龍門一番 上海·紫砂燉湯

龍門一番。上海紫砂燉湯，印象中，係中染都好耐了，假期超多人等😅😅所以揀平日嚟，冇咁多人😉😉佢嘅燉湯真的不得了，材料十分足，湯夠清甜!😋同埋佢地嘅前菜小食做得唔錯，下次會再食多次😋😋😋…查看更多

每次踏足荃灣，只會作為轉車點入去屯門或者深井，又或者直接走去荃灣市中心舊區；今日從地鐵站向西漫步，才知道原來荃灣西邊有好多工廠大廈。當然，今天就好像觀塘一樣，工廠大廈已經全部轉型，要不是改作貨倉，就是全面活化，只是荃灣區工廠大廈的活化進度就遠遠比不上觀塘了。不過，荃灣區卻擁有可說是全港最成功的最成功的工廠大廈例子 - 南豐紗廠。今日晏晝開餐的所在地也是工廠大廈活化後的商場加辦公樓，從商業角度來看是成功的，但就肯定沒有南豐紗廠的迴響。睇個餐廳名就知道，「龍門一番 上海·紫砂燉湯」主打上海菜、同時又有廣東燉湯。室內環境有點擠迫，亦相當嘈吵；裝修風格想走年輕時尚路線，但用色及設計就有點老土，未能吸引客人。整體感覺甚至有點似一間只是比較乾淨企理的街坊小菜館。菜牌雖然圖文並茂，但排版及整體感覺就是有點老土。每位客人有獨立茶包，可以按個人喜好選擇不同茶葉；既然要泡茶，當然有茶盅及茶杯，本來抵讚。但茶盅及茶杯竟然係塑膠製造，而且茶盅同茶杯差不多大小，每次加水只勉強夠泡一杯茶！抵讚立刻變成抵鬧！甚至碗也是塑膠，再加上四人卡座枱面同茶餐廳差不多大小，感覺越來越似茶餐廳。食上海菜一定要點選涼菜，餐牌上的涼菜款式很多，而且又有自選組合(4款)，當然唔會放過；但原來自選涼菜組合(4 款)（$138）只限從部份款式作出選擇，只好揀無骨燻魚、雞絲水晶粉皮、香煎素鵝及花彫醉豬手。最估唔到係第一道菜式已經非常非常失望，對整頓飯的心情立刻打了折扣。無骨燻魚最難食，完全唔係上海菜嘅燻魚，不用說賣相完全不像樣，味道方面既沒有煙燻香氣，亦沒有酒香及陳醋酸甜；竟然更似廣東菜嘅甜酸魚塊，尤其橙橙紅紅的顏色。如果這道涼菜是滬菜的燻魚，可以用不知所謂去形容。雞絲水晶粉皮及香煎素鵝同樣係不知所謂。雞絲粉皮重點係醬汁，偏偏醬汁完全沒有芝麻及花生香氣，而且因為青瓜絲出水（估計切了一段時間，唔夠新鮮），醬汁變得稀身兼帶有水份。香煎素鵝竟然既沒有煎香，甚至多了奇奇怪怪的醬汁？花彫醉豬手算是較為可取的涼菜，做到了帶有少少花雕酒嘅香氣，但仍然未夠明顯；咬落豬皮軟身，但未夠爽口。始終未算係好味的上海菜涼菜。涼菜之外，點心也是食上海菜的指定菜式，當中又以小籠包為必食之選。上湯小籠包（$38）賣相一般，勝在大大個。豬肉餡料份量很多，但入口有點粗嚡、食落好似有啲渣；湯汁份量未夠多，但味道都叫做勉強可以。其實小籠包唔算太差，只因為之前的涼菜實在太難食，影響了觀感。近年很多新派上海菜館都會自創一些新口味小籠包，今次也試了魔鬼天使小籠包（$58），而且還自詡「我最喜愛的食物」！ 白色的天使小籠包餡料選用了豬肉及帶子，頂端就加了少少魚子醬作為點綴。只是真的食唔出與普通小籠包有任何明顯分別，只可以勉強話免治豬肉餡料之外有少少海鮮味道，但真係好少。黑色的魔鬼小籠包就選用了免治豬肉及黑蒜頭蓉作為餡料，小籠包皮則加入了墨魚汁，所以變成黑色，頂端就加了少少海膽作為點綴。