南駅 (已結業)

星期五晚上同左個友人去東大街食野，遠處一望依間餐廳感覺幾特別，同其他餐廳好唔同，感覺依度比其他餐廳闊落！一入到餐廳，環境好似去左西餐格局！見好多人排隊等位，相信依間都唔差🤔🤓唔怪之得，門外餐牌原來都show左好多款選擇：中、日、西式新派菜裝修都算喺咁，雖然坐位與坐位空間都近，不過依度都算坐得舒我地主要叫三樣試試：黑松露海膽凍豆腐$78依個頭盤賣相都算有特色👍🏻 豆腐切得都幾簿片，食落都算幾滑，豉油汁配埋海膽黑松露非常夾！開胃小菜之選👍🏻第二樣叫左蒜香海鲜籠仔糯米飯$68賣相很棒，色香味一流！糯米飯堆滿香蒜，糯米飯粒都幾煙un，再加厚身帶子、蝦肉、珊瑚蚌同蟹棒，相當惹味!之後我地又叫另一款梅菜豬頸肉籠仔飯$68不過味道就唔夠海鮮果款咁好食，梅菜味同豬頸肉配搭不過不失，醬汁比較多，如果下次落少D可能好D無咁咸。不過整體餐廳都有好多款fusion菜未試，南駅勝在菜式選擇多、囗味多變化！下次都會試下點海南雞飯…查看更多

今日又過一天健康人生。早上起床行山去。終點於大浪灣。乘紅頂小巴出筲箕灣尾，當然到出名的東大街食街醫肚。行過南駅，由於還末到放午飯時間，早前看開飯啦食評，得知海南雞飯非常出名，立刻入座一試。店子不算大，隨著放午飯時間一到，很快就座無虛席。侍應生的服務也很到位。海南雞飯是招牌菜，可以選配雞肶，是退了骨的，份量不多，雞肉鮮嫩，入口軟滑，有雞味。蒜香海鲜籠仔糯米飯，蝦，帶子配糯米，入口後，滿滿的蒜香，軟軟的肉，好味！鰻魚籠仔糯米飯，以$68的價錢，鰻魚都算大塊，醬汁惹味，糯米飯份量不多，還好適合肚子小小的我們。整體，物有所值，美味！…查看更多

筲箕灣既東大街又名美食街, 之前睇完金剛小儀介紹一直都想過來試下今次就先到呢度既人氣店南駅試下 原本想試海南雞飯, 但聽到店員推介最新出左火鍋set, 好似好吸引咁, 所以就改變主意一睇相已經比牛肉鍋d 牛肉紋理吸引住 係咪靚肉真係有得睇, 所以好多放題任食火煱已經吸引唔到我 湯底有泰式冬蔭公同北海道3.6牛乳, 由於朋友唔食得辣所以選左後者上到來店員好貼心咁提示安格斯牛肉係湯底滾左5mins 內食, 如果唔係會好鞋, 而牛柳粒就要多於5mins 至好食個人比較鍾意牛柳粒, 牛肉味好香濃~ 朋友就鍾意滑d 既牛肉其他配料有好少見既黑松露丸, 食落真係有淡淡blk truffle 味, 正 仲有芝士丸, 午餐肉, 蟹子丸, 魚皮餃, 冬菇, 金菇.... 份量都好夠架. 而當中娃娃菜就同個湯底最match 牛乳既香味加上娃娃菜本身天然既甜度, 唔錯 ~ 我地食完, 最後仲飲左碗湯底 另外叫既蒜香海鮮飯係朋友之前search 完好想試既 上來見到面上滿滿既海鮮已經心心眼有新鮮既帶子, 蛑肉同蝦仁帶子好大一粒, 好新鮮 糯米飯配上鼓汁同海鮮好惹味黑松露海膽凍豆腐切得好薄~ 真係少d 刀工都唔得 豆腐配上黑松露同海膽好香 :) 而且好大碟, 我地食到最後一刻先食完聽聞呢度除左主食, coffee 都好掂 咖啡癮起既我緊係要試下order 左既caramel latte, 首先拉花合格~ 飲落foam 好幼滑, coffee 香濃, 入口有回甘 真係知唔到係餐廳會飲到好似 cafe/ coffee shop 咁高水準既coffee 贊…查看更多

