米走雞 (昭德大廈)

約左個老朋友食飯, 網上見到有人推介　@runningchicken_hk ✨🧀🐓芝士雞煲好正, 就黎長沙灣呢間試一下😋因為我地兩個🧀芝士控, 一黎就毫無疑問叫半份芝士雞煲, 落單既時候, 落單紙上有細心remark 可以加埋芝士碎, 但佢寫明芝士碎有少少酸, 我地就叫左少量芝士碎 , 一黎個雞煲, 員工好細心提醒千其唔可以攪動, 我地就乘乖咁等食啦 … ( 焗左分零鐘 ) 一開蓋係超級香芝士味, 食落芝士味都好濃, 同埋食落啲雞肉仲好嫰滑, 一啲都唔「鞋」, 唯一係佢個芝士碎原來食落都唔係真係太酸, 芝士控既我覺得下次可以要中量都ok ( 🤣可以不用相信個溫馨提示, 縱使其實有提示係超窩心服務👍🏾 ) , 雞煲所有配料都索曬芝士味, 連最難好食既芫茜都變得好食左, 真係不得了~ 🌻🌻🌻🌻🌻之後就當然要落埋湯打邊爐, 所有材料食好新鮮, 特別推介個響鈴好似係佢地自家製, 因為好香脆, 完全唔油益味, 我地兩個人都食曬成份響鈴(6條) 配埋啲芝士湯真係好好味, 我覺得都係必食推介🌻🌻🌻🌻🌻呢間高質芝士雞煲, 鍾意雞煲既大家都推介去試試👍🏾👍🏾--------…查看更多

今晚同爸爸出街打返個靚邊爐。同爸爸黎呢間米走雞，呢間餐廳都好多間分店，其實都食過幾次架啦。不過我地好鍾意佢個芝士雞煲，所以間唔中都會返黎再嘗嘗回味一下。一入座時間關係先點返個雞煲先，因為雞煲送到都仲要加熱，所以可以再慢慢睇食咩火鍋料。呢個岩岩送到既黃金芝士雞煲，份量唔少架，見到好多芝士鋪係面tim...仲可以自己揀要多少芝士既份量，我哋選左普通量。等了又等，好快芝士已溶了，正呀，黃金鋪滿了整個鍋，每件雞都被芝士包圍住。好豐盛。一件又一件既雞件慢慢食，雞件又香又滑，而且包著芝士好濃好creamy,真係味道一流。雞件份量都唔少架，而且雞件都切得大件，吃起來啖啖肉好有口感。記得食到咁上下就開始睇下想食咩火鍋料，再下單。呢度好多材料都有，因應返自己口味點選。食曬個雞煲後，再叫店員加湯，湯可以選普通清湯或芝士湯。我們點了普通清湯，因為怕再加芝士湯會太膩。正呀，之後開始round two....打邊爐。點了好多唔同菜式，有大大卷既響鈴，夠曬份量，好好味，呢個響鈴好大好飽肚，吸曬d湯汁，超正。仲有菜，可以選半份或一份，我們點了一個半份既油麥菜。仲有點了一碟蒙古羊肉片，賣相好靚，羊肉切得薄薄的，一放入鍋中快速煮熟，味道好好，羊味重，正。另外仲點了鮮蝦雲吞，真係真材實料，大大粒蝦肉，雲吞好好味，大滿足，爽口又彈牙，口感又正。呢個包心丸都好正，熱辣辣又多餡，小心熱親個咀。米走雞既芝士雞煲真係無得輸，好正。坐得舒服，野食又唔差。不錯不錯。…查看更多

