泰贊- 創意泰餐廳

之前黎過一次食午餐 雖然覺得味道唔錯 但一直冇再黎食既衝動但食完今次既晚餐 好快又已經掛住呢度既野食啦~~~而且因為好早就黎 所以唔使等位就入得第一樣叫既係 脆香豬手伴泰式辣汁 $180 因為係即叫即整 要等耐d時間豬手肥肉唔算多~ 外皮焗得好脆口 哈哈 好邪惡 好好彩成隻豬手都唔會好似係德國餐廳食到咁過咸, 呢個味道岩岩好~但拌碟薯角唔夠味 哈哈蒜茸辣椒炒通菜 $45 我地走左辣椒 睇個樣好似好清會好無味原來食落仍然係好香蒜茸味 又夠獲氣 唔錯呀~大頭蝦酸籽醬炒泰式金邊粉 $85每一條金邊粉都充滿住甜甜酸酸既酸籽醬 好易食到停唔到口 ;P配料都算好多, 食到最尾都仲有好多配料係碗度 大蝦雖然得一隻 但真係幾大隻~菠蘿炒飯伴燒雞 $85 比起上次黎食lunch 今次呢碟整得實在好味太多~起碼燒雞夠肥美, 賣相都好睇好多 .. 雞皮仲有少少香甜既蜜糖味不過我個人黎講唔係好鐘意菠蘿炒飯入面既提子乾架.. 哈哈 所以都係食左好少炒飯入面都有唔少雞肉粒食完主菜先黎加個 自家製凱撒沙律配酥炸蝦球 $60呢度既沙律不嬲都幾好味~ 不過今次d醬落得太重手 醬仲多過菜 蓋過晒菜本身既味酥炸蝦球既蝦味再出d會更好最後試下呢度既甜品 青檸焦糖燉蛋 $48哈哈 第一次食用青檸配既焦糖燉蛋 都幾特別 幾清新...不過焦糖燉蛋唔夠香滑唔夠軟 面既脆皮糖衣唔夠甜同脆呢 有待改進~ 但呢個價錢算係幾抵呀~~…查看更多

星期日既中午~ 因為落大雨少左人出街, 但餐廳都坐滿左八成人呢度有個煩少少既規則, 就係一定要人齊先入得所以我坐左係門口等左好耐, 唔係等位, 係要等埋朋友黎到先入得好鐘意佢連餐具都放得好有心思餐廳入面好寬敞, 淺藍配木色好舒服, 仲有大大個開放式廚房所有野都放得好整齊, 抹得好乾淨, 令人有良好印象~~星期日都有Set Lunch, 不過選擇略少, 得4款揀Set Lunch - 海蝦酸籽醬炒金邊粉 $62金邊粉夠軟身, 每樣材料都充滿醬汁既甜酸味 好開胃蝦都唔少 加埋花生粒食有咬口 落埋青檸味道更清新  成碟份量適中配午餐既脆炸魷魚圈配芝麻汁沙律 (或可選椰汁雞湯)芝麻汁夠香 生菜都新鮮 炸魷魚圈係熱辣辣既~~ 正!散叫既自家製凱撒沙律配酥炸蝦球 $60個人認為係必點之選~ 有大量凱撒醬同芝士碎, 加埋好重鮮味既炸蝦球, 又唔炸得過火熱辣辣配落沙律好好味散叫既菠蘿炒飯伴燒雞 $85有少少失望係賣相比餐牌差少少 =D 燒雞得三件 好似放得好隨便不過味道好好!! 雞肉夠 皮燒得好香炒飯唔會過濃味 中間都夾雜住雞肉粒散叫既豬肉及雞肉沙嗲串 $45雞豬各2串~ 烤得夠香夠惹味 唔會過燶岩岩好醬汁有花生味幾特別未夠飽所以叫多個Set Lunch 蕃茄忌廉汁煙三文魚意大利麵 $62果然係呢度食意粉唔係好夾 無乜特別 不過蕃茄味都幾濃 煙三文魚肉好嫩因為個脆炸魷魚圈配芝麻汁沙律太正 我地又食多個 =D兩個Set Lunch都有餐飲~ 我地叫熱咖啡同檸水, 連普通既野飲都present得好靚檸水係自已加水落去既 時不時又要加返糖~埋單都係每人$86 好味+抵食!…查看更多

