香港海賊王餐廳

我和友人雖不是one piece 死忠粉絲，但也有追過漫畫和動畫！這店一開張時排隊排得太厲害所以沒來，現在情況好了點，就來潮聖啦！現在就踏上sunny號！一走入內，燈光較暗，環境就如船倉用餐區，闊落又舒服。沿途會看到不同角色的場景，可以任拍照！fans必怒拍！餐牌和菜式的設計都有用角色的原素，好可愛！水杯在出面的精品店買，又不貴，是必買之選之一。友人想喝湯就隨意點了雜菌忌廉湯，比想像中香滑，好creamy其他菜式基本上都有用角色的名字，就如這個路飛四擋豬仔脾，有兩大隻充滿醬汁的豬脾骨。那個紙牌剪掉插肉的角還可以私藏。用的是燒烤醬，酸酸甜甜好惹味。咬開肉質一點也不硬又不乾，爽口啊！索柏強化蟹肉可樂餅就用來做索柏的身體，賣相不錯。香脆外皮內藏蟹肉絲和其他蔬菜做成薯蓉狀，外脆內軟。餐廳突然一暗，原本是播著海洋的熒幕有故事看！還要是香港特別版呢，大約一小時會播一次，記著不要那麼早走啊！藍色的 Franky super 漢堡夠特別吸晴，配星星薯角份量不小，就不用單點小食了，這個組合好抵。小薯餅點茄汁吃就對了~切開看到整個包都是淺藍色的，包頂和底都非常厚身又鬆軟，不錯啊！中間的牛肉漢堡肉才是重點，厚身，肉質又軟又多汁，牛味算重，加上芝士，正呀在餐廳門口已看到兩款蛋糕，就全都點了。草帽造型的是清新芒果味，餅底酥脆，挺身的芒果味mousse夠滑，中間還有芒果肉呢！Chopper 帽子造型的題紅莓mousse cake，質感也挺身，酸酸甜甜的，也有餡料在中間。原本以為這種主題餐廳只有gimmick，重點在環境不在食物，但想不到他們的食物都不錯，最喜歡Franky漢堡！是不是one piece fan都值得來…查看更多

海賊王餐廳都開左好一段時間，我地今日終於黎左朝聖，不過其實我地都唔係特別鐘意海賊王，哈哈。但係入面個設計同環境真係好靚，海賊王迷必到！坐底左之後係需要欣賞下啲餐具同餐牌（放左係最後），從來未去過一間卡通主題既餐廳係咁靚，整得咁有心機。<路飛Jumbo肉盤，$328>男朋友最愛之扒，呢個路飛Jumbo肉盤有羊扒、豬仔脾、牛柳、雞扒、紐侖堡腸同烤菠蘿，都唔少野食。我地先食左個紐侖堡腸，腸仔個皮好脆好正，味道都無乜特別，但整體係好食既。然後就係食個牛扒，牛扒煎得好好，生熟度適中，而且個槃皮係有少少脆既。食落好腍都好有牛肉既香味，一啲都唔腥都唔韌。雞扒都幾好既，唔會有太重既雪味，食落都幾滑。羊扒都比我想像之中好，有少少既羶味，真係好少，係完全可以接受。反而個豬仔脾就真係比較麻麻，因為有陣都幾大既腥味，我就唔好了。食完咁多肉之後食埋個烤菠蘿真係好滿足。<蒜香大蜆意大利粉，$118>再黎一個意大利粉，呢個意粉偏向清淡，如果鐘意濃味既你就唔好試，味道主要係淡淡既蜆同蒜味。我覺得我地咁樣食岩岩好，先食一個重味啲既肉，然後再食呢個意粉中和返，咁樣就岩岩好，唔會太過飽。同埋好值得讚既係啲蜆又甜又無沙。<草帽小子蛋糕，$68>見到呢個草帽小子蛋糕太可愛，我地都忍唔住嗌返個。其實又係好驚伏，但都OK，都唔會叫做係伏。芒果味有少少假，但都可以，個餅底最好食。我十分推薦大家去食，尤其是鐘意海賊王既你！雖然價錢唔算好平，但間唔中當食好少少黎係唔錯既，卡通主題之外食物質素都好唔錯。而且餐廳內有好多海賊王既公仔，可以同佢地影相！…查看更多

老公係海賊王的死忠粉絲，黃埔新天地最近開咗香港首間海賊王主題餐廳，沒可能不去吧！！（由於怕唔好食所以我們來之前已經喺出面食咗嘢打底，本來打算只係嚟睇下環境，但原來野食都不錯所以才決定寫一篇食評贊一下！）門口嘅烈陽號船頭會噴煙其實我哋大約六点鐘去到，係戶外排咗大約1.5個鐘， 好在而家系冬天而今日唔算好凍亦唔焗，不過遲下夏天來的話，應該要自備風扇同傘。環境我就唔特別寫啦， 留返空間畀各位海賊王的粉絲到時來到先心心眼。老實說，來得主題餐廳唔會太特別期望食物非常好吃同埋平，而海賊王啲食物既質數同價錢我是接受的。老公叫咗個超級肉盤，有羊架，牛扒，豬仔俾同大肉腸。肉，全部都系肉，全部都系肉！！（同路飛一模一樣）羊架同豬仔比有驚喜，係好食的！牛扒同大肉腸都不錯，但未致到超級好食。上網聽人講所以一早知個卓洛梳打絕對唔好飲。 點解都仲會點係純粹為咗個杯墊遺憾是我們六點去到排隊都未夠早，所以草帽蛋糕只係見到凈返一個，而chopper蛋糕更加一早賣曬見都見唔到冇法啦，下次一於再早啲嚟，因為真係好想試chopper蛋糕！！！…查看更多