堤諾比薩

放工後心血來潮，由旺角步行到深水埗揾食。第一次來到這間食pizza。兩個人的話，可選擇二人餐，超抵食，$199可配1份小食，2個主食+2杯飲品（食物或飲品想選貴些，無問題的，只需補返差價便可）小食我們點了芝士薯條，熱呼呼的薯條配上芝士醬後簡直無得輸！主菜分別點了四重乳酪薄餅及軟殻蟹温泉蛋燉飯這個樣子很像平平無奇的，想不到和蜜糖配搭起來，味道挺好！對於鐘意食軟殻蟹的我來說，雖然不是太鬆脆，但也值得推介，燉飯配上蛋汁後更好吃珍珠奶茶及水果茶，水果茶好味不太甜！這餐廳還提供牛油果沙冰，有機會真想一試！ …查看更多

成日同女朋友都路過呢間嘢 今日就行咗入去食啦門面裝修其實都唔錯入到去坐 坐位都算ok嘅感覺都幾舒適嘅算係我地係坐近門口位嘅餐牌係到我地叫咗個比薩雙人餐嘅芝士薯條小食一份 份量比較少 都其實都夠嘅 但算幾好味紅酒松露牛肋烤飯呢個唔係好掂啲牛肋 全部咬唔開 根本食唔到個飯一般般 唔係太幾食啦冇紅酒都冇松露味嘅 都係唔太好味嘅呢個飯松露野菇厚批我地要個厚批食 一般般不過不失呢個比較叫入味啲 但面頭啲料放得唔均勻嘅一圖出晒我地嘅嘢食先…查看更多

由於離我屋企太遠，好少有機會去嘅關係😂深水埗俾我嘅印象就係有電腦同電話卡賣嘅地方🤣 某次逛電腦商場嘅時候，意外發現左有間個樣相對高檔嘅西餐🤣 係門口研究緊餐牌嘅時候，有個熱心侍應走出來招呼我地，仲送左張甜品劵俾我地🤣嗰下心諗：正呀‼️😂我地叫左二人餐👫有小開胃 (姐係前菜)+主菜x2+飲品，只係$199😍 不過其中一樣主菜原價比較貴，所以要補返差價$12🤣小開胃揀左 #芝士薯條🍟芝士醬俾得好豪爽‼️可以完整包覆每條薯條😂同埋薯條本身上檯時都係新鮮炸起，又香又脆熱辣辣‼️👍🏻兩樣夾埋真係少少咸多多脆呀‼️跟住有 #四重乳酪pizza🤤我地揀左厚批，好好𡁻‼️面料有水牛芝士、藍紋芝士、芝士絲、蜂蜜同少量合桃碎😍成個pizza甜甜地，又有合桃碎增加口感😍甜·脆·煙韌都齊哂🤤好鬼正‼️大大力推薦呀‼️另一個要加錢嘅主菜係 #軟殼蟹溫泉蛋燉飯😂唔係太知點解叫燉飯，似係燴飯多啲😂味道都唔錯，唔會太膩👍🏻要讚嘅係隻軟殼蟹外脆肉嫩，仲要有膏🤤好回味飲品我揀左 #鮮檸可樂，估唔到係用罐裝加冰底上😍開頭見佢得一片檸以為咁慳皮😂點知原來係幫我擠左好多檸檬汁係啲冰底😍啜落去好重檸味👍🏻男友揀左冰蜂蜜綠茶，呢個就相對普通好多🤣唔詳述喇食飽飽正餐之後就叫起甜品🍮甜品券指定送 #焦糖燉蛋配冰淇淋😂頂，舊冰淇淋真係冰嚟架喎😂唔叫佢做雪糕真係有佢嘅道理😂至於個燉蛋⋯真係俾面佢係送嘅先食幾啖⋯畢竟要左個贈品又唔食好似好衰咁🙈但係一定唔值原價$48囉🙈 勸大家真係便宜莫貪，好好地食返個正餐算😂因為個甜品雖然係送嘅，但係都要俾加一架😂慳得一蚊得一蚊啦#二人餐抵食#極度推薦四重乳酪pizza#芝士薯條都唔錯#芝士控 #點會唔推芝士食品#鮮檸可樂都正#唔洗加錢都咁有心做嘅飲品#foodie #yummy #pizza #camerafirst #吃貨 #運動就是為了吃更多 #相機食先…查看更多