原來長沙灣都有好多好嘢食㗎！今日行行吓就發掘到一間都幾有特色嘅芝士雞煲。事緣係今日同老公去長沙灣買嘢，買完之後行行吓見到間野叫米走雞，好似幾得意就去試吓。格局似茶餐廳，初頭諗住質素一般，點知食落有驚喜！我哋叫咗個黃金芝士雞煲（2-3人 $178），芝士碎重要揀左激量🥰🥰 見到個雞煲真係「嘩」一聲，因為真係好大煲同賣相好靚！店員仲好細心咁教我哋點樣食，芝士味極濃，起碼落咗兩種芝士，每舊雞肉肉質嫩滑多汁，啖啖肉，而且均勻地沾上芝士醬，質素極高👍🏻👍🏻而且份量十足，食到大半已經飽飽地☺️之後仲叫咗：手切新鮮牛頸脊（小 $138）- 肉質一般，牛肉味亦不濃，不過勝在分量算多。手打五寶拼盤（半份 $48）- 呢個可以一試，因為粒粒都大粒，而且爽口彈牙，尤其特別推介蝦肉丸，絞碎蝦肉撈埋原條蝦肉，有雙重口感！❤️鮮製五拼餃 （半份 $58）- 餃子感覺冇丸咁特別，不過質素尚可，可以一試。響鈴 - 同出邊一般嘅響鈴唔同，超大條，塊皮較一般厚同韌，但又好脆，好特別呢！😋…查看更多

以前食過一次，今年再黎係預祝朋友一年一餐嘅生日飯，咁岩又遇著11月有半價雞煲優惠，一於約朋友黎試下。本身約左9點，早到左近半小時，Staff見我係門口又見岩好重有位就招我入座，然後好細心介紹左一下，說明現有優惠。朋友唔食辣就揀左芝士，重有得揀多少濃淡☺️雞煲一到，staff又教我地食既次序，由於我同朋友都食得慢，staff好細心走左黎兩次幫我地翻兜同熄火，避免燶底🙈🙈食完打邊爐又有得揀湯底，芝士湯/雞湯，食過濃味就想食淡少少，又幾好😆大大卷既響鈴，真係好飽😂 一嚐鴨血，口感不錯 最後埋單忘了知會staff我地用半價既優惠，到俾左錢查單先記起，問返staff都好好幫我地追回差價、退返錢 好熱心，本身係自己大懵，都唔介意無得退，因為服務好好，但staff卻講句：呢啲係你地應得既優惠。感覺超級窩心，好滿意好滿足既一餐晚餐。係疫情影響下已經要收早，但仍不厭其煩好好招待，好感謝佢地既細心用心熱心。香港人加油💪🏼！我一定會再黎食嫁。…查看更多

黃金芝士雞煲🧀最近米走雞做緊優惠，只要姓氏有C/S/W就可以有雞煲半價優惠，但只限雞煲***其他野食就要比正價我就叫左一個細份嘅黃金芝士雞煲（2-3人分量）由於叫左激量芝士嘅關係，食曬啲雞之後都膩膩地同飽飽地食曬啲雞就可以加湯變打邊爐，湯有雞湯同芝士湯兩個選擇，我就揀左芝士湯，芝士味道冇原本咁濃但都算有味野食方面就只係叫左蜂巢豆腐、響鈴同稻庭烏冬，因為食曬啲雞已經開始飽飽地響鈴係即叫即炸果啲，大大舊，半份有三塊，浸完芝士湯就變得更膩，所以半份都夠曬蜂巢豆腐就唔推薦，食落冇咩味道，吸唔係好到湯反而烏冬就好令人驚喜，好似食緊芝士撈烏冬都幾有味埋單$187都算係幾抵…查看更多

