麻辣風雲 (京都廣場)

我媽一開頭聽名以為只係得辣野食，原來唔辣嘅都有好多，仲有近期打卡大熱嘅餸菜，即刻帶我去試下先乾煸四季豆🥢炒過嘅四季豆顏色仲係好翠綠，口感清脆軟嫩薑蔥蠔🦪蠔肉厚而且蠔味重，醬汁有少少蓋過薑蔥味京蔥牛肉🐂京蔥味甜，牛肉唔韌冇筋，佐飯一流瑤柱蝦米蛋白炒飯🍚好香蛋白味，飯可炒得再乾身啲口感更好荔枝蝦球🦐彈牙蝦球用紅脆米包住，炸到香脆後掛上棵樹扮荔枝，盆栽底仙氣滲出，呢個真係IGable蘸荔枝果肉醬汁一齊食又係另一風味炸饅頭🛶由諸葛先生穿越時空乘風破浪送上金黃色外脆內軟炸饅頭，呢個呈現方式夠特別上網揾饅頭同諸葛先生有咩關係，原來真係有典故，餐廳呢個位做得好有心思菊花蜜🍶食左咁多正野，飲返杯菊花蜜潤潤喉先可以用古代酒碗嚟對飲，夠晒過癮估唔到一埕份量係咁多，斟出嚟粗略計有十五杯左右呢度上菜速度夠快，每道菜上枱仲係熱辣辣出晒煙👍🏻 (當然唔係話乾冰效果🤣）下次要試下酸菜魚先…查看更多

最近去咗bookmark咗好耐嘅麻辣風雲！大家唔好俾佢個名嚇親 其實唔係剩係得辣嘢食 而且佢喺銅鑼灣同旺角都有分店～ 今次去咗銅鑼灣京都廣場 環境以中國風為主 門面大大個「掂」字👍 仲有好有特色嘅字畫～ 重點係食物賣相超吸引又好食😛 價錢又唔貴‼️性價比好高~~♡ 炸饅頭 HKD$58用咗好吸引眼球嘅船作為器皿 上面插住咗「麻辣風雲」嘅旗🚩上枱嘅時候仲會噴晒煙🤣 影相打卡一流！饅頭炸到外脆內軟 點埋煉奶一齊食冇得輸😚😚♡ 荔枝蝦球 HKD$108一上枱已經好震撼🤣 超多仙氣～～～ 荔枝蝦球掛晒上棵樹上面真係好得意！而且都幾好食🤤 出邊好脆口入邊啲蝦肉好彈牙！點埋佢個醬甜甜地咁❣️♡菊花蜜（埕） HKD$48一開始係俾佢嘅賣相吸引咗先叫嘅飲品 粉紅色嘅「酒」埕 💕上面仲有啲花花咁好靚～ 入面其實係香甜嘅菊花蜜 甜度適中！用細碗仔咁飲 睇落好似飲緊酒咁好有feel🫶🏻♡黑糖脆炸糍粑 HKD$58相信係食川菜必點嘅甜品！糍粑煙煙韌韌 外脆內軟～配埋黑糖好好食😚😚♡開胃宜賓涼拌冷麵 HKD$38雖然佢好平 但真係好好食🤣 將啲配料撈埋一齊辣辣地咁好惹味！！平靚正👍 ♡蒜泥白肉卷 HKD$68超重蒜蓉味～～ 蒜蓉fans一定會鍾意haha♡樟茶煙燻乳鴿 HKD$88好似好耐冇食過乳鴿 所以叫嚟食！好細心地已經幫我哋切咗件～ 乳鴿好入味 而且個皮好脆😳🫶🏻…查看更多

麻辣風雲 味道評分:☄️(必食之選)>☀️>🌤>⛅️>💨☄️荔枝蝦球 $68上菜的一刻有被震撼到😳唔係講笑真係全場矚目🤣仙氣飄飄，造型滿分❣️味道方面都冇令人失望，同酒樓果d炸蟹鉗有異曲同工之妙~一定要配埋荔枝醬，甜甜的好好食🤤☀️胡椒豬肚雞(半隻) $168唔好以為麻辣風雲淨係得辣野食，都有唔辣的！飲啖熱騰騰的胡椒湯，暖下個胃好舒服😌胡椒味唔會太辣😋豬肚&雞件的份量都幾多，仲有紹菜、雲耳等配料~☀️麻辣豆腐 [中辣、中麻] $88豆腐好滑，再配上肉碎醬汁超下飯！唔好睇小中辣！平時食開譚仔4小的我，強忍淚水🤣下次我會叫小辣🥶☀️麻辣夫妻肺片 $68少辣，當前菜食都幾開胃😎🌤️開胃宜賓涼拌冷麵 $38;☀️白飯$13叫咗咁多餸菜，當然要叫返啲主食嚟配搭啦~☀️菊花蜜 $48/埕冷涼甜甜的花蜜，伴隨著菊花香~最特別既係用古代d碗仔倒出黎飲，體驗感滿滿😝…查看更多