先講小籠包皮及海膽，墨魚汁鮮味唔明顯，那一丁點海膽更加不用說了，完全食不出任何海膽的獨有鮮甜。餡料味道亦有點奇怪，湯汁份量減少了、加入黑蒜蓉更加令味道都變得怪怪了。總之，魔鬼天使小籠包又是一道失敗的點心。將軍墨魚水餃（$42）賣相差，尤其那幾倏粗蛋絲，唔加好過加。墨魚膠餡料算彈牙，但變成水餃就有點奇怪；同普通墨魚丸沒有分別，只是多了一重墨魚汁水餃皮。除了上海菜之外，另一招牌菜式是紫砂窩燉湯，共有九款不同口味。花膠螺頭干貝燉雲吞雞湯（$208）足八碗湯，落足材料，有雞、有花膠、螺頭及干貝，味道濃郁，做到了廣東燉湯的精髓，但竟然唔夠熱辣辣，未夠完美。可能因為係上海菜館，點都要加入滬菜特色，所以配搭了六隻上海菜肉雲吞。菜肉雲吞配廣東原味燉湯有點奇怪，而且雲吞餡料太過結實、肉汁菜汁又偏少，味道麻麻。但無可否認，燉湯的確做得很好。魚躍龍門（$88）名字改得很有意思。龍躉切薄片，肉質嫰滑。雖然看不見任何辣椒，但入口香辣，加上配搭大量芫荽香菜，估唔到幾好味，比之前的上海點心好食，也是今頓飯較好味的菜式。香辣干鍋花甲（$98）有點湖南菜的影子，用大量乾辣椒炮製，辛辣惹味。只是花甲偏細隻、唔夠肥美，亦有啲韌。炸菜肉末配叉子（$62）一定要餡料美味，炸菜肉末係其中一款典型配料。味道鹹鹹香香、少少辣，又有肉碎；很惹味，只嫌太肥膩。火腿津白（$75）不行。金華火腿太少，津白有渣。排骨湯拉麵（$58）同街坊小館的質素差不多。湯底淡而冇味，排骨炸得很乾、欠肉汁。室內環境唔好，同茶餐廳分別不大。除了燉湯稍為好味之外，其他小菜質素一般；涼菜及上海點心更加可以用非常差去形容。唯一好處係價錢唔貴。不過，仍然不足以吸引再去幫襯。…查看更多

近牌工作太忙，根本沒好好休息過。辛勞過後，自然想對自己好啲，於是我揾小琪陪我去飲中湯潤一潤，佢就介紹我去今次晚飯既地方：龍門一番‧紫砂燉湯。 雖然我地今次去食中菜，但呢到既格局同裝潢一啲都唔中式，反而比人有啲田園風格，簡簡單單咁，感覺幾舒服，加上餐廳範圍都乾淨衛生。  係開始點餐之前，待應會為我地準備茶包。老實講，又估唔到呢到啲茶又幾好飲。呢到啲食物選擇其實都幾多，係餐牌有唔少上海餐廳都會提供既菜式，但值得一提既係佢地餐廳自·豪既燉湯，佢地幾款燉湯都有唔同既功能，大家可以按自己既狀況去決定叫邊一款。  記得阿媽話花膠湯除左養顏同滋陰補腎外，仲補而不燥係好野黎，加上小琪呢牌成日出暗瘡，飲花膠湯就最適合不過啦。- 花膠螺頭干貝燉雲吞雞湯 $198超好飲，每一啖湯有濃濃既雞味，而且我地見到既呢半隻雞其實已經燉到淋哂，我地可以好輕易就將雞肉撕開，讚！-自製千層水晶肉 $58呢個應該就係我地係其實上海菜館食到既「鎮江淆肉」，呢到既淆肉又唔算好膩，四塊岩岩好，作為前菜幾好，開胃。 -魔鬼天使小籠包 $58當然我地黎到又點會唔叫小籠包呢，而呢到既小籠包都幾特別。黑色皮既係墨魚汁皮；白色皮為傳統的皮。小籠包雖然皮比較厚，但勝在味道撘夠，而且湯汁滿滿，讚。整個晚餐十分滿足，係呢到要提提大家，開餐前記得細味佢地既茶，因為真係好香。 …查看更多

