夢の丼 (已結業)

右口魚邊壽司($48/件)，右口魚選用左最靚既部位，因為有入口即溶感覺，就好似東坡肉既果層肥膏一樣入口溶化，不過魚生當然唔似東坡肉咁肥膩。慢煮鮑魚配肝醬($68)，鮑魚肉質結實，而且亦帶有彈牙口感，味道方面肝醬既鹹味襯托住清淡既鮑魚，兩者味道好夾。牡丹蝦($68/隻) / 磯燒北海道珍寶帆立貝($68) / 金線鯛刺身($68)，牡丹蝦鮮味十足，越有黏牙感覺代表越新鮮，帆立貝燒至表面半焦狀態，外層薄薄一層焦香，內裏肉質軟“林”，用紫菜包住食增加脆口，金線鯛切得夠薄，一口一片，鮮味充斥在口腔內。花錦魚生丼($188)，採用左十三款材料，切成絲狀和條狀合成既一碗丼飯，材料確實好多，絕對係誠意之作，每一口都食到唔同既食材，仲有蛋黃汁用黎拌飯一流。夢之丼($298)，雖然只有7款材料，但係選用左較貴既食材氣派十足，刺身帆立貝好鮮甜，滑溜溜而且好大粒，海膽入口充斥住口腔，加上冇苦澀味，同樣有即溶既右口魚和黏牙既牡丹蝦，同埋已經去除左殼既松葉蟹絲。…查看更多

朋友最近喺土瓜灣置業，我哋就喺附近嘅夢の丼食個晚飯。餐廳唔算好大，燈光柔和，所以都幾有日本居酒屋嘅感覺。我哋叫咗兩個丼飯，前菜係雜菜沙律，加有粟米，配上柚子醋，酸酸味味幾開胃。另外再有麵豉湯。首先我哋揀咗花錦魚生丼，配料包括有三文魚、白身魚、赤蝦、左口魚邊、金蟹子、三文魚子、櫻花蝦、蟹膏、豆腐、松葉蟹、蜆肉、玉子等，呢個價錢都做到咁足料，性價比真係高。另外就揀咗佢哋嘅招牌菜式夢の丼，配料包括帆立貝、牡丹蝦、海膽、燒三文魚蓉、松葉蟹、三文魚子、左口魚邊等。用料新鮮又高質。另外我哋仲揀選左一啲刺身同小食。店員推介我哋試石垣魚薄切，果然肉質彈牙，色澤晶瑩剔透，啖啖新鮮。黑鯥嘅油脂就更加豐富，味道鮮甜。慢煮鮑魚配肝醬用上慢煮嘅方法炮製，所以仍然保持鮑魚嘅口感，而醬汁就夠入味。蟹皇醬燒蟹膏豆腐味道就最驚喜，佢用嘅豆腐好滑好香，再放上蟹皇醬同蟹膏，然後再用火槍燒製而成。最後每人食一件左口魚邊壽司，最鍾意左口魚邊嘅口感，再掃上醬汁，味道就更佳。…查看更多

人一定要有夢，為咗體現呢個理念（同滿足下港女心），生日我決定要食呢間特別嘅餐廳！位於土瓜灣嘅夢の丼，由地鐵站行到餐廳大概6至8分鐘。餐廳裝修以深色日式木系為主，有靠近師傅嘅長形壽司吧枱，如果三五知己一齊黎亦有大少少嘅方枱。等候菜餚期間，店員會先送上沙律、味噌湯作為開胃菜。夢の丼（$298）當然要叫返個招牌丼飯，有三文魚蓉、三文魚子、帆立貝、牡丹蝦、海膽、松葉蟹、右口魚邊，個人尤其鍾意三文魚蓉，三文魚蓉有加埋紫洋蔥稍作調味，好惹味！花錦魚生丼（$188）繁花似錦，呢款丼嘅配料款式超多，有三文魚、白身魚、赤蝦、右口魚邊、金蟹子、三文魚子、櫻花蝦、蟹膏豆腐、青瓜、甜蛋、玉子漬、松葉蟹、蜆肉，口感同味道都超豐富，其中玉子漬撈埋落飯一齊食，真係好食到停唔到！蟹膏豆腐（$48）個人超推薦呢款前菜，幼滑蟹味玉子豆腐加上蟹膏同蔥，鮮味超濃郁！磯燒帆立貝（$68）帆立貝配上脆紫菜同少少七味粉，帆立貝大大粒超鮮美，表面微炙，肉質厚實彈牙！左口魚邊壽司（$48/件）油份幾多，魚肉上面鋪有木魚絲，口味比較濃。赤貝刺身（$68/份）果然係廚師推介，橙紅色嘅新鮮赤貝鮮甜爽脆，好想再encore多幾次！池魚刺身（$78/份）通常池魚會比較有咬口同腥，但呢度配以柚子醬油加蔥，易入口亦更鮮甜！整體用餐體驗幾好，店員超有禮貌同nice，點餐時會介紹當日推新鮮刺身，佢係將成塊黑板拎到你面前，好有誠意，用餐期間仲會不斷留意客人茶杯有無需要加熱茶或者其他需要，非常加分！…查看更多

