淥鼎記

對上一次光顧淥鼎記，都已是幾年前在觀塘分店，那次覺得酸菜魚很好吃，單吃酸菜魚就差不多飽到吃不下火鍋了！今次和親戚食生日飯，選在旺角創興廣場店，8位以上成人消費，可享「壽星免費」優惠。book了7:00pm，沒有時限，可以直落到10:30pm的閉店時間。星期五六日及假期貴$10，每位$388的「爵爺套餐」，主菜6選1，我們人多可選兩款，分別是老壇酸菜魚及原味椰子雞。主菜是不能追加的，只有一份。這次吃到的酸菜魚，感覺好普通，不及對上一次在觀塘店試過的好吃。一來份量少了，二來不夠麻，沒有那種食到嘴唇震的過癮。先試一口湯，湯底味道的酸度一般。配料有魚片﹑酸菜﹑芽菜﹑萵筍﹑蓮藕及寬粉。魚片份量還可，每人吃到2-3片左右。魚肉不算厚身，但都算嫩滑。寬粉質感爽滑、萵筍及蓮藕夠爽脆，辣度不高。原味椰子雞的椰子湯底清甜，雞件份量充足，又不會有雪味。豪華時令刺身，同樣是不能追加的項目，有赤蝦﹑帶子﹑三文魚﹑鮑魚及鯛魚。赤蝦爽口又鮮甜，帶子嫩滑味甜，鯛魚清甜。緊接下來還有火鍋！有6款火鍋湯底可選，來個滋養一點的花膠美人鍋及濃郁的龍蝦頭海皇海鮮鍋。店員送來一客豪華海鮮拼盤及一份頂級手切牛拼盤，同樣的，這兩款食品都自此一round。海鮮拼盤有蝦﹑扇貝﹑刀貝﹑鮑魚及蜆，所有貝類都甜而無沙。手切牛的份量適中，每人都可吃到數片，肉味香濃又有嚼勁。最後就是其他可以任食的火鍋配料，手打丸類細細粒，口感軟滑。推介廣島蠔，肥美肉厚又夠蠔味。喜歡清淡一點的可放在花膠美人鍋灼熟，放在海鮮鍋湯底則更突顯蠔的鮮甜味。淥鼎記的飲品雪櫃，除了有紙包、罐裝、膠樽裝飲品外，還有各款一jar jar的健康飲品。雖然對酸菜魚的質素退步有點失望，但整體的火鍋配料質素還是可以的。而且無限時可讓長輩們慢慢吃，不用太趕急。…查看更多

這間人氣火鍋店位於旺角的創興廣場，主打任食任食火鍋放題，午市則主打精緻點心及中式小菜，以港式及四川口味為主。店內環境寬敞舒適，裝修格調高雅，適合多人聚會。爵爺套餐 - $378/成人無限時頂級手切牛及海鮮晚市火鍋放題2位成人消費免1位小童壽星免費優惠，生日前後8天有效(需8位以上成人消費)錦繡前菜(一次性)金黃酥脆的蒜蓉風味炸蝦連殼也可食用；麻辣花生香脆不油膩。日本直送時令刺身(一次性) 爽滑的三文魚肥而不膩；牡丹蝦綿軟中帶彈性，爽脆而鮮味亦十足；北寄貝肥美爽脆甘甜；帶子軟嫩香甜；象拔蚌充滿海水味。主菜六選一(一次性)老壇酸菜魚的湯底以豬骨及魚骨熬成，加入指天椒及花椒等，特意用老壇酸菜，味道鮮甜且酸辣麻香；鱸魚片連少量魚皮，嫩滑同時保留魚肉的紋理；晶瑩剔透的寬粉滑溜煙韌，吸滿湯的精華。無限時火鍋放題每日嚴選真材實料新鮮熬製的八款湯底。金黃澄澈的花膠美人鍋以鮮雞熬成，又有一片片軟嫩彈牙的花膠，充滿著膠質，還有紅棗及杞子等，滋補養生。