令人失控的芝士雞煲。初時聽到用「芝士」做膽既雞煲令人感覺好肥 試過後此雞煲滿有驚喜，而且唔膩 這裏並非任點任食的火鍋料理,逐樣單點,食物質素更加有水準。重頭戲 芝士雞煲 睇見都覺得正到流口水  雞件好大件 淡淡肉，肉質好滑，充滿芝士及洋蔥味，這個芝士汁又不會覺得好溜，食完雞可以加清湯或芝士湯 打邊爐 滿足到大家胃口食雞煲點可以冇牛肉 手切新鮮牛頸脊（小：$208／大：$298），採用本地牛隻，肉質鮮嫩，牛味香濃既不肥膩 口感一流 另一主角 出前一丁 確實係芝士的好朋友，兩者都吸收了濃濃的芝士汁，食落超惹味還有手打五寳丸方面 好出色 鮮肉比例都比較高，肉質柔軟彈牙 水餃 大大隻 材料豐富 好有水準 坐位方面環境好舒適 侍應服務相當細心整體來說, 這個的火鍋一定來試下呀 雞煲出色外 食物亦有質素尤其是Cheese控的朋友, 一定要來…查看更多

是日為友人慶祝生日，選了這間在長沙灣有分店的雞煲！這間店在長沙灣地鐵站行過去只需幾分鐘，地點上尚算方便！我和同行友人首先坐下叫了黃金芝士雞煲再慢慢選其他火鍋配料！雞煲一上菜真的很驚喜，我們只是選了普通多份量的芝士已經超澎湃，實物看到至少有兩款芝士混合做成拉絲效果！味道咸淡度也滿適中，不過如果選激量芝士要注意可能會太膩或偏咸！雞件方面應該是大大隻的雪藏雞脾，吃起上來啖啖肉不過個人覺得如果如坊間其他雞煲店用上原隻雞的雞件應該會沾上更多芝士醬，不過無可否認雞脾肉是很肉厚嫩滑！吃完雞煲後可自行選加清湯或芝士湯，我們就選了清湯，火鍋配料方面沒什麼特別驚喜，都是常見的火鍋配料也沒什麼值得推薦！倒是見到隔壁桌子叫了火焰麻辣雞煲很吸引，有機會很想試！吃完火鍋後我們叫侍應上蛋糕作這餐完美的句點，不得不提是這間店店員人手有點不足，態度也比較冷淡！…查看更多

個地點本身都唔係旺區，都幾難搵。 又無泊車。但一樣要推介。 因為佢啲嘢真係唔錯。 一入去就已經聞到好香麻辣雞煲味。 坐下， 二話不說，點一個麻辣雞煲同芝士雞煲。 麻辣的要了中辣。 恰到好處， 有辣味道又唔會蓋過雞味。 仲有好足料， 啲雞骨肉均稱 。 跟住食埋個芝士雞， 夾住芝士食好正。 可惜個爐太猛，食唔切，有啲燶底。 當食完雞後，添加了湯便可以打邊爐。 但係最失敗是選了不辣的湯。 加入湯後，整個煲失了味道，大為失色。但其實打邊爐的配料也很出色。 其中推介的有響玲和蝦滑。 兩樣都不是新奇玩意。但這家的響玲不但鬆脆而且有豆味。 而蝦滑就加了原隻蝦肉， 增加了咬口。 …查看更多

打完波，去附近食個晚飯先，不過長沙灣係堅難泊車，咁好彩呢間門口有位wor ! 我班朋友先入去叫菜。一入去，見到成煲芝士，真係嚇一嚇 😲，心想「肥到爆炸ar !」我們先食雞，好重既洋蔥味，唔膩，仲好野味。當然，因為我係好鐘意食芝士。之後，就好似一般雞煲，加湯打邊邊。佢既湯好得意ka , 都係芝士，有少少南瓜味。由於是晚卡路里應該超標，所以盡叫蔬菜。原來先淮山，翠瓜苗，襯埋芝士都好特別~兩個字「清新」。不得不提，係個手打墨丸 流心wasabi，超正，有時供供下鼻 ，可以又再食多d 。 …查看更多

之前諗住去間高瑞士火鍋，但行過試下呢間，又幾唔錯，仲以為好咸，呢間岩哂香港人，唔會咸幾好食，芝士唔會太杰，味道香濃，芝士味濃，仲有火鍋配件，牛肉肉質口感鬆軟，唔會太難咬。價錢方面，因為唔係任食就住叫，埋單都唔洗200 一個人 其實唔貴 可以喪叫，不過芝士好流 記得跑步減返總結：味道價錢接受到，不過間鋪細d…查看更多

