茶木‧台式休閒餐廳 (屯門市廣場1期)

📝星期五晚飯時間屯門市廣場必然是開飯熱點 到處人頭湧湧 位於3/F的茶木就在戲院對面 位置易找 晚飯時間八點左右等位約三十分鐘🥢order了二人餐$259 小食x2 主食x2 包飲品2杯 仲可以$18追加甜品🍨 非常抵食🍽️推介烏魚子元貝手作麵 👍元貝煎得香口 加入了菇菌和蔬菜手作麵彈牙有口感 配搭香滑的奶油醬很match🧃四季青萱鮮果茶👍酸酸甜甜嘅鮮果帶有茶香 味道濃郁 好飲🍰甜品吉士可頌窩夫窩夫底口感有啲似酥皮牛角包雖然甜品名已經說明是可頌 但與小妹預期的略有出入帶點煙靭又有啲酥脆似係食緊麵包 口感怪怪😅🚩茶木‧台式休閒📍屯門市廣場1期3205舖 #屯門美食📌整體不過不失 食物中規中舉 勝在價錢相宜 坐得舒服 可以一試…查看更多

有日同朋友食個飯，佢想食台灣菜，於是第一間就即刻諗到茶木呢間餐廳餐廳都幾方便，可以自助QR code 點餐，免除叫待應等待的時間，真適合社恐的朋友。晚市有二人套餐，價錢真係十分優惠，258元可以叫2個主菜，2個小食，2杯指定飲品，真心抵到爛，單點都唔止咁既價錢。唔講咁多啦，先介紹個主食先TeaWood 紅燒牛肉面應該是呢間餐廳的招牌菜，牛肉面個湯底好濃郁，仲帶有一種水果的甜味，入口細膩鮮甜。面質比較爽口彈牙，而且上面牛肉塊都好大塊，肉質軟淋，肉絲分明，而且入口即溶。配菜配埋煮軟的紅蘿蔔簡直係味覺的盛宴。套餐的另一個主菜茶香三文魚湯漬飯，佢個擺盤都幾雅緻，偏向日式風格，每樣配菜都以一個小瓦碗裝住，包括炒米，鰹魚薄片和櫻花蝦乾，茶壼裝住玄米茶，呢個主菜口味比較合適喜歡清淡的朋友。煎三文魚使用去皮三文魚柳，肉質煎得略乾身，香脆可口。小食必定叫的台式鹽酥雞，炸雞係炸好岩岩上菜，上菜個陣仲冒緊煙。鹽酥雞調味唔會太鹹所以食完唔需要飲水，口感卜卜脆，肉質嫩口，炸面都唔錯，雖然係小份，但係都幾滿足。另外叫另一份小食櫻花蝦魚湯浸娃娃菜，菜色都偏向清淡，菜都煮得軟淋，鮮味十足。 餐飲叫左杯蜂蜜柚子茶甜甜酸酸都合適配今晚食物。黑糖薑母茶薑的辣味都幾重，飲完之後份外暖胃，有助刺激胃口。突然間想要一客甜品，於是追加一份芒果吉士可頒窩夫，餐廳選擇的芒果沒有額外加糖漿，以自然的芒果甜酸味道增加整個甜品層次，令到甜品達到一個平衡。而且吉士糖份比較少糖，唔會令甜品過份甜膩，窩夫是新鮮整的，所以非常香脆有一陣蛋香味，甜品整體評價高質。餐廳卡坐都比適多，所以揀到的位置坐得比較舒展，餐廳裝飾富含文青味道，一旁亦有甜品專櫃和手搖奶茶外賣位置，很適合作為打卡食飯之選，出餐速度都在10分鐘內上菜，菜品質素非常高。…查看更多