發現一間打卡必食中菜館！佢哋嘅菜式賣相超級靚🤩而且唔係得個樣，係真係好食！真正式香味俱全🫶🏻 雖然餐廳名叫〖麻辣風雲〗，不過佢哋嘅菜式選擇都好多，如果辣嘅菜式又可以選擇辣嘅程度。好似我哋今次gathering咁有朋友唔食辣，我哋都叫咗好多無辣味嘅嘢食😋一樣好味！🌟荔枝蝦球 $68💁🏻‍♀️打卡必食1️⃣ 成盤荔枝樹盆栽咁上檯，迷霧嘅白煙一路飄出嚟，超級靚！炸蝦球化身成紅卜卜嘅荔枝掛喺樹上面（但係佢係冇荔枝味嘅🤣）嚟呢度食飯一定要叫呢個！蝦球炸得香脆蝦肉爽彈，又睇得又食得！🌟炸饅頭 $58💁🏻‍♀️打卡必食2️⃣ 諸葛亮揸船載住6個炸饅頭😆 睇OpenRice話船底會有白煙，不過我哋今次就冇，可能諸葛亮唔記得入油😂不過就算冇白煙個賣相一樣咁有氣勢！附煉奶俾你點饅頭食，饅頭炸得非常酥脆，好味到覺得呢個饅頭可以做餐廳招牌菜！我哋六個人要encore多一盤先夠食！😋🌟拔絲咕嚕肉 $148💁🏻‍♀️打卡必食3️⃣ 拔絲香蕉大家可能食得多，拔絲咕嚕肉又食過未呢？加咗拔絲嘅咕嚕肉又可以用嚟打卡😂 味道酸甜可口，外層脆肉質夠腍👍🏻都推薦俾大家試吓。🌟酸菜魚 $268💁🏻‍♀️打卡必食4️⃣ 雖然佢嘅賣相未必夠另外嗰幾味咁特別，但係我覺得佢最特別之處就係超巨量😂好足料！魚肉又夠厚又夠滑～湯底選用自家醃酸菜、魚骨同埋豬骨熬製，可以選擇辣同埋麻嘅程度。內有豆卜同埋薯粉，吸晒湯精華都特別好味！其他嘅小菜都相當唔錯，其中最得我歡心嘅係«外婆紅燒肉»，醬汁惹味，選用五花腩一層層非常軟嫩，而且仲加咗鵪鶉蛋😋 都幾特別！另外菊花蜜一埕上，店員會問要幾多隻杯～ 個埕同埋杯都幾特別，好似喺古代飲緊酒咁😛 都可以叫嚟打卡㗎！食完熱氣嘢飲返杯菊花蜜都幾清熱～✰京蔥牛肉 $128✰外婆紅燒肉 $118✰黃金蝦 $188✰黃金粟米 $78✰酸辣土豆絲 $88✰乾煸四季豆 $88✰清炒蒜蓉豆丕苗 $138✰菊花蜜（埕） $48✰龍鳳檸樂 $38✰冰爽薄荷鹹檸七 $38✰冰爽龍眼冰 $38…查看更多

