福岡漢堡扒 (厚福街) (已結業)

尖沙嘴厚福街食肆林立，競爭激烈下福岡漢堡扒一直都是排隊熱店，這次就來試試到底有什麼過人之處🍴每個人的座位上都配有抽風，另外有需要的話也可取圍裙使用。▫️兩人套餐 （ver.4）餐廳使用QR code下單，選擇困難的我們就直接點了兩人套餐。點餐後先送上醬料盤、味噌湯和清新爽脆的椰菜絲沙律佐胡麻醬🔸芝士蛋蒜和牛漢堡扒鐵板很快送上～第一次來吃，所以店員都有指導一下料理方法，先用小鐵鏟取部分漢堡平舖在熱石上再輕輕壓扁🤏🏼因為熱石超高溫的關係要每3秒翻轉一次，將和牛漢堡豐腴的油脂完全迫岀，喜歡焦香一點的可以多煎幾下，外焦內嫩仍保持 Juicy 口感！吃到一半的時候店員也有主動來更換熱石，自己動手料理感覺蠻有趣的👩🏻‍🍳 而且也很好上手🔹菠蘿煙肉和牛漢堡扒這款同樣扎實！多了菠蘿和煙肉的配料，吃法上帶來一點變化，吃完漢堡再吃片烤菠蘿很解膩。漢堡扒本身惹味多汁，再佐以鹹香迷人的芝士，所以我們幾乎沒用上醬料盤去調味🔸芝士泡豚丼套餐還有一個丼飯，超大一碗二人分享剛剛好。裡面堆滿了泡菜和豚肉片，加上拉絲的半溶芝士非常邪惡.ᐟ.ᐟ.ᐟ 🔹飲品附兩罐罐裝飲品，養生的我們就選了無糖的烏龍茶和樽裝水 💧 …查看更多

Weekend 出尖沙咀食lunch，厚福街不嬲出名多好野食🤣🤣今日Peggy就黎左呢間福岡漢堡扒食晏😳😳好彩早少少黎唔需要排隊😋😋 呢道用QR code落單，我地今次就叫左個2人餐（$366），入面就包左份菠蘿煙肉🍍🍍和牛漢堡扒🥓🥓同芝士蛋蒜🍳和牛漢堡扒🧄再加一份芝士泡豚丼飯🧀🧀同埋2罐飲品🧃跟餐仲會有碗麵豉湯同沙律🥗🥗同埋泡菜😳超juicy嘅和牛配搭唔同配料，風味唔同但都一樣咁好食😍😍😍 先講塊和牛漢堡扒，佢keep到佢和牛入邊啲肉汁同埋燒出嚟好香🤤🤤🤤🤤淨係燒緊嘅時候都已經流晒口水🥰🥰店員仲好細心咁同我哋解釋點樣燒👍🏻👍🏻 食落肉汁豐富😍😍牛味濃郁😋😋菠蘿煙肉配搭鮮甜，而且有煙燻香🔥 芝士蛋蒜就蒜味十足，口感豐富🤤🤤芝士泡豚丼飯熱辣辣🔥拉絲嘅芝士🧀🧀配上香辣嘅泡菜🇰🇷🇰🇷撈埋豚肉一齊食🐷🐷分量十足😋😋超級惹味❣️❣️餐廳店員亦都相當細心❣️❣️會不停留意我哋塊熱石頭會唔會太焦，會幫我哋更換❣️❣️另外餐廳都有提供濕紙巾🧻🧻同埋圍裙比顧客非常之貼心👍🏻👍🏻…查看更多