之前見到哩間芝士雞煲幾出名，所以去試下。叫左個芝士雞煲（小）$148芝士味濃，味道不錯，同埋叫左少少配料。可能食芝士比較漏，所以好快飽左。不過差不多食完d雞的時候，因為有d澀，所以我地只想加少少湯。我地叫侍應幫我地加少少湯，然後我地係咁叫佢停，夠湯，但個侍應依然唔聽，我拍住佢個湯壺叫停，佢都無停，最後倒哂成壼落去，佢仲要話：'下太多咩' ，我心諗個湯淡左好多，明明已經叫你停。。。。。這令我們有點生氣…查看更多

一行二人放工到此店等位，時關打電book 枱話已full,要walk in waiting! 6:45 等到8:00 都唔係太長時間！但附近冇其他店舖可逛，所以只能呆坐門口等！坐低第一時間叫咗個「芝士雞煲」，黎食都係為咗佢！其實有95%人都係食佢！味道都算可以，可能我鐘意食芝士！其他叫了竹苼、牛肉、響鈴、冰豆腐、魚歡喜（墨魚餅）。。係墨魚餅尚算可以，其餘都好普通！不過個響鈴真係麻麻，食咗兩條全個冇食！可能個芝士鍋頂住咗，唔係太好就唔想食…查看更多

溫度開始有點轉涼,打邊爐和雞煲是少不了的事,最喜歡就是打邊爐因為可以一班朋友聚在一起,談天說地吃喝一番,渡過一個愉快晚上!前排就跟男友兩個去吃雞煲,男友知道我不吃辣,就帶我去了長沙灣試一試芝士雞煲!!這個芝士雞煲是較為中式的口味,可以點不同的配菜加入一起吃,選擇不算多,但也足夠,因為本身煲內就有雞件在內!點了一些配菜後,店員很快就把芝士雞煲帶到我們面前.慢慢地芝士溶化在雞件上,吃起來上相當滋味,雞件很滑身,和芝士巧妙地合拍,也許是中式芝士口味,吃起來不會像芝士火窩般膩口!由於兩個人的關係,我倆只點了一客小的.牛頸脊雖說還未好好解凍得來,可是牛味也很算不錯,不過價錢上就有點貴啦!一碟有六隻肥美的桶蠔,即使熟了後也很肥大,吃起來相當新鮮,一點沙也沒有!如果桶蠔可以有半份選擇便更好了,因為二人實在難吃下六隻.珊瑚蚌 (HK$78)這客珊瑚蚌令我有一點失望,因為不算太新鮮,亦也許是和芝士不算太夾吧!吃起來帶點腥味,我們也只吃上幾件便放下...推薦你們來這裡要點這個呢,入口爽滑又特別,加上淡淡芝士更加惹味~~~內裡的墨魚滑彈牙又有口感,我也忍不住吃上二大條!埋單大約hk$750,平均一人三百多,中上價錢尚可接受,畢竟我們點的都是海鮮類多!但久美認為這芝士雞煲配以蔬菜會更MATCH,因為可以減去油膩感之外,也可吸取淡淡芝士的湯汁.…查看更多

