楚撚記大排檔 (日富里百好大廈) (已結業)

放工約了港大的舊同事來到堅尼地食小炒，當然要黎楚撚記！晚飯時間好熱鬧，好有氣氛！我們沒有訂枱，幸好不用等位太耐。餐廳播住懷舊廣東歌，很有feel！！椒鹽九肚魚，真的很久沒有食過這道菜．因為現在不是很多菜館會做。九肚魚炸得香脆，魚肉滑嘟嘟，加上椒鹽的調味，令人食唔停口！用了梅頭去做的咕嚕肉，一口真的是啖啖肉，酸酸甜甜，配上鮮菠蘿和拔絲的香甜，送飯一流！而且份量十足，一定要點！辣椒薯仔牛柳粒，薯仔粒夠乾身，食落口起粉的，牛柳粒爆得好香，外面被蜜汁包圍，肉香之餘，多了份甜味。通菜每條都沾滿醬汁，入面好多蝦乾，滿滿的鹹香。通菜爽脆可口，唔想食上湯，這個通菜煲是最佳選擇！這麼多道送飯小菜，當然少不了一碗招牌的楚撚豬油飯！豬油飯已經不是很多地方可以吃到，但這裏一碗熱辣辣的砵仔飯，淋上豬油再淋上豉油，那種邪惡的滋味，令人食唔停口。全場都好多年輕人，所以晚飯好有氣氛，這裏已經擺脫了舊式小菜館的沉悶，是一個年輕有活力的晚飯小菜好地方！…Read More

楚撚記大排檔是新派大排檔，全香港有多間分店，這次我們到訪了位於西環石塘咀的分店🤍 知道楚撚記是超人氣餐廳，所以我們有預先訂座👌🏻 (用餐時間90分鐘❗️)餐廳的裝潢充滿了香港特色，並帶點懷舊feel🇭🇰 雖然空間挺大，但枱與枱之間的距離很近，所以坐得有點迫🥲我們點了：🤍香煎黑松露手打蓮藕墨魚餅 (HKD118)🤍菠蘿拔絲咕嚕肉 (HKD119)🤍燕麥金沙蝦球 (HKD118)🤍濃湯海鮮粉絲什菜煲 (HKD102)當中最推薦”香煎黑松露手打蓮藕墨魚餅”及”菠蘿拔絲咕嚕肉”🤤香煎黑松露手打蓮藕墨魚餅：煎得很香口，蓮藕墨魚的配搭非常match，而且爽口彈牙，加上淡淡黑松露香氣，超滋味😋菠蘿拔絲咕嚕肉：用上梅頭豬肉，皮脆肉嫩，酸酸甜甜很開胃呢～✨另外，我們還點了2款手工啤酒：楚撚桂圓手工啤(HKD48)及手工啤酒 立秋(HKD69)，味道挺特別，用上”戰鬥碗”來喝，好有風味🙈📍楚撚記大排檔 - 西環石塘咀皇后大道西554-560號日富里百好大廈地下1號舖…Read More

多次回訪呢間人氣室內大排檔楚撚記😆💚食物好高質 仲有幾間分店！今次同男朋友去咗佢喺西環近香港大學mtr嘅分店😎 餐廳好大 坐得舒服 仲有唔少霓虹燈裝飾 好有feel🚦✻菠蘿拔絲咕嚕肉 HKD113基本上我哋每次黎都會叫😋 用梅頭肉製作嘅咕嚕肉🐷 肥瘦適中唔會太過油膩！配埋甜甜酸酸嘅醬汁同菠蘿好開胃好好食🥰 另外不得不提佢嘅拔絲賣相靚而且甜甜地咁都幾正💖✻啫啫滑雞煲 HKD113沙煲啫啫滑雞🐔一上枱已經聞到香氣滿溢✨醬汁好惹味 雞肉真係好嫩滑 送飯一流 正！✻七味黃金炸一口金磚豆腐 HKD75呢個又係必點😎 炸到啱啱好每一件都呈金黃✨外脆內滑 配埋惹味嘅七味粉食到停唔到口😋💛✻楚撚記豬油撈飯HKD23基本上個個嚟到都會點嘅豬油撈飯🐷🍚好可愛有個壺仔上面寫住豬油🤣 仲有另一個壺仔入邊係放豉油嘅～ 可以按照個人喜好到豉油同埋豬油落碗飯度😚 好邪惡但係yumyum🤤另外我哋叫咗兩支可樂❤️❤️仲有番薯糖水做甜品🥰yum!…Read More

