福岡漢堡扒 (厚福街) (已結業)

朋友係福岡食過煎漢堡扒之後念念不忘🇯🇵, 但佢話早排再去福岡間店排哂長龍食唔到 係香港竟然搵到都係用熱石自己煎既漢堡扒! 原來係韓國品牌🇰🇷, 用既牛係100%澳洲和牛🇦🇺, 比日本和牛無咁肥膩, 我覺得比較適合香港人口味, 亦都好符合國際化既香港特色🇭🇰兩個人去有5款二人餐揀好抵食, 除左list入面既野食外仲有麵豉湯、泡菜、飯🍚, 份量超多!沙律好大兜, 新鮮羅馬生菜🥬淋上柑橘汁, 面頭灑滿早餐穀麥, 仲有兩球cream cheese同法包🥖, 色彩繽紛特飲同樣五顏六色, 果味唔假都唔算太甜, sizzling梳打夠解渴🍹黎到最期待既漢堡扒, 圓碌碌一個波咁放係淋滿蛋漿+/-芝士🧀️既鐵板上旁邊有舊熱石就係比我地用鑊鏟切起一舊漢堡扒放上去壓平煎熟大約每邊3秒完成, 需要快手快腳建議用埋匙羹/筷子🥢幫手會無咁論盡!漢堡扒煎哂d油出黎, 外層變得香口, 調味岩岩好唔過鹹, 當然再重口味d可以蘸附上嘅醬油或粗鹽🧂, 送飯一流 加埋芝士蛋, 好有韓燒爐邊蛋既特色, 同漢堡扒又幾夾🥚另外值得一提係每人個位都有個小煙囪直接指住舊熱石吸油煙, 感覺個人無咁大陣味同埋店員都會好主動走埋黎換熱石, 石燒都要有返咁上下溫度先可以煎得熟塊肉, 店員仲好貼心咁提返新石會令舊肉快d焦, 我地要再調整一下煎既時間-兩人套餐 (Ver. 1) ($330): 雞蛋和牛漢堡扒🍳芝士蛋和牛漢堡扒🧀忌廉芝士沙律🥗巨峰提子特飲🍇(+$18)西柚特飲🍹(+$18)…查看更多

