蛇王二 (已結業)

作為一個成日蒲銅鑼灣嘅港島人，點可以少得蛇王二呢間咁有歷史嘅港式餐廳呢！果日收工經過嘅時候，得知佢地因為租務問題做到24/4就會光榮結業omg....畢竟佢都陪我左我成個青少年時代（雖然果陣覺得佢好貴）地點：銅鑼灣廣場斜對面，地理位置唔洗多講啦環境：金碧輝煌嘅門口，傳統港式餐廳嘅格局擺設，員工清一色白襯衫紅色背心外套，店舖企理乾淨，洗去不整潔嘅感覺！一盒盒白色放著脆皮膶腸嘅外賣盒、一扎扎掛起黎嘅臘腸膶腸、一樽樽蛇酒、仲有一張老香港式嘅廣告招紙，帶來古色古香嘅港式餐廳味道，到時2020年嘅今日真係愈來愈少架啦食物質素：蛇羹餐（菊花會五蛇羹、脆皮膶腸飯、蠔油生菜，$114）首先黎個撚手專門菜-菊花會五蛇羹話明係蛇羹專家，又點會浪得虛名呀！相比起一啲普通食蛇羹嘅餐廳，蛇王二嘅蛇羹足料到不得了，蛇肉多話羹，口感分明，而且咸度適中！再配埋表面輕輕放上左幾片菊花，令到成碗蛇羹再不肥膩，而且又會有種好fresh嘅感覺再食埋果啲浸滿蛇羹嘅脆脆，真係好好味食完個人當堂暖曬！另一道出名嘅就係脆皮膶腸飯，膶腸一野咬落去....個皮脆到不得了...個餡係用左上乘鴨肉製作，肥瘦分布平均，甚有口感！此外鴨油慢慢係腸入面流落去啲飯度...令到成碗飯都充滿著鴨油嘅香味！令到成碗飯雖然睇落好單調，但食落去就會令你愛不釋手！鵝脾油脾飯+川貝海底椰燉瘦肉湯（$110）鵝脾油脾飯可以選擇原脾上，由於衛生關係我地叫佢預先斬左先。鵝脾外皮脆肉質滑嫩，而且仲有厚厚嘅皮下脂肪（本人覺得燒鵝係要食脂肪先至好味😋）烹調時間控制得好好，令到鵝脾唔會有陣羶味（陣味主要係因為層皮下脂肪，煮得唔好會好羶）！油雞就同鵝脾剛好相反，比較少脂肪，肉質更嫩滑，形成兩種口感！嘆完個靚飯之後，再飲番盅燉湯，佢嘅用料絕對唔係騙人，瘦肉有成三大舊，海底椰嘅甜味經過慢火燉煮後，令到成個湯變得好鮮甜而且唔油膩飲完之後好滋潤！叉燒燻蹄飯加脆皮潤腸+鳳爪燉螺頭湯（$106）除左脾之外，叉燒又係另一樣好出色嘅菜式，佢所用嘅豬肉偏向瘦，而表皮會有輕輕燒焦嘅感覺，為成舊肉增添唔少口感！叉燒甜度適中，配上白飯就啱啱好燻蹄則屬於不過不失嘅水平，味道偏淡，需要配合送上嘅酸汁提升味道相比起川貝燉雞湯，螺頭湯就係另一個層次嘅湯水，川貝湯滋潤較為清淡，螺頭湯就屬於鮮甜較油膩嘅類別！個人喜愛較清淡滋潤嘅川貝湯，無咁油膩呀麻服務：店內職員都係上左年紀嘅叔叔，但出奇地好好禮貌而且又好熱情咁介紹，上菜時間又快。雖然好多人出面排隊，但就算我地食完又唔會催你交枱，服務態度就係超級好！價錢：過百元嘅套餐係港式餐廳黎講係偏貴，但如果你係為左食高質素食物嘅話，真係一啲都唔貴啦！臨走嘅時候忍唔住買左半斤膶腸番去慢慢嘆（$98/8條）希望老闆盡快搵到新舖，令到蛇王二嘅風味得以延續落去！…查看更多