和朋友來見面，選些感覺的餐廳朋友見呢間餐廳有燉湯飲就決定來呢度一坐低，侍應就帶來茶葉給我們選我要了人蔘烏龍，每人有個小茶壺，可以自己泡，有趣！不過飲到尾就覺得不夠，因為每次只可沖一杯，就常要加水😅先要了一個花膠螺頭干貝燉雲吞雞湯，有雲吞六粒連湯料一齊送上湯料足，雞湯清甜！前菜要了無骨燻魚，魔鬼天使小籠包同山東一口牛肉包無骨燻魚，賣相幾特別，乾冰帶來燒燻感覺，味道就甜甜地魔鬼天使小籠包，試了天使，可吃得出干貝在內，但湯汁不特別多，包皮應更薄一點山東一口牛肉包，朋友說味道好，我就覺得肉汁不夠，肉餡可更濕潤一點帶子粒粒炒飯有蠟腸粒，感覺像糯米飯的味道火腿津白有菜下飯，味道不過不失甜品有驚喜！要了紅棗糕同香芋鍋餅紅棗糕煙煙韌韌，不會過甜，好味！香芋鍋餅也比一般的紅豆餅少了一點甜膩，但芋香更出！好味！…查看更多

好難得終於約到一班好耐冇見既朋友一齊食飯，負責揀餐廳既小弟當然唔可以有負所望啦。上網做哂功課之後，發現呢間餐廳望落都好ok咁喎，決定約齊人一試。作為中式餐廳最重要的當然係茶啦。有別於傳統中式餐廳，呢度會提供一盤多種口味、獨立包裝嘅茶葉我地揀，有普洱、鐵觀音、人參烏龍，茉莉龍珠等，每人都可以揀自己鍾意既茶，唔使爭。我就鍾意堅持飲我最愛既普洱啦。精美既茶具，而且把手位設計唔錯，握落手感好舒服。仲可以落d雛菊，轉飲菊普都ok麻醬腐皮卷，聽落好普通的一味菜。不過腐皮卷本身味道較清，突顯出麻醬濃味的口感，配合出來的效果又唔錯喎。藍莓山藥本身山藥口感挺爽挺清新的，配合明目的藍莓及南瓜蓉作拌菜醬料，加上煙霧瀰漫的擺設，實為抵讚的頭盤。麻辣豬耳子，豬耳唔太辣，不過麻味做足，幾適合同行不太食得辣的友人。跟住就到餐廳其中一項主打菜式﹕魔鬼天使小籠包魔鬼係墨魚汁黑蒜肉豬肉海膽，天使就係帶子豬肉魚子醬。小弟揀了個魔鬼去食，墨魚汁味道唔算太出，所以保留到其他食材，包括黑蒜肉、豬肉、海膽等。小籠包夾起唔穿是常識吧，小籠包皮薄湯熱，不過湯味略嫌較淡。自私食首選 - 灌湯餃。放心，小弟食唔哂一整個，店員會幫食客將灌湯餃分成幾客，等鍾意灌湯餃既同好唔使為食又要背負自私食既罪名。另外，中菜又係不可缺少既燉湯，我地叫了花膠螺頭干貝燉雲吞雞湯，除了好味之外，花膠對皮膚好，雞湯補身，難怪小弟每次食中菜都叫湯飲。接著食既係驚喜中既驚喜 -  古式燒烤羊腩，三種醬料。出奇地羊肉香而不羶，咬落脆而不膩，大愛之選。當然都要叫d飽肚既野食下啦，帶子粒粒炒飯! 帶子大粒飯又大碟，炒飯唔會太油，唔錯唔錯。百合木耳炒水蓮，食了咁多小炒後，總要有d清d既菜式中和下。日本溫室南瓜燴酒釀蝦球。個邊d南瓜食得架，日本溫室南瓜，大家記得唔好浪費，刮清楚啊餐廳寬敞又光猛，不論一家大小定好友相聚相信都是非常適合浪漫小屋都有埋餐牌以圖片為主，唔使估估下，可以有圖有真相。…查看更多