頂級手切牛拼盤安格斯頂級牛小排有著豐富大理石花紋，油花分布均勻，鮮嫩多汁。豪華海鮮拼盤大顆肥美廣島蠔，蠔身爽滑彈牙，甘甜隨之而來，餘韻悠長；鮮鮑魚有著明顯的鮑魚鮮味；還有雪白肉厚的扇貝、鮮甜無沙的沙白及新鮮海蝦。任吃牛肉方面，安格斯極佳級精修肥牛同樣有著細膩的肉理，紮實且牛味濃郁；安格斯牛板翼近似牛小排，含有許多筋絡，油花亦相當豐富，還有伊比利黑毛豬、紐西蘭羊肉片及鮮雞件等。任吃海鮮方面，除了可追加廣島蠔、海蝦及沙白，還有水魷、脆骨腩、脆肉脘及魚標。超過四十款火鍋配料，包括手打特色丸類，如黑松露豬肉丸有陣陣飄香；火鍋自助區亦有不少配料及蔬菜，亦有小吃提供。飲品方面，除了大量紙包及罐裝非酒精飲品外，還有自家製涼茶清熱解膩。Haagen-Dazs(1杯)四款口味選一，香滑的雲呢拿雪糕中，埋藏著濃郁的朱古力曲奇。…查看更多

今日黎到旺角呢間淥鼎記打邊爐呀🤩 好耐之前食過觀塘嗰間 旺角開咗一直都好想試吓 今日終於黎食啦～ 今次揀咗小寶套餐 早食1930前離座 $238任食兩個鐘 正呀😬坐低先揀主菜 有三樣係要六個人以上先可以揀 我哋兩個人就可以揀重慶雞煲、老壇酸菜魚、同埋干鍋海鮮什錦 咁我哋就揀咗酸菜魚啦～～ 揀好主菜 有兩款小食就已經上枱啦～ 再出去拎嘢飲 好多選擇🤣 揀咗竹蔗茅根 同埋茉莉茶 自家製嘅竹蔗茅根唔會太甜 打邊爐清熱啱晒～茉莉茶 見到佢係原個茶包 好濃茶味👍🏻 老壇酸菜魚 大大碟好香熱辣辣咁上枱 魚肉分量超多 全部都係無骨啖啖肉 酸菜好食唔太酸～ 配菜方面有蓮藕、萵筍、豆芽、薯粉等等好足料👍🏻 完全同出面食嘅份量一模一樣 如果食晒都應該飽左一半🤣 酸菜魚食到一半就叫咗個湯底 今次揀咗花膠美人鍋 好快就上到嚟啦 估唔到都有成8塊花膠🤩 仲有啲杞子紅棗 真係好養生 好啱女士🫢 二話不說飲咗個湯先😌 花膠彈牙有咬口 好味😋 紐西蘭羊肉片：肉質鮮嫩 羊羶味唔算重 安格斯極佳级精修肥牛：有牛味 脂肪較多 肉質就腍啲安格斯牛板翼：牛味濃啲 脂肪分布平均啲 肉質比較有咬口 個人比較推薦呢一隻😋全部肉類都係又厚又大塊 就算係任食 一啲都唔吝嗇👍🏻😋 除咗肉類係QR code落單 其他配菜係自助 又係勁多選擇🤩 基本上平時食開嘅打邊爐配菜都有齊 菇類菜類丸類 我都夾咗唔少嘢食🤣 有一個芥末貢丸我覺得幾特別 可以試吓🫢 整體嚟講呢間淥鼎記 食物質素高 服務態度良好 環境舒適😇 主菜酸菜魚再加埋任飲任食打邊爐 真係捧住個肚走呀🫢 …查看更多