蛇羹，我只記得在小時候品嚐過幾次之後，便沒有什麼機會再去品嚐了因為在香港，蛇羹店已經買少見少，直到今天，整個香港中只有為數不多的蛇羹店，而今天介紹的這間蛇羹店，便是當中碩果僅存的其中之一可惜的是，它亦將於4月24日結業了所以我立即把握最後機會，今天晚上帶男友來到這裡好好品嚐和懷念一下蛇羹的味道No.1【菊花會五蛇羹】$114 蛇羹餐蛇羹上佈滿著白菊花花瓣，檸檬葉，以及薄脆片前兩者應該是用來去除腥味，可惜本人最討厭便是這些「配菜」，惟有細心地慢慢挑剔出來至於薄脆片則用來豐富口感，本人非常喜歡這碗蛇羹的質感是偏向濃稠，而且份量亦相當「足料」，單單是蛇羹肉已經佔了大半碗而且肉質更十分柔軟嫩滑，鮮美多汁，每一口都充滿著濃濃的蛇肉氣息，咸咸的，香香的，蛇香四溢，滋味非常，讓人口舌生香，回味無窮最後再配上冬菇絲，薑絲，陳皮，以及卜卜脆的薄脆片，味道立即更上一層樓，簡直完美得無懈可擊，美味得讓人久久縈繞！No.2【燉過山烏蛇湯】$130其實當我看見最便宜的蛇湯都索價$130，那一刻我真的有點卻步，覺得不如嚐試$30多元的普通燉湯便算了不過，既然專程來到蛇羹店，而且坊間的餐廳根本沒有售賣這麼滋補和「重口味」的蛇湯，所以我和男友最後決定點一碗比較便宜的蛇湯來品嚐一下我們一心抱著嚐試的心態來品嚐，覺得應該會很重藥材味，但想不到味道竟然相當有驚喜，連男友本來說不喝不喝，到最後都喝了接近一半呢比起其他燉湯，蛇湯的湯碗是特別大碗的，初初我們非常擔心會喝不完，但其實原來並不是它的湯水特別多，而是由於他們是把整條蛇放進湯碗內慢慢熬製，所以需要用更大的湯碗盛載而已，喝到最後我們更看到大量蛇的湯渣，由此可見這碗蛇湯真的相當足料！相比起滋潤的雞湯，我更喜歡這碗滋補，而且又「重口味」的蛇湯，無他的，就是湯水一點也不油膩之餘，更可以清澈見底，而且藥材味亦不會太濃烈小口品嚐過後，濃濃的蛇肉氣息迴旋在口中，甜甜的，香香的，芳香四溢，咸甜交織，其味無窮，珍饈美味No.3【瑤柱雜錦冬瓜盅】$34對比起香濃惹味，滋味非常的過山烏蛇湯，冬瓜盅的味道便顯得清淡得多了冬瓜盅的湯水並沒有什麼味道之餘，更好像和清湯寡水一樣淡而無味，簡直味同嚼蜡唯一比較出色的，應該就是店舖竟然可以把瑤柱鑲嵌在冬瓜中，很明顯是一份「功夫作」！:)No.4【叉燒油雞飯】$15 蛇羹餐升級由於我們是點了蛇羹餐，所以本來是包了一份膶腸飯，可惜男友並不喜歡吃膶腸飯，同時亦有很多人推介這間餐廳的燒味飯，所以男友便額外加$15把膶腸飯改為叉雞飯了可惜的是，由於我們忘記了要求肥叉燒和肥油雞，導致兩者都是非常瘦削，一點脂肪都沒有:(沒有脂肪的叉燒，口感當然非常堅韌，而且更缺乏脂香感，至於油雞的口感則相當粗糙，而且亦沒有任何肉汁，簡直味如雞肋，讓人難以下嚥，囓蘗吞針No.5【蠔油生菜】$114 蛇羹餐生菜的口感十分清新和清爽，再配上咸香四溢的蠔油，可以中和一下蛇羹的飽滯，以及叉雞的油膩感覺價錢方面，菊花會五蛇羹套餐$114，轉叉雞飯加$15，即是$129， 燉過山烏蛇湯$130，瑤柱雜錦冬瓜盅$34，兩人總共$293，價錢真的一點也不便宜總結來說，這間餐廳的蛇羹和蛇湯的味道簡直堪稱一絕，美味得讓人吮指回味只是其他食物的味道便相對地比較一般了，所以建議大家可以只點關於蛇肉的食物便好了…查看更多