今日好友約食飯，話想食小籠包等上海菜，即刻上OpenRice做下功課先，呢間龍門一番係愉景新城旁邊，地點方便食物相片又吸引😍 為左滿足好友對小籠包既食慾，我前後點左三款各有特色分別係：魔鬼天使小籠包-黑松露同黑蒜，造型味道都好特別；上湯小籠包，保持到水準，鮮味又多汁；小龍蝦湯包，啖啖都好滿足不能不推介的係麻醬腐皮卷!!! 噴煙的賣相像甜品，真的很新奇！ 味道甜甜的，是凍食哦！第三就藍莓山藥，相信好少人食過😂 我都係第一次配藍莓食，但竟然好夾，爽脆清甜帶少少藍莓酸，認真開胃然後試麻辣豬耳子麻得很爽，咬勁一流又點少得菊花醋木耳 木耳養生電視話仲可以豐胸架女生恩物少少醋意5知點解覺得好少女😂😂😂 好啱食仲有古法燒烤羊腩和花膠螺頭干貝燉雲吞雞湯，正到不得了！最後就係甜品:酒釀湯圓🥣高力豆沙配雪糕🍨隔離左右有很多一家人來食👨‍👩‍👧‍👧 相信呢間龍門一番很快就家喻戶曉！ #額外提一提有自選茶包禮盒🎁 …查看更多

今次同朋友garthering 預先喺OpenRice 呢道做好功課環境方面最鍾意佢地有設計好似間屋形既卡位 食上海野環境都可以好夢幻一坐低 店員就拎住一盤獨立包裝嘅茶葉俾我地揀有人蔘烏龍茶 鐵觀音 綠茶等等我簡左精選茶 即係人蔘烏龍茶好甘香 仲有一人一細壼 自己幫自己沖茶每人都可以揀唔同嘅茶飲 唔使一樣食物方面比一般傳統上海菜唔同 叫左個小食麻醬腐皮卷 $52凍食既 夏天消暑一流 配麻醬好夾必點食上海野 點都要試小籠包魔鬼天使小籠包 4隻 $58魔鬼上面仲有海膽添㗎皮薄餡多 仲有好多湯係入面 又大粒正正正 ！性價比高之後就到足料燉湯8個人都夠飲 好甜好飲 女仔美容湯之後仲會成隻雞切好上碟比你食埋花膠螺頭干貝燉雲吞雞湯 $198之後仲叫左個菜食 未試過咩係水蓮其實水蓮係一種好幼嘅菜 乾身炒幾特別可以一試百合木耳炒水蓮 $72最後南瓜🎃控不能夠抗拒 日本溫室呀好好好重南瓜味 釀蝦球 外脆內軟 d南瓜味入哂個蝦球食晒啲蝦球仲有好多南瓜溶剩啖啖南瓜溶好食到暈日本溫室南瓜燴酒釀蝦球 $168總結呢間餐廳好適合一家大細亦都好適合朋友聚會會再黎…查看更多

一段日子沒有走進中染大廈，印象中都是補習社地方。自從大型傢具店進駐，發現商場餐廳都多了。老友與我亦是上海菜粉絲，便預約平日收工一同去食個晚飯聚下。經愉景新城密封天橋一直前行，往中染大廈分支出口，再轉右，便見到龍門一番餐廳門口。位置方便，易認；同時餐廳裝潢以簡約線條為主，勾勒出來的立體，營造不少空間感。八時多，等了15分鐘左右，入座。提供的座位很多，環顧一看，可容納80-90多個。坐位選擇亦多，除了餐廳門前開放式之外，亦有二人拼合位、卡位和小屋子特色卡位，風格多多。坐好後，店員行動迅速，端上一盤4款茶包。4款茶包(左起)分別是：陳年普洱、茗茶、鐵觀音和人蔘烏龍。每位客人各選一，自行沖飲。我倆選了人蔘烏龍和茗菜。結論：人蔘烏龍回甘滋味d。翻過menu，點了4款菜。靜心等待屏後師傅的美點。魔鬼天使小籠包($58)：菜名好跳皮可愛。一籠4粒，白色天使餡是帶子，頂上放有魚籽醬；黑色魔鬼皮身加了墨魚汁，以黑蒜肉為餡，配上橙色海膽，色調對比出晒黎。一口過，汁都緊鎖小籠包中。 天使較清甜單一，魔鬼則濃味豐富。餡靚，皮再薄一點更佳。醬汁都沒沾，完汁完味落肚，非常好味。花膠螺頭干貝燉雲吞雞湯($188)：聽個名都已經知有幾滋潤。入秋轉冬，不只女生們，其實男生們都需要滋潤一番。