炸饅頭賣相：🐧🐧🐧🐧🐧❤️味道：🐧🐧🐧🐧🐧金黃油亮的炸饅頭乘船而上，餐廳名字旗幟高掛船頭，氣勢十足，打卡一流。炸饅頭外皮酥脆香口，內裡軟熟富實感，沾上甜膩奶香的煉奶，經典美味配搭，必點推介。太極鴛鴦魚❣️酸菜魚🐟水煮魚賣相：🐧🐧🐧🐧🐧味道：🐧🐧🐧🐧🐧酸菜魚魚片無骨爽滑，內附大量配菜及調味料，包括四川酸菜、泡辣椒、花椒等，湯酸味美，微辣不膩，辛香四溢，惹味開胃。水煮魚集鹹、鮮、麻、辣四味於一身，湯底油香而不膩口，辣而不燥，麻而不苦，令人「麻上頭，辣過癮」兩款魚品均配以大量入味伴菜，包括大豆芽、豆卜、寬粉等，讓人能細緻品嘗湯底精華，非常理想。🐧❣️菜品提供辣度選擇，客人可按個人喜好選擇，十分貼心。涼拌雞絲粉皮賣相：🐧🐧🐧🐧味道：🐧🐧🐧🐧🐧粉皮冰涼爽滑，煙韌有嚼勁，與鮮甜美味的雞絲，以及新鮮爽口的青瓜絲配搭，淋上麻香味濃的芝麻花生醬，清新又開胃，解暑小菜必食。黑糖脆炸糍粑賣相：🐧🐧🐧🐧🐧味道：🐧🐧🐧🐧🐧糍粑炸得外皮酥脆，內裡軟糯煙韌，潵上黃豆粉為糍粑增添濃郁香醇的堅果香，黑糖漿則為糍粑帶來一抺濃甜。洛神花茶、菊花蜜賣相：🐧🐧🐧🐧🐧❤️味道：🐧🐧🐧🐧🐧兩款飲料都採用別緻特色的小酒埕連迷你酒碗送上，令人產生古代把酒談歡之感。洛神花茶入口酸香味極為突出，卻未有澀味，隨後會有一絲微微的甘甜涌上喉頭，消滯解膩良選。菊花蜜淡而清香，甘甜的蜂蜜中和了茶飲的苦澀，清潤可口，解辣一流。🐧❣️餐廳採用QR code 自助下單，方便又易於追蹤❤️🐧❣️餐廳設有會員積分獎賞，喜好麻辣川菜朋友切勿錯過❤️🐧❤️結語：川菜愛好者必食推薦❣️…查看更多

今晚突然想食下辣嘢，就去咗好多人介紹嘅「麻辣風雲」，一出lift就見到用梅、蘭、菊、竹主題裝飾，餐廳用左水墨畫紙燈，好有特色，其中一個貴賓房掛住水墨畫，放住特色中國花瓶，完全感受到中國傳統文化。炸饅頭賣相獨特，借用古代曹操草船借箭造型，炸饅頭外皮酥脆，內裡鬆軟，加少少煉奶食有著淡淡既甜味。麻辣夫妻肺片入面有牛肚、豬肺、牛舌等各種材料，十分爽口，醬汁非常香辣，由花椒和辣椒組成，帶有麻感，很有川菜風味。而且各種食材的紋理與味道都非常的突出。太極鴛鴦魚擺盤參考太極嘅形狀，一邊放上酸菜魚，另一邊放上水煮魚，一次過試晒兩種經典菜式。酸菜魚魚片爽滑、湯酸味美、微辣不膩，水煮魚用上大量香料同埋辣椒，麻香味較濃郁。黑松露煙燻糖心蛋一上枱已經聞到好香嘅煙熏味，半凝固甜甜地嘅糖心蛋黃跟黑松露的味道相互融合，入口醇香美味。菊花蜜用左印住🌸既粉紅色酒呈裝住，另外用上飲中國酒既酒瓶，好特別嘅體驗，自家製菊花蜜非常滋潤，有淡淡花香味，解辣一流。…查看更多

一講起酸菜魚，我就諗起麻辣風雲！我更念念不忘嘅係佢哋嘅炸饅頭😋今次再訪餐廳，唔使考慮，立即落單呢兩款菜式！諸葛亮乘風破浪地承載住新鮮炸起嘅饅頭出場，又係打卡拍片嘅好時候📸饅頭外皮香脆，入面鬆軟，富麥味，係我懷念嘅味道。店員捧上酸菜魚嘅時候，香味亦隨著氣流飄散，整體擺盤同配色上都非常繽紛，視覺及嗅覺上都好高分！我點咗小酸同小辣，再加薯粉。嫩滑又無骨嘅魚肉吸收晒濃郁嘅湯底，入味非常。我另外再點咗一份蒜香小龍蝦，份量十足，熱辣辣而且蒜茸味濃。店員細心地提供膠手套俾我哋，食得滋味又唔會整污糟隻手。餐廳亦有其他唔辣嘅小菜可以選擇，辣與唔辣都可以讓客人享受到與別不同嘅用餐體驗。…查看更多