已經聽過好多人介紹這間食芝士雞煲，上次來大排長龍，所以放棄了等，這次早一點來，人比較少但都要等一會，實在太受歡迎了。 終於食到馳名的香濃芝士雞煲，當然叫個大size （$188），一開火香味撲鼻，上面放了紫洋蔥，必少看它，當吃到最後便知道這是精華所在。講返個芝士雞，肉質勁軟又入味，雞肉容易撕開，連我不太愛吃肉也舉手大讚，太棒了。芝士雞吃得七七八八，便開始放配菜，先吃點素類，我們點了響鈴（$38）、芋絲（$28）、三菇拼盤（$38），這些都正正常常，沒有太大驚喜，但吸收了芝士湯，味道很夾，特別是芋絲無敵吸味，我吃了一大半，哈哈！另外當然不少得食肉獸的朋友們最愛的蒙古羊肉片（$98）和豬頸肉（$68），羊肉片色澤很新鮮，肥的比例很好，配埋芝士好好味。豬頸肉肉質爽口，味濃可口。丸丸類也是我吃火鍋很愛吃的，有手打牛丸（$58）和手打墨丸（$58），牛丸彈牙又鮮味，仲加入粟米粒好有口感。而墨丸非常特別，裡面放有wasabi 味道出奇地夾很好味。另外仲有竹笙墨魚滑（$88），竹笙爽脆配彈牙墨魚滑，特別的口感，不錯。其實已經食到超飽，但朋友說不能少得出前一丁加芝士（$12+$10），我心諗已經芝士湯底仲加芝士好重口味，但食落果然好正，條條麵都夾雜著芝士，而且吸收了整個鍋的精華，好吃得不得了，完滿結束。…查看更多

跟朋友食過這裡的雞煲，覺得很值得推介，所以一直很讓家人來試一次。可惜上次來到的時候大排長龍，所以這次懂得預先訂，輕輕鬆鬆八點半便能享受我們的雞煲。其實這裏的芝士雞煲和麻辣雞煲我同樣喜愛，但由於媽媽不能食辣，於是我們便點了芝士雞煲。先來一個香濃芝士雞煲(大)($188)，雞塊分量超多，加上大量芝士和洋蔥，已經令人食指大動。雞件原本已經熟了，但還是先煮一會讓其更入味。雞件都是多肉少骨的，而且每件都是雞脾肉似的，十分嫩滑。就算在鍋裏多煮一會兒，也不會變老。雞味濃郁，全無雪味。雞件食得七七八八時，店員便為我們加上芝士濃湯以作打邊爐之用。由於爸爸不食牛，於是我們便點了蒙古羊肉片($98)。羊肉顏色鮮紅，十分新鮮，而且稍為厚切讓羊味更為濃郁。豬頸肉($68)亦同樣新鮮，十分爽口。手打墨魚丸($58)和手打牛丸($58)。很喜歡這個手打墨魚丸，十分特別，咬開裏面竟然是Wasabi醬，但一點也不會刺鼻，反而淡淡的Wasabi香味更能刺激食慾。手打牛丸內加了粟米粒，增加了口感層次，而且食得出新鮮牛味。竹笙墨魚滑($88)。把墨魚滑釀在竹笙內，有趣的配搭。煮熟後的墨魚滑十分彈牙，同時竹笙吸收了芝士湯汁的香味，是一個很特別和好味的配料。除了肉類外，少不了的當然還有蔬菜類。這間火鍋店最好的地方就是大部份配料都可以選擇一份或半份，令客人可以多做不同的選擇。三菇拼盤($38)，芋絲($28)，生菜半份($18)蘿蔔半份($15)，豆腐半份($15)。當然少不了響鈴($38)，爽脆的響鈴加了香濃芝士湯汁，十分惹味。就算食得再飽，食這個芝士雞煲還是一定要點一分烏冬($18)和出前一丁($12)，記得別忘了多點一片芝士($10)。熱力把芝士溶掉在出前一丁上，加上芝士濃湯，麵條把這個芝士湯底的精華全部吸收。十分邪惡的一個結尾。一家四口食到十分滿足，每人才不過$200，十分抵食。而且這家雞煲能把水準保持得很好。第二次來到還是吃得到第一次的感動，而且不時會有創新的配料(如Wasabi墨魚丸)推出，讓人會有回顧的念頭。看眼前的芝士雞煲，立刻把減肥的計劃都忘記得一乾二淨。不過吃完之後真的覺得十分值得。…查看更多