抓住冬天既尾巴，難得天氣嚴寒，收工當然最好就係去打邊爐，地點選左老地方旺角淥鼎記，貪呢度食物質素高價錢又唔貴。今晚食小寶套餐，平日7:30前離座價錢$228加一，一共可食兩個鐘頭。四格錦綉前菜，分別有東風螺4隻，雞翼尖，雲耳仔同花生腰果，除左花生腰果，全部都辣辣地，開開胃。主菜6選1，一次性，包括椰子雞，藤椒烤魚，香辣烤魚，枝竹黑山羊腩煲，老壇酸菜魚，重慶鷄煲。椰子雞個湯底帶淡淡雞味同椰子味，好夠味又清，用黎打邊爐d野食都夠味，唔洗另外再加醬油。半隻雞切件連雞頭另上，特別係雞腿肉好嫰滑。湯底有唔少椰子片，食落脆口又有椰子味。另外配有青檸同薑蓉。食完主菜就轉湯底。湯底6選1，有鴨血麻辣，花膠美人，肉骨茶，澳門豬骨，胡椒豬肚同海皇海鮮。我地今次選左花膠美人鍋，花膠美人鍋有8件魚肚，仲有紅棗同杞子。個湯雞味濃，鹹度足夠不過好清，個湯底淥野食都夠味，都係唔洗另外再加醬油，更加可以食到食物既鮮味。以下食物都係用QR code落單。安格斯極佳級精修肥牛安格斯極佳級精修肥牛果然係肥牛，脂肪超多。一客兩大片。安格斯牛板腱安格斯牛板腱係長方型切割，大部分係一客三片。質感非常厚身有口感。安格斯牛板翼安格斯牛板翼都係長形切割，油花稍稍靚少少。一客兩大片，食落同安格斯牛板腱味道質感都差唔多，都好食。伊比利亞黑毛豬伊比利亞黑毛豬一客4片，中間肥膏稍微集中，豬味極濃，食落非常嫩口而帶少少彈牙。伊比利亞黑毛豬豬肋條伊比利亞黑毛豬豬肋條係新野，一客兩條，半肥瘦，食落好脆口。紐西蘭羊肉片紐西蘭羊肉片係圓形切割，一客兩大片，口感好厚身，味道只有少少羶。鮮脆鯇魚肉鮮脆鯇魚肉一客多片，真係又脆又鮮。其他選擇仲有鮮脆鯇骨腩，鮮雞件同雞子。自助配料吧好集中，衞生都唔錯，全部用蓋蓋住或者放雪櫃。 今餐忙住食用QR code落單既肉，自助配料吧既菜同丸類都無乜攞已經好夠食，唔洗行黎行去。印象中青菜有娃娃菜，生菜，西洋菜，白菜同菜心等等，其他蔬菜仲有淮山，萵苣，冬菇，金菇，冬瓜，秀珍菇，木耳，蓮藕，響鈴等。呢度連炸魚皮都有，香脆好味。醬料自己去自助醬料吧攞。飲品有好多款，我最鍾意清甜既自家制竹蔗茅根。總括而言，食物質素保持一貫水準，特別鍾意呢度既肉類，口感味道都好好！…查看更多

香港可以無限時，又可以任食嘅火鍋唔算多，之前介紹過兩間，呢一間之前都有介紹過，主打好多火鍋套餐，有啲仲係無限時，啱晒想傾好耐計呀大家。淥鼎記係一間養生火鍋店，主打無限時任食雞煲、酸菜魚、火鍋，仲會送牛小排、活魚刺身、海鮮拼盤同甜品等，有唔同套餐，分別有唔同嘢食同埋唔同野送，豐儉由人，依家就嚟秋天，就好適合去打邊爐。除咗火鍋佢哋晏晝仲會主打精緻點心、中式小菜，酸菜魚可以話係店舖嘅招牌菜之一。店舖環境唔錯，我哋四個人，不過坐咗張六人嘅位，都算鬆動。入邊冷氣足夠。出邊仲有自助區，可以攞自助醬料、飲料、菜、火鍋配料等。亦都可以手機自助下單 好方便。-🥘 鰲拜套餐 💰488/位（4位起）呢個套餐要早一日預訂，餐廳會WhatsApp confirm，套餐除咗有無限時火鍋放題食材，仲有好多海鮮、刺身、牛肉、雞煲/酸菜魚送。最早可以17:30入座任食至22:30。-🐟 黃金炸魚皮 （👅: 8.5/10）第一道前菜係黃金炸魚皮，新鮮炸起，咬落去魚皮好脆，食落去鹹蛋黃味道突出，而且有起沙感。