滿江紅小甜甜 (已結業)

旺角麻辣川菜好耐都冇食過辣嘢啦▫️干鍋肥腸🔥干鍋肥腸夠哂熱辣辣肥腸唔會太多肥膏新鮮乾淨，有嚼勁加埋辣椒、青椒、洋蔥作配料洋蔥夠爽甜，肥腸爆得夠脆口炒得非常入味，好惹味～ ▫️原味焗蜆焗蜆份量好足，新鮮冇沙粒粒都好飽滿同爽口加上配料同酒、胡椒、鹽調味蜆肉味道更加鮮甜，忍唔住飲埋湯汁 ▫️蒜泥白肉🧄白肉厚度適中，口感爽口蒜泥磨成泥，打到好細滑滿口濃郁既蒜味，真係超級好食呢個蒜泥白肉推介 ▫️口水雞未試過口水雞係唔辣嘅(T＿T)感覺好似蒸雞再淋上辣椒油雞肉上有XO醬、辣椒油、花生同芝麻粒但完全唔入味，有點失望▫️辣子土豆絲土豆絲都算脆口但覺得唔夠醋同辣味好似食緊清炒薯仔如果可以再辣啲就好 ▫️炸饅頭饅頭炸到金黃色，外脆內軟唔會好油，夠哂脆卜卜…查看更多

今晚慶起同朋友出左旺角去食川菜，揀左間都幾多人介紹既「滿江紅小甜甜」，聽人講尼間唔會催d客走，岩晒我地一班人開飯局。講番今晚叫既小菜，全部都系有好多人介紹的小菜⋯ ⦁ 麻辣食魚春魚卜煲魚春魚卜煲好嫩好滑，又唔乾巴巴，加上滿滿辣椒辣得勁過癮，餸飯一流。 ⦁蒜泥白肉蒜泥好細滑，白肉唔膻，肉質都幾嫩滑。兩樣配著食，口感爽而不膩，醬油甜甜地帶點辣，超級好味。 ⦁川北涼粉晶瑩剔透粉皮，質感爽口彈牙，少少蔥花加上麻辣汁，層次好豐富。 ⦁原味焗蜆蜆既數量好多，粒粒都好飽滿同爽口，最重要系鮮甜得黎又冇沙。 ⦁ 酸菜魚酸菜湯底少少酸帶點辣，好多魚片，肉質嫩滑。敗筆之處系魚骨太多，要小心魚骨。 …查看更多

呢間已經食過幾次，今日特登帶屋企人黎食👨‍👩‍👧‍👧每次必食既魚春魚卜煲🍲極之入味！魚卜爽口，辣得黎又夠鮮😋正！👍🏻👍🏻👍🏻👍🏻👍🏻仲叫左螞蟻上樹！粉絲加肉碎唔但之夠辣，又有肉香～～👍🏻👍🏻👍🏻👍🏻然後第一次叫干炒四季豆，欖菜好香又唔會太咸！👍🏻👍🏻👍🏻回鍋肉比較油，但送飯一流😍😍😍西瓜汁都係每次必叫😛為左解辣👍🏻不過有d太甜最後唔夠飽仲叫多左個紅油抄手，但唔推薦😢因為同我平時食開個d啖啖肉既抄手相比就少肉d，而且係浸住湯既，所以唔太岩我口味🤨不過總體都係好值得再黎食！🥳…查看更多

前幾日經過旺角記得附近有間川菜好出名所以就同朋友來試試到達時間七點尚算早所以唔使等位就可以入去佢仲好好俾咗張四人枱我哋兩個人坐得好舒服餐廳環境乾淨光猛唔會好大陣油煙味一路坐都一路有客人入嚟證明間餐廳好受歡迎特別一提呢間餐廳侍應非常有禮貌而且好肯答人客嘅問題 非常抵讚😎我地點左小窩酸菜魚附加粉條,蒜泥白肉,雞湯小雲吞同埋老姜湯圓。小窩酸菜魚係佢嘅名菜之一 ，好多人都點酸菜魚新鮮香濃仲有三種魚俾你揀我哋就揀咗鯛魚 。因為侍應話魚味比較濃 ，少啲骨同埋比較爽。酸菜魚味道適中，而且魚肉大片冇骨 ，沒有腥味。而且份量都十分大，配埋粉條吸晒酸菜魚嘅湯味，又爽又彈牙，值得推介。本身以為蒜泥白肉平平無奇，但係一食落口就發覺蒜頭味道非常濃郁。因為佢啲蒜泥真係磨到非常幼滑，好似忌廉質地。十分開胃 白肉大片爽口，絕對係喜出望外，下次一定會再食！至於雞湯小雲吞湯味濃郁，食完酸菜魚同蒜泥白肉再飲呢個雞湯小雲吞就非常配合。雲吞細細粒，容易食 ，仲要果皮十分之滑，說一聲就吸晒落個口度，個餡嘅蝦味亦都好重，絕對係怕辣嘅人一定要試嘅菜式。最後甜品點左老姜湯圓佢嘅質素比得上出邊嘅甜品店 ，姜湯濃郁和味 。湯圓彈牙可口， 上枱時仲係熱辣辣非常暖胃 ，最適合體質虛寒的女生食用。旺角區十分多川菜館 但好似呢間服務高質環境衛生而且食物地道高質就真係好少 推薦大家試一試…查看更多