📌 福岡漢堡扒 (厚福街) - 尖沙咀厚福街11號地下A號舖🗓(9/4) 星期日 ⏰ 下午1點左右💈特式：襯住仲係假期，繼續出去搵特色好野食，去開尖沙咀嘅朋友都知厚福街出名多好野食，今日就同大家去試一間玩味重嘅自煎漢堡扒。🥩🍔🌭🌮🥗🥯🥘🍲🍝🍣🥟🍤🍱食物：好鐘意呢度有好多兩人套餐可以揀，慳返唔洗諗食咩，佢共有5款兩人套餐，我今日就叫左個Ver. 3，而家等我同大家講下🍔🐮味道先。二人套餐 Ver. 3 - 呢份套餐包左兩份中size和牛漢堡扒，沙律椰菜絲，麵豉湯，一個主食同兩罐罐裝飲品。芝士蛋蒜和牛漢堡扒，上枱時個漢堡仲係全生狀態，size有我拳頭咁大球，望上去肉質都幾新鮮，我先將佢分成4份再逐份煎；佢地標榜係選用高質嘅牛肉，我眼見油脂都好豐富，所以放上舊熱石上煎時都會濺出唔少油脂，每邊煎2~30秒左右就已經食得，食落好香牛脂味，肉質鬆軟，唔會好似出面d漢堡扒咁死死實實；個蛋汁底就無乜特別，不過夾埋佢附上嘅泡菜一齊食，再索埋少少煎漢堡扒時流出嘅牛脂油，成件事就變得不一般。月見味噌牛丼飯，呢個牛丼飯份量真係好大，其實一個成年人淨係食呢碗飯已經夠飽；篤開橙黃色嘅日本雞蛋黃，任由d蛋汁慢慢流入飯面，再連埋牛肉/菇菌一齊食，又香又好食；另外一讚係我鐘意佢個飯底米粒夠硬身，因為我唔鐘意食軟飯🤣☕️🍵🥤🧋🍺🍷🥃🍹🧉🍾🍶🥛飲品 : 餐包兩罐罐裝飲品，可以揀可樂/無糖可樂/雪碧/雀巢檸檬茶/烏龍茶呢幾款。🍽環境：餐廳環境有d似日本嘅立食牛扒餐廳，一張長木枱再隔開兩人一格，每個位仲有一支獨立抽風喉幫你抽走d油煙，所以餐廳雖然係做鐵板漢堡扒，但入面完全唔覺有油煙味，整體衛生企理。🤵🏻🤵🏻‍♀️🤵🏻‍♂️服務：店員服務態度唔錯，熱石板上枱時會提示客人小心燙手，亦會幫客人調教支抽風管；另外亦會講，如果熱石開始唔夠熱，記得同佢地講，佢地就會幫手更換。💰💸價錢：一個兩人套餐包左兩份中size和牛漢堡扒，一個主食同兩罐飲品，只係$359，我覺得真心唔貴，仲要係尖沙咀呢d租金貴嘅旺區，我覺得堅抵食。🐲💬總結：我覺得呢餐味道好食，又可以自己落手煎漢堡扒，可以講係好食又好玩，埋單又唔貴，值得推介。推薦指數：❤️❤️❤️❤️🤍…查看更多

又去厚福街，成日經過福岡漢堡扒，之後旺角都開咗分店，兩間位置同樣便利，同樣好多人幫襯。首先職員會呈上鐵板連熱石，然後就可以自己動動手開始燒🔥✿ 二人套餐 $366🍍菠蘿煙肉和牛漢堡扒🧄芝士蛋蒜和牛漢堡扒 🐷芝士泡豚丼飯🥤特飲/茶x2✿ 菠蘿煙肉和牛漢堡扒諗起煙肉同菠蘿如果拼pizza應該吾錯😆拼和牛漢堡扒又系另一種感覺。菠蘿清甜，自己用鏟整成一舊漢堡扒球，擺上熱石燒🔥燒戈陣要用鏟壓一壓扁，每邊燒幾秒就熟。呢款冇寫有芝士但其實都有少少🧀加埋漢堡扒好豐富滋味😋✿ 芝士蛋蒜和牛漢堡扒 蒜片佈滿漢堡扒表面，雞蛋上面都有，使得雞蛋充滿蒜香🧄和牛原來系澳洲和牛使用，肉質恰到好處👍🏼芝士又出現要邪惡了😈✿ 芝士泡豚肉丼飯海量芝士配上豚肉，混合韓國元素，泡菜使得豚肉飯辣味明顯，食完芝士加豬肉好飽喇🤰🏻✿ 百香果特飲/ 巨蜂提子特飲一黎到個size真系嚇親🤣冇諗過大杯到咁，味道偏甜，尤其係百香果個杯，不過真係抵飲。P.s. 餐廳服務貼心，個熱石燒一陣會有燒焦情況，店員好快就會幫忙更換😊…查看更多