/楚撚記大排檔🇭🇰/#sa香港大學站篇 ➖➖➖<人氣港式小炒大排檔💛> ➖➖➖之前有排無得出街食野好番好多當然要奬勵下自己🤣想食番啲地道野☺️就去左屋企附近嘅人氣小炒店 最好就預先book 位 咁就唔洗等太耐話就話係大排檔 不過環境舒適幾乾淨企理有冷氣🫶🏻坐到最入空間感都幾足夠近門口就迫少少～ 除咗西環 荃灣同土瓜灣亦有分店➖➖➖1️⃣黃金椒鹽粟米 🌽 $69 大排檔每次都想食嘅野😆份量慷慨椒鹽味唔算好重 不過食到咸蛋黃沙沙地嘅質感咸蛋黃味道都幾突出亦平均💛亦都唔會太油膩 ➖➖➖2️⃣菠蘿拔絲咕嚕肉 $113 招牌菜之一 咕嚕肉呈長條狀 外皮酥脆 用左梅頭 整體質感不錯🫶🏻特別在加左焦糖脆脆同拔絲 中和酸度 焦糖脆脆都唔會太甜同痴牙 另外仲加左三色椒、桃同菠蘿 個汁會比一般咕嚕肉甜啲啲! ➖➖➖3️⃣香爆黑椒牛仔骨煲 $113 份量同樣幾多亦大大件 一上枱嗰陣嘅zizi 聲幾治癒😆係真係幾有鑊氣呢個相對重口味咸啲啲 最好送飯食牛仔炆得夠軟腍唔太韌 都幾入味 會食到黑椒香氣唔會太辣🤍➖➖➖4️⃣豬油撈飯 $23 看似邪惡但真係幾好食🫶🏻🫶🏻全晚最鍾意食呢個飯😈其實係自己加適量豬油+豉油 仲有蔥同芫荽🌿要戒口關係 只係加左好少油但已經覺得好香口 唔會有油益味👐🏻唔敢食的話都可以揀番白粥/白飯🤣➖➖➖5️⃣番薯糖水 free 飯後甜品 整體甜度適中亦都會食到薑味 番薯幾軟綿綿 唔會食到好多纖維👍🏻➖➖➖📍楚撚記大排檔 @chor_land 西環皇后大道西554-560號日富里地下1號舖 …Read More

六個人食可以試好多野，我地就試左12樣野，埋單每人次200 幾，抵食！食大排檔野食最緊要有鑊氣，野食夠熱真係唔同，食唔停菠蘿拔絲咕嚕肉酸甜味夠適中，咕嚕肉脆身！芝士琵琶豆腐大粒豆腐，唔油，芝士醬另上，按個人口味點，唔會太漏楚撚記原隻脆皮炸豬手個皮冇期待中咁脆，同埋冇乜味，要點芥末醬激辣避風糖水魷同行既朋友食得好滋味，好惹味，我見到有三隻辣椒都有d擔心會唔會太辣食唔到，但水魷係ok架，因為辣既係粉絲同芽菜，好入味，個種辣令你想不斷食，停唔到口黃金蛋黃炸魚皮炸到脆卜卜，又大塊，魚皮食哂，就連d蛋黃粒都食埋，撈飯都正飛天通菜煲蝦乾好香好大粒，好好食，少少辣啫啫唐生菜煲蜜椒薯仔牛柳粒薯仔牛柳粒比例好，唔會太多薯仔太少牛柳粒，薯仔炸完再炒好正，牛柳粒唔韌香口，好難停手豬油撈飯提供豬油同豉油同埋蔥粒，自行調配比例香煎黑松露手打蓮藕墨魚餅黑松露味重，加入蓮藕粒好有口感，熱到辣親個口西楚霸王雞(半隻)避風塘鮮魷好大條鮮魷，好咬口好惹味，乾蒜味好香，滿到瀉，推薦腐竹雞蛋糖水沙冰偏甜，夠凍…Read More