呢間起厚福街開咗好耐，間唔時有見身邊朋友post instagram story，可以自己煎漢堡扒，玩得又食得幾過癮👩🏻‍🍳除咗漢堡扒套餐之外，依家仲有二人套餐，有五個唔同組合俾大家揀叫咗個1號二人餐，比起單叫抵食好多！▶️ 雞蛋和牛漢堡扒 (中)賣相好新奇得意，一大個鐵板上面打咗隻蛋，中間有一大嚿圓轆轆嘅生免治和牛漢堡 (160g)等住你去燒可以按自己喜好用鐵鏟切出想燒嘅漢堡扒size，跟住放上石燒🔥輕輕力按10秒再反轉就ok啦！個人鍾意薄燒，口感正啲；厚燒就會再juicy啲，可能做到半生熟效果原來都好考技巧🙈唔小心放耐咗就燶咗，但係燶咗嘅口感唔錯，食落脆口，係冇咁健康同少少苦囉～🐂 用上100%澳洲和牛漢堡扒，肉質細緻而完全唔韌，放入口仲充滿油脂，好juicy，朋友形容為「入口即溶」 (不過食食吓覺得佢少少油膩🫢一路煎，啲油不斷滲出)牛味唔算好突出，少少都有嘅🤏🏻啱晒我呢啲本身唔係特別鍾意食牛嘅人🧂漢堡扒本身已經有味(應該有調過味)不過我都有點豉油食，因為佢個豉油唔係好濃味，鹽就冇點面頭仲有啲青蔥絲，令佢煎起上嚟香啲🍳下面嘅雞蛋基本上好快熟咗，本身冇咩味道，口感上邊邊位少香脆而中間就spongy啲，建議趁早起佢半熟嘅狀態度食▶️ 芝士蛋和牛漢堡扒 (中+$8加大）同上面一模一樣，只係多咗芝士🧀放起石燒到自然開始同漢堡扒融為一體朋友覺得芝士可有可無，可能因為芝士味道唔特別濃，同埋漢堡扒本身好夠味▶️ 忌廉芝士沙律新鮮嘅沙律菜上面放咗幾塊麵包同一啲cream cheese，然後灑上granola🥗沙律菜幾新鮮，配上柚子味醋汁，味道甜甜地又唔酸，十分之開胃沙律菜加granola都係第一次試~granola本身脆卜卜，呢個組合有幾得意喎Cream cheese味道唔太「芝士」，味道甜甜地，質地好creamy好似牛油咁，攞咗嚟搽麵包食可惜麵包唔太好食🍞又唔脆又唔軟熟😅仲要小心佢浸咗落底部嘅沙律醬汁會濕朋友好醒目咁攞咗去石燒板烤返脆😂都係一種補救方法嚟～▶️ 白飯x2碗白飯都幾大，一定夠餸漢堡扒食🍚飯嘅口感唔錯，用上珍珠米，好飽滿我仲攞咗泡菜撈飯食😌因為佢啲泡菜完全唔辣而夠鹹，咬落好爽脆▶️ 麵豉湯明顯係用粉溝出嚟，味道頗鹹，但非常濃味▶️ 飲品-罐裝烏龍茶可以幫助消滯🙈haha-難怪係漢堡扒專門店，用嘅漢堡扒係靚料👍🏻最好係成個過程可以自己燒，玩得開心之餘又可以按自己味道喜好熟度，有flexibility喺度，令每啖都食得滿意值得一讚係佢服務超好，全部後生仔女，個個都好有禮貌☺️又會教你點樣燒，又會主動幫你換石板，仲會提你唔好放咁耐如果唔係會燶 (雖然成日會唔記得）上菜又快手，手機落完單轉個頭就上舖頭本身唔算好大，但可以容納到唔少食客，坐落舒服，感覺唔壓迫不過二人套餐太豐富，張枱唔夠放，最後個沙律放咗喺隔離😂每個位置都有個獨立抽氣位 (要對準先會抽得好，會見到啲氣好似包住嚿肉咁吸咗入個管道)💨加上舖頭通風系統好，食完唔會成身油煙味或成面油全部嘢大大份足料，又有沙律，又有飲品，又有湯，平均$180/人，性價比算抵食想同朋友出去食，但又唔想淨係坐喺度傾偈，絕對可以考慮來「玩」吓，算易上手，煎多幾塊漢堡扒就變高手😎唔想燒都可以叫丼飯，同樣享受到和牛⚠️提示：小心煎牛扒嘅時候啲油會彈出嚟，可能會辣到，或者整污糟白色衫…查看更多

星期日放假，去左尖沙咀行街買衫，順便去食個午餐，喺厚福街搵餐廳，花多眼亂，最後揀左呢間好特別嘅熱石燒漢堡，和牛係100%澳洲和牛，平時真係好少見的。入到餐廳，見每個位的枱面都有一條條彎彎的迷你煙囪，用來抽走油煙。坐低後我地點左芝士蛋和牛漢堡扒同埋菠蘿煙肉和牛漢堡扒。點完餐冇幾耐店員就上左啲前菜、沙律同埋麵豉湯比我地，之後再上左一份鐵板+搓成球狀的、生嘅漢堡黎，佢仲問我地有冇食過，如果冇食過佢就會教您燒漢堡嘅方法。店員教我地用佢附上嘅鏟仔先鏟開一小份生嘅漢堡，放上剛燒出黎嘅熱石，再用鏟仔壓平佢咁燒，每次唔好燒得太耐，大約3-5秒就要反轉再燒，因為塊石係好熱的，好易會令漢堡燒焦。喺燒嘅中途如果塊石唔夠熱，可以叫店員換過一塊熱的再繼續燒。總括嚟講，係值得一試的，可以玩下又可以食，不過可能因為係和牛嘅關係，比較多油，一邊燒一邊都不斷有油溢出，食食吓都覺得幾油膩。…查看更多

