黄记煌三汁焖锅

之前在尖沙咀逛街，已經在金馬倫道經過看到黃記煌三汁燜鍋，素來少吃中菜的我，真好奇到底什麼是燜鍋？在網上看完關於這間餐廳的資料，才知道原來跟雞煲有十分近似的性質。傳統文化與現代飲食，以源於清代御膳名餚「香辣汁魚」變奏成為「三汁燜鍋」。場內以紅黃藍作主色調，置有宮廷裝飾，突顯「煌」者氣派。鍋蓋的形狀令我想起了飛行棋，真夠相似的😌餐廳以燜鍋為主，但燜鍋都有分很多種，有魚、海鮮、牛和雞，燜鍋本身就有特色，相信隨便選擇一種，質素也不會差到哪兒去。燜鍋的配料選擇繁多，還可以自由配搭燜鍋中的醬汁，有招牌鹹鮮汁、海鮮鹹鮮汁、香辣豉皇汁、小辣或大辣的麻辣汁。餐廳以麻辣的三黃雞燜鍋為招牌菜，那我就當然點這款。首先職員會在我們面前放蔬菜和雞肉在煲裡，然後又在我們面前把辣醬攪拌至均勻，蔬菜和雞放了一會兒後，職員便會把辣醬倒進煲裡，很快便可以享受雞的滋味。向來害怕吃辣的我，還真感受到它的「威力」。一嗅到麻辣的味道，已經覺得很嗆鼻然後不停的咳嗽，但無可否認，雞肉加上辣醬真是比原味好吃，多了一份味蕾的刺激感，由於每件雞肉都沾上了辣醬，使舌頭有輕微的麻痺感。雞肉也嫩滑，但骨的部分多。餐廳對於如何享受燜雞也是有準則的，每張桌子上也有餐紙，餐紙有指引，表示吃完燜雞後，剩下一半的蔬菜，便能加入湯底，享受火鍋的部分。點了數款火鍋的配料，第一款吃的是響鈴，即是腐皮卷，把腐皮卷浸進麻辣的湯底中，完全吸收了那些辣味，真不是蓋的😱然後點了一份豬腩肉，脂肪果然十分的多，肥豬肉浸在麻辣的湯底裡也是一絕，很少在火鍋中會吃豬腩肉，沒想到豬腩肉弄熟後質感會偏硬，還以為是軟綿綿的，看來是自己見識不夠。最好吃的火鍋配料必定是這一款了，手打墨魚滑的味道一般都比用機器做出來的好，這裏的也不例外，真的吃到裡面一顆顆的墨魚，還有適當的煙韌感，出色不已。吃完「重口味」的燜鍋後，當然要吃甜品去調和一下，餐廳原來有「許留山」甜品店的餐牌，芒之戀正正是許留山的甜品，有芒果糯米糍、雪糕和多芒小丸子，除了小丸子有點硬之外，整體質素算好。另外芒椰蘆薈爽也是許留山甜品店的熱賣飲品款式之一，第一層是椰汁，第二層是芒果，第三層是蘆薈，同時能嘗試到三種味道，蘆薈滑溜溜的，和芒果一樣清甜，互相輝映。…查看更多