Book左星期五晚8:15，上到去好多人，提早15分鐘去到都等到8:30先入得。個場比我想像中細，所以建議夜晚食真係要book枱先。啲碗碟好靚~一坐低就送左啲小食上黎。中華沙律酸酸辣辣，超級開胃。花生就正正常常，同埋有啲紫菜味。炸饅頭真係必嗌💯‼️我本身對佢冇乜期望，見$58@6舊，以為只係勝在擺盤，加上又真係好靚😍，以為個個都淨係嗌黎打卡🤣。點知原來個口感都好出色。咬開左好似棉花糖咁😋，點煉奶一流~凍左之後食個味同口感都一樣，冇冧到。我嗌左中酸，小辣，小麻🌶️。啲魚好滑好爽口😍，份量中規中矩。同埋加$30可以配薯粉。薯粉份量都算多，我同媽咪2個人食，食淨好多😂。個壺好靚啊🤤，份量比想像中多，我諗可以斟到至小15次落個個杯仔度。2個人食真係會好飽好飽🤣，下次都係嗌多幾個朋友黎一齊食先！🥰…查看更多

呢間川菜館係由Tonick恆仔開嘅，之前見到個個都打卡隻炸饅頭船，所以早就bookmark咗要嚟試下🤣平日8pm上到嚟都等咗半個鐘，果然係人氣酸菜魚店！🥢前菜 ($9/位)中華沙律伴微辣汁好開胃、紫菜花生都係微微麻辣幾惹味～🐟酸菜魚 ($268)每枱必點嘅菜式，嗌咗小酸小辣，辣嘅程度都接受到，食得辣嘅可以挑戰中辣以上🙌🏻酸菜魚好大盤，魚肉份量不少，肉質嫩滑冇細骨👍🏻配料仲有萵荀、豆卜、自家醃製酸菜、寬粉，相當豐富😍寬粉煙韌Q彈，浸住湯食好夾，豆卜都索哂湯汁好好味～🥯炸饅頭($58)就係為咗打卡呢隻船而嚟🤩裝住六個炸饅頭嘅諸葛亮船，造型好有霸氣🔥一上枱仲會有乾冰做煙霧效果，仙氣十足打卡一流～而且炸饅頭唔係得個gimmick，外表金黃色嘅佢實際上熱辣辣，咬落外脆內鬆軟，做得非常出色😍再沾上煉奶食簡直係perfect！🥒涼拌萵荀 ($58)酸菜魚裏面嘅萵荀唔夠喉，所以嗌多碟🤣萵荀爽脆，好啱配酸菜魚😆🍮黑糖脆炸糍粑 ($58)食川菜必嗌嘅飯後甜品，煙煙韌韌，配埋黑糖同黃豆粉好好味！🌼菊花蜜 ($48)又一個打卡位🤣用桃紅色嘅酒埕好似返咗古代咁！(連飲用嘅容器都係古代小碟嚟) 菊花蜜味道清甜，而且好夠冰凍，解辣解膩一流👍🏻🥥冰涼椰汁冰 ($38)清爽椰汁，唔太甜好香椰味，解渴一流總結：炸饅頭嚟到一定要試🤤呢度嘅川菜唔太油，幾啱口味，而且店員都好有禮貌，整體而言不錯👍🏻…查看更多

3人去完工展會，天氣凍，想食滾熱辣嘅野暖下身，天時地利人和之下仲唔係時候去轉麻辣風雲，由ToNick恆仔開的川菜店，有唔少分店咁啱銅記有一間，想去好耐終於可一試。裝潢帶點中式，位子闊落坐得幾舒服，7點去到時間尚早唔算好多人，之後就越來越多人最好BOOK定位先。餐牌，食物選擇都幾多，但第一次幫襯，必試下招牌的酸菜魚，酸辣麻口味有得揀，適合我呢類怕辣但又想食辣的嘅人。用手機落單，都幾方便。前菜，每碟$9。炸饅頭，$58，草船借箭，甚有霸氣，船邊仲有噴煙效果實在太有氣勢了!炸饅頭口感外薄脆內軟熟，果然好味。酸菜魚，$268，要了中酸、小辣、小麻，酸菜魚相當足料，鱸魚肉份量十足，口感爽脆嫩滑，湯底味道酸鹹味平均小小辣，開胃又暖身，內有薯粉口感煙韌入味。黑糖脆炸糍粑，$58，甜品，糍粑口感軟糯，味道香甜。菊花蜜，$48，好大樽份量多，陶瓷酒壺及酒碗甚有特色，有古代把酒談歡之感，菊花蜜清潤。龍鳳檸樂，$28，友人的。食物好味，價格合理，坐得幾舒服，下次有機試下其他菜式。…查看更多