講真，平時係屋企就唔會下廚，但出街就覺得自己動手好好玩，到底係因為啲咩先導致啲咁奇怪嘅思維⋯⋯冇錯！就係唔使自己洗野買野。我缺乏嘅係自己動手嘅心咩，Nonono ，我係唔想自己去準備野炸（則係簡稱懶）而且一個兩個人份量嘅漢堡扒，真係好難準備，然後無意之間就比我發現咗呢一間可以自己DIY漢堡扒，咁當然要來試吓啦因為都知道依一間都算係人氣餐廳，所以好早就過咗去食，基本上食嘅時候就冇咩人，所以就算食完都唔會話好大陣油煙味，但係唔係好肯定係唔係因為個抽風系統好嘅關係，或者是因為我哋食嗰陣冇咩客嘅關係（雖然每個位都對應一個抽風管，但係唔係100%可以完全抽走晒，所以盡量唔好着啲吸味嘅衫）因為是第一次嚟，梗係試啲最普通嘅先，咁就同朋友嗌咗個兩人套餐（Ver.1）分別有芝士蛋和牛漢堡扒(M)、雞蛋和牛漢堡扒(M)、忌廉艺士沙律和兩杯野飲；咁除此之外，仲有白飯，湯同一份細細碗嘅胡麻沙律職員將食物上枱之後，會問你係唔係第一次嚟食，如果係的話，職員會簡單介紹一下點樣整，之後你就可以自己動手啦，不過一開始可以先整份細份少少嘅比自己熟習一下，唔好好容易煎燶我就食芝士蛋和牛漢堡扒，咁味道方面我覺得原本嘅味道已經好足夠，所以唔需要再加其他調味料，不過食落去係比一般平時食到嘅漢堡扒香（唔知係咪因為自己動手製作，特別好食啲嘅）而且係多肉汁嘅，唔會食落去好死實實你可以自己控制漢堡扒嘅大小，好似我咁就可以整成一口嘅大細，我朋友就整大約2/3熱石大細嘅漢堡扒，大約可以整到六七塊左右你可以一開始就煎好晒，或者可以慢慢一路傾偈一路剪，而且唔洗擔心熱石凍左點算好，因為職員見你熱石凍左會幫你換新，可以keep 住咁熱不過提醒一下，佢繁忙時間限時60分鐘，咁樣就唔可以煎咁慢咁除咗漢堡扒之外，兩人套餐仲會有一大份忌廉芝士沙律，你可以選擇撈勻一齊食，或者用嚟點麵包食都得，佢落咗少少蜜糖甜甜地，幾開胃，而且沙律菜可以解膩，食多少少都唔怕除此之外，餐廳有提供圍裙同埋索性袋，有需要的話可以問職員攞總括嚟講，又有得玩，又有得食，幾推薦去試吓以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。…查看更多

福岡漢堡扒韓式石燒DIY體驗厚福街食肆種類多有間過江龍平時大排長龍今日居然冇人門外排隊於是決定入內試試芝士蛋和牛漢堡扒(中) $123 雞蛋和牛漢堡扒(中) $116 漢堡扒配飯 + 麵豉湯 + 配菜 + 沙律重量有3個選擇：S-130g, M-160g, L-190g+$7 加芝士，香蒜，菠蘿，煙肉+$10 加墨西哥辣椒，另加白飯自己手動自己整肉餅自己食，又好玩又好味，和牛質素高，肉味濃，蛋嫩滑，CP值超高，加上服務員好細心，先為食客講解燒漢堡扒方法，又會定時定候更換熱石，保証熱石有熱力，另外每張枱都設有抽氣管，唔怕食完全身油煙味。唯獨要注意是，餐廳座位並不算多，用膳時間只限60分鐘，如果唔想等太耐，建議一定要先訂位，又或平日到訪碰碰運氣😆…查看更多

去到厚福街又想試新野，見到呢間漢堡扒坐滿人就決定食🤘🏻一入到去先知係玩DIY，自己煎漢堡扒又幾過癮 好似cooking mama😆🌟漢堡扒連埋個鐵板一齊上，每次攞適合份量嘅肉放上熱石，用提供嘅迷你鏟每三秒就反一反🍳煎到岩自己嘅熟度就可以食得架啦😋🌟每個座位都有獨立抽氣位，唔怕有油煙味🌟中後段熱石會開始凍，煎極都未熟，記得叫店員換舊講新呀(*•̀ᴗ•́*)و ̑̑二人餐$330包沙律、兩份漢堡扒、小食同飲品😽 🥩雞蛋和牛漢堡扒雞蛋放左係底部，令到漢堡扒唔會痴底又唔會熟左好聰明嘅做法👏🏻牛味香濃，呢個岩曬雞蛋岩曬鍾意原汁原味嘅朋友仔❤️🥩芝士蛋和牛漢堡扒芝士加漢堡扒簡直係絕配🧀 煎漢堡扒果陣落少少，芝士就係眼前融化🤤 送飯一流🍚🍗甜辣炸雞 +$38好意料之外，日式舖頭都整到韓式炸雞嘅味道，入口熱辣辣食得出係即炸，甜辣醬都啱啱好😍🥗忌廉芝士沙律好有誠意嘅份量，成個湯碗咁大🤣 味道中上，可惜飽得滯食唔晒🥲…查看更多