朋友說之前吃過ok，又唸唔到食咩，就去試一試真偽。我地選左個2人set晚餐$199（未加一），個set係要選1款小食，兩個主菜（可選pizza/飯/意粉）+2杯野飲。也算是一個比較大眾既價錢🙂最後我地小食點左芝士薯條：佢熱辣辣咁上，薯條最緊要就係趁熱上，上面既芝士好“野味”主菜就一個pizza同一個意粉pizza亦都係熱辣辣上台，黎到就已經聞到香味，食落亦一樣香口，醬汁濃郁，芝士亦有拉絲效果，好食！！👍🏾呢個意粉比起其他菜式就迅色了點，香草味太過濃列，掩蓋了其他食材的味道，感覺有點怪怪的。飲品：朋友話珍珠奶茶味道ok我的水菓茶也是中規中矩的台茶水果茶味。環境清靜，也不會很擠👌除了意粉，整體也是不錯的一餐🤓…查看更多

假日嚟到深水埗呢d人多嘅地方，想搵個靜靜地嘅地方好坐低傾下計都唔容易， 同朋友係街行行下就發現咗呢個地方，呢間餐廳地方闊落而且啲凳坐得好舒服，係適合傾計嘅好地方。我叫左杯凍嘅蜂蜜綠茶嚟飲，而朋友就嗌咗啤酒，另外仲叫咗芝士薯條作為小食。杯綠茶甜度適中， 蜜糖濃度啱啱好，飲落好舒服好潤喉, 薯條啱啱炸起好熱,淋咗啲半溶嘅芝士醬係面,聞落好香,薯條外脆內軟好crispy嘅口感加埋芝士醬真係好好食值得為左佢入嚟食!…查看更多

同朋友一齊去聚餐，放工後就近近地去咗深水埗，咁一間都算係深水埗少有嘅Pizza店，台灣佢都有好多分店，咁我哋都比較鍾意食台式嘅嘢咁所以就揀呢間。有個沙律啦，分量唔算大，不過始終少返屋企食飯食多啲菜好啲。羅宋湯飲呢個羅宋湯囉OK嘅，開胃啲呀嘛。跟住就嚟咗個小食，炸洋蔥圈，呢個好香口配埋沙律醬食好好食跟住再嚟多個小食拼盤，乜嘢都有，好快就俾人搶曬。芝士薯條，如果多啲汁就好啦。叫咗個pizza，即叫即正好正。呢個就特別啲，都幾多料架。個意粉都幾好，有蘑菇，又有肉。咁佢杯都幾好飲，唔會話太甜。呢個面係真係有紅豆，幾特別。…查看更多