-🦢 椒絲炒鵝腸 （👅: 8/10）鵝腸都算大碟，咬落去都算爽口，食落去冇內臟嘅羶味，不過豉椒味就唔算好入味，我搶已經清走左鵝油，所以食落去唔會覺得膩。-🐚 時令刺身 （👅: 8/10）當日嘅刺身係象拔蚌刺身，加上冰鎮效果，咬落去爽脆，食落去都算鮮甜，唔會有海水味。-🦞 生腌時令刺身級海鮮 （👅: 8.5/10）當日嘅海鮮係西澳龍蝦、天使蝦同埋南非鮑魚。龍蝦用咗蒜頭檸檬去醃，咬落去肉質細嫩軟熟彈，食落去係酸酸地辣辣地，好似泰式既醃法，幾開胃。食完龍蝦啲肉之後，個龍蝦可以比店員切開陣間打邊爐。天使蝦同埋鮑魚咬落去都係爽彈，加上蒜頭同埋泰式辣汁，食落去都係好開胃。-主菜🐟 老壇酸菜魚 （👅: 8/10）主菜可以喺酸菜魚、重慶雞煲、香辣烤魚、水煮牛肉、辣子雞、椰子雞煲揀一樣，我就揀咗酸菜魚，酸菜魚睇落份量都幾多，不過魚就唔算好多，如果以四個人嚟食嘅份量來講。鱸魚入口都算滑，冇咩骨，中辣食落去唔算好辣，反而係酸味比較突出，味道溫和𠸝唔搶喉，不過就少啲層次。其他配料仲有萵筍、金菇、蓮藕、寬粉，吸收晒湯底，食落去小小入味。不過酸菜就唔算好多。-火鍋（湯底6選1） 🥘 花膠美人鍋 （👅: 7.5/10）火鍋湯底可以係芫茜皮蛋、豬骨鍋、麻辣湯底、海皇海鮮鍋、老壇酸菜鍋、花膠美人鍋入邊揀一個，我就揀咗花膠美人鍋。入邊大約有六塊花膠，仲有啲杞子、紅棗，飲落去係比較清甜，味道唔算濃郁，都唔會起膠。花膠咬落就正常爽滑，都算厚身。-一次性送：1️⃣ 現切牛拼盤（👅: 8.5/10）呢個牛拼盤入邊有和牛、小牛排、牛柳粒同牛舌，份量都真係四個人。和牛咬落去軟腍，食落去有油脂香帶小小肉味。牛小排食落去牛味濃郁。牛柳粒咬落夠腍，食落牛味濃。牛舌薄身，不過就咬落唔算好爽口個種。-2️⃣ 現切沙巴躉（👅: 7.5/10）食完酸菜魚，又有一個沙巴躉，覺得有啲重複，而且份量都幾多，四個人嚟講會食唔晒。食落去覺得酸菜魚嘅鱸魚比較少骨，而沙巴就比較多啲，再加上食完酸菜魚先上呢一個，變咗就咁食魚嘅原味，同花膠美人鍋唔算夾，可能要叫酸菜鍋或者麻辣鍋先夾啲。-3️⃣ 胸口油牛丸 （👅: 8/10）牛丸咬落爽彈，有少少肉汁，食落去牛肉味都算突出。-3️⃣ 手工紫菜響鈴 （👅: 7.5/10）響鈴入邊有紫菜，不過比較輕薄，單吃鬆脆，不過浸湯1秒佢就腍晒。-3️⃣ 精選菜籃 （👅: 7.5/10）菜籃入邊有好多菜，好似有冬菇、南瓜、娃娃菜、日本直送白粟米、台灣心裡美蘿蔔、台灣水蓮菜、紫羽衣甘藍。白粟米咬落爽口，食落清甜。水蓮菜一樣係爽口。-任點：1️⃣ 任點火鍋材料 （👅: 7.5/10）另外佢仲有QR code 落單既火鍋肉類海鮮，好似有安格斯極佳級精修肥牛、安格斯牛板翼同牛板腱、伊比利亞黑毛豬、梅頭、紐西蘭羊肉片、鮮雞件、廣島蠔 、海蝦、沙白蜆、手工丸等。