今日係我同仔仔第一次一齊搭巴士紀念日兩週年，就喺我地返工附近搵咗間靚靚仔仔既餐廳食飯一收工就過黎所以一入黎好有包場感食完之後覺得呢間好高質素，原來有午市！等我隻股票升返一定會飛的黎食lunch。有二人套餐，其實好抵食，雖然我窮但又想洗錢，當然就散叫 日式前菜一定有的麵豉湯，夠曬濃同熱，仲有d蜆肉仔頭盤叫左池魚同矢柄刺身矢柄喺香港幾少食，今次第一次試，只沾了少許芥末為求試真d口感爽甜，肉質緊緻，魚油脂味豐富而不帶腥，超好食，見佢應該係時令野，如果黑板上面有到貨一定一定要試！！左口魚邊壽司魚片甘甜，經火灸燒一下之後魚油香滲出，加埋軟糯壽司飯同柴魚片，唔通呢d就係叫一分錢一分貨蟹王醬燒蟹膏豆腐呢舊野係我睇完圖堅持要叫，拎埋獎喎唔係唔食嘛。本身仔仔仲講緊話豆腐邊洗食但食完都收聲左。上面d蟹膏食落非常綿密，少少都唔腥，只有滿滿既蟹鮮味配埋汁燒軟滑豆腐超襯。呢個價真係好良心花錦魚生丼主食到～～呢個飯本身一上仲有少少失望，好似好少又碎咁點知用匙rr下，d料愈r愈多，愈開心係吉穿隻蛋撈勻個下，然後唔知點解個飯係有陣甜味！個隻甜係有質感個隻甜配埋d魚生配料係超好食，詞窮，總之好好食。呢個就係招牌飯夢の丼，兩隻帶子好巨魚生仲有三文魚，三文魚子，蝦，海膽，左口魚乜乜乜下面係橙醋，抱歉地我心急就黎飲曬先影相店員貼心地提醒話最好飲兩啖呢個橙醋先食個丼所以我個口充滿醋味之下開始食個飯，我覺得撞埋一齊係有d化學效果既，但話十分明顯又未至於，可能係因為個飯本身已經好好食每一款魚生都好新鮮，話係招牌菜都不為過總括係我前面食得太飽所以呢個飯好多都俾曬仔仔食順帶一提，個酒menu好吸引，但近排我一飲酒就就黎死咁款所以無掂下次又求其搵個紀念日黎食呢到再食餐好…查看更多

夏天炎炎，最啱食魚生，之前一直都想來土瓜灣試吓呢間魚生丼飯，今日終於可以嚟試吓 約咗朋友收工6:30嚟食，裏面已經有幾台客。坐低打開Menu，花多眼亂，都研究咗一陣，因為樣樣都好吸引 結果朋友決定一人叫一個魚生飯share：夢之丼同花錦魚生丼😛 當然都要試吓佢嘅是日推介：深海池魚同埋矢柄薄切😍由於肚餓嘅關係，再追加左左口魚邊壽司、磯燒帆立貝、柔煮鮑魚兩個魚生飯都相當吸引，首先食咗花錦魚生丼先，當中有三文魚、白身魚、赤蝦、左口魚邊、金蟹子、三文魚子、櫻花蝦、蟹膏豆腐、玉子、青瓜、松葉蟹、蜆肉，淨係睇內容都知相當豐富一啖咬落，夾雜着各種口感同鮮味，每一啖食落口絕對有滿足嘅感覺😝🫰🏻相當好食食到第二個丼飯，呢個夢之丼入面有三文魚蓉、三文魚子、帆立貝、牡丹蝦、松葉蟹、左口魚邊，入口十分creamy,帆立貝同牡丹蝦一食入口就知好新鮮，海膽亦都相當鮮甜😋帆立貝有火炙過，入口外面好香，入面依舊新鮮柔軟，配合紫菜食，味道唔錯池魚刺身好鮮甜，但矢柄刺身相對仲更加好食，配合少量魚子同埋香蔥，加上特製嘅汁，帶出咗佢嘅鮮味柔煮鮑魚都煮得好入味😌最後就係左口魚邊壽司，佢有火炙過，所以食起嚟會有啲啲油分，好香口，有啲似食緊拖羅魚腩嘅感覺，好味有驚喜，咁樣豪食法買單都唔洗$1000，抵呀再encore‼️…查看更多