之前成日見人介紹呢間位於尖沙咀厚福街既福岡漢堡扒，見到個食法都幾特別，我地又未試過，所以今次放工之後決定去試下。MENU都算簡單易睇，啱哂我地呢D有選擇困難症既人，我地ORDER左一份二人套餐(Ver 4: $356)。入面有一個菠蘿煙肉和牛漢堡扒、一個芝士蛋蒜和牛漢堡扒、一個芝士泡豚丼飯同埋兩樣野飲。餐枱上有一個簡單既通風喉，平時都係拉到上天花板，今次見係連去枱底好新奇🤣餐紙亦都有教點煎漢堡扒，原來送上枱時啲材料係哂鐵板上面，有蛋汁加埋一啲配料慢慢煎緊，中間有一大舊生既免治和牛漢堡扒。我地可以自由切出想煎既漢堡扒份量，跟住放上熱石燒至自己喜歡既生熟程度。菠蘿煙肉和牛漢堡扒我地試左兩種方法：一種半生熟；一種燶少少。無論係邊一隻，入口都爆哂油脂，勁JUICY！肉味都幾濃！我自己就中意燒至表面少少燶，入口外脆內軟。雖然佢地有跟調味汁/鹽/泡菜，但牛肉本身都有少少調味，所以鐘意食到原汁原味既我地，都冇乜點過🤣煙肉都係爆哂油，夾埋漢堡扒食，肉味雙倍濃郁！蛋都比較滑，邊位仲食到脆邊，兩隻口感好正👍🏻芝士蛋蒜和牛漢堡扒和牛漢堡扒都係一樣所以唔講啦，但呢個蛋加入左芝士，食落好似韓燒既窩邊蛋，好正。😋薄蒜蒜得好香脆，鐘意食蒜既都唔可以錯過！佢地係用薄片蒜，但記得唔好等太耐先食，因為係鐵板上不停加熱，擺耐左都會燶。😜我地食完漢堡扒，仲有一大碗芝士泡豚丼飯😳食完漢堡扒都幾飽，我地儘量食左啲飯～芝士、泡菜、豬肉又係一個冇得輸既組合！泡菜調味唔會太濃同辣，加入大量芝士，好邪惡😈總結：雖然店名用福岡命名，但入面都有唔少韓國元素😆主打既漢堡扒都好出色，冇令我地失望，而且由自己煎都好，畢竟每個人鐘意牛肉生熟程度都唔同，仲有得玩有得食。😍同埋要讚既係店員好細心，會留意熱石會唔會有結焦/唔夠熱，如果有就會主動幫你換。所以都好推介大家黎食！…查看更多

喺韓國已經超過30間分店，餐廳用嘅漢堡扒都係100%澳洲和牛製造，從用咗20幾種香料特製，仲可以自己DIY整和牛🐂，又食得又玩得，除咗石燒和牛仲有丼飯可以選擇，高溫嘅熱石足足有成380度，基本上幾秒已經食得🤩墨西哥漢堡扒味道好惹味，而且有少少辣，但係小編朋友喺個唔食得辣嘅都覺得唔係太辣，仲反而開胃啲😋芝士係必要嘅，而且味道啱晒重口味既人去食，一路燒和牛啲香味湧出嚟，非常之香🥹而且侍應好細心燒嘅過程都幫我哋換咗三次熱石板，避免黐底…查看更多