男朋友話之前食一間川菜好好食，不過幾年前既事，成日係度講，睇食評又好似唔錯，咁就去啦。入正題 蒜泥白肉個味較得幾好，特別中意佢佢蒜泥，佢真係磨成泥，入口即溶，而且好香，白肉既厚度適中，可以一戰。第二，口水雞。呢度既雞就唔係好多油，食落唔算好辣，但唔知點解食多幾舊就有啲麻脾既感覺。佢底啲青瓜花生好好食，哈哈。第三，麻辣魚春魚卜煲。呢個係有啲失望既。聞落去無好香既麻辣味，魚春食落都無乜特別，仲有少少怪味。魚卜份量足夠。煲野越食越辣，要係咁飲野。一定要食底個啲薯仔同蘿蔔！好食。青瓜就不了，煲到淋曬，唔明擺落去既用意係咩，擺蓮藕會開心啲。涼拌萵筍。明顯係刨岀黎，太粗，而且口感唔夠爽脆。可能係無浸冰水。…查看更多

friends wanted to eat spicy food. they decided on this Sichuan style Chinese food.the place was quite clean, service was alright. a bit understaffed .spicy lvl hong konger lvl. dumb down not as spicy as China mainlandtaste cold dishes tasted better vs hot dishes. beef was not flavourful chicken was the best of the night. …查看更多

呢日約左男朋友放工見面食個飯，知佢平時做野都好忙，難得見到面緊係想佢食得開心啦，男朋友鐘意食辣野，咁我就上網搵下附近有冇d專食辣野既餐廳啦，比我搵到呢間係油麻地食四川菜既餐廳，就諗住帶男朋友去試下。一去到餐廳就見到個地方好大，而且已經有好多人入坐，我諗應該係幾好食先咁多人吧，侍應姨姨好快手安排左位置比我地坐，再比埋menu我地睇，都真係幾多野食揀。而我地就分別揀左「麻辣豬耳」，「辣子土豆絲」，「泡椒鳳爪」，「上湯時蔬」，「蒜泥白肉」，「干鍋田雞」，「珍寶大檸檬茶」，「椰子鮮奶」。1.麻辣豬耳 $55呢道麻辣豬耳係涼拌黎，用左辣椒油去攪拌，食落質感好爽脆，加左芝麻令到食落更加香。2.辣子土豆絲 $48呢道薯仔絲每條都切得好均勻，食落去好脆卜卜嫁，但男朋友話，如果可以再辣d，就更加好啦。3.泡椒鳳爪 $45初初點呢個我仲以為係好似泰式鳳爪咁冇骨既添，不過都幾好食既，又係涼拌菜，對於中意食辣既人好岩食。4.上湯時蔬 $48有得揀食咩菜，我就揀左我鐘意食既娃娃菜，都唔錯，娃娃菜食落都幾甜，加上有上湯浸住，更加入味。5.蒜泥白肉 $55多數出面叫既蒜泥白肉既蒜泥並唔似呢個咁綿密，乎合返傳統標準，豬肉每塊都切得厚薄相同，食落口感好，加上蒜泥真係好好味。6.干鍋田雞 $118本來想叫個田雞煲食，男朋友話不如試下干鍋田雞啦，估唔到有驚喜喎，佢保持到表面香脆可口，内裡既肉質鮮嫩，加上大量既辣椒同葱去炒，更加香氣撲鼻。7.珍寶大檸檬茶 $32我就有dd怕辣，就叫左個大杯既檸檬茶去解一解辣，黎到真係幾大杯，但都比我飲哂:)8.椰子鮮奶 $28男朋友就叫左杯椰奶，又幾好味，仲解辣得過我果杯，搞到我想搶黎飲啊，哈哈整體黎講，價錢中等，食物質素不錯，下次再黎食過，解下辣癮~…查看更多