每次夜晚經過呢間so thai so good 都勁多人，咁啱今日同中同食飯，佢其中一個suggestion係食呢度，所以就試左佢。本身約8:30pm，但小妹諗住早d過大中行下，順便知佢多人就拎左飛先，所以未夠8點就到左。中同突然要OT，大概9點先到，點知佢0黎到都仲等緊位，結果佢嚟到都仲要等多10分鐘先入得。呢度其實唔算多位，仲幾多係一家大細4,5個人嚟食，可能因為呢個原因長期要等。佈置一D都唔泰菜FEEL，仲有D食客留低0既即影即有相。食物方面主打泰菜，但都有D西式主菜同甜品。我哋叫左2個頭盤，1個飯同1個青菜，而中同就另外叫左個青檸梳打飲。豬頸肉: 唔肥，好淋，好入味，但下面D飯即使併埋豬頸肉一齊食都覺得完全無味，即使加埋醬汁都無咩味，如果呢個菜係淨燒豬頸肉，小妹覺得反而仲好...蝦餅: 唔好食，原因係D蝦唔新鮮，係呢D餐廳當然我唔係expect去食海鮮咁，但都唔好俾d有梅梅哋味0既蝦去整丫...芥蘭: 最好食，5粒星，唔油，唔會太硬，亦唔太稔，有少少爽口，!最後個燒雞飯，雞係可以，唔鞋，味道唔錯但個飯太多提子乾，反而無咩菠蘿，搞到個飯太甜，成件事好唔match，所以嘛嘛哋好食。總括0黎講價錢唔算平，但又唔係特別好食，小妹真係唔明點解成日咁多人等位。隔離同集團0既中菜，可能地方大，好食d之餘仲少人等位好多，所以小妹應該未必會再幫襯呢間lu!…查看更多

是夜幫媽媽慶祝生日決定不在家煮了，就去近近地的大埔廣場食個泰國菜吧，自家家執笠之後好像能在大埔選擇的泰國菜著實不多…記起友人午市經常去so thai so good食，一於試試！oh…不設訂座服務加人齊方能入座…這個週末的晚上我們6：15pm拿飛仔，都等了50分鐘才能入座。菜式選擇都幾多，價錢算是中價不貴，花了十分鐘就選好菜式下單。職員加水、服務態度也不錯。因餐廳位置較少，所以晚飯黄金時段等一小時可謂「基本」，但意外其上菜速度可用「神速」來形容，估計一晚至少可以做到「四輪」以上，我們慢慢食最後都在一小時內食飽，如果沒追加甜品的話每圍枱大概都是一小時的用餐時間左右。第一碟來的是香蒜芥蘭，其炒得油而不膩，還有啖啖酒香，連經常下廚的老爸都表示：「炒得不錯」。小食方面我們分別點了： 豬及雞肉沙嗲串（4件）、燒豬肋骨配薯條（薯條我的最愛！炸得香口熱辣辣）、豬燒頸肉配糯米飯（這個除了份量有點呃秤之外，其實味道偏淡挺不錯的～）。高度推介這個必點菜式：三味脆香鱸魚！！！其三味即感覺有點像平日食的「酸甜排骨」／「菠蘿生炒骨」，但其鱸魚炸得脆卜卜，只略嫌份量太少（是因為懷孕大食了吧…），用作送飯或單吃都一流！主菜側點了兩飯一麵：菠蘿炒飯伴燒雞、椰汁海鮮炒飯及大頭蝦酸籽醬炒金邊粉。特別菠蘿炒飯伴燒雞賣相討好，最緊要上菜速度快嘛，而且味道、擺碟都不馬虎！有機會我會在午市市段再幫襯。怕泰國菜太濃味的話，可以點椰汁海鮮炒飯，感覺椰汁不會太漏，也是足料之選。甜品及飲料選擇也有好多啊！可惜懷孕期間沒法食太多西式甜點…好想飲杯特色咖啡或者乳酪呢！生完BB我一定要瘋狂瘋狂瘋狂地飲….. 飲料也挺美的：）弟弟說味道也不錯。除了等枱有點長時間之外……..實在回頭率甚高！…查看更多