除咗落單嘅任食配料，出邊都有自助區，有唔少既丸、芝士腸、公仔麵、響鈴、蔬菜、鴨血、鵝腸、魷魚等，有50幾款火鍋配料，不過食完前邊嘅前菜同埋送嘅火鍋配料已經夠飽。-🥤 飲品 （👅: 7.5/10）飲品方便可以喺自助區度攞，有啲自家嘅涼茶好似竹蔗茅根水，都有大眾啲嘅汽水、菊花茶、樽裝水、纖解茶、解茶等。-2️⃣ 雪糕（👅: 8/10）食完最後每人可以有一杯雪糕或者珍寶熊仔檸檬茶，雪糕方面可以揀Haagen-daz或者熊本熊。-🌟整體我覺得呢度好適合一大班人邊食邊傾偈，因為有啲套餐係冇限時。呢個套餐來講，雖然價錢偏貴少少，不過佢嘅前菜同火鍋配料水準唔錯，食完已經夠飽，唔使再去自助區或者落QR code。不過之前介紹嘅小寶或者爵爺套餐，我覺得都好足夠。-👅味道: 8/10🍴環境: 7/10💰消費: $488pp (服務費: 10%)…查看更多

餓左一日，今日收工不如去旺角淥鼎記打個邊爐先返歸。黎到發現裝修唔同咗，而家較暗同有情調，唔似一般打邊爐餐廳。揀左最經濟既小寶套餐，7:30前離座價錢$228加一。川味滷水拼盤個餐包限量前菜。先黎一份川味滷水拼盤，係暖架！等你食住等湯底。滷水拼盤有鵝翼尖6隻，好腍嘅豬腩肉3件，紅腸3片，豆腐3件，同花生。係唔辣既。前菜都有鹹蛋黃炸魚皮，鹹蛋黃味道真係好香，魚皮好脆，味道稍鹹。落單用QR code，每次落單只可以叫三份，我地一行2人，每次大部份肉類都上兩份比我地。包以下食物：花膠美人鍋湯底6選1，今次湯底多咗兩個選擇。我地揀左呢個花膠美人鍋，其他係鴨血麻辣，皮蛋芫茜豆腐，澳門豬骨，老壇酸菜鍋同海皇海鮮鍋。花膠美人鍋有8件魚肚，仲有紅棗同杞子。個湯雞味濃，鹹度足夠不過好清，個湯底好健康，而淥野食都夠味。安格斯極佳級精修肥牛呢度d肉唔會太薄切，食落有質感。安格斯極佳級精修肥牛牛味濃，只係脂肪稍為多。美國安格斯牛肩胛牛味都係濃，非常嫩口，今晚我地主攻呢款牛肉。安格斯封門柳牛味都好濃，較瘦，所以無咁嫩口，但係牛味都好濃。伊比利亞黑毛豬脂肪平均，食落質感同豬味都唔錯，我地都有主攻呢款肉。黑毛豬捲腩黑毛豬捲腩係圓形切割，食落比伊比利亞黑毛豬當然更爽口。紐西蘭羊肉片紐西蘭羊肉片係圓形切割，食落好嫩口，脂肪少，味道只有少少羶。我地都主力食羊。鮮脆鯇魚肉鮮脆鯇魚肉都好脆口，好鮮。鮮脆鯇骨腩好鮮脆，只係有好多骨。潮汕蝦丸，墨魚丸，魷魚丸丸細細粒，非常彈牙，好新鮮。鮮雞件今次無食到。自助配料吧有好多其他配料，詳見一下介紹：https://www.openrice.com/zh/hongkong/review/%E6%B7%A5%E9%BC%8E%E8%A8%98%E4%B9%8B%E5%B0%8F%E5%AF%B6%E5%A5%97%E9%A4%90%E7%81%AB%E9%8D%8B%E6%94%BE%E9%A1%8C-e4402776今餐肉類質素進步咗，好多款都好味。落單後上菜時間都好快，都冇漏單，所以兩個鐘實夠食飽。服務員巡邏頻密，收碟極快。座位新淨舒適，我地兩個人霸左個四人卡位。…查看更多