#joyfood_尖沙咀福岡漢堡扒 (尖沙咀)📍尖沙咀厚福街11號地下A號舖━━━━━━━━━━━━━━━━━━━━━━━━━━━━有陣時食飯唔只係睇味道 而係睇體驗 咁福岡漢堡扒就正正係注重體驗 比你自己掌握火候 自己話事🤟🏻套餐可以自己揀size 會附上飯 沙律 麵豉湯 亦都會比小碟嘅泡菜 鹽同燒肉汁😗有一塊熱辣辣嘅石頭比你係上面燒漢堡扒 當塊石凍嘅時候會有職員幫你換 不過燒嗰陣都會彈油😨 好彩吸油煙機都幾強勁 而且餐廳會提供圍裙 ━━━━━━━━━━━━━━━━━━━━━━━━━━━━🌶️ 墨西哥辣椒和牛漢堡扒 (M size) ▶︎ M size有160g 嘅漢堡扒 整成一個圓球 仲有一層蛋墊底 加咗墨西哥辣椒碎同熟悉嘅辣椒仔辣椒醬 辣椒碎就冇乜辣味 不過時不時彈出來嘅tabasco都夠辣㗎🥵▶︎ 肉嘅話雖然睇上去肥肉比例唔多 不過煎嗰陣都真係油分唔少🤨 齋食嘅話都明顯感受到油膩感 而肉質就係正正常常嘅漢堡扒嘅味道 食到牛味但唔算重😕▶︎ 點埋燒肉汁 再加上飯同蛋 味道會豐富啲 不過都係想象得到嘅味道 真係食緊嗰體驗嘅😅▶︎ 分量都夠 食到最尾會覺得偏油膩 不過男仔可能需要嗌L size 🤏🏻好味指數:●●●○○━━━━━━━━━━━━━━━━━━━━━━━━━━━━🧀 芝士蛋和牛漢堡扒 (M size)▶︎ 朋友嗌咗呢個 同樣都係漢堡扒加上蛋 不過會係有芝士碎係面頭 ▶︎ 芝士味道比較淡 可以拉絲 不過其實味道同上一款冇太大分別🫢 ━━━━━━━━━━━━━━━━━━━━━━━━━━━━到訪日期: 6月頭(午餐)快樂指數😋: ⑥⑤/①⓪⓪ 性價比: 🌕🌕🌕🌑🌑環境: 🟦🟦⬜️⬜️⬜️服務分: 🔆🔆🔆🔆🔅再訪意願: ❤️🤍🤍🤍🤍━━━━━━━━━━━━━━━━━━━━━━━━━━━━每日提醒👉🏻: 平日嚟好似有午餐 會比餐牌上平啲 包咗嘢飲 仲可以加少少錢任添飯 沙律同麵豉湯━━━━━━━━━━━━━━━━━━━━━━━━━━━━#香港美食 #尖沙咀美食 #福岡漢堡扒#foodiehk #foodie #hkfoodie #hkfood #漢堡扒 #芝士 #石燒…查看更多