同朋友去食特色麻辣四川菜🌶呢間餐牌有多款酸麻辣菜式價錢合理 、上菜快整體性價比高啱晒嗜辣嘅朋友🔥一坐低就擺低兩小碟前菜分別係辣紫菜花生及涼拌麻辣海藻為呢個麻辣晚餐揭開序幕要落單掃QR code就可以了招牌酸菜魚係必試🐟成個面盆咁大碗有唔同麻辣度選擇魚肉嫩滑伴有寬粉及海量配菜酸辣味道調得好入味👍🏻炸饅頭都係必點打卡菜📸成架中式船噴晒煙咁上枱🛳重點係饅頭炸得外脆內軟沾煉奶食非常美味😋花雕醉雞都唔錯擔擔麵仲可以選擇麻辣度飲品菊花蜜配合中式主題葫蘆形一呈咁盛載再供應兩隻小砵飲用好似返咗去古代一樣😆巧有feel~…查看更多

講起食酸菜魚，我多數都係食呢間人氣黃店，貪佢大大份夠抵食，魚肉又無骨😆 最近先知原來銅鑼灣都有分店，啱晒我呢啲長期喺港島打躉嘅人🤣通常出去食上海菜都會叫雞絲粉皮，而呢度雖然食川菜，但係我特別鍾意食佢嘅雞絲粉皮，全因為佢食落除咗有花生醬之外，仲有少少麻辣味，夠晒惹味😋另一樣必嗌嘅菜式就係炸饅頭！幾乎每一枱都嗌🤓 雖然炸饅頭來講佢算偏貴，但係佢出場個氣勢絕對有返咁上下，除咗有乾冰，仲有成架船比你影相😜 而饅頭食落外脆內軟，加上煉奶一流🤤到咗主角——酸菜魚登場😳 魚肉無骨之餘，食落都好滑溜，而份量都好足，屬於「食極都仲有」嘅程度🤣 另外仲有勁多配料：酸菜、芽菜、萵筍、豆卜同寛粉😌 而佢嘅寛粉係比出面嘅厚身啲，食落會更加Q彈！川菜嚟講，都經常會嗌乾煸四季豆，而呢度炒到好乾身，但又唔會好油膩😗 另外啲辣肉碎都係重點，夠哂辣！仲有加入咗啲欖菜同辣椒一齊炒，非常惹味☺️呢個菊花蜜都係必嗌，佢入面真係有菊花瓣🤓️ 味道唔會死甜，飲落去係好清新嘅感覺，啱哂食辣嘢用嚟解辣😌總括而言，呢間川菜館係我食酸菜魚嘅長期飯堂😌 鍾意佢魚片超多，夠三四個人食，又滑又無骨，而且夠麻夠酸，值得encore😋 順帶一提，佢哋而家仲新開咗個會員系統，成為會員儲積分仲可以享現金回贈，啱晒我呢啲成日幫襯嘅人😌…查看更多

🥚🥚🐷麻辣至尊再起風雲✨性價比：7.5/10🍳食物：8.5/10🌏環境：8/10🕺🏻服務：8/10💰是次消費：人均 $ 333 +10%#蛋蛋豬 🏝地點分類: #蛋蛋豬在銅鑼灣🍰食物分類: #蛋蛋豬吃中菜 #蛋蛋豬吃川菜————————二訪麻辣風雲，最掛念他們最有霸氣的諸葛亮戰船炸饅頭，香口麻辣菜無論幾時都令人興奮！炸饅頭 ($58) – 推薦*永遠令人期待的菜式，打卡一流，船底加上乾冰自帶煙霧彌漫效果。當你以為6件饅頭太多，炸饅頭的外脆內軟，再點配香滑甜煉奶，實際是令人停不了口。招牌酸菜魚 ($268) – 推薦*本來不多愛吃魚的我，都被這道菜式吸引到不停夾。小辣對我們來說口味剛剛好，惹味之餘又吃到酸菜魚真正味道，魚肉軟綿嫰滑，完全無骨，大大份。底下的寬粉芽菜吸滿酸辣汁，長期刺激味蕾。京蔥牛肉 ($128)牛肉煮得軟腍有穫氣，正常。黑松露煙燻糖心蛋 ($68)糖心蛋正常水準，黑松露味一般。麻辣海蜇 ($78)香口爽脆，份量比想像中大，醬汁混得滿滿的。菊花蜜 ($48) – 推薦*打卡專門飲料，古典優雅的酒埕菊花蜜，加上酒碟形狀的杯子，仿佛瞬間穿越時空。總結：麻辣菜式包羅萬有，高水準回頭之選。麻辣風雲 Spicy Restaurant🚦銅鑼灣駱克道491-499號京都廣場5樓(銅鑼灣站 C 出口, 步行約1分鐘)🕰營業時間：11:30 – 22:00…查看更多