忘記七點先有小巴搭，老遠行十幾廿分鐘到銅鑼灣不知所措！無理由截返灣仔碼頭搭船，如果搭地鐵火車要迫要企要轉幾次車，唯有食個飯先啦。想去蒂蒂香搵唔到，行去一蘭排長龍，晏去吸血鬼大食代已經收晒檔無野食！唯有落街搵食，兜兜轉轉是但蛇王二，食飽返歸。榮休在即 4 月尾再緣再見，有召喚黃戰士即到，一支穿雲箭千軍萬馬來相見！我不要再坐廁所位，長期聞住洗潔精及廁所味，叫我怎樣可以舒暢地品嚐佳餚呢？環境内籠格局以白色為主的裝修，侍應叔伯兄弟們廚房師傅們都目無表情，甚至殺氣騰騰，使我感到自己彷似身處麻雀館一樣！您的待遇如何，您的嘴臉也必如何，福佳老闆賤格刻薄嗎？不過感到他們只是有點酷，只係無笑容不健談，其實服務周到，對食客們耐心細心。侍應阿叔只回應一句無鴨髀，我還以為賣晒，唯有再望望餐牌。原來燒鴨已經取消，只賣燒鵝囉！其實同我講聲都無難度啫。壞左的心情，食好一點，對自己好一點。天蔴烚魚頭湯，雖然不及川芎白芷魚頭湯色香味爆燈，已經十分清甜，鮮魚味及藥材味平衡好好飲！燻蹄油雞髀飯，燻蹄豬味激甜，瘦肉嚥韌香甜，豬皮油香爽彈，滾埋酸醋躺在豉油撈飯上，劈盡嘴仔塞入細味，舒服滿足無得輸！白飯無濕爛，乾爽撈豉油加香口薑蔥油，夾著燻蹄、夾著油髀齊齊嘆，滾動的味道。燻蹄切雞髀飯，切髀肥美油潤，皮薄肉嫩，滑彈鮮甜，無敵雞髀！白飯過濕有點爛，食幾啖想放棄。竹笙雞燉翅，竹笙爽脆吸盡湯汁精華，少少翅針兼雞味濃郁熱騰騰，飲到一滴不漏。蛇羹餐，菊花會五蛇羹、燒肉切雞髀飯、蠔油生菜。菊花會五蛇羹，食過多間蛇羹，只有蛇王二不提供任何調味料，無醋無辣無麻油無胡椒粉都好食既。檯面只有胡椒粉及豉油，沒有麻油沒有酸沒有酒，師傅已調好味加入菊花、檸檬葉及薄脆。菊花檸檬葉脆片混上甜美蛇羹，檸檬葉極香，仲有菊花瓣，果皮味突出，食得到木耳絲蛇肉絲，薄脆吸收蛇湯滑嘟嘟而香口。蛇肉切得非常幼細，食開的都是大大舊蛇肉，入口絲絲蛇肉仲有菊花瓣，不過無菊花味。味道清爽帶香料味，厚薄適中，貴得合理！真材實料配料非常多塞得滿滿，其實跟上水蛇王兄差不多，較好食一點點。早前係上水蛇王兄意外地加入蛇酒，酒醇厚香甜，提升味道到極限十粒星呀！燒肉切雞髀飯，都唔明白點解上水盈昌燒味切雞會硬掘掘無彈性，味道陰沉無鮮味！食過多間燒味，盈昌雞屬地獄級，但例湯及其他燒味就做得不錯蠻滿意，總之千奇唔好叫雞囉。燒肉一半極高質，半肥瘦香甜。另一半肥騰騰，油淋淋咸到死！兩者都沒有脆皮。蠔油生菜，暗啞烚生菜，莖有苦澀味，爽嫩菜葉沾上蠔油唔難食，合格爽甜。蛇羹餐，菊花會五蛇羹、脆皮膶腸飯、蠔油生菜。唔夠飽！唔夠飽！陳腎西洋菜湯，西洋菜爽甜無比，被我完全消滅無得剩！西洋菜味強烈霸道好味道！仲有陳腎咸鮮蜜棗輕甜。脆皮膶腸飯，點解係鴛鴦腸，臘腸拼膶腸既？臘味糯米飯，雖然不是生炒，蒸飯撈出來，十分多料有誠意！冬菇臘肉蝦米生蔥花生，咬啖脆皮腸再塞啖飯，油香咸香加肉香，夾注多水生菜再塞啖飯，蠻不錯的配搭。菜膽燉豬肺湯，蜜棗味濃厚還可以，南北杏爽脆過癮，菜膽燉得完全透徹，火喉十足濃厚香厚的湯汁，當然一滴不漏！不腥不嗅，肥美彈彈，清甜不得了！蛇汁雞髀飯免斬，就連伴碟的凍菜芯都質素極高！