今日食呢間楚撚記真係幾時都咁人氣旺盛！一去到已經見到好多人排緊隊， 旺場到book咗位都要等一陣先有得入。夥計好有禮貌，係咁同我哋講唔好意思。  餐牌唔多講，大排檔有嘅嘢呢度都有多無少，仲有好多佢哋嘅招牌菜。今次同男朋友得兩個人，所以淨係叫佢一啲餐牌有推薦嘅：菠蘿拔絲咕嚕肉、避風塘鮮魷、飛天通菜煲、楚撚豬油撈飯同埋阿華田可力沙冰。  第一樣嚟嘅係避風塘鮮魷，見到個賣相都已經有驚喜。好多時出去食大排檔嘅椒鹽鮮魷啲料頭真係少得可憐。。但係今次呢個料頭同魷魚都畀足料，夠晒惹味之餘，魷魚都炸得幾好、外脆內爽口！  飛天通菜煲份量好多，好有鑊氣調味夠足！  菠蘿拔絲咕嚕肉係用咗梅頭，食落去啖啖肉，啱晒唔鍾意有骨嘅朋友。自己最欣賞就係呢度嘅咕嚕肉比較乾身，唔會太多芡汁濕立立，連埋拔絲一齊食口感仲幾特別。  豬油撈飯依家唔係好多地方食到，夥計拎上嚟嘅時候會俾埋香蔥、芫荽、豬油同豉油，我哋可以按自己嘅口味去撈。呢個咁邪惡嘅豬油撈飯，非常香口，真係會令人忍唔住一啖接一啖！  最後呢個阿華田可力沙冰，70幾蚊一大渣，好抵飲！阿華田味較濃，沙冰清爽，啱晒夏天飲。  今次食完都明白點解楚撚記可以keep住大排長龍！環境比起一般大排檔乾淨好多，嘢食質素又高，啱晒啲鍾意食大排檔但又怕污糟嘅人。今次得兩個人唔係食得好多嘢，下次一定會叫埋多啲朋友一齊去，試多幾味佢哋嘅撚手小菜！…Read More

💛楚撚記大排檔·呢間我想食好耐㗎啦 但係次次都book唔到位 今次同朋友仔閒日黎食就終於book到位啦😍😍·菠蘿拔絲咕嚕肉$99 l 蜜椒薯仔牛柳粒$98佢個咕嚕肉都幾好食 佢係寫明用梅頭肉嘅 所以肉質幾好 不過我本身以為佢個拔絲係會好似拔絲香蕉咁樣成個咕嚕肉都有 但係原來係擺左係側邊姐🤭🤣🤣之後佢個密椒薯仔牛柳粒我自己就覺得一般般啦 因為佢個牛柳粒太細粒啦 所以食落冇乜口感咁 而且個薯仔都冇好軟糯🤔·啫啫唐生菜煲$75 l 黃金椒鹽粟米$65 l 七味黃金炸一口金磚豆腐$68佢個唐生菜煲超好食 佢係一放低已經好香 食落超惹味而且份量好夠🤤🤤之後個粟米都唔錯嘅 幾甜 而且上面既鹹蛋黃都包得幾好 不過我自己就鍾意避風塘嗰個整法多啲 我覺得個種載惹味啲😈最後個金磚豆腐都唔錯嘅 佢真係外脆內軟 好啱一路傾計一路啪😌·華田可力沙冰$77我哋其實本身係想嗌腐竹雞蛋糖水沙冰架 但係睇睇下見到呢個好似好搞笑咁 就嗌左 好彩無伏🤣🤣佢飲落其實似阿華田沙冰多啲 因為佢個holic味唔算話好出 不過佢呢個一渣係分到8/9杯既 所以都幾抵飲 而且佢個沙冰係好smooth既 飲落唔錯😎··📍西環石塘咀皇后大道西554-560號日富里百好大廈地下1號舖📍土瓜灣馬頭圍道187號地下2及4號舖📍荃灣川龍街118號百悅坊地下-1樓…Read More