跟著朋友食好西，話說朋友話喺福岡食過漢堡扒真係好好食，原來香港都有，仲聽講呢間喺厚福街嘅漢堡扒店長期排長龍，咁就一於去試下喇～.星期五晚happy hour完先黎，9點都仲係full house。遲左食飯又可以食多少少，懶惰唔洗諗就點了個💲359 二人套餐。.其中包括：✤ 前菜及湯✤ 芝士蛋蒜和牛漢堡扒(中) x 2✤ 月見味噌牛丼飯✤ 罐裝飲品 x 2食物上得好快，店員都有講解用小鏟切開一小塊漢堡扒放上熱石燒，輕輕接壓數10秒返轉再返轉就食得。過程中我覺得聽著煎漢堡扒的「渣渣聲」都幾治癒 loll 不小心有幾塊睇得太開心，煎耐了少少，有少少焦香，出奇地脆脆口其實都幾好食，牛味濃郁，配上煎到香脆的蛋食好開心，芝士仲拉到絲。唯一見到煎的過程中不少油滲出🫣 小怕，不過都唔難理解這是無可避免的，不夠油煎應該更惡劣。 牛丼飯份量超大，飯碗都被牛片填滿了 ～毫不吝嗇～還配有雜菌、蔥，當然仲有吸晴的月見…撈呀撈…撈呀撈～～相當滋味埋單除返每人二百蚊都唔洗，食到飽飽又有得玩下，我覺得個體驗都幾新奇有趣 😛…查看更多

六點幾嚟到唔洗等位 可以直入 店內播住韓文歌 每枱桌面有兩條小氣喉 感覺幾有趣 食物方面QRcode落單 可以單點 亦有套餐選擇 我哋就叫咗個二人套餐 有兩份漢堡扒 仲有個主食飯及兩罐飲品 另外亦可以+$8轉大漢堡扒 +$38配小食 +$18轉特飲🍽️二人套餐 💰366首先每位奉上前菜沙律及麵豉湯 店員送上漢堡扒嘅時候會幫手轉個吸氣管對住熱石位置 影完相之後就即刻開始燒啦🤣因為怕擺太耐熱石會凍咗♨️用小鏟子取出小量牛肉 放到熱石上鋪平壓扁 反覆轉幾次底面燒 漢堡扒完成✌🏻燒到一半 店員見我哋個熱石開始冇乜料到 就主動幫我哋換塊新嘅👍🏻🍍菠蘿煙肉和牛漢堡扒兩款漢堡扒嘅差別就係在於表面嘅配料唔同👅呢款係有菠蘿四塊、煙肉五塊、芝士碎、蔥花 大人細路都喜歡嘅口味 仲有拉絲效果🧀和牛油脂感重 香味十足😋🧄芝士蛋蒜和牛漢堡扒而呢款就係表面撒滿蒜片、芝士碎、蔥花 味道會較重 蒜香味濃烈 唔鍾意食蒜嘅朋友就唔太適合啦🍚芝士泡菜豚丼飯豚肉飯表面有超多嘅kimchi & 半溶嘅芝士😍辣辣哋超好味 攬拌後每啖都食到kimchi & cheese 而且份量仲好大 食完好飽🤰🏻🔔另設加一…查看更多

放工同朋友係尖沙咀覓食最後揀左依間福岡漢堡店係一間主打石燒漢堡扒既韓式餐廳叫左一個二人套餐包左兩份芝士蛋蒜和牛漢堡扒月見味噌牛肉丼同埋兩杯飲品餐廳選⽤100%澳洲和⽜將漢堡扒搓成球狀用小鐵鏟將肉放係石頭上面燒DIY漢堡扒既體驗幾好玩漢堡扒食落肥瘦適中蘸埋自家醬汁食更加惹味仲包左麵豉湯、沙律同泡菜 月見味噌牛肉丼味道唔錯牛肉同味噌既味道幾夾飲品加錢轉配西柚特飲同埋金橘檸檬特飲份量超大杯，飲落好開胃整體食物水準唔錯不過座位唔算好寬敞鐘意依漢堡既可以一試…查看更多