土瓜灣的驚喜～估唔到行行吓見到門面有間咁日式嘅居酒屋，二話不說就衝左入去試吓。餐牌的食物都算多，日式小店算幾好，叫得夢之丼，當然要試吓佢嘅丼飯。我哋兩個人一人叫咗一個丼再加其他小食。等待期間，留意吓啲環境，座位唔算多，數埋好似7-8張枱。不過不停都有客入嚟，好快就爆滿，所以如果想食都係book位好啲。服務員都好細心介紹今日有咩新鮮食材花錦魚生丼～蕃茄咗豉油好夠味，粒粒魚生入口新鮮、賣點係隻蛋撈埋一齊食，幾得意😎夢之丼～飯都係加咗豉油，樣樣都係醫生材料，新鮮之餘仲好足料，推介🙌🏻蟹黃醬燒蟹膏豆腐，味道好特別亦都好重蟹膏味，值得一試🙌🏻整體味道非常滿意，如果住附近或者附近返工都值得推介大家嚟試😋…查看更多

自屯馬線開通後，第一次在土瓜灣站出閘，一般在土瓜灣揾食的都好難揾到日本野食，今晚就一於試下位於土瓜灣譚公道的夢之丼食日本野。打開Menu 睇第一、二頁都是他們的丼飯我們就叫了花錦魚生丼 & 夢之丼。Menu 仲有其他晚市定食其他小食我們就叫了左口魚邊壽司 、蟹膏豆腐、油甘魚刺身、磯燒帆立貝、大入島蠔 一開始店員為我們上了沙律 & 麵豉湯，麵豉湯有蜆肉、木耳絲、海帶，沙律味道都唔錯。左口魚邊壽司、蟹膏豆腐 & 油甘魚刺身一齊上。左口魚邊壽司係燒過的，油脂分布好均勻、上面鋪滿左木魚絲，壽司飯係有味的醋飯；蟹膏豆腐好重蟹味、食落口感滑滑的，好特別，之前都未食過；油甘魚刺身肉身好厚、完全無腥味、質素好高。叫了2隻大入島蠔，蠔係新鮮開的，一如既往，我慣常用筷子篤一篤蠔的裙邊，感覺到隻蠔有反應就是活的，所以呢兩隻絕對新鮮。而磯燒帆立貝肉質好嫩滑，呢碟是一開二的，所以原來是好大隻的帆立貝，表面燒熟的、內𥚃就是刺身咁樣。而今晚的主食就是丼飯，丼飯我們都覺得十分之出色。花錦魚生丼主要就是三文魚、吞拿魚魚蓉配上其他配菜，e.g. 櫻花蝦蝦乾、三文魚魚子、蛋、玉子、青瓜、酸薑、蝦肉、硯肉，最特別係中間仲放了隻溏心蛋嘅蛋黃，色澤非常之鮮艷同埋吸引，味道當然是很不錯。夢之丼應該就是該店的招牌，用了其名，主要有三文魚魚子、兩隻大粒嘅帶子、一隻赤蝦、仲有吞拿魚魚蓉。這個丼飯還跟咗一口橙果醋。我們今晚一共叫咗七款食物：花錦魚生丼 $188左口魚邊壽司 (2件) $96蟹膏豆腐 $48油甘魚刺身 (2片) $68大入島蠔 (2隻) $176夢之丼 $298.4磯燒帆立貝 $68食得好飽、好豐富、好滿足☺️☺️…查看更多