兩啖消滅，菜汁微滲，爽甜鮮嫩無比！完全熟成透徹的薑蔥油，沒有草腥味，清香宜人，跟甜而不濁燒味豉油融合撈飯食，舒暢開胃食不停！消失的蛇汁使我非常困惑，向師傅詢問下，原來無汁的，切雞髀已用蛇汁洗禮過，所有雞都係蛇汁浸。食髀梗係免斬才是皇道，原汁原味！肉質肉汁沒被刀鋒所沾污，亦沒半點流失，宇宙級甜美絕倫！薄皮肥美，彈滑色香味俱全，啖啖肉啖啖汁。雞甜味非凡一啖雞肉一啖靚豉油撈飯，非常幸福，夫復何求。燉過山烏蛇湯，叔叔原盅送上面前開蓋，白煙輕飄，熱力迫人，火侯十足，真材實料，食材盛到滿滿的。啖啖蛇肉，嚥韌乾乾，所有精華已溶到湯汁之中。超足料藥材墊底！黨蔘淮山杞子，湯汁厚厚幼滑潤澤，清徹透光，續少啖品嚐不夠暢快，整盅拿起滾熱辣灌入，直通腸胃，豪氣極致！叉燒原隻燒鵝髀飯，叉燒乾硬不軟塾肥美，甜甜濃濁的醃味麻麻地。巨髀揸上手份量十足開心到死，見到已眼睛發青光！狠狠地一咬一扯，鵝汁油脂肉汁激射，滿嘴甘香油潤，皮脆肉嫩，香料清爽得宜。鵝肉天然鮮甜發揮得淋漓盡致，骨頭都被我損得乾乾淨淨，大啖肉大啖飯，幸福快樂！淮杞燉豬腦湯，清澈清淡的湯汁，少少淮山杞子甜味，少少豬腦雞腳味。燉豬腦綿綿甘甜補補腦汁，雞腳爽脆雞味甜甜，全部清掉無得留低。燒肉燒鵝髀飯免斬，我食開原隻半邊燒鵝髀架喎，得半隻既？每次燒肉都中伏肥到刷子膠一樣，唔夠飽唯有送飯照食落肚啦！樟州雪耳燉鱷魚肉，極重杏仁味，十足杏霜一樣濃。雪耳膠軟滑，平民燕窩，連湯汁都變得厚厚飽滿黏黏。蜜棗味都不弱，難得甜而不膩，清爽順喉。食開雪藏鱷魚肉，首次遇到乾貨，味道似海味，質地似方魚十分有趣。油雞髀湯河免斬，忘記可能有蔥花，無叫走蔥呢！掛住影相無立即挑走，蔥青味溶到湯裡去，救命！清湯堅清，淡得太離譜，微暖泛著蔥腥味，我食唔到生蔥架！試試掉隻油髀落湯希望有點咸味雞味，但依然無保於事，最後撈薑蔥油同吃就好得多了！河粉高質滑彈長長完整，最衰唔夠熱兼湯唔夠濃。雞髀緊係要免斬原汁原味，狂野原始咬咬扯扯，半滴肉汁都不浪費！肉彈皮脆，豉油清甜可口，雞味飄香，趙得津津有味！沙參玉竹燉生魚，估唔到湯汁晶凝剔透黏度高，魚味清甜不腥，濃郁得令我驚訝！生魚肉鮮味十足，完全意料之外！金牌四寶飯加膶腸，無金牌既？金牌在那？燒味部四眼肥仔放低時有點猶豫，明顯心有愧心知肚明！四寶全部都係平價食材，雞鵝叉燒都無舊！紅腸咸蛋雞中翼燒排骨收我五十幾蚊，條膶腸我另加 $16 蚊散叫架！燒排骨有驚喜，食開都係柴皮勁咸，依幾舊肥美香甜帶肉汁，仲有脆卜卜軟骨且有肉食！玫瑰油雞翼原隻不斬夠細心，極討厭斜斬尖骨吉死人又有骨碎，原隻保持雞汁在內，外脆內嫩。清甜紅腸沾著甜豉油呷啖飯，十分美妙使人回味！膶腸有著獨特的味道，超強濃烈酒香送飯停唔到！脆皮爽爽包著甘香鵝膶，神奇回香萬分！咸蛋甜豉油好送飯，白飯難得清晒。雞腳燉螺頭湯，淮山杞子清甜，湯汁膠膠黏厚，雞甜味突出且濃郁，搞到雙手黐立立！五點半食早飯，轉頭未到十點又肚餓。真係有粒巨形螺頭鎮住喎！彈牙不韌，螺味超然。燻蹄肥叉燒飯，想食海蜇無海蜇！厚切肥叉其實只有點點脂肪黐附，非常彈牙鬆軟！特別多汁，特別甘香，間中彷似有股臘腸甜味。…查看更多