去厚福街覓食最頭痕 因為太多選擇 今次相中左呢間🐶 入去發現座位唔算好闊落 不過好熱鬧亦都好香 坐埋位就發現好特別有個煙囪仔 上左野食就知到底有咩用 原來佢會上一份份生既漢堡扒 我地要自己用剷分開一小件係熱石上煎 唔試過都唔知要diy煎漢堡扒 好特別(◐‿◑)漢堡扒煎完鎖住左肉汁 好食得黎唔會太油膩 配搭左兩隻味 分別係菠蘿煙肉同芝士蛋蒜 自己鍾意後者多啲 感覺上同牛夾啲😝 芝士泡豚丼飯好大碗 絕對夠兩個人share 芝士有拉絲效果 豚肉混合左係入面 幾好食～ 性價比極高 可以入黎食個快飯 扮下廚神👩🏻‍🍳👨🏻‍🍳…查看更多

呢間餐廳個名其實吸引咗我地好耐，因為佢個名係韓字但又叫福岡，到底係日式定韓式呢😂 所以今日決定去一探究竟🤣今次我地比較懶，一嚟就叫咗個兩人套餐 ，佢有分4個Vᴇʀsɪᴏɴ，我地就揀咗Vᴇʀsɪᴏɴ 4，個套餐366蚊，包咗兩款漢堡扒，一個飯同兩杯飲品菠蘿煙肉和牛漢堡扒（中）呢款漢堡扒走清新少少嘅路線，自己決定落幾多漢堡扒係熱石上面，再煎至焦脆，幾生幾熟幾厚幾大，全部自己話事，漢保扒油脂豐盛，咬落去外脆內軟，配埋菠蘿食可以中和返個油膩感，煙肉用嚟增加食落去嘅層次😚芝士蛋蒜和牛漢堡扒（中）呢款就相對比較濃味，會再惹味啲🤭 適合一啲重口味嘅朋友仔，兩款漢堡扒都會有蛋跟埋，本身蛋味蛋香已經好濃，呢款再有額外嘅芝士，令到隻蛋更加滑身，更香濃👍🏻芝士泡豚丼飯足足有成塊面咁大嘅飯🤣🤣 泡菜，芝士加五花腩，呢個組合不嬲都係無敵，味道微辣，再夾埋煎香咗嘅五花腩，真係食唔停口😍呢度勝在所有嘢都可以自己話事，有得玩又有得食👍🏻 而且店員都會好主動換熱石，呢樣真係好抵讚，因為石愈熱，先煎得個表面越脆😙…查看更多

🍭福岡漢堡扒🍭自己肉餅自己煎 石燒漢堡新體驗😝有得食又有得玩 朋友齊齊煎煎扒🤩🍴二人套餐 ($366)包兩個扒, 一個飯, 兩杯飲品漢堡扒上碟時係全生既, 將適量既肉放係熱石上自己燒每邊燒幾秒, 好快就有勁juicy既漢堡扒食🤪🤪🍴菠蘿煙肉和牛漢堡扒🍴芝士蛋蒜和牛漢堡扒漢堡扒好有牛味🐮煎到兩邊焦黃, 外脆內juicy好正🤩兩個漢堡扒其實係一樣, 分別只在於配料配清甜既菠蘿就能balance味道, 配芝士蛋蒜就香口惹味😋個人覺得唔需要額外調味已經好夠味~不過就比較油😂 要飲番d fresh既飲品中和下🍹我就叫左巨峰提子特飲, 超大杯, 正😬🍴芝士泡豚丼飯份量驚人😯😯 差唔多有三碗飯🍚泡菜偏辣, 配埋芝士豚肉, 味道都唔錯不過食左漢堡扒太飽, 完全食唔曬😂😂😂🍗韓式甜辣炸雞 ($48)食得出係即炸既, 估佢唔到😬甜辣醬偏辣, 都幾惹味, 不過炸粉有d厚, 硬身左d🙈份量都唔細, 岩曬大胃王🤣值得一提既係餐廳既抽風系統唔錯, 唔會好大浸油煙味係門口仲會有衣物消臭噴劑, 好貼心🥰評分: ⭐️⭐️⭐️⭐️…查看更多