深海池魚刺身($78)，採用魚腩最肥美既部位，肉質顏色呈鮮嫩粉紅，肉身軟腍，近皮位置肉質結實，兩者結合一齊咀嚼口感豐富，配麵豉醬用鹹食方法幾創新，但確實都幾夾。赤貝刺身($58)，超爽口，每咬一口都有“索索”聲感覺，唔捨得一口食晒，慢慢逐少逐少細味。磯燒帆立貝($68)，先食淨食帆立貝一少口，肉質鮮甜而且炙燒過帶點焦香，跟住再用紫菜包住食，真正外脆內軟既感覺，加上調製過既辣粉，辣度適中唔會太淡冇辣味，亦唔會太強搶過帆立貝既鮮味。左口魚邊壽司($96)，魚既油脂含量非常高，入口有溶化既感覺，非常肥美，木魚碎有中和作用。蟹膏豆腐($48)，細細粒一口一粒，濃郁既蟹膏味在口腔徘徊，豆腐同樣係炙燒過帶焦香。花錦魚生丼($188)，一碗丼飯已經用上左13款材料，全部切成絲或粒狀，所以係攪拌後進食，咁就每一啖都幾乎可以食晒咁多款材料。夢之丼($298)，食哩個丼飯前，店員推介可以先飲一少口橙醋，我覺得有助清除口腔餘韻味道同埋有d醒胃作用，夢之丼用左7款材料，每款材料都光澤證明新鮮上盛，而且魚生都係厚切啖啖肉好肥美，當日牡丹蝦轉左大拖羅，色澤呈鮮粉紅，油脂一入口已經即刻溶化，海膽顏色亦都呈鮮豔，味道清甜無苦澀味。…查看更多

深海池魚刺身($78)，刺身厚切，入口軟腍得黎黎帶少少爽口，配埋店鋪自製既調味醬，有輕微辣味，兩者都好夾。法國蠔($38)，size細，但海水味重，蠔既鮮味較突出，食材係店家直接從當地入貨，沿途運輸品質仍然保存得好好。蟹皇醬燒蟹膏豆腐($48)，蟹膏味道濃郁，一直停留在口腔，好香口。磯燒北海道珍寶帆立貝($68)，哩隻帆立貝非常大，表面經過火炙處理外層帶少少燶既焦香，用脆口嘅紫菜包住黎食，口感更豐富。左口魚邊壽司($48)，入口熔化，魚既油脂甘香味強，壽司頂上既木魚碎，有助緩和口腔裏既油膩感。夢之丼($298)，用既係貴價食材，帶子飽滿大粒，海膽又滑又鮮甜，松葉蟹用黎撈飯食好正，另外仲有附上一杯橙醋，店員表示可以先飲一少啖，再倒入飯中攪拌黎食。花錦魚生丼($188)，材料眾多，主要切成角粒或條絲狀，連同蛋黃汁，將全部一同攪拌撈勻，每一口都食到全部材料，口感百感交集。…查看更多

聽聞夢之丼花錦魚生丼 好出色最近仲半價，加上好想試蟹膏豆腐，就訂左位周末同朋友食返餐好勁期待甘點餐 點不知蟹膏豆腐無貨失晒預算 諗住簡返個小食再配，突然見到有個288二人前既套餐 主食仲可以簡花錦魚生丼 真係錯有錯著就點左啦前菜 蟹籽沙律 魚生拼盤 因無貨其中一樣以黃金魷魚代替，整體新鮮鮮甜美味配菜 吉列豬扒 不過不失 唔硬口 但亦唔算鬆軟，選用既部位似係里肌肉，唔會肥咬口多。花錦魚生丼呢個本來係我地既main😶佢一黎 就深諳套餐價。 份量 一個手掌心大既碗，同花錦魚生丼 一眼會見到無招牌生雞蛋囉，魚生量 精緻，同普通角切差唔多（本來係衝住花錦魚生飯，見到呢碗唔係本意，係有少少失望，但凡套餐上有寫花錦魚生丼（小）我地都唔會簡呢個餐）但有一說一 佢地既醋飯相當特別 同平日既白醋飯色就唔一樣，味道更甘醇。期待有機會試到招牌甜品 先係今日既MVP 左邊既黑糖蕨餅已經好好食，右邊既黑糖太妃糖菓子簡直不得了 ，有單買想買返一盒軟糯外皮＆流心糖芯 超正…查看更多