以前經常經過呢間位於灣仔既小店，但以為只有辣菜式所以一直沒有光顧。直到呢次朋友相約到旺角店，有驚喜喎!先點份蒜泥白肉比較連鎖米線店出品既蒜泥白肉，呢度吃到既白肉由外到內都係別具小店風格。五花腩肉都先薄切成片並浸泡入由辣椒油、花雕酒、黑醋調製成既醬汁，蒜蓉質感有如沙冰狀般軟綿兼冇渣。先將自己喜愛既蒜蓉份量鋪入腩片捲覆，再伴隨惹味醬汁進食，油香夾雜濃郁噗鼻既蒜香味，係既邪惡又係討人喜愛既小食。鮮辣魚片刀削麵既然黎得食四川風味菜，又怎可以唔叫辣菜式，我不能嗜重量級既水煮菜式，嗜辣既老公惟有點個鮮辣魚片麵滿足己慾。兩者食法當然不能直接相比，但大大碗既魚片麵上檯卻沒有令我地失望更有點驚喜。先睇睇用料方面，魚片肉除左肥厚肉多之外，入口感覺最緊要就係做到新鮮嫩滑，連半點殘餘既泥味或腥味都食唔到。而且魚皮還帶點爽口彈性，肉層當中既魚骨不多較容易集中去掉，老公趁湯還熱時邊來一口彈滑麵條邊呷口辣湯，美味無比。另外亦點了唔辣既香茜皮蛋魚片麵，配上龍鬚麵。呢款龍鬚麵唔係幼絲既一款，反而似米線。魚片皮蛋同樣足料。　樟茶鴨別以為川式菜只係獨孤一味的辣，不吃不知樟茶鴨呢道名菜亦是源自四川。早期國民大多以務農為生，烹調時很自然會就地取材，此菜式用上茶葉及樟樹葉煙燻整頭鴨故此而得名，成品既外觀色澤相對深紅油亮。背後既烹煮由腌制、風乾、煙熏、蒸煮、炸香過程可謂功夫繁瑣，經煙燻處理過後既鴨身顯然帶著淡麗嘅香樟葉氣息，外酥內嫩，鴨嘅皮肉脂肪來得平均肉質兼具嫩滑口感。四川香鹵雙併香鹵篇選擇頗多，尤其係肥腸、豬肚、豬耳之類通通都係我們所喜愛又係佐酒之選，小店更提供雙或三併自由配搭。好不容易決定好點較少見的鴨舌併牛展，鴨舌內外均沾透香濃鹵水汁更添美味且咬口爽脆，牛展肉就不過不失，若改選麻辣菜式的話，帶油光麻香效果會更加惹味，底層還附有數片豆腐，做到吸收鹵水汁既精華之美。酒釀湯圓本來想試丸子，點知賣哂，唯有點湯圓吧!甜酒釀，酒香恰到好處。湯圓係黑芝麻餡，入口軟糯桂花散發著陣陣幽香，配合埋酒釀既天然甜度，好有幸福感覺!…查看更多

滿江紅小甜甜喺登打士街近佐敦嗰邊，店面用全落地玻璃設計，店內情況一覽無遺。餐前小食係芽菜Mix咸酸菜，酸酸地幾開胃。罐裝汽水 $10 each食辣嘢又點可以冇冰凍汽水呢？晚市黎講，唔算貴。紅油抄手 $38是紅湯抄手吧？呢一碗真係滿江紅，哈哈！餃子皮真係超滑，滑到你唔信！紅湯微辣帶酸，都幾刺激下！蒜蓉萵筍絲 $48清甜爽口的萵筍絲加入蒜蓉炒，惹味之餘，清甜味道更為突出，不錯啊！蒜泥白肉 $55中間的蒜泥打到極細，口感像奶昔般細滑。腩肉配上香辣的醬汁，令人忘記了肥肉的存在！辣子田雞 $138賣相很精緻，田雞件的數量也很多，還撒上了大量腰果！酥炸過的田雞，內裡仍然嫩滑，口味勁麻之中帶小辣，食到出晒汗，愈大汗愈想繼續食，麻得非常過癮！芒果西米露 $28芒果香甜，汁底亦有濃香的芒果味，只是賣相有點普通。…查看更多