🧀芝士蛋蒜和牛漢堡扒肉質軟而肥美，好重牛肉嘅味，而且煎到外脆內軟，再加上鹽或醬汁食落都唔會膩，再加上鐵板上面嘅芝士蛋質地好滑，加上邊脆焦香，口感好正一個餐仲有沙律前菜同埋味噌湯，份量十足🐷芝士泡豚丼鋪滿芝士及泡菜嘅泡豚丼好吸引，每一啖都拉絲嘅芝士食落口真係好邪惡🍟足半磅薯條（芝士醬）薯條好粗身，入口熱辣辣，食落卜卜脆，仲要每一啖都有好濃烈嘅芝士味🍹百香果特飲 &巨峰提子特飲兩杯嘢飲好巨型，而且仲要唔貴，好抵飲！…查看更多

朋友介紹午餐一齊去煎漢堡扒， 是自己煎。廳落好似幾好玩🥰， 當然要試試啦😂（5⭐️最高）二人餐 菠蘿煙肉和牛漢堡扒 （5⭐️）甜甜地既菠蘿混入蛋中， 中間有一個女士握拳✊頭般大的牛漢堡扒， 上面有4片煙肉😋。有一個圓柱體熱石， 用黎煎漢堡。枱上面有個抽氣扇抽油煙 😁， 每次只需要煎3秒就反， 要幾熟/生， 自己決定😎。芝士蛋蒜和牛漢堡扒 （5⭐️）尼款比較香味重身， 蒜片在蛋中，慢慢滲出香味。 因為有熱板， 所以蒜片食落好脆口。 👍🏻芝士泡菜丼（5⭐️）大大碗😂三個人都夠食😍泡菜好好食。 因為我唔食辣， 而尼款亦都唔辣， 正🥰。 芝士份量又多。 好滿足😁🍹飲品可以選擇罐裝飲品或加錢選擇即沖飲品😏…查看更多

去尖沙咀揾食一定會去厚福街，選擇又多又高質，今次就去咗人氣韓國石燒餐廳 — 福岡漢堡扒！每個位都有吸氣管，喺燒肉嘅時候將吸氣同石頭位置對準，吸氣位吸油煙力幾強，食完頭髮、衣物都唔會有太大浸燒肉味。落單可以自己scan QR code，我哋今次就叫咗個2人餐（$355），包兩款漢堡扒、一款飯、湯、沙律同飲品。芝士蛋蒜和牛漢堡扒，漢堡扒會整到係一個圓滾滾嘅波，造型得意，鐵板上面仲有拉絲芝士蛋。燒肉時，先用鏟以垂直方式切出適量嘅肉，再加湯匙輔助放上石板，稍微壓平，每面大概煎三秒，想食焦香啲，可以燒多五、六秒。芝士漢堡扒加上燒香蒜片，邪惡又好味！墨西哥辣椒和牛漢堡，鋪滿墨西哥辣椒粒，燒肉扒時記得拌入，呢款漢堡扒入口富肉香仲有椒香，口感更濕潤，刺激惹味，愛辣人士必試！和牛乒乒乓拌飯，齋食漢堡扒可以會太膩，配個飯就最好！香濃和牛肉、太陽蛋及沙律菜加特製韓式辣醬拌勻，口感豐富！巨峰提子特飲、西柚特飲（+$18）特飲杯好得意，容量超大，前者富提子香氣，檸檬片增加香氣同層次，後者酸甜兩種味道都幾濃，整體味道唔錯。…查看更多