喜茶 (時代廣場)

每次去times square，除非已經食到好飽，否則都會有個指定動作去買芝芝芒芒，試過其它牌子嘅同類飲品，始終唔及喜茶嘅原創。以前要排幾個鐘，想飲都要諗過，宜家咁易買冇理由唔買，不過都要提下，飯後係比較多人買嘅，walk-in買有可能有排等，最好食緊飯時用微信小程序買，食完飯去拎就啱啱好喇。芝芝芒芒係用熟透嘅呂宋芒配以綠妍茗茶，芒果非常足料，仲好香甜，成日買嘅我覺得水準算穩定，好間中會遇到微酸嘅芒果，但多數時候都係超級香甜嘅。奶蓋令到成杯飲品更昇華，可以話係"芝"味無窮，同埋成杯嘢嘅水準keep到好耐，試過有次拎咗成個鐘先飲，但味道都keep到，但可能嗰陣唔係炎夏啦。今次買多杯好抵嘅超清爽百香芒拎走，$19大大杯，一試無妨。呢杯係用鮮芒果同百香果汁混成嘅，兩種味都飲到都幾平衡，至於芒果肉就梗係冇芝芝芒芒咁多啦，但以呢個價錢仲用真材實料芒果，都冇乜嘢好批評喇，淨係覺得要吐返啲籽出嚟比較麻煩同酸咗啲，不過性價比係高嘅，論味道就當然係芝芝芒芒完勝啦！…查看更多

試過坊間許多 水果茶和珍珠奶茶之類的飲品店，但始終都係喜茶最好，不但經常有時令水果茶推出，而且品質控制到位，衹是每次都要排隊，讓人有點兒氣餒。今次的芝芝芒芒 顧名思義飲品上層是厚厚濃郁芝士層 ，下面佈滿啖啖芒果肉，先喝一口芝士，再用 大飲管吸食下層芒果肉，之後又可以芒果肉混和芝士一起吃，喝一杯飲品有三種層次享受，所以能讓我心思思經常要返來幫襯，嘗嘗不同口味。其實一杯果茶滿滿芒果肉加芝士飲完已經飽曬，絕對可以作為我的代餐。…查看更多

喜茶，之前每次去深圳吃喝玩樂的時候，我必定會到這裡「到此一遊」，可惜現在疫情的關係，暫時沒辦法去深圳玩，剛巧今天陪朋友來到時代廣場吃 Shake Shack，所以便順便點了一杯飲品來品嚐一下了No.1【芋泥黑糖波波】$39近期我迷上了黑糖和芋泥這兩款食物，所以當我看見喜茶竟然有芋泥黑糖波波的時候，我當然二話不說立即點一杯來嚐試一下黑糖，雖然是比較健康的糖類，但是如果份量過多的話，依然會給人一種甜膩的感覺可惜香港著名的黑糖手調飲品店，例如幸X堂，X虎堂，所有黑糖飲品都是一律不能選擇糖度的，導致最後出來的味道簡直是甜得嗆喉，讓人對黑糖飲料蒙上濃濃的陰影！而我在今天品嚐過喜茶之後才知道，原來黑糖飲料竟然是可以少甜的！甚至可以要求少少少甜！而且做出來的味道，一點也不差所以我真的很好奇，為什麼喜茶可以做得到，而其他飲品店卻做不到少甜的黑糖飲品呢？由於我選擇了少少少甜的關係，所以黑糖的份量控制得剛剛好，味道一點也不甜膩之餘，每一口更嚐到一絲絲淡淡的黑糖氣息，甜甜的，香香的，清甜可口，甜香四溢，讓人唇齒生香，一試傾心至於芋泥的質感亦非常幼滑柔順，軟綿香糯，滿口都充滿著濃濃的芋頭香氣，口感豐富而細膩之餘，更相當有層次，最後再配上煙韌彈牙的珍珠，味道簡直完美得無懈可擊，讓人陶醉其中，吮指回味！No.2【芝芝芒芒】$45至於朋友則點了皇牌 No.1 的芝芝芒芒，芒果的味道十分濃郁醇厚，香甜美味，只是可能由於沙冰的關係，即使點了少冰，冰塊的份量依然有點多，導致朋友最後愈喝愈覺得有點冷價錢方面，芋泥黑糖波波$39，芝芝芒芒$45，其實都是和深圳的價錢差不多總結來說，一杯手調飲品索價接近 $40值不值得就真的見人見志，不過我到今天才知道，原來黑糖竟然都可以自行選擇糖度，瞬間讓我對黑糖飲品更愛不釋手…查看更多

拖咗好耐無岀呢杯係佢喺timesquare 開咗一兩星期我去飲嘅芝芝芒芒之後來來回回起碼再飲多兩三杯真係好飲原因係佢真係有芒果肉係入面同埋無論你擺幾耐 佢都係同一個味 唔會話啲冰溶哂無味（佢係連埋啲冰一齊blend, 所以整杯都無冰粒）超碼好過啲珍珠奶茶 飲哂之後半杯都係冰喜茶無呢個問題尤其佢真係真材實料 所以就算佢好貴 都抵過飲嗰啲黑糖珍珠奶茶P.S. 我本身真係唔覺得喜茶好飲 喺大陸中咗三四次伏 喺香港第一次叫咗呢個先明白點解啲人話好飲 至今我依然認為 有幾隻味真係大伏嚟 包括個抹茶oreo 同番梘味嘅水果茶…查看更多

上次飲過非芝芝系列既野就知芝芝最好 所以今次再戰！ 仲要個App開通左，完全唔使排隊，app度落單用Wechat pay / Alipay就俾到錢，製作中果陣可以去行街，整好會有notification，終於唔使企係度等喇！ 真係好好味 好多好多果肉，茶味好重好香。肥都唔理，成個芝士蓋都lam埋 備註：我飲少甜少冰…查看更多