蛋仔記雞蛋仔

「雞蛋仔」呢個香港地道特色美食一向都係我嘅最愛，即叫即製熱辣辣脆卜卜的、蛋味香濃，一粒一粒搣出嚟食超好味。《蛋仔記雞蛋仔》更發揮創意配搭出多款大家耳熟能詳嘅口味，真係估佢唔到呀。我就揀選咗章魚燒雞蛋仔同香蕉朱古力雞蛋仔，另加一杯芒果沙冰消消暑熱！章魚燒雞蛋仔 $42香脆雞蛋仔入面包住章魚粒、紫菜、木魚絲，食落蛋香味濃咸香十足，兩者配搭出奇地夾，唔需要用竹籤，一粒一粒搣出嚟食號章魚燒超過癮呀，真係別有一番風味。香蕉朱古力 $34朱古力同香蕉一向都被視為絕配，當兩者溶化混合起黎再被香濃蛋漿包圍，就燒製出脆卜卜令人期待嘅絕配味道。大人同小朋友都超愛的。芒果沙冰 $30質感如同思樂冰，芒果味香涼浸浸的，大熱天時飲真係超爽呀…查看更多

近年出現咗愈嚟愈多開心果食品，最近我就發現旺角呢間港式小食店有賣開心果醬格仔餅🧇😍，一於試埋佢嘅雞蛋仔同沙冰🍧先 ～開心果醬格仔餅（$40）🧇開心果醬嘅開心果味相當濃郁，甜度適中，入口清新，配搭格仔餅都幾夾，仲加咗開心果碎令格仔餅口感更有層次，開心果控必試🤤👍雙重芝士雞蛋仔（$42）🧀🫕芝士控必試😍，雙重芝士非常有芝味，芝士味香氣撲鼻，配搭香脆嘅雞蛋仔，口感層次豐富～芒果沙冰（$30）🥭芒果味夠濃郁，冰涼解渴又消暑，沙冰嘅甜度適中，行到熱辣辣飲返杯就岩晒！下次經過再試埋佢哋新出嘅章魚燒雞蛋仔先！😋…查看更多

呢日行經旺角見到呢一間雞蛋仔店人頭湧湧 一於排埋一份睇吓佢有咩食先😮 原來除咗有傳統嘅雞蛋仔同格仔餅之外 呢度都有特色嘅口味鹽燒紫菜肉鬆雞蛋仔呢一款雞蛋仔真係唔係度度見到啊🫢 雞蛋仔熱熱辣辣食 外脆內軟 每一粒都好軟熟🥚 呢一款口味好獨特 有啲似食鳳凰卷 有香脆嘅紫菜 同埋肉鬆餡料喺入面😋 雞蛋仔嘅種類有差唔多有25款 真係好犀利呀 難怪有咁多人排隊食啦咖啡格仔餅講到經典嘅港式滋味 點少得格仔餅🧇 呢度嘅格仔餅都有好多個口味 我哋就揀咗咖啡底 咖啡味道幾香 唔算太苦澀☕️ 入面嘅餡料可以揀傳統滋味或者係特色嘅金沙醬 金沙醬即係朱古力醬加榛子餡料🍫 我哋就揀咗傳統滋味 牛油 花生醬 煉奶同埋砂糖 另外加咗兩球雪糕 可以揀雲呢拿同朱古力味🍦 我哋兩款各一球 配埋格仔餅食又真係幾夾☺️芒果沙冰呢一個芒果沙冰真係好適合夏天飲呀 酸酸甜甜又冰凍🥭 不過天氣實在太熱啦 沙冰都好快會溶🥵呢間小食店真係好啱夏日炎炎行街行到好熱嘅時候食少少嘢 飲啲凍飲😎…查看更多