📍土瓜灣 -#夢の丼——-花錦魚生丼-右口魚邊壽司-蟹皇醬燒蟹膏豆腐-磯燒北海道珍寶帆立貝-池魚-生蠔——-花錦魚生丼使用超過十款食材嘅丼飯😍 食材好豐富有三文魚、白身魚、赤蝦、右口魚邊、金蟹子、三文魚子、櫻花蝦、蟹膏豆腐、青瓜、甜蛋、玉子漬、松葉蟹、蜆肉！味道鮮甜 口入豐富 佢個飯底唔係普通白飯 呢個幾加分👍🏻推介✨-右口魚邊壽司食落去入口即化 鮮甜美味推介✨-蟹皇醬燒蟹膏豆腐賣相幾精緻 入口好濃蟹膏味 一啲都唔似食緊豆腐 幾特別🤤推介✨-磯燒北海道珍寶帆立貝賣相望落好吸引🤣但食落就正常水準可能磯燒過嘅關係冇想像中咁鮮甜我都係比較鍾意帆立貝刺身🤣-池魚, -生蠔厚切池魚 味道鮮甜蠔味適中 鮮甜味出 ——可能我係平日去 所以當晚唔多人餐廳簡潔乾淨 光線充足 坐位闊落 十分舒適😌——…查看更多

自從屯門線開通後，去土瓜灣就方便左，咁就可以去多d 呢區食下飯喇。呢日去土瓜灣探朋友，佢帶左我去食夢の丼，原來呢間日本餐廳又幾高質! 餐廳裝修以木系為主, 幾有日本風格, 令人感覺到舒服安靜既感覺。朋友話呢間最出名係丼飯，就咁睇menu 既相，就揀左最吸引既夢の丼（$298)同花錦魚生丼（$188)。兩款丼都好有份量，飯本身已經用醋同醬油調好味，每款丼都有前菜及麵豉湯附送。夢の丼係皇牌，亦都十款丼最高級的，品嚐夢の丼前可以先飲用餐廳自家製既橙醋，甜酸味濃。夢の丼用料有三文魚蓉、三文魚子、 帆立貝、 牡丹蝦 、海膽 、松葉蟹、 左口魚邊，食得出所有配料都好新鮮，當中帆立貝好鮮甜多汁，三文魚蓉經炙燒過，半生熟狀態口感就夠豐富，而大隻既牡丹蝦肉質好爽同彈牙！而花錦魚生丼就多款刺身集於一身，一次過食多款刺身就最滿足，花錦魚生丼有三文魚、 白身魚、 赤蝦 、櫻花蝦 蟹膏豆腐、 青瓜 、甜蛋 、玉子漬、 松葉蟹 、蜆肉，款款都新鮮肥美，將玉子漬拌勻食，成個感覺更加香滑。一品料理方面我地最欣賞蟹皇醬燒蟹膏豆腐，經炙燒後散發著豆香味，入口好香滑，蟹皇醬同燒蟹膏鹹香味重，點綴豆腐。磯燒北海道珍寶帆立貝大大粒，多汁且鮮味十足。左口魚邊壽司都經炙燒過，魚香魚油味濃郁，不禁品嚐多幾口。深海池魚刺身非常有光澤，厚切的刺身肉質豐厚即開法國蠔亦很新鮮，但略嫌唔夠肥美，味道同口感都唔錯。鍾意食日本料理既朋友記得要bookmark 佢~…查看更多

