舞鶴

🥰 話說早幾日太忙, 錯過咗一頓免費 “廚師發板”, 連續幾日心思思要食壽司, “千兩” “元氣” 乜都食過, 都係心有不甘, 今日老友 “陳登” 即興話請我食壽司, 我即刻打俾早前食過嘅 “舞鶴鐵板燒”, 原來已經收皮, 電話飛咗去原店 “舞鶴”. 呢間鮨店以前頗有名氣, 決定一試!📖 翻查資料: “陳登” 係三國時代人物, 曾效力陶謙, 劉備, 呂布, 曹操. “陳登” 嗜食生魚片, 胃中累積有寄生蟲, 因而重病, 經名醫華佗醫治痊癒, 但華佗提醒他此病三年後會復發, 需要有良醫在旁。三年後果然應言復發, 此時華佗不在, 陳登便因病死去.🥢 餐廳設一張L型14人壽司吧枱, 另外設數張卡位及方枱. 第一感覺係: 非常嘈吵. 點咗12貫壽司套餐, $530+10%. 由於師傅要處理普通枱嘅食物, 感覺就係好忙, 唔得閒同我哋講嘢, 冇乜交流.🥗 沙律. 正常, 配屈機醬, 乜都好食.🍥 茶碗蒸. 夠熱, 略甜, 鮮味跑出, 不俗.🍣 石鯛. 青檸汁帶起味道, 口感煙韌, 唔錯. 第一件就唔記得影相… 我偷偷地影番隔籬枱嘅第一件, 哈.🍣 右口魚. 炙燒咗一舊仔, 燒咗同冇燒嘅部份好似融合唔到, 一般.🦐 赤蝦, 配飛魚子. 赤蝦膠口, 飛魚子卜卜脆, “陳登” 讚口不絕!🍣 間八. 口感柔潤.🍣 金目鯛. 可能炙燒過龍, 麻麻地.🍣 中拖羅. 我幾鍾意呢種重金屬味, 可惜冇咗期望嘅醬油味.🍣 銀鱈魚. 燒到差唔多全熟, 冇特別.🐚 赤貝. 檸檬汁味唔夠, 反而海水味非常出色. 🍣 三文魚子. 以為冇料到, 點知三文魚子特別處理過嘅, 帶甜, 係我自己唔鍾意食.🍣 燒拖羅. 油份迫晒出嚟, 配炸蒜片, 好食. 只係覺得將大拖羅燒到咁熟有點浪費.🍣 海膽. 用上紫海膽, 忌廉口感, “陳登” 今日最愛.🍣 赤貝裙邊卷物. 味道比較弱, 紫菜亦都唔脆, 唔識欣賞.🍣 吞拿魚蓉手卷. 正常, 食到呢度, 唔知點解, 個口好攰.🥣 麵豉湯. 超級熱, 贏咗.☕️ 熱咖啡. “陳登” 讚口不絕.🍨 雪糕. 應該係紅豆味, “陳登” 問我係咪士多啤梨味?!🤗 總結: 非常嘈吵, 師傅好忙, 食得好唔安樂. 師傅只係講低魚名, 冇乜交流, 非常失望. 魚料質素一般般, 調味唔啱我口味. 以呢個價錢, 我諗到其他選擇.…Read More

肥肥家族愛食日本料理，當中最鍾情o既當然非壽司莫屬 。大肥爸爸要求高，最怕去到新餐廳往往舉目無親，所以搵到新地方XO仔都定必先打頭陣，食過覺得好就跟店員師傅打好關係，之後先敢帶佢去。最近細佬推薦大肥閱讀OpenRice名壽司食評家香港武滕鶴榮先生所編寫o既文章，大肥居然好似上咗癮咁 ，成日都會話要跟住武滕兄去食好野，小肥上週六就立即安排大食會一試被獲好評o既「舞鶴」。餐店位於銅鑼灣鬧市中一幢飲食商廈o既頂樓，由於當日大廈兩部升降機其中一部故障，要上去o既眾多食客都要排出街外，三十七度o既烈日當空真係唔係個個頂得順架 ，小肥早到半小時都要等上十分鐘，一點後到達o既七旬會友更要等上二十分鐘，未食已引起大家鼓譟，有幾個仲見有少少暈添，估計可能係輕微中暑 。（據悉，其實早一晚部升降機已停止運作，但搶救行動卻要留待翌日早上繁忙時間進行，加上行後樓梯由高層離去又會令警鐘誤鳴，教人動彈不得 ，客觀分析，業主好似有少少趕客囉！）