小妹今次就黎到深水埗堤諾比蕯。裏面嘅裝修唔錯，係深水埗少有嘅餐廳，一間餐廳亦都係間基督教背景嘅餐廳。這個餐廳來自台灣，台灣有差不多十多間舖，在內地、新加坡、馬來西亞也有分店，香港深水埗和大埔亦有分店。咁就叫左佢哋嘅個人餐，加＄18就有沙拉一客同＄24以下嘅嘢飲，有菜食真好⋯⋯菜和蕃茄的新鮮度還可以，不過不太喜歡他的醬汁，酸酸的黑醋。香脆粟米球 corn nuggets $42推介指數3/5味道甜甜地，普通的炸物。個人就不太喜歡，不過我的朋友就說好好吃。芝士薯條 Cheese Fries $42推介指數4/5上枱熱辣辣，但份量就比較少，勁鍾意食佢啲芝士，如果可以多芝士就更加好。西西里番茄炸雞翅（3隻）Sicilian Fried chicken $48推介指數4/5呢個雞翅嘅醬好食，味道酸酸甜甜，皮脆又入味都唔錯。波隆那風情 Bolognese $78推介指數4/5呢個Pizza好好食，即叫即焗，一份有四件，唔油膩好乾身，每件pizza都充滿着芝士。瑪格莉特烤麵 baked margherita spaghetti $86推介指數4/5有少少似肉醬意粉的感覺，多咗啲芝士，整體感覺都唔錯。香蕉奇異果沙冰 kiwi fruit & banana smoothie $35推介指數4/5味道都唔錯，新鮮嘅奇異果。提諾冰咖啡 ice caff'e Americano $27推介指數3/5沒什麼特別都是普通咖啡。水蜜桃冰綠茶 tino's peach greens tea $24推介指數3/5味道甜甜地，不是太多的蜜桃味整體感覺這間餐廳質素有水準，款式選擇多，相比其他嘅連鎖店呢更好味更有特色。食物：8/10環境：7/10服務：5/10價錢：8/10推介指數數：80/100…查看更多