蒜泥白肉$55中間白色蒜泥好似忌廉咁幼滑，調味後不會辛辣刺激！推薦！見到好多人推薦食我自己咁大個囡都未食過魚春！一入口有啲硬，唔腥，夠晒麻辣底下既青瓜有啲唔夾，念Back back咁。薯仔就好好食喇！走過油，好正！食到尾就覺得啲魚春有少少腥！下次都係嗌其他試！焗蜆$71幾抵食，滿滿一窩又鮮又甜！咁岩一窩都無沙，難得！無乜調味，友人表示自己都整到，無須出街食😑擔擔麵$35好正宗，麵質不錯！湯底又花生香氣🥜🥜👍🏻👍🏻總結👍🏻👍🏻整體不錯，地方幾大啦！菜式種類勁多，我打算黎多兩三次試多啲味精唔算好濃 ，食完無勁口渴，算唔錯架啦！…查看更多

尋晚同朋友心絲絲想食辣，喺呢到搵到呢間餐廳。一入門口侍應就勁好招呼！餐廳內部都幾乾淨！帶我地埋位之後我地就開始落order喇。侍應姐姐好有心咁問我地食到幾辣，土豆絲都可以加辣嫁！我地嗌咗一份蒜泥白肉，一份土豆絲，歌樂山辣子雞同埋牛栢葉麻辣燙。侍應放低哂餐具之後，我地就洗下啲餐具啦。首先上菜既係蒜泥白肉。佢同平時我地食開米線鋪既白肉係唔同嫁！小甜甜既白肉肥瘦比例好啲，重點係啲蒜泥磨到好似豆腐咁滑！差啲就溶埋落啲辣油到，抵讚。之後上既土豆絲好爽口好開胃，解辣一流。到真正既辣上菜喇，其實個辣子雞唔算好辣，不過好惹味，食開停唔到！個牛栢葉就一個鍋咁上，一路滾住咁上。呢個就即使小辣都令到平時唔常食辣既我地，要嗌番野飲同白飯。最後就飽哂咁埋單走。…查看更多

前晚同我個鐵腳吃貨同事朱頭去食小甜甜，呢間我地都已經黎食過幾3-4次，感覺上都唔太差，因為地點方便，而且亦比樓上果間好食得多，所以都係食番呢間！其實我同事佢真係唔食得好辣，但佢知道我勁嗜辣，耐不耐都會陪我黎食川菜🤗所以當晚就吓佢啦！唔會全部都點大辣🤣今次得2人食，坐張細卡位😌一埋位就叫左壺烏龍茶，服務員上埋一碟醃漬，我都幾鐘意食呢啲酸酸地都幾開胃既前菜。根本唔洗睇餐牌，大概都知道有咩想食。蒜泥白肉～例牌點我超級最愛既蒜泥白肉，仲要另外要多一兜淨蒜泥，嗯😋呢個真係無得輸，啲蒜泥真係打到好容好綿，滿口濃郁既蒜味，真係超級好食😍香港既川菜我都食得多，暫時最好食既蒜泥白肉係呢間小甜甜！川北涼粉（中辣）～另外仲有川北涼粉，呢個又係必食既，涼粉本身無味道，所以汁醬先係重點，我就覺得辣度剛好，唔太辣但又唔會無味👍但我同事已經食到滿頭大汗喇😅9菜雞紅（中辣）～再黎一個9菜雞紅，呢個就一般般，唔辣！9菜太老，而且勁少，同事話雞紅好滑口，但我就覺得好潺，所以麻麻地⋯⋯辣子土豆絲（中辣）～真係完全感覺唔到邊忽辣？同之前幾次比較，今次簡直叫失敗！我夾左幾注就決定打包，攞返公司睇下有無同事食（可惜最終無人食，益左垃圾桶）麻辣魚卜煲（大辣）～本來想點特辣，但怕同事真係食唔到，而我又好想再辣少少，呢個魚卜煲就大家讓一讓啦！多過中辣少過特辣🤪呢個係除左蒜泥白肉外，最好食既一樣，而且有個鍋仔慶住，可以Keep住熱度，同埋食辣野越熱就越辣嘛🤗呢個大辣我同事已經食唔到，成鍋比我自己食晒😍👍👍👍正到爆！擔擔麵～我同事好鐘意食擔擔麵，我本身唔多嗜麵類都陪佢試下啦！好在擔擔麵都唔差，麵唔會太淋，肉碎都算多！不過今次會無影相？無奶油架！蜂蜜龍眼冰～雖然我唔需要渴辣，但食野點都要飲野既，我通常都會飲呢個龍眼冰，因為有得選擇之下，我係唔會揀汽水🥤今次整體黎講，我都比70分！算唔錯喇！至於服務質素就暫時未有特別需要被讚或被彈！…查看更多