佔用全層面積o既「舞鶴」門面簡單平實，布簾身後o既白牆凸起店名，入門前已覺其作風甚為低調。直入先由合起雙手o既青蛙三寶代表歡迎。 望向左手邊開揚o既壽司吧，即見老闆Andy師傅忙碌地為食客炮製美食 。店內o既兩間廂房都已坐有食客。大堂除咗有個可容納十六人o既壽司吧之外，貼窗亦排有一列二人散座。右邊則有兩張四至六人卡位，間隔寬敞，厚墊椅櫈都好舒適。光顧o既客人大多都有預先訂座，一入門口更會上前跟Andy師傅打招呼，睇黎餐店都係做熟客居多。「舞鶴」午市做套餐為主，餐牌合共有三頁。大食會全體都係壽司迷，訂位時已指定要坐壽司吧，好明顯大家都會清一色咁叫「自選壽司定食」 。定食分八件同十二件兩款，前者$220 + 10%，後者$268+ 10%，兩者均包有沙律、茶碗蒸、味噌湯、稻庭烏冬或蕎麥麵、及甜品，極之豐富。整個七月內，只要用餐時喺Facebook打咭，即可享有九折優惠，聽落都覺得抵呀 ！與靚靚媽咪同姨媽食壽司，叫日本清酒飲已成指定動作，小肥就單憑面前o既酒瓶點選咗樽「鍋島三十六萬石純米吟釀」。鍋島三十六萬石純米吟釀（$680/720ml）：酒品一反傳統地以冰凍o既白酒杯上 ，芬芳o既香氣喺透明玻璃杯內迴旋，慢慢細嚐分外清新涼快。先上o既沙律酸甜醒胃，味噌湯味道都好正常。喺最餓o既時候有小碗熱辣辣o既茶碗蒸落肚，食落好似特別香滑甜美，會友們都好有同感地無一不讚 。XO仔約親人食飯都例必早到，除咗因為想飯前周圍影相，最重要係要先向店員或店長道出各長輩們o既要求及喜好，例如大肥喺壽司吧度食壽司要續件上，小肥就要喺佢到步之前睇吓師傅能否作出特別安排，幸好幽默o既Andy師傅夠靈活性，乜都就哂我地，當真令細佬感激不已 。打響頭炮o既金目鯛壽司鮮濃潤澤 。三文魚壽司豐厚甜美。油甘魚壽司爽軟油潤。吞拿魚腩壽司柔嫩肥美 。蔥吞拿魚腩壽司清脆嫩口。晶瑩剔透o既甘蝦壽司幼滑爽甜。火炙三文魚壽司柔軟滑溜。火炙吞拿魚腩壽司幼嫩肥潤，香甜無比。壓軸o既碎蔥雜錦魚碎手卷清香嫩脆 。日本粟米（$68/四件）：大肥最愛生食北海道出品o既白色粟米，聽到師傅話有生粟米食就立即叫咗兩客，會友八人剛好每人一件。黃色o既生粟米應該同我地食開嗰啲北海道白粟米唔同品種，因為食落雖然都好爽，不過就好似唔夠清甜同多汁囉 。套餐包有一小碗稻庭烏冬或蕎麥麵，可選熱食或凍食。小肥碗熱食稻庭烏冬煙韌彈牙，食完多件壽司更覺暖胃非常 。是日甜品為透明o既黑糖啫喱，微甜輕巧，一啲都唔滯。跟餐原來仲有餐茶或咖啡，小肥就要咗杯熱咖啡作結。真係好多謝武滕兄於OpenRice度推介「舞鶴」，令XO仔同長輩們認識到Andy師傅，並於週六享用咗一頓價廉美味o既自選壽司午餐 。得知整個七月都可享有打咭九折優惠，大食會部份會員更開始籌備月內再臨，為求一嚐晚市每位$1,180/位o既廚師發辦，希望到時唔洗再排到出街外等升降機啦。…Read More