‼️必點雪糕麵包磚🍨地道台灣菜😋一如既往既好味道☕️茶木今次同媽咪一齊嚟到屯門市廣場，難得放假，一於請媽咪食個晚飯，陪媽咪行街，以表孝心☺️哩間餐廳既台式料理好出名，分店都唔少，一於帶媽咪嚟試吓🤪以我嚟咗咁多次茶木既經驗🤗水準更高‼️品質依然一樣出色👍🏻👍🏻👍🏻我哋當晚叫咗佢既二人餐，再加左拼盤同埋甜品🤪~晚市二人餐 $259～✨茶香三文魚湯漬飯果然係推薦料理菜式👍🏻飯有兩食，食到一半可放玄米茶鰹魚高湯，令味道更香濃☺️三文魚煎得乾身，配上脆脆、木魚、櫻花蝦、紫菜，將所有食材搞拌，食落好香🤗加埋高湯進食，同三文魚超匹配，令味道更鮮😍嚟到一定必點‼️✨Tea wood 紅燒牛肉麵 $88麵條煙煙韌韌，好香濃既牛肉湯味，湯底一啲都唔油膩，配上大大舊既牛肉，超軟腍‼️好入味，媽媽都大讚好食😍份量仲好多～～小食✨黃金鹽酥雞（半份）炸得非常酥脆，一口一個好方便🤗味道較濃，咸香的，鹽酥雞會令人愈食愈上癮🤭✨櫻花蝦魚湯浸娃娃菜（半份）好清甜既高湯配上娃娃菜，娃娃菜煮得夠曬腍，充滿魚香味，面頭仲有好多櫻花蝦，令味道更鮮🤗✨（熱）四季青宣鮮果茶 （套餐+$14）我地叫咗熱飲，份量一壺好多，2個人飲都夠🤭佢既茶味好香，甘甜又清新，酸酸甜甜解油膩，仲好開胃😆水果茶充滿果香，啲水果仲好多，可以邊食邊飲🥰✨紅豆薏米水（跟餐）紅豆薏米水，可以去水腫，去濕，好健康嘅飲品，味道甜甜地，紅豆薏米仲好有咬口度🥰✨台式滷水拼盤 $86有滷水豬耳仔、豆腐、牛展、黑麻油雞翅，好豐富‼️全部都好入味，仲有麻油調味，送飯一流😍仲有半隻溏心蛋🥚雞翼超嫩滑，滷水味好香濃🤪✨🍓草莓香草蜜糖歐軟磚塊 $78嚟到茶木又點少得招牌甜品😍每次嚟到都必點！打卡靚！甜品正！雪糕配上蜜糖方包磚塊，又脆又香甜，即叫即焗既麵包配上冰凍既雪糕，滋味簡直一絕‼️必點🌟🌟🌟🌟🌟🏠 茶木‧台式休閒餐廳 (屯門)屯門屯順街1號屯門市廣場1期3樓3205號舖…查看更多

和朋友嚟到屯門市中心，佢介紹茶木台式餐廳！咁就一齊食個晚餐，入到去餐廳裝修得唔錯，長長嘅餐堂，卡位極致舒適闊落！坐落都係用素描二維碼點餐，十分方便！然而檯面仍然放有餐牌，可以互相比對！我哋今晚比較肚餓，所以決定叫兩個晚餐，再食一個極之吸睛嘅甜品，即抹茶鮮果流心歐軟和一個台式路邊小食！套餐就係台式三文魚茶漬飯和蜜汁燒豬小腿配鳳梨！再加兩杯特色飲品和跟餐甜品！茶漬飯就真係好特別，將茶倒在飯裏面，使到啲飯吸滿茶香，再加上燒三文魚嘅香味，和一些脆口嘅櫻花蝦仔和蒜蓉，真係食落極之好味；蜜汁燒豬小腿味道還算不錯，而配嘅燒鳳梨就極之甜美多汁！兩杯特飲各有特色金鑽鳳梨水果茶，有很多不同嘅水果，再加上紅茶混合得剛剛好，新津解渴！而金鑽鳳梨蝶豆花柑桔，雖然細細杯，但顏色極之吸引，來的時候是紫色，攪勻之後又變成紅色！實在係好味得嚟又有特色！而跟餐嘅甜品就不過不失啦！路邊小炒就相當之好味，尤其是炸雞！到最後出場嘅當然就係今日嘅主角：抹茶鮮果流心區軟甜品了！雖然我兩都食到比較飽，但係見到個甜品嘅時候都極之開心，將啲炸脆咗嘅包搽落去啲留心抹茶醬度，食落真係又脆又香！再加上鮮果同埋抹茶雪糕，真係食到唔停得口！最後食得乾乾淨淨，這個甜品可以說，為呢個晚餐劃上一個完美嘅句號！…查看更多

朋友介紹屯門茶木台式餐廳，嚟到門面十分簡潔，坐落卡位十分舒適寬敞，餐牌也很清晰；我兩點了二人套餐，價錢相宜，可選擇的款式十分之多！我們選了茶香三文魚湯漬飯和烏魚子元貝手作麵，小食就選了路邊攤小食和娃娃菜；而飲品就選佛手柑水果茶和檸檬愛玉茶！甜品可以選後上，我們也選了芒果和雜草莓的窩夫！首先兩款茶嚟到茶香撲鼻，飲落好有水果嘅甜味，最後我哋連水果都食埋！而三文魚茶漬飯，當茶倒落三文魚和配菜飯上時，茶香撲鼻特別醒神！食落有陣陣嘅茶香味，真係不二之選；至於元貝手作麵，就有超濃嘅芝士掛於麵上，每一啖都回味無窮；不得不提的是路邊攤小食，炸雞皮脆肉汁多，煎台灣腸的皮脆而味濃，肉丸竟然係雞肉包豬肉丸，實在係驚喜！之後我們再選了兩杯飲品來襯托甜品，其中綠茶拿鐵茶香奶滑值得一試，鐵觀音奶茶也不錯！用嚟送窩夫甜品真係絕配！這真係一個好滿足嘅晚上，我倆決定一定要再嚟幫襯！❤️…查看更多