之前幫襯過土瓜灣店覺得好好味，唯一缺點係太難book位，walk-in又唔知等到幾時。有日諗起想食，就試下上網book西環分店，好好彩預早一個星期就book到。餐牌有好多選擇，其中有幾款係西環分店限定菜式。落咗單等咗幾分鐘就開始上菜，好有效率。首先上枱嘅係港式煎蠔餅，雖然寫住係煎，但其實係近乎炸嘅半煎炸。蠔餅非常酥脆，食落唔算油膩。蠔仔細細粒好甜好鮮味，而且份量都唔少黃金九肚魚表面沾滿鹹蛋黃，啖啖香濃鹹蛋黃味炸得夠乾身酥脆，魚肉嫩滑完全無腥味。食大排檔必點嘅黑椒薯仔牛柳粒，牛柳夠腍唔會太韌，黑椒味突出得嚟唔會太鹹。薯仔切到細細粒，似乎無乜炸過唔夠香口。黑椒薯仔牛柳粒始終都係始祖萬發最好味。拔絲咕嚕肉賣相比一般嘅特別，除咗有拔絲仲有一塊焦糖脆脆，但同咕嚕肉唔係好夾。咕嚕肉炸得酥脆，醬汁稍為甜咗少少。乾炒牛河好有鑊氣，河粉條條分明，牛肉同河粉份量都唔少見到有邪惡嘅豬油撈飯梗係要叫一碗，豉油同豬油另上，自己想落幾多都得。鍾意食蔥的話仲可以再加埋蔥花同芫茜，如果唔係要留肚食其他餸，我一個人食一碗都唔係問題整體嚟講楚撚記真係好味又抵食，次次幫襯都好滿意。四個人食到飽埋單只係$500，仲有蕃薯糖水送…Read More

襯住約左5位foodies，一於去大排檔可以嗌多啲餸。除咗荃灣，仲有分店喺土瓜灣，西環。裝修懷舊風，座位多，卡位/圓枱都有。✨味道76分，環境75分，服務75分。.🔸秘製辣酒煮花螺($128)⭐️推介⭐係荃灣旗艦店限定！鍋底有蠟燭keep住熱，辣度大概係二小既辣，白蘿蔔好入味，吸收哂辣酒，煮得夠稔。花螺有長竹籤比你吉出黎食，好香口，冇沙。.🔸菠蘿拔絲咕嚕肉($99)⭐️招牌菜，用梅頭肉整，啖啖肉唔會一大舊脂肪，剛炸起，外皮撈完汁都微脆，酸酸甜甜，汁既份量剛好黐住每舊肉，又唔會成碟都係汁。.🔸欖菜肉鬆四季豆($68)太鹹，食既時候要撈好多飯。四季豆都夠新鮮，唔會有渣。.🔸香煎黑松露手打蓮藕墨魚餅($96)⭐️招牌菜，大概7塊，好香黑松露味，咬落口感有蓮藕嘅爽，亦都有墨魚餅嘅彈牙。.🔸飛天通菜煲($78)招牌菜，熱辣辣，好夠鑊氣，微微辣，落左蝦乾整得香，食到底浸到啲汁就鹹左啲。.🔸楚撚豬油撈飯($20)⭐️豬油，豉油，葱，芫荽，自己落適當份量。砵仔飯，飯粒粒分明，豬油愈邪惡愈香口。.🔸番薯糖水送飯後甜品🥣竟然有驚喜，好足料，大大舊番薯，煲得夠稔，甜度剛好，亦都夠薑味。…Read More