復活節長假期的第一天，一如既往的香港，又有幾十萬人次進出香港（都是離港外遊佔多數吧？），尚未離港的我們一家三口，當然要找些假期活動，但先要醫肚。由於身體內的「寿司心魔」蠢蠢欲動，又要上 openrice 搜尋有熟食供應的壽司店了。搜索一輪之後，揀了一間之前未試過的【舞鶴】。非常典型的商業大廈內的樓上寿司店，只可以容納三十人左右，設有一張壽司吧枱及幾張2至4人枱。裝修風格普通，沒有刻意經營的室內設計及色調；也稍為欠缺日式傳統的裝修氣氛，壽司吧也沒有用上櫸木吧枱。餐廳又有一間和室包廂，適合六人左右的飯聚。自從多了B女，即使有機會食壽司也只可以選擇卡座 ，已經有一段時間沒有坐在壽司吧了。侍應安排我們的卡座位於餐廳的盡頭，牆上的壁櫃放置了一隻鶴擺設，姿態正在翩翩起舞，回應了餐廳的名字。只可惜兩旁放了很多瓶各式各樣的烈酒，破壞了整體的優雅氣氛。雖然小店以壽司為主，但一間日本餐廳要在香港生存，始終也要適合各種客人的口味，總有一些客人不喜歡、甚至不接受壽司；當然，部份香港最頂級的日本料理，可以單憑其名氣獨沽一味只做壽司或者天婦羅，但一般中高檔次的壽司店，由於要兼顧午餐時段，無可避免要兼顧熟食。以【舞鶴】來說，熟食的選擇種類算是相當多元化。開始午市套餐的主菜之前，首先送上前菜、沙律、味噌湯以及茶碗蒸。每次食日本料理所奉送的沙律，都總是日式柚子醋調味的蔬菜、車厘茄，今次也沒有新意。但生菜葉夠翠綠、爽脆，車厘茄夠多汁，收貨。前菜有點新意，捨棄漬物，以炸魚餅取替。雖然外觀稍欠吸引，有點岩巉，但味道相當不錯，又夠彈牙。味噌湯味道淡口，沒有一般味噌湯偏鹹的情況，但也欠缺味噌的香味。其實，到底正宗的日式味噌湯是否都是偏鹹呢？撇除鹹淡這一點，湯料只有海帶及幾粒絹豆腐，欠缺其他鮮味，實在是非常一般。一如其他日本料理店，茶碗蒸只有半個茶碗份量，但蒸蛋表面多了一層啫喱狀高湯，味濃，進一步提升了鮮味，筆者是第一次品嚐這種處理手法。以前只要求茶碗蒸有食材，食過這碗之後，對於茶碗蒸的要求又再進一步提升 。再加上蒸蛋滑溜、沒有任何氣泡、稀稠適中，材料豐富，有蝦肉、雞肉、冬菇、銀杏；是直至現時為止食過的最佳茶碗蒸。有點出乎意料，雖然並非日式吉列專門店，但吉列黑豚定食（$188）依然有分開另上的吉列豚肉醬汁及原粒芝麻，可以按個人喜好磨碾芝麻碎的粗幼及控制醬汁的份量。美中不足是用了原塊生菜葉代替椰菜絲，除了缺少車厘茄之外，與頭盤的日式柚子醋沙律沒有分別。吉列豚肉外觀遜於專門店，雖然顏色夠金黄，也是即叫即炸，但表面的麵包糠不夠多、也很細塊及零碎，似是現貨多於自家制作。始終吉列食品並非主打，無可厚非。泡制技巧一般，但選材絕不馬虎；用上了日本黑豚梅頭，淺色部份纖維雖然較粗糙，但肉味濃；深色部份則肉質軟腍油潤。豚肉又帶有一層脂肪，夾在深色及淺色的肉層之間，增添甘香豐膄。咬下去肉汁四濺，只是稍欠表面的香脆口感。論豚肉的食材質素，實在絕不下於香港其他吉列名店。午市套餐的自選壽司定食（12件）（$268），雖然也知道不會有什麼驚喜的魚種，但以今時今日的香港物價，算是抵食。細看每件魚類壽司，發覺師傳皆會在魚肉表面輕輕界上幾刀，並且掃上醬油或配搭一些天然調味如薑蔥蓉。後者是高級壽司的處理方法，所以進食時基本上不需再蘸醬油；但前者的處理手法是否必須？曹以有點似白身魚，同樣是魚味偏淡，但卻欠缺了那種爽韌、清甜。整體來說，無論肉質、魚味皆沒有明顯特色，並不是一件引人留下深刻印象的壽司。白見貝爽口中帶腍，味略腥；及不上象拔蚌的鮮甜爽韌，也比不上響螺的爽脆，也沒有赤貝那種濃郁的鮮味。以貝殼類來說，實在是比較失望。深海池魚可以說是壽司套餐中不可缺少的款式，皆因一年四季皆有供應，價錢合理，魚味濃郁。