龍門一番主打紫砂燉湯，一共有8款之多。選擇困難症又發作，心大心細，最後一致點了這個花膠螺頭干貝燉雲吞雞湯。真係好滿足！好大鍋呀！一開蓋，即刻好香，望到都知有幾滋潤。店員亦以純熟手法，湯餸分上。湯雞不但嫩滑，而且零肥膏！湯身清甜，雲吞皮薄餡靚又大粒。這個必點！除左小點和燉湯，亦選了粉麵菜類，合成三餸一湯。火腿津白($68)：健康之選。對娃娃菜情有獨鍾，一見有火腿津白，已自動波點選。紅燒牛肉湯拉麵($58)：湯底頗醬油感、紅燒牛肉好軟身；拉麵彈牙有口感。每口拉麵拌湯吃，更為完整。點這個要襯熱入口，不然拉麵會發脹呢。慢慢吃了一個鐘多d。下班到來晚餐，都寫意d，亦是與家人進餐的好地方。…查看更多

今日難得入到黎荃灣 一早已經上網搵定有咩好野食~由於媽媽好鐘意食上海菜既關係 我地就揀左呢間龍門一番!係荃灣地鐵站行過黎都好方便下~ 基本上係A3出口出黎, 沿住有蓋天橋一直行就黎到 落雨都唔使帶遮XDD一黎到 發現同想像中既上海菜館好唔同XDD 呢度d裝修好靚呀~ 感覺係走比較young同cute既路線~~好多好colorful既裝飾呢!! 環境裝修令呢度似一個遊樂埸多過中式菜館!一坐低第一件事就係比你揀茶葉, 係每人揀自己想要個款茶~我鐘意呢個服務~ 因為多數我同媽媽想飲既茶都係唔同款xdd結果證實我地果然係揀左唔同款既茶loll媽媽揀既係比較重回甘既人蔘烏龍茶 佢都幾鐘意下~而我就揀返平時飲開既茉莉花茶 <3呢兩張係麵點套餐同客飯套餐既menu~ 其實叫套餐都幾抵食~至於主menu....實在係好難upload晒上黎....因為呢度夾夾埋埋有超過一百款上海美食!!! 真係會睇到人心大心細...樣樣都想試但又食唔落咁多...>__<不過最後都係要揸定主意 ; D 食上海菜我地一定會叫既係小籠包~~而呢款係呢度獨有既魔鬼天使小籠包$58 點解叫魔鬼天使 其實係因為2粒黑色2粒白色先講白色既係豬肉餡+帶子皮+面頭放魚籽醬而黑色既就係黑蒜肉餡+墨魚汁皮+海膽放面頭如果單純講小籠包既質素我覺得兩款都唔錯, 因為皮夠薄 餡夠鮮 湯汁充足!但係黑白各自放既材料味道唔係好出 食落基本上同平時食開既小籠包味道唔係差好遠~再黎既係我地今日至喜愛菜式--京式烤羊腩$138♥♥♥鐘意食羊既朋友唔可以錯過!! 佢既羊羶味適中 羊腩烤得超鬆軟!!羊腩肥瘦相間 滋味得黎又唔太膩仲配三種唔同風格既醬汁比你自由配(京醬/薄荷醬/蜜糖芥末)~~ 好岩三五知己一齊share~ 正正子!!!再黎呢一個 其實都算係呢一餐既重頭戲XDD係超補身(同超美顏~~ XDD)既花膠螺頭干貝燉雲吞雞湯$188一打開已經見到成隻雞係入面..仲有瑤柱,螺頭同花膠, 湯料實在係好足!! :> 唔好忘記仲有6粒雲吞等緊你~~~(小提示....2個人要ko呢盅燉湯係有一定難度....lol 我同我媽每人起碼飲左3碗!!)呢排成日出街食飯好無益...可以飲下呢d湯補身成個感覺真係好好loll拎左隻雞出黎先'畢'到湯除左湯入面既湯料仲有6粒雲吞!分到起碼6碗出黎~~~食到飽一飽既滿足午餐~~~ 其實佢實在有太多款式供應令到我同媽媽都好想瘋狂再黎食XDDD 因為仲有好多好多款都好吸引好想試!♥特別係佢既小食款, 仲有甜品!! 我諗以後過黎荃灣既頻率會大大提高! lolll題外話:係門口見到單張 先知呢度原來有做長者慈善派飯既活動值得支持!!…查看更多