🥘楚撚記🧆以前細個唔識嘢最唔鐘意去大排檔覺得又熱又多數要去街市大個咗、麻甩咗先知大排檔係寶簡直係香港文化特色添依家多數都有裝冷氣無論係鑊氣同氣氛定菜式種類都係其他類型餐廳冇得比最開心係同班朋友好耐無見有得啤一啤佢(ﾟ(ﾟω(ﾟωﾟ(☆ω☆)ﾟωﾟ)ωﾟ)ﾟ)嗰種氣氛都無咩餐廳可以俾到今次第一次食楚撚記只可以講又令大排檔喺我心目中嘅地位昇華咗～呢到除咗有比較創新嘅菜式例如黑松露墨魚餅、菠蘿脆皮大腸、腐竹蛋糖水沙冰等黑松露墨魚餅彈牙鮮香得嚟又食到黑松露勁惹味⸜(ّᶿॕധّᶿॕ)⸝大腸果然皮好脆同菠蘿好夾腐竹蛋糖水沙冰真係好似食緊糖水咁仲要勁大榨好抵飲(ᗒᗨᗕ)大排檔傳統撚手小菜都唔少得好似避風塘炒鮮魷、豬油撈飯、咕嚕雞球、沙拉骨之類炒鮮魷唔會出現粉同鮮魷分離仲要好惹味唔會死鹹豬油撈飯我第一次食但原來都無想像中油膩仲要幾香口啵其他兩樣就正常發揮不過不失～聽講楚撚記都好難book下大家如果想食記得早啲打去留位！(☞ﾟヮﾟ)☞ ☜(ﾟヮﾟ☜)地址：西環石塘咀皇后大道西554-560號日富里百好大廈地下1號舖荃灣川龍街118號百悅坊地下-1樓土瓜灣馬頭圍道187號地下2及4號舖…Read More

相信呢間大排檔對大家來講一啲都唔陌生，去到而家已經有三間分店，而且唔係咁容易可以book到位，至少要早兩星期先book到靚時間😄嗰日8:30入座，我哋就叫咗四個餸：西環限定嘅黑柏葉爆炒雞腎花 $98入口有好濃既花生醬味，而且黑柏葉同埋雞腎都唔會煮到過老，啱啱好好爽口👍🏻成碟餸都好惹味好適合送飯菠蘿拔絲咕嚕肉 $98咕嚕肉係梅頭所以好軟淋，而且外皮炸得好脆，隔離有拔絲同埋幾粒焦糖脆脆，唔會過甜，整體都幾開胃燕麥金沙蝦球 $98 （掛住食唔記得影🤣)呢個餸喺香港嘅大排檔都好少有，呢個餸喺新加坡必食😍啲蝦好彈牙好爽口，麥片好香甜同埋炸得好酥脆，食到唔想停香煎黑松露手打蓮藕墨魚餅 $95佢係最驚喜嘅一個餸，上枱已經聞到淡淡的黑松露香，食落好香口，而且又有口感，食到一粒粒蓮藕😋唯一可以改善嘅地方就係有啲油甜品仲有番薯糖水👍🏻下次仲想試埋佢嘅椒鹽粟米，今次因為賣晒所以食唔到！大家快啲去支持呢一間良心店💛💛💛…Read More

黎到依度就唔知點解諗起：人生有個真正朋友的確好極個真正朋友同你一齊去大排檔啤啤佢仲更好極居然俾我周圍逛下發現左個好地方 —— 楚撚記，平時想食下特色排擋又想坐得舒服都會諗起妹記，原來選擇可以更多！依度既裝修以霓虹光管做左好多特色、港色字眼同裝飾，個人覺得好正好有feel真係賣港味道，餐牌裝平凡小妙變成經曲或者改良創新菜，實在要大叫 好吸引啊！！菠蘿拔絲咕嚕肉，依度既名菜之一，常見平民菜變成文化特式菜，上枱真係有個拔絲，精細而令賣相昇華晒咕嚕肉因為用左梅頭，又滑又腍又入味，正成道菜既味道真係幾好，好有風味七味黃金炸一口金磚豆腐，其實就真係椒鹽豆腐咁即，唔算好特別，外脆內滑既，值得叫又唔貴，但就俾佢個名搞到我期望太高勞蘇食推介 —— 燕麥金莎蝦球個外就知有燕麥同咸蛋一齊做既蝦，到底點做到廚師既推介？賣相好，然後一入口燕麥原來同咸蛋幾啱，入口唔太乾，一口咬落去，幾彈下，係有沉冰水既蝦仁口感算好唔錯，出面腍滑濃味，咬落脆彈清爽，相當推介大家去食唔飲酒就叫下正宗咸檸七依啲，啤酒都有好多選擇成餐飯都覺得好正好味之餘係好有feel，好特別既排檔風味，唯一係無咁大個胃試得晒佢咁多特別小菜！等睇勞蘇再食啦#完全估唔到咁特別#隔離連住火鍋撚#太多菜唔知點揀…Read More