筲箕灣東大街，近年已變身成一條食街，各國菜餚大小食市紛紛進駐，之前和朋友途經，見到一間門面寬敞，裝修時尚的餐廳，坐位舒適，主打不同國家的創新菜式，如黑松露醬海膽凍豆腐，鵝肝多士，鰻魚籠仔糯米飯等，大家看完menu都躍躍欲試。內裡裝修時尚，中西合壁，座位與座位之間有充足空間，坐得舒適。這裡主打的海南雞飯很專業，細分了兩個雞種，分別為龍崗雞和清遠雞。龍崗雞黄油豐富，皮滑肉肥；清遠雞皮爽肉嫩，雞味濃郁，各有特色。我們點了一客清遠海南雞飯，賣相精緻，透明的長方玻璃大碟，分開了不同間隔，海南雞，油飯，清湯，雪耳，蔬菜，跟三款不同的醬汁，一目了然，單是賣相已叫人期待！海南雞以傳統涼菜做法，滑溜的雞皮底下油脂不多，冰涼爽脆，色澤金黃。而以清遠雞入饌食落肉身嫩滑多汁，雞皮爽滑，雞味濃郁，帶着點點鹹香。附上的醬汁也是海南雞飯的靈魂之一，黑醬油質地濃稠，顏色烏卒卒，濃甜中帶豆香。泰式辣汁，帶青檸的酸，微微的辣，清新開胃。辣椒醬是加了薑蒜打成，帶渣粗糙的口感，與嫩滑雞肉形成對比，微辣的味道點出了嫩雞的鮮味。三種醬汁各有千秋，伴著雞件來吃，好食到連骨都想吮埋。油飯做得爽口而粒粒分明，散發著清淡油香，不太油膩，較適合女士或注重健康飲食之士，但就個人而言覺得雞油不太夠，過於健康，反而欠缺了海南雞飯的油飯精髓，雖然是這樣説，但其實還是很美味的。伴碟的豆角和甘筍鮮甜脆口，讓濃膩的口感暫停一會，添上了菜蔬的清新。值得一提是菜式設計以茶壼盛載著清雞湯，讓客人自行倒入放有雪耳的湯碗內，這個意念令成道菜的觀感豐富提升了，有著高級餐廳的風範。清雞湯處理得清徹見底，一點油也沒有，帶著濃而清香的雞味，清去了油膩感之餘亦為整道菜劃上完美的句號。除了海南雞飯外，我們當然還試了幾款其他的小食及主餐。黑松露海膽凍豆腐將嫩滑豆腐切成薄片，廚師刀功細膩，質感細緻幼滑，豆味濃郁清香，配上矜貴的黑松露和海膽，海膽肥美滿有海水鮮味，加上黑松露醬的獨特香氣，三種獨當一面的味道一起溶入口中，味道出奇地相襯，點上微甜的醬汁，那種鮮甜遇上濃郁再碰上清新的感覺，實在非筆墨所能形容，簡單的搭配已顯出師傅級的功架，成就出一道出色的美食。一口炸芝士一般只能在西餐廳或意大利餐廳才食到的炸芝士，在這裡居然有得食，只是内餡的芝士由原先的Camembert Cheese變成了日式的軟芝士，沒有了芝士拉絲的盛況，但卻多了一份奶香軟滑，仍足以使人食唔停口。蒜香海鮮籠仔糯米飯海鮮雜錦配上中國風的蒸糯米飯，放在荷葉上，以日式木蒸籠盛着一起蒸，賣相特別。海鮮雜錦不是一般茶餐廳的雪藏下欄貨式，而是大大隻的蝦仁配上帶子，以蒜蓉調味放在糯米上同蒸；糯米飯蒸得熱辣辣，海鮮的精華滲透其中，一團團的軟糯煙韌有嚼勁。淡淡的荷葉香搭上濃烈的蒜香，配合海鮮的鹹香及糯米的米香，基本上不需添加其他的醬汁已十分惹味，完全憑藉食物的原味已全面俘了我們的味蕾。馬來咖喱吉列厚切豚肉飯原先對這道主食沒有太大期望，只是大家想吃點剌激的食物，所以點多道咖喱來滿足口慾，想不到一端上來已令大家眼前一亮，擺碟異常的美觀，直追高級餐館的水準，加上吉列豚肉外皮炸得金黄酥脆，足有差不多一吋厚，咬落鬆化多汁，完全唔會韌，配埋微辣的馬來咖喱及鬆軟白飯，濃香惹味，一點也不覺得油膩，實在驚喜。這裡的鮮果汁是瓶裝貨色，店員在下單時亦有提醒，但其實質素還是可以的，味道不太甜，果味濃郁，喝得出是鮮榨的，感覺健康。雖然是這樣，但始終樽裝飲料與餐廳風格是有點格格不入，有待改善。根據個人目測，這店座落於競爭激烈的食街當中，客人仍是甚多，雖不是排長龍那種，但不停都有客人在等位，客似雲來，相信是因為這裡的店内環境舒服寧靜，食物種類覆蓋不同國家菜式，雖選擇不算太多，但用料十足，班，價錢卻只是比一般茶餐廳略高少許，每道菜大都是$60-$100左右，胜價比高，予人超值的感覺，讓人吃過後還想下次再光顧。…查看更多