餓左一日，今日收工不如去旺角淥鼎記打個邊爐先返歸。黎到發現裝修唔同咗，而家較暗同有情調，唔似一般打邊爐餐廳。揀左最經濟既小寶套餐，7:30前離座價錢$228加一。川味滷水拼盤個餐包限量前菜。先黎一份川味滷水拼盤，係暖架！等你食住等湯底。滷水拼盤有鵝翼尖6隻，好腍嘅豬腩肉3件，紅腸3片，豆腐3件，同花生。係唔辣既。前菜都有鹹蛋黃炸魚皮，鹹蛋黃味道真係好香，魚皮好脆，味道稍鹹。落單用QR code，每次落單只可以叫三份，我地一行2人，每次大部份肉類都上兩份比我地。包以下食物：花膠美人鍋湯底6選1，今次湯底多咗兩個選擇。我地揀左呢個花膠美人鍋，其他係鴨血麻辣，皮蛋芫茜豆腐，澳門豬骨，老壇酸菜鍋同海皇海鮮鍋。花膠美人鍋有8件魚肚，仲有紅棗同杞子。個湯雞味濃，鹹度足夠不過好清，個湯底好健康，而淥野食都夠味。安格斯極佳級精修肥牛呢度d肉唔會太薄切，食落有質感。安格斯極佳級精修肥牛牛味濃，只係脂肪稍為多。美國安格斯牛肩胛牛味都係濃，非常嫩口，今晚我地主攻呢款牛肉。安格斯封門柳牛味都好濃，較瘦，所以無咁嫩口，但係牛味都好濃。伊比利亞黑毛豬脂肪平均，食落質感同豬味都唔錯，我地都有主攻呢款肉。黑毛豬捲腩黑毛豬捲腩係圓形切割，食落比伊比利亞黑毛豬當然更爽口。紐西蘭羊肉片紐西蘭羊肉片係圓形切割，食落好嫩口，脂肪少，味道只有少少羶。我地都主力食羊。鮮脆鯇魚肉淥一陣就食都好脆口，好鮮魚味。鮮脆鯇骨腩好鮮脆，只係有好多骨。潮汕蝦丸，墨魚丸，魷魚丸細細粒，非常彈牙，好新鮮。鮮雞件今次無食到。自助配料吧好衞生，全部用蓋蓋住或者放係雪櫃。 選擇有好多，一般既配料如龍蝦丸，午餐肉，蟹柳，香菇貢丸，牛筋丸，芥末貢丸，脆皮芝士腸，魚腐，魚片頭等等都有，特別d有包心蟹籽丸，黑松露豬肉丸，包心丸，黃金魚蛋，麻辣牛肉丸。餃類都有幾款，包括魚皮餃，韮菜餃，水餃，鮮蝦雲吞。較為特別嘅有鵝腸，鴨血。青菜有4款，分別係娃娃菜，生菜，白菜同菜心，質素唔錯。其他蔬菜仲有淮山，萵苣，薯粉，南瓜片，冬菇，粟米，金菇，冬瓜，秀珍菇，山根，粉絲，木耳，蓮藕，響鈴等。主食有稻庭烏冬同出前一丁。值得一提係連炸魚皮都有，香脆好味。醬料自己係自助醬料吧攞。飲品櫃有3大個，有好多選擇。飲品有自家製涼茶包括竹蔗茅根，冷泡茶，道地包裝飲品，韓國樂天罐裝飲品，罐裝汽水等等。欣賞佢既自家製竹蔗茅根，少少甜味，感覺天然，係好清甜既蔗汁味。今餐肉類質素進步咗，好多款都好味。落單後上菜時間都好快，都冇漏單，所以兩個鐘實夠食飽。服務員巡邏頻密，收碟極快。座位新淨舒適，我地兩個人霸左個四人卡位。計落價錢唔算貴。…查看更多