荃灣的八咪半商場翻新之後，帶來了不少新食店，上次造訪裡面的一 間西餐廳時，已留意到一間以紫砂燉湯為主打，門庭若市的餐廳，據説經常很多人輪候，早前再跟朋友來到荃灣，遂提議去這間餐廳試一 下。濃油赤醬是上海菜的核心價值，而這店算是不一樣的新派上海菜，以健康和創新作經營理念，於健康食材注入新元素，同時保留上海菜精髓和風味，連做菜時也都減油減醬；而招牌的紫砂燉湯，超級足料，以紫砂湯盅清燉，完全不加味精，崇尚健康，清淡清甜，務求帶給顧客新鮮飲食體驗。店內裝修奉行田園風，設計像Cafe般優雅氣派，沒有上海傳統的味道，原木製的桌椅及仿戶外棚籬的獨立卡座，加上週邊的綠色植物作點綴，空間感強，討好清新，一派自然舒適的感覺。入座後，店員率先送上一盤4款真空包裝的茶葉供客人選擇，當中包括陳年普洱、人參烏龍、鐵觀音、茉莉香片幾款，每位都有一套專屬茶具，客人可以按自己喜好品茶，自斟自飲，用餐之餘還可以試一下茶道，別有氣派。泡茶之餘，這店的上菜也十分迅速，不消一刻已有菜上枱。自家製千層水晶肉，類似上海肴肉的賣相，伴隨著乾冰煙霧的擺盤，飄逸霧氣，視覺效果滿分。水晶肉分為兩層，面層為豬皮加上湯煮成的啫哩，下層是嫣紅的鹹肉，啫哩入口即溶成上湯，鹹肉肉質鬆散，味道鹹鮮還算不錯，感覺骨膠原滿滿，唯一挑剔的是肉塊較薄，口感沒有傳統肴肉的彈性，用筷子夾上很容易散開，這點有待改善。蔥油拌鍋筍，鍋筍在粵菜比較少見，大多都是東北菜以之入饌。鍋筍切厚條以蔥油拌過，入口微鹹爽脆帶蔥油的清香，惹味清爽。涼拌茄子塔，茄子煮得軟腍，配上蒜蔥和微酸辣的醬汁，冰涼醒胃。涼菜過後，到燉湯主角上場。花膠螺頭干貝燉雲吞雞湯，店員將原盅紫砂鍋燉湯端上枱，並先將湯料取出，除了雞肉之外，當然還有花膠螺頭，原來還加入了豬肉和雞腳同熬，貨真價實，十分足料。金黃的湯色，清澈見底，帶很小很小的油分，味道濃郁膠質重，清潤鮮味，飲完不會口乾，屬原盅清燉之作，配上雲吞滑溜爽口，有畫龍點睛之效，一盅約6碗份量，索價百多元實屬超值。每逢吃上海菜，筆者一定不會放過其中的點心，小籠包、鍋貼一樣也不能少。上湯小籠包一籠4隻，尚算皮薄有彈性，只是摺口位有點厚，影響了口感；裡面肉汁頗多，輕輕咬開外皮，湯汁洶湧爆出，鮮甜滋味，而豬肉餡跟一的差不多，略欠咬口，但其實整體質素仍算不錯。魔鬼天使小籠包，黑白兩色分開兩種口味，黑色的魔鬼小籠包以墨魚汁搓皮，配上黑蒜豬肉餡，面頭放上少許海膽，吃落多了點黑蒜香，遮蓋了海鮮味，不甚突出。另一款白色的就是天使小籠包，據店家說肉餡有帶子及豬肉，面頭放上魚子醬，但坦白說食落跟普通小籠包沒兩樣，衹是多了魚子醬的少許彈口和微微海鮮鹹香。整體兩款小籠包味道不甚特別，純粹Gimmick成份居多。黑將軍墨魚水餃，同樣用墨魚汁搓皮包成北方水餃，賣相烏卒卒感覺特別，北方餃子皮較厚有嚼勁，肉餡尚算有彈性，唯墨魚味欠奉，有點失真，如當成普通餃子來吃，味道其實不錯。