福岡漢堡扒 Fukuoka Hambageu，相信曾經過尖沙咀厚福街既朋友都有留意過這間食店，店外招牌以非常搶眼的藍色作主色，的確很容易令人留意。但真正吸引既地方，是餐牌上的DIY石燒漢堡牛，自行動手製作美味的漢堡。懷著好奇的心走進去，利用QR Code連上系統點餐，簡單直接，就算像我一樣，比較害怕面對別人點餐，這裡就唔駛擔心。坐在食店內的一角，看著枱上獨立抽油煙的系統跟教導如何手動燒漢堡，正在幻想的時候… 剛點的芝士蛋和牛漢堡扒配無糖可樂已經送到來。經過數次的失敗，每次燒漢堡的時候可以拿多一點點，把它壓平一點，這樣燒才比較易控制，如教學所說，大約3秒 – 5秒 (看石頭是否開始涼增加時間)，把漢堡不斷反起來燒，直到熟了，便可以配鹽 / 醬油 (食店會一併提供，可看圖理解) 食用。石頭涼了不要緊，可以通知職員為你更換一個剛燒好的石頭。(要注意不要自行用手觸摸石頭)食起來的感覺很好，也許是因為漢堡的生熟程度由食家自行決定，熟一點也可以，而且沾鹽 / 醬油後，更可以跟配料(芝士及蛋)配合，玩味大增，但味道更出，牛味依然。本擔心因為自行燒肉會否令身上保留燒肉的味道，幸好獨立的抽油煙的系統真的完美地把油煙抽出，令食家無後顧之憂地享用整個餐。由於當天我並沒有吃午餐，剛好經過進去嘗試，時間是下午茶的時間，所以店內只有我跟另一位顧客，體驗上也許會有點出入。…查看更多

1) 芝士蛋和牛漢堡扒 2) 和牛漢堡扒好記得個日落超大雨，平時好多人、車既厚福街都變得人煙稀少1同2既分別不大，只係1多左d芝士碎餐點係用鐵板上既，中間有舊石用黎煎肉（店員都好貼心會keep住幫手換）成set有埋麵豉湯、泡菜同白飯味道方面：老實講都係中上，一般手打漢堡店食到既味道，但芝士味唔出，個蛋係底超級油趣味性黎講係幾好玩，但唔會特別想再食另外，建議自己觀察要煎幾耐，唔同熱度時間都唔同，店提供既時間係30秒，未必足夠…查看更多

難得星期日放假，和媽媽在尖沙咀行街後，決定到厚福街找間餐廳食晚飯～～之前來過福岡漢堡扒食二人套餐，食物質素和份量都幾滿意，但媽媽比較細食今次就各自叫了兩款漢堡扒🥳——————————🔹雞蛋和牛漢堡扒 (M) $110 雖然是M size，但食完都很飽！一上菜，漢堡扒下的雞蛋呈半生熟，不到1分鐘就已經完全熟透。另外，漢堡扒簡單煎3秒就變熟，如果想要金黃香脆的外皮，就要再煎多幾秒鐘啦！媽媽大讚漢堡扒有很濃的牛味，加上少少的脂肪，完全不鞋口！而外面微脆，配合裏面的油分和嫩滑的肉質，正！🔸芝士蛋和牛漢堡扒 (M) $117我就叫了芝士蛋和牛漢堡扒，整體食起來比沒有芝士的更香！但始終芝士很快熟，所以容易燒到變燶😆可以嘗試先煎漢堡扒，再放上芝士，這樣會有拉絲的效果，好食😋…查看更多

今日經過尖沙咀厚福街，見到間間食店都好多人排隊，於是就揀咗一間比較少人排隊嘅食店。起初都有啲擔心，驚食物唔好食，但最後竟然充滿驚喜！呢間食店嘅漢堡扒真係好好味，賣相非常吸引，而且職員態度又殷切。除咗好味，仲好好玩，因為塊漢堡扒係要自己燒，切幾大舊係自己話事，要煮幾熟都係自己話事。塊漢堡扒係用一舊燒熱左嘅石頭去煮，隨着時間舊石頭會冇咁熱，但係職員好快就會幫你換一舊好熱的，服務非常之好！我非常享受這一餐，有機會一定會再次光顧！…查看更多