淨係嗰店名已經夠氣勢，原來食物同擺盤一樣有氣勢，怪不得當日全店滿座。📌酸菜魚一上枱已經被嗰極大嘅湯碗吸引到，估計份量應該好豐富。酸菜魚可以揀大、中、小辣，小編就揀咗小辣，其實食落都幾辣，不過麻味會多一啲，而酸度亦剛好，用料亦非常豐富，有泡菜、酸菜、牙菜、寛麵、薑等等。主角魚肉爽滑鮮嫩，完全冇魚骨可以大大舊放心食，好滿足。📌炸饅頭炸饅頭嘅氣勢更利害更有氣派，係用木船盛載，木船有氣孔啲氣會從氣孔放出，其係好似開船。講返炸饅頭本身，小編好耐冇食過，有一點懷念，這裏饅頭皮呈黃金色，非常脆，內面就鬆軟，整體唔覺得好油膩，六件份量適中，讚。📌蟹皇扒豆苗（季節限量）小編仲叫咗碟季節限量，係蟹皇扒豆苗。秋天食蟹就最啱，蟹肉蟹膏都非常鮮味香濃，配上清新嘅豆苗，絕對冇叫錯。📌菊花蜜他們仲有自家製菊花蜜，味道清香，小編覺得係必試。…查看更多

Bookmark左好耐，終於今日同屋企人去食。地點非常方便，一出地鐵站C 出口過對面就到。非常方便。我同屋企人習慣早食飯，6:30 到唔洗排隊，但食完7點幾都開始陸續多人。餐廳的款式和選擇多。原來仲有大閘蟹食，但早兩日食完，今日就唔食，食下川菜。環境好舒服，座位間闊落，且佈置亦配合川菜的特色、古色古香。仲要配合古典中式的純音樂。非常有心思。點菜係用QRCODE 點菜，非常方便，最後我地叫左以下的菜式。1.涼拌雞絲粉皮（ $68）好中意呢間的涼拌雞絲粉皮，內有雞絲、粉皮、青瓜和勁多花生醬。好滑的秘製花生醬醬料令的一試難忘，食落唔會膩，配上配料反而覺得清新。粉皮仲要煙煙韌韌，正💯2.炸饅頭（ $58）饅頭炸到金黃色, 外脆內軟。上菜方式非常有氣勢、煙霧的效果放喺隻印上《麻辣風雲》嘅帆船上面真係非常適合打卡。除左打卡之外，饅頭內非常軟熟，配上炸到脆卜卜的表面加上煉奶簡直一流！3.酸菜魚（$268 ）麻辣風雲招牌之一，酸菜魚。當然要試一試，店員好好地詢問的地辣同酸的程度，啱晒唔同朋友嘅接受程度同口味👍🏻我地就揀左少酸和少辣。入面材料有好足料的嫩滑魚肉、好多的薯粉、仲有不同的配料，包括酸菜、芽菜，萵荀、豆卜、菇等等。成個配搭好好美，且好滿足😋4.酒釀丸子（ $48）好中意佢既酒釀丸子，丸子的數量勁多，另外仲要有好淡淡清香的桂花味，食落非常清新，亦非常滋補，冬天女仔可以點這個甜品。5.黑糖脆炸糍粑（ $58）我屋企人勁中意食呢個，一份有6件,佢自己食左5件，中意食煙韌既野既你，就記得要點。時間面頭有黃豆粉, 每件都炸到外脆內軟, 配上黑糖醬汁，好味道。6.菊花蜜（$48/埕）賣相特別✨用埕裝住, 倒落碗仔度飲。入面甜甜地嘅菊花蜜清涼降火，啱晒食麻辣同煎炸食物，而且味道清甜，超級值得推介必食推介：涼拌雞絲粉皮、炸饅頭、酒釀丸子…查看更多