預訂， 4人或以上，壽星即可免費$268皇牌套餐/$298澳洲和牛套餐*所有套餐冇限時‼️🥩澳洲和牛牛肉有多款唔同部位，油花分佈均勻，肉味恰好，但脂肪平均夠肉汁，肉質纖維厚，具咬感，口感豐富。🐷豬豚肉豚肉呈淡紅色，油脂平均，肉質柔軟，口味鮮甜、清爽但唔油膩。🫶火鍋配料好多野揀，生菜大推！超新鮮清爽。牛丸、芝心丸、響鈴就必叫㗎啦！🌿甜品啫喱有三層顏色，勁有心機整！藍莓奶凍好滑，飯後甜品最佳選擇。…查看更多