知道丫姨一向喜歡食和牛, 今晚特意帶佢去到尖沙咀一間日本過江龍兼很有特色嘅漢堡扒餐廳試試。餐廳設有四張長檯, 有膠隔板相間, 但如果人多坐位就唔算太鬆動。而每個位檯頭都有個小煙囪, 用以對準石燒位置, 即時吸取煎煮過程中嘅煙, 大大減低了整個環境嘅油煙感。我地每人各揀了一個SET,【芝士蛋和牛漢堡扒 (細) 】HK$106以蒜片煎蛋墊底, 上檯時煎蛋已經熟了一半, 雖然質地不是滑, 帶微脆香口, 很惹味。和牛碎肉搓成球狀, 再加上了芝士碎。有小穫剷剷小小份量放於石燒上, 輕微煎壓至喜歡嘅生熟度。外層煎至金黃微脆, 而和牛碎肉避免了鞋口口感, 和牛juicy, 有肉嘅甜味。 芝士碎慢慢溶附於和牛上, 份量唔多, 所以鹹香芝士味不太突出。另一款就order了 【雞蛋和牛漢堡扒 (中) 】HK$110中size跟細size 其實相別亦唔會相差太大。呢個set差別在於少咗芝士同埋蒜片, 食落少了蒜嘅香口, 但蛋味就出返少少。每個set都配有飯+麵豉湯+前菜+沙律飯同埋沙律, 有助邊食和牛, 平衡一下牛脂嘅油膩。當石板唔夠熱時, 可以向店員免費更換, 可以放心慢慢享受石燒牛。…查看更多

星期日嘅中午嚟到 人流大約有七成滿🙊餐廳採用QR code落單 十分方便🤣 每個位都有個小煙囪吸返啲油煙 所以食完個身都唔會有陣味😆▫️芝士蛋和牛漢堡扒漢堡扒餐配白飯🍚+麵豉湯+配菜+沙律🥗 漢堡扒嘅重量有130g 160g 190g可以選擇🐮 夠石燒到唔夠熱可以叫職員幫你換呀🤓漢堡扒每邊煎三至5秒已經好足夠 漢堡扒牛味濃郁 入口即溶 十分Juicy🥩 如果覺得唔夠味可以點返啲醬油同鹽🧂 加埋半溶芝士🧀同蛋一齊食 味道亦十分夾😍…查看更多

芝士蛋和牛漢堡扒 (large) 🥩 $125 (8.5/10)個牛肉球有三個size可以揀 細中大 今次就揀咗大 因為我哋係兩個人分享食 用咗澳洲和牛所以肉質比較嫩滑 同埋juicy 而且玩味十足可以自己燒 自行調整想要幾熟同埋幾厚身另外亦都有一個吸油煙管 可以幫手吸走啲油煙味 令到件衫唔會咁大陣味🌟東武里牛丼飯 🍚 $98 (9/10)如果覺得燒太麻煩 可以考慮下佢啲丼飯 同樣出色 牛肉份量非常慷慨 鋪滿晒成個飯面 而且肉質都幾嫩滑 冇乜筋 個飯因為加咗啲蛋汁 所以好好食 飯嘅份量亦都好大 夠晒飽肚OVERALL: 大推薦😆 (8.5/10)整體黎講呢間小店幾有玩味 可以自己燒舊牛肉 而且啲鐵板都有唔同嘅組合 例如可以加芝士菠蘿甚至辣味 雖然店面好忙 但係店員都幾留意客人嘅需要 會主動提出可以幫你玩塊熱石 小店只係做Walk in 冇得提前預約 平日晚市大概七點都幾多人 可能要排一排🌟為推薦…查看更多

🇭🇰福岡漢堡扒♨️石燒漢堡扒專今次已經係👩🏻第2次黎食今次晚市黎到都幾爆埸 要等一等漢堡扒有得揀S/M/L😚提提大家記得著深色衫先好黎食呀🤣扒係要自己煎 係會大油煙啲架♨️同埋注意返有60分鐘用餐時間♨️芝士蛋和牛漢堡扒(💰$117/M)配菜有泡菜 麵鼓湯 沙津🥗白飯🍚上菜速度好多快 始終唔洗幫你煮呀嘛🤣每張台上邊都有個小煙囪吸返啲油煙店員會幫你較好位置👍🏻漢堡扒係圓形 面頭有芝士 🧀底下就有蛋🍳不過份量唔算好多因為用左和牛既關係🐃🐃肉都幾juicy同高油分 食落完全唔乾柴 幾好味加上第2次黎食發現熱石溫度勁左好多♨️所以燒既時間彈油彈得好勁彈到仲有少少痛 啲油一路燒一路流出黎店員會主動幫你換熱石😚👍🏻👩🏻今次幾鐘意點佢地既甜醬油黎食用黎送白飯都不錯😌♨️芝士蛋蒜和牛漢堡扒(💰$132/L)分別就係多左蒜片 香氣再重一點L Size 份量應該會岩大胃王/ 👦🏻👩🏻就食左M 啦…查看更多