係旺角做完野，又熱又濕，最想食番啲辣野出番身汗，係朋友介紹下食左位於油麻地登打士街的滿江紅小甜甜。初初聽朋友介紹，以為係先食滿江紅然後吃小甜甜糖水，原來係同一個名黎。上到去見到有人打邊爐，有人吃小菜，今次人少少，試下佢啲小菜先。嗌左個蒜泥白肉，乾扁四季豆同埋雞煲。先上蒜泥白肉，同平時食過既不同，無一層辣油浸住白肉，換上了橙色的辣醬，食落有少少甜，味道特別令人一舊接一舊。第二上係乾扁四季豆，沒有辣，但炒得夠火喉，味道夠入味，不會啲豆仲有「飛」水的味道。師傅好似係用左XO醬炒，咸咸地，連埋四季豆一齊食好惹味，飯都扒多兩啖。最後上主菜—雞煲，反而呢個有啲普通，無乜特別。雞不滑也不算入味。不過呢度都值得encore既。…查看更多

想到滿江紅小甜甜很久了，一直都沒有找到時間，哈哈！！原來他們在旺角開了分店做團購，那就一定要第一時間去試試看了。:):)門口是設在地下的，可是用餐區是在ＵＧ，所以要走樓梯上去的，整個用餐區很寬敞，座位也不少。今天我們可是不知道，好像是他們第一天營業呢，所以到的時候雖然是晚上七點，人還不算太多，但走的時候就已經差不多九成入座了。牆上有一些中式的擺飾，還有中式屏風。白色餐具讓人感覺整齊乾淨。還發現一個很特別的銅茶壺，很漂亮。　我們吃的兩人餐，包括：南北杏合掌瓜豬雞腳湯兩碗，蒜泥白肉，原味焗蜆，鮮茄魚煲，擔擔麵兩碗南北杏合掌瓜豬雞腳湯湯很香濃，沒有味精，非常好喝。蒜泥白肉用的不是腩肉，1/3肥和 2/3廋肉，可是切得很薄，肉不油膩，很爽脆，有咬口，配有幼細的蒜泥和醬料，只是味道稍稍咸了一點；尤其是底下的黃瓜絲，吸了過多醬汁就更咸了，是否可以改為黃瓜片，或者是粗一點的黃瓜絲呢？原味焗蜆非常鮮美，從來沒吃過一碟蜆是每一顆都是已打開的，而且完全沒有沙，那是要花時間挑過的，還有每一顆蜆上面都平均的舖滿蒜蓉，連底下的湯汁都很鮮甜，真想把湯汁都喝了，怎知道下一道菜的湯更鮮甜呢鮮茄魚煲鮮茄的味道很香甜，還有芫茜，芹菜，薑蔥等，魚用的是鯇魚，一部份是魚片，直接放到湯裏燙熟，另外魚尾，魚骨，魚腩等，就先過油，然後就煮湯，所以湯有香濃的蕃茄和鮮魚的美味。我愛吃辣，本來點了中辣，但是他們忘記加辣，後來再請廚房加辣，結果更不錯，因為我們可以吃到原本蕃茄和魚的鮮甜，加辣以後又是另一番風味。這個鮮茄魚煲更可以做火鍋的湯底，因為真的很鮮美啊。擔擔麵麵排列得很整齊，麵條稍軟，配料有肉末，雲耳絲，蔥蒜等，味道不俗，份量也不少。雖然才剛開張，服務卻很周到，每一個侍應手腳都是忙的，但臉上滿是笑容，雖然忘記了加辣，可是也馬上處理好，所以一點兒都不會因而失分，反而加分了，本來很想吃高力豆沙，可是真的吃不下了，結果:)後來:)，他們還很貼心的另外送了我們一碗蕃薯糖水，那蕃薯糖水當然也要評一評啦，蕃薯是黃蕃薯，煮得很香軟，入口即化，糖水煮得和蕃薯一樣的黃色，濃郁的薑味，甜度剛好，小甜甜真的是小甜心呢！:):)團購價＄１２８，確是超值了。…查看更多