《ʏᴜᴍᴇɴᴏᴅᴏɴ》/吃過好吃的丼飯要高度推薦 *ꇴ* 𓏰高質刺身𓏰赤醋米專用𓏰附上麵豉湯，沙律。置身於不顯眼的土瓜灣————————————𓎭夢之丼 $298𝘚𝘪𝘨𝘯𝘢𝘵𝘶𝘳𝘦 三文魚蓉、三文魚子、帆立貝、牡丹蝦、海膽、松葉蟹、左口魚邊魚生蓋滿整個飯 豐富極致.｡.o°.廚師建議先飲一口橙醋，再食丼飯這配搭可以令魚生嘅鮮味更出整體魚生都好鮮甜.｡.o°————————————𓎭花錦魚生丼 $188性價比相當地高！三文魚、白身魚、赤蝦、左口魚邊、金蟹子、三文魚子、櫻花蝦、松葉蟹、蜆肉雖然價錢不比前者貴 但亦無將貨就價.基本上每樣都好新鮮肥美 份量頗多款式多到傻左 魚生切成一粒粒 .｡.o°飯面放左隻半熟既流心蛋黃 把所有材料撈勻一齊食啖啖滋味口感十足呀.｡.o°♡.°真係大推 不時會推出半價優惠⁣⁣⁣⁣⁣⁣ ———————————— ⁣⁣⁣⁣⁣⁣⁣⁣⁣⁣⁣⁣⁣⁣⁣⠀⠀⠀𓎭磯燒北海道珍寶帆立貝 $68丼飯食得唔夠喉繼續叫左大大粒的帆立貝炭香味 燒得好香 呈半生熟狀態 好吃𓎭深海池魚刺身 $68師傅刀工唔錯！呢到既刺身既質素有番咁上下質素 肉質新鮮 清爽口感𓎭左口魚邊壽司 $56最愛油脂味重既魚，油脂豐腴，食落細膩，入口即溶𓎭法國生蠔$56/2海水味濃郁，礦物味豐富，先嚐到海水鹹味，之後就食到肥美甘香。𓎭柔煮鮑魚 $68慢火細煮，肉貿柔軟細緻，保留純真的鮮味。⁣⁣⁣⁣⁣⁣ ———————————— ⁣⁣⁣⁣⁣⁣⁣⁣⁣⁣⁣⁣⁣⁣⁣....*—₊—*—₊—*—₊—*—₊—*𝗥𝗘𝗖𝗢𝗠𝗠𝗘𝗡𝗗 ᵤₚ𖧧 夢之丼𖧧花錦魚生丼𖧧磯燒北海道珍寶帆立貝𖧧左口魚邊壽司𝗥𝗲𝘃𝗶𝘀𝗶𝘁 : 𝗬𝗘𝗦*—₊—*—₊—*—₊—*—₊—*. @yumenodon 2 Tam Kung Rd, To Kwa Wan…查看更多

在土瓜灣站A出口行大約6分鐘有間日式料理店，價錢唔算好貴，份量都幾足料花錦魚生丼 $188 材料有三文魚，白身魚，赤蝦，右口魚邊，金蟹子，三文魚子，櫻花蝦，蟹膏豆腐，青瓜，甜蛋，玉子漬，松葉蟹，蜆肉，好足料，上面放咗隻生雞蛋，撈埋蛋汁一齊食超正，蟹膏豆腐好香蟹味蟹子沙律青瓜絲配蟹柳絲再加魚子，清新爽甜迷你鰻魚炒飯配三色刺身 $98炒飯粒粒分明，有鰻魚焦香，入口甘香，味道正宗；刺身有三文魚甜蝦帶子，全部都新鮮鮮甜，三文魚肥瘦適中，帶子厚薄適中…查看更多

食開日本野就唔好俾佢停！😆 今次再食到地鐵新開通既屯馬線之一：土瓜灣站🚇平日lunch time時間去到（大約下午一點），都坐滿9成客🤭 Menu:1️⃣ 花錦魚生丼（$188）睇到丼飯材料好似好豐富咁，雖然價錢有點小貴，但難得嚟到土瓜灣，都係決定一戰試一試🥊 材料有:🐟三文魚、白身魚、右口魚邊、🐠金蟹子、三文魚子、🦐櫻花蝦、甜蝦、🦀蟹膏豆腐、松葉蟹、蜆肉、🥒青瓜 & 玉子漬一開始食都仲會擔心會唔會唔夠飽..但好快就會比啲魚生填滿左個胃🤣🤣 即使係平時唔食任何海鮮膏類嘅我，都幾鍾意呢間餐廳嘅蟹膏豆腐，好易入口😆 三文魚就唔使講，睇相都已經睇得出有新鮮，好通透🤤 🍵另外想特別讚一讚呢一間餐廳嘅麵豉湯，除咗湯入面見到有三文魚肉，飲之前攪拌湯嘅時候仲會有一層油浮面，嗰鮮味唔知來自係蝦、蟹定係三文魚油呢？…查看更多