生煎鍋貼，採用傳統上海鍋貼做法，外皮較厚，整隻餃包得密實，內裡鎖著豐盈肉汁，底層煎得金黃脆口，跟現時一般吃到的大大不同，帶著懷舊古早味道。鑊仔生煎包，不像一般的湯汁生煎，外皮帶點麵包鬆軟口感，肉餡不是太多但尚算有肉汁，底層煎得酥脆，味道不錯，但個人還是喜歡現是較流行的湯汁生煎包。山東一口牛肉包，牛肉包外層煎得香脆，包質鬆軟帶芝麻香，牛肉餡料較少，咬落完全感覺不到，亦沒有濃香惹味，質素不似預期，有待改善。水煮桂花魚，望見紅卜卜像是頗辣，食落原來只算中辣而已，面頭雖有層紅油但不算油膩。桂花魚片肉質鮮甜嫩滑，伴菜的木耳和紅薯粉添上了爽脆和煙韌口感，水煮辣汁也增加了味道層次，整道菜質素不錯。筆者還另外點了炸鍋巴，用來點上水煮辣汁，一點也不想浪費。鍋巴即叫即炸，熱辣辣脆卜卜，浸上辣汁還會發出"喳"的一聲，入口脆脆軟軟，充滿米香，另有一番風味。整餐的前菜和主食做得不俗，燉湯尤其出色驚喜，味道較傳統上海菜為清淡健康，其中亦可見到廚師的創意和心思，部份尚有進步改善空間。以地方和食物質素來說，餐廳定價算是親民，食得健康，適合一家大細或朋友用餐歡聚。…查看更多

小妹我同幾個朋友仔今晚試新派上海菜 嚟之前當然有睇食評啦 都幾放心又帶有期望 點知⋯⋯⋯😰😥😓老干媽豆干爆秋葵 健康菜式 秋葵很有益的 對身體好啲架 配上老干媽豆干 味道普通 第一啖沒有辣味 再吃的話 辣味便開始湧出來了口水雞🔥 好惹味呀 小妹我都算食得辣嘅 一啖雞肉還有一股辣味在口中 肉質可以又冰凍 但有碎骨 吃起來時要小心點喔 自家製千層水晶肉 味道不錯 肉質夠凍頗為新鮮 但旁邊的杯會出冰氣的 應該係可以幫助凍到啲水晶肉 再配上醋 一啖肉還有醋味 味道正常 可以一試雞絲水晶粉皮 把麻醬和雞絲粉皮撈在一起 正常味道 大啖地吃都幾過癮架 每條粉皮都粘有麻醬 做得好是應該吧 因為哩個小菜係上海菜中入面最基本的吧韭黃肉絲兩面黃 麵餅炸得也不錯 一邊脆一邊有汁的味道 淋淋的還帶點脆的 都幾香口 伴菜有冬菇同埋韭黃 配埋個辣醬是常識吧 味道始終都是一般紅油抄手 可能我見識少 小妹我平時吃的都是辣的 但今次係甜的😱😱⋯⋯味道很奇怪 雲吞又不是特別的好🙈🙈吃了整晚的菜 小妹覺得最好味的都是這個花膠螺頭干貝燉雲吞雞湯 看似很多油 但飲起上嚟唔係好油 仲好入味好清甜架😍😍可以一試個湯😊☺️魔鬼天使小籠包 黑色係魔鬼小龍包 是由墨魚汁皮+黑蒜肉+豬肉+海膽 而白色的就是天使小籠包 是由帶子+豬肉+魚籽醬 朋友試了黑色 我試了白色 ummm......其實味道沒有很突出 所以真係食唔出咩味道 普普通通 gimmick野囉🙈😓此甜品為奶皇高力配雪糕 高力個皮幾軟熟 我覺得幾好 但入面係奶皇 就真係麻麻地🙈😓不過雪糕好曲奇呀 幾好 配埋豬古力醬都好夾下香芋鍋餅配雪糕 原本係滿心期待嘅 但食了第一啖 我真係覺得好失望😰😥完全中哂伏👎🏽👎🏽自問自己都好鐘意香芋味 但真係好難食 味道很奇怪 配豆沙應該好很多吧？整體嚟講 我覺得新派上海菜不是太適合我吧 價錢相對地貴 但味道卻是很一般 我還是喜歡傳統的⋯⋯⋯…查看更多