這件深海池魚充滿光澤，肉質結質；雖然欠缺特色，但不失為一件質素上佳的深海池魚。帆立貝是壽司套餐中常見的貝殼類，而且也相當肯定是急凍貨式，一年四季長期有供應。如果是新鮮即開的活日本帆立貝，這個套餐價錢可能只夠吃到兩隻。雖然只是大路貨色，但始終也有分級數；這件帆立貝壽司肉質爽甜、鮮味度夠高。細看表面的油脂分佈、脂肪/粉紅色魚肉的比例，應該是一件中吞拿魚腩（中とろ）。即使並非大とろ，也已經是滿口油香、完全沒有根膜；只是細細咀嚼下來，尚有一丁點較為實在的魚肉，未至於整件入口即溶。但有時候這種感覺卻又較為實在，可以慢慢細嚐吞拿魚腩的鮮度及油脂甘香，對味蕾的刺激更為平均。針魚的魚味相對較重、黏性較高，與鯖魚、秋刀近似，但味較淡；最適合配襯薑蔥蓉，不須蘸任何醬油。今次的配襯卻是少量明太子及蔥花，由於缺少了薑汁，未能中和魚腥味，並不是筆者最喜歡的處理方法。火炙是最通常用來處理左口魚邊的方法。比起左口魚肉身，左口魚邊除了有爽口的特色之外，同時又有大量油份，所以必須去除多餘的油脂，一方面可以帶出魚油香味，另一方面又可以強化了爽口中帶微微煙韌的質感。鰆魚連著一點魚皮，魚皮表面略為烤香。魚脂味重。但肉質沒有太大的黏性，而且非常結實，莫非經過略為火炙的處理，所以魚肉熟了？穴子是比較差的一件壽司，表面燒得不夠焦香、魚味不夠濃郁、魚肉也不夠軟綿；畫龍點睛的醬汁也不夠濃郁、份量極少，甚是懷疑廚師是否忘記掃上。火炙吞拿魚腩將表面的油脂燒焦，帶出魚油香味，更易使人垂涎三尺。但火炙後構成的表面薄薄的一層熟魚肉，卻又減低了咀嚼下來滿口油脂、完全入口即溶的滿足感。與全生的吞拿魚腩比較，真的很難說孰優孰劣，完全因應個人口味喜好及進食時那一刻的心情。兩件軍艦的外形不夠工整，紫菜有點就快散開似的。但無論如何，海膽肯定是其中一款至愛的刺身。用上了日本板海膽，鮮味濃厚甘香，絕非大大片的加拿大或智利海膽可以嫓美；只可惜外觀稍遜，海膽不是全部呈完整片狀。蟹膏混和了味噌及海帶清湯熬煮至糊狀，味道超濃。雖然比起味噌湯更鹹，但那種蟹膏香味卻使人欲罷不能。之前的壽司屋午餐，最後一件通常都是漬物卷物，疏爽的會奉上吞拿魚蓉卷物，但今次竟然是一客吞拿魚腩蓉手卷。紫菜香脆，吞拿魚腩蓉份量夠多，配上香葱葱白碎及芝麻粒，每一啖都回味無窮。恐怕之後再見到只有卷物的壽司套餐，會十分失望。有别於常見的日式口味雪糕，用上了非常傳統的日式甜品紅豆年糕，肯定是自家制作，又是另一個驚喜。紅豆已經去除表面的硬衣，咬下去軟糯濃香，但仍然保持粒粒分明，沒有煮至糜爛。另外又有一小抹紅豆濃漿，連同煙靱的日式年糕同吃，很有風味。雖然傳統日式甜品甜度極高，並非我杯茶，但偶一為之，又有何妨？只要在接受能力的範圍內，總要領略一下別國食的文化。甜品之後，就是咖啡或檸茶，另有一個特色選擇日本綠茶。表面的那一層泡沫顯示出既非綠茶葉沖泡、也非玄米茶，而是用綠茶粉沖調的抹茶。用上甚麼級數的抹茶粉實在不懂得區分，但卻帶給食客一份刻意經營的心思，扺讚。【舞鶴】的午市壽司套餐性價比高，比起同區不少壽司屋抵吃。熟食款式雖然也有不少，但整體感覺依然真的是一間中高檔次壽司屋，難得的是熟食質素也相當不賴。雖然位置並不是最理想，但質素有力與同區其他同級壽司屋一拼高下。…Read More