通常我很少試fusion菜的，更別說是cafe，因為搞不好很易東不成西不就。但這天朋友推介試這間主打海南雞飯的fusion小店，又不錯呀，食物製作認真應該不是糊亂拼湊的餐牌，價位不高又做出比預期好的水準(店主看到這句不要加價呀)。而且坐得也舒服，它是全東大街最豪裝鋪位最大的了。那天只試了下面幾款，但看到鄰桌的食物樣子也對辨，下次午餐再來試試它的意粉，甜品和咖啡。一陣蒜蓉蒸帶子伴著荷葉味香噴噴的上桌，海鮮頗新鮮又下重手，下層糯米飯蒸得入味而海鮮又不會過熟。很欣賞用了糯米飯而不是常用的白飯或陳村粉，口感煙韌又平均鋪在荷葉上可以吸收到荷香和蒜蓉海鮮的味道。又是性價比高的一道，豆腐上鋪了一板海膽，份量雖多但當然不是一陣腥味的貨色。海膽，黑松露和醬油這個fusion組合味道是配合的，是比較重口味前菜。清遠雞有雞味，皮也做得爽口不油膩。用壺上的湯可以保溫，喝的時候才倒出來還是熱熱的，加了雪耳煲，清甜的。油飯也交足功課，滿口椰汁雞味又不是油油淋淋的。…查看更多

今次係第3次食, 頭2次食咗唔同嘅海南雞飯, 今日終於可以試下食蒜香海鮮籠仔糯米飯!海鮮數量唔算多, 所以每次食都好慳住, 唔想咁快食完餸得返啲飯其實蒜配飯好好味, 啲蒜又香, 但可惜佢落嘅蒜唔多... 下次試下叫多蒜先!飯好似有啲痴有啲唔痴然後有部份硬硬地,同埋覺得, 啲飯應該要多蒜或者多豉油就會比較好, 如果唔係太簡單,就會好似蒜香海鮮配飯多啲....有啲唔match都係佢啲海南雞飯好味啲!以非海南雞飯專家嘅角度嚟講, 我覺得$68同$78嘅分別係$78係多啲肉, 同埋醬汁係有唔同!飯有好香嘅雞油味, 食落去都唔差! 最鍾意佢啲飯!…查看更多