今回細佬生日飯，一早就已諗好嚟依間新開無耐嘅「堤諾比薩」，一來深水埗方便佢哋，二來薄餅啱晒佢哋，又唔使喺啲連鎖薄餅店，三來又等我可以試吓新嘢。我哋一早訂咗位，但閒日晚7:00pm嚟到唔多人，不過，估唔到坐吓坐吓都坐到滿晒。「堤諾」喺台灣過江龍，所以，晌環境、餐牌都搵到佢喺屬寶島嘅痕跡，例如牆上一啲台灣海報，餐牌會用義大利、拿鐵、綜合、奶油……等等台式用字。而環境簡約，裝修偏向咖啡室佈局，牆上掛上唔少意式食物嘅相片及煮食用具，就當晚所見，侍應都喺清一色年輕有活力嘅少女。主餐牌印成薄餅托板之上，蠻有心思，底面兩版就有齊所有食物及飲品，包括：比薩、甜在星（可視為甜批）、小食、湯品、沙律、烤飯（即喺焗飯）、烤麵（我哋慣叫嘅意粉）、佛卡夏（可睇為以意大利香草包為底嘅比薩）。飲品除汽水、茶啡、沙冰外，多咗啲台式水果茶及珍珠奶茶，故此，不論食物還是飲品，都跟本土見慣見熟嗰幾間薄餅店確喺有較多分別，俾人亦多份新鮮感。除散點，套餐自己唔少得，有經典雙人套餐（$198）、豪華雙人套餐（$248）、4人派對套餐（$398）及6人共享套餐（$598），選擇多，非常有彈性。細佬點菜一向無意見，所以，責任落在我身，小弟費事煩，4個人就點個4人餐，因為內容都幾豐富，一個比薩、一客烤飯或烤麵、一份沙律或蔬菜、一客小食、一份堤諾拼盤及4杯飲品或湯品。羅宋湯老婆喜歡飲湯多過飲嘢，所以，佢要一客餐湯，雖然餐湯喺大路嘅羅宋湯，勝在足料，味道酸酸帶微辣，飲完好開胃。珍珠奶茶細佬、細妹同樣揀珍珠奶茶，雖然喺堂食，奶茶卻用咗外帶膠杯，加上大大杯，飲唔晒都可以拎走慢慢飲。小弟無試，佢哋話OK，少甜，珍珠好咬口。榛果拿鐵 +$8由於套餐只包$24或以下飲品，所以，我杯拿鐵需補差價。咖啡杯印有店家標誌，又用小木鉆板做杯墊，加件曲奇就正喇。台灣人沖調咖啡向來有一手，不過，呢杯嘢似意大利泡沫咖啡多啲，幸而本身嘅味道都夠香醇，榛子味亦好突出。芝士薯條小開胃4選1，揀芝士薯條一來細佬想食，主因喺貪佢易啲大家共享。初時以為就咁芝士醬淋落薯條度，原來，仲有咁少少煙肉碎，只要烤得唔油，新鮮炸起新鮮食，真喺無乜得點輸。堤諾拼盤寫明包括雞翅2隻、薯條及卡啦魚條4條，烤雞翼佢事前已開半，變得人人都有得食，味道甜甜酸酸，唔錯喎，而卡啦魚條即喺炸魚手指，皮脆肉滑，沾自家調嘅沙律醬，好食。爐烤時蔬沙律或蔬菜類我哋揀個熱食嘅爐烤時蔬，有啲似葡汁焗時蔬，蔬菜分別有珍珠筍、薯仔、南瓜、翠玉瓜及車厘茄，後加少少黑橄欖做裝飾，焗得幾香，個汁底又幾香濃。義式海鮮總匯烤飯4款烤飯或烤麵選擇，似乎依個海鮮烤飯最吸引，原個鐵鑊上枱，有少少西班牙海鮮飯嘅影子，我可以確定喺原個鑊入爐焗，因為個鑊邊好辣手，怪不得以矽膠墊包住鑊柄。海鮮非常足料，有青口、魷魚及鮮蝦，仲有雞脾菇片，飯粒乾爽，更混入唔少九層塔、洋蔥粒、蕃茄粒提味，實在不俗。義式果香燻雞比薩堤諾嘅比薩分兩大系：拿坡里比薩（9吋直徑，厚身型）及羅馬比薩（12吋直徑，薄脆型），而4人餐所包嘅喺後者，同樣有4款選擇，較啱大家食嘅就喺依個果香燻雞口味，何謂果香？其實睇英文一望就知，就喺加入菠蘿。個比薩我哋大家一致都覺得有驚喜，除了批底好脆口外，芝士好軟綿香濃，燻雞嫩滑有陣陣煙燻香，而菠蘿嘅清甜平衡番晒啲濃味，所以，食落唔會好油膩，再者，批面灑下大量杏仁片，增加個咬口感，的確更好食，好值得一試嘅比薩。甜品方面正正做緊推廣，惠顧滿$200，只需$38即可享用2款特色甜品：法式焦糖燉蛋配冰淇淋、阿芙佳朵（Affogato）或珍珠奶茶奶凍配冰淇淋，即喺平均$19一客，認真抵到爛。因為每日限量供應，所以，落單時先預留，等食完正餐先後上。法式焦糖燉蛋配冰淇淋個雪糕球喺雲呢嗱口味，無咩特別，但杯法式焦糖燉蛋做得有水準，焦糖又薄又脆，燉蛋都幾夠滑，富蛋香。珍珠奶茶奶凍配冰淇淋仲以為奶凍內有珍珠，原來唔喺，而喺奶茶味嘅意式奶凍，再加入珍珠，不過，食嘅時候較難放埋一齊食，都喺食咗大部份珍珠，之後才食奶凍，奶凍嘅茶味頗突出，質感滑得嚟較挺身，可以做番軟身啲就更好。今次貪新鮮試嘅過江龍台灣比薩店整體水準唔錯，部份菜式有驚喜，我哋都食得樂在其中，而且，定價合理，喺絕對值得翻兜。再上官網八啩吓，晌台灣當地已有唔少分店，亦擴展至亞洲唔少地區，相信繼續努力，版圖可以擴展得更大。…查看更多

前日大仔放學後帶佢去試呢間pizza！佢好鍾意食pizza叫了一個2人餐，都幾抵食！$198有沙律, 2個小食, pizza個飲品, 飲品可以加錢換特飲。我好鐘意佢個香蕉奇異果冰沙好新鮮的配搭又健康2款小食都好好味，芝士薯條有好多芝士！！2人餐份量剛剛好，我同大仔都食得哂反而個義式辣肉腸pizza一般, 可能已經有少少飽下次再試其他款pizza!…查看更多