半夜看過電影後想吃宵夜，走去一蘭看到頗長人龍，這般寒冷天氣當然不願意在門外等待，輾轉到了蛇王二。蛇王二是銅鑼灣有名的蛇店，除了蛇羹外，聽聞燉湯及燒味飯也做得出色，地點又方便，多年來深受饕客歡迎。店內裝修簡陋，只有7-8張檯。招牌美食當然是五蛇羹，索價 $70! 可能是位於黃金地段及主要做遊客生意，價錢偏高。反而燒味飯及燉湯較抵吃，差不多一碗蛇羹的價錢便可以吃到一盅燉湯加一碗燒味飯。正宗的太史五蛇羹是用五種蛇——金腳帶、過樹榕、飯鏟頭、三索線及白花蛇，再配合冬筍、花膠、木耳及冬菇等熬成的湯羹，可本人不是專業食評家，未能分辨出這裡是否用上了傳統的五蛇，只能分享個人味覺感受蛇羹湯頭色澤清澈，味道濃郁，富有鮮味，所有材料切得幼細，師傅刀功無容疑置配料有南乳薄脆、菊花及檸檬草，薄脆能增添口感，檸檬葉則能辟腥提鮮，而白菊則可中和蛇羹的溫，整體配合得宜，屬高水準之作下次必試燉湯，滋潤一下…查看更多

每一次都係食蛇羹套餐($110)，包括一碗菊花會五蛇羹，一碗鮮鴨潤腸飯(或臘味飯)，一碟蠔油西生菜。蠔油西生菜：無特別。菊花會五蛇羹：好味，但蛇肉唔算多。我自己就唔鍾意食脆脆，可惜無分開上枱，要自己挑走啲脆脆。鮮鴨潤腸飯：飯都幾大碗，有汁，潤腸好好好好味，而且潤腸皮好脆，肉有潤嘅質感又唔會太坺，裡面嘅肥膏亦唔會太多。懂事以來都唔鍾意食潤腸，蛇王二嘅潤腸真係改變咗我對潤腸嘅睇法。蛇王二最麻煩係地方逼，同埋要人齊入座。…查看更多

是晚氣溫急降，友人提議不如去吃蛇羹。於是我們行完花展後九時多再到銅鑼灣的蛇王二進餐。小店主要買燒味飯和老火湯。由於已入夜，我不想吃太多飯，所以我們叫了一個蛇羹套餐再加一個湯一起吃。這是我第二次吃蛇王二，覺得蛇羹套餐挺抵食的，可以一次擁有蛇羹和潤腸飯，兩樣都是它的招牌菜。菊花會五蛇羹 - 內有不同湯料，包括蛇肉、木耳、蔥花，還有面頭幾片脆片。最愛它的陳皮味，可以增加食慾。我第一次吃時還擔心有腥味，但原來很易入口，而且味道很濃厚，值得一試。脆皮潤腸飯 - 潤腸很香口，皮脆內實。套餐配上蛇羹和生菜是很好的組合。如果單點或許會覺得兩條潤腸有點多。瑤柱雜錦冬瓜盅 - 挺細的一碗湯，有些許小肉粒、香菇絲、冬瓜等。味道有點淡，沒有老火湯的感覺，倒像是平時的例湯。有點失望。兩次光顧蛇王二的總結是，很適合天氣寒冷時去吃蛇羹。其餘的中湯覺得只是一般。…查看更多

所謂｢秋風起，三蛇肥｣，吃蛇羹的季節又來了中秋過後，氣溫明顯回落，也是時候進補進補啦下午５時左右，還不太餓，所以只要了一碗菊花會五蛇羹（$58）一看價目表，蛇羹又漲價了！蛇羹餐現在漲至$90，還記得數個月前來吃仍是80多元沒辦法，蛇羹店在銅鑼灣旺區中，且很多遊客和本地客都來光顧，貴一貴都有人食！雖然也愛這裡的鴨潤腸飯，可惜只有１人，唯有留待下次才吃滿滿一碗蛇羹很快就上檯薄脆非常香口，入口帶點咸香，加上檸檬葉，豐富了整碗蛇羹的味道蛇肉份量也不少，幾乎每一口都是蛇肉個人也很喜歡蛇羹的濃稠度，即是杰身一點，不會水稀吃畢整碗蛇羹後，頓時暖在心頭！…查看更多