新年長假心情特別好, 請一天假換好多日假, 可以跟朋友出來玩~~~今晚我們仲去了尖沙咀一間餐廳食燜鍋, 在尖沙咀區 , 好聚好散, 地點方便之前有聽同事提過, 此店在恆生的對面, 很易找到 那是一間新派的餐廳, 我挺喜歡佢地有 sofa 設計, 舒適的設計可以坐好耐, 跟朋友吹水, 邊品嚐美食邊食下野. 而且走廊很寬闊, 有別於地闊/ 其他火鍋店, 在尖沙咀區竟然有一間空間感十分的餐廳 中間的那個鍋蓋很特別, 在別處未見過, 而餐紙也很體貼地講解了一次燜鍋的來源及食法, 令客人明白如何一鍋兩用牛魔煌燜鍋  我們是牛的粉絲, 叫了這個鍋配 “香辣豉皇汁” 店員呈上設計很好特別的“六寶盒”, 第一層是豐盛新鮮的蔬菜配料, 有很甜的蕃茄, 蕃薯, 洋蔥, 蒜等等, 第二層是牛小排, 牛仔骨, 牛排片 說真的, $298 有一整鍋的新鮮牛肉, 可以有人服侍咁食, 真的很化算! 店員一層一層的在我們面前鋪好, 所以可見食材的衛生燜的過程, 更在我們面前表演了一轉手打“香辣豉皇汁”, 從不知道醬汁拌勻可以是一個表演, 待肉熟了, 再打開蓋加上醬汁及香葉拌勻牛小排及牛排片的肉很嫩滑, 牛仔骨的肉很足, 這個鍋4 人食也不為過! 吃了一半加了湯, 更可以用來邊爐 牛蛙 見到這裡有一個燜鍋做主題, 想必牛蛙也不錯, 叫了一份牛蛙, 肉大大件 , 很少地方有得食呢 而老闆都幾聰明, 跟許留山合作, 食燜鍋竟然有許留山的飲料同甜品叫, 覺得性價比很高!  粒粒芒蘆薈爽 平時街上的許留山都是大陸人, 就算喜歡都已經很久沒行入去飲 現在堂食一杯 $29, 不要排隊, 有新鮮大大杯的凍芒果蘆薈爽, 配微辣的燜鍋真的一流, 可以解辣! 芒之戀  忍不住再叫了甜品, 一式有三款 芒果糯米糍, 芒果雪糕, 芒果汁小丸子! 水準穩定, 品質保證 小店如此有心思及頭腦, 將來想必會很紅吧…查看更多

之前係澳洲都食過幾次「黃記煌」，覺得唔錯，雖然佢係內地大型連鎖店，但我就未有機會係內地試，都係同朋友傾計先知原來香港都有開「黃記煌」，今日就帶爸爸黎試下！環境位於尖沙咀，位置好方便，位於一樓，全層都係佢，地方唔算特別大，但已經夠哂寬敞同埋地方都夠哂大，一入去已經聞到好香既燜鍋味道，急不及待快啲點餐！餐牌有各式各樣既燜鍋，但除左燜鍋，仲新出左麻辣燜鍋，諗左好耐食哂，因為想比老豆試下佢招牌燜鍋，但見到佢新出既麻辣燜鍋又想試下牛氣麻辣燜鍋 $198呢款係新出Menu，之前係澳洲食都係食佢既招牌燜鍋，今次見到佢有新Menu就試下佢。呢款係採用壓力煲烹調，再加入秘製麻辣醬汁，用高壓鎖佳肉汁同埋令佢更加入味。有別於招牌燜鍋，呢個唔會係你面前炒，而係煮好左再端出來，等左大約10-15分鐘左右，揀左小辣，「牛氣麻辣燜鍋」包括左牛仔骨、西冷扒以及配菜，估唔到小辣都非常有料到！我食得辣既人都覺得小辣頗為辣，係先麻後辣，你又唔會覺得辣到喉嚨覺得唔舒服，不得不讚，牛肉既份量十分之多，無論係牛仔骨定西冷扒，而且肉質十分嫰且入味，特別係西冷扒，唔算厚身，但食落肉質鬆化，帶股麻辣勁，好正！至於牛仔骨相對上冇西冷口感咁好，但都唔會有渣同唔韌，兩者都十分高質。而配菜都唔差,有紅蘿蔔、薯仔、粟米，薯仔煮左好耐都唔會煮到爛哂，食落薯味十足，冇吸到辣汁令我覺得更好食！而粟米味道就好搞笑，先係麻辣，食到最後就係本身既甜味。食完本身個燜鍋就可以加湯做打邊爐！三黃雞件 $68係我既定印象之中，覺得黎「黃記煌」一定要食佢既雞，所以配料就點左碟「三黃雞件」。估計約四分之一隻雞既份量，上枱見到雞件色水都幾好，算新鮮，不過食落就平庸，普普通通冇咩特別，亦唔算索汁。炸響鈴 $42食得麻辣鍋又點可以唔食啲索汁既配菜？第一時間緊係要叫響鈴，佢呢款響鈴似係平時火鍋店或者自己去買到果啲，應該唔係自家製，正正常常。鮮蝦 $88有6隻，每隻大小平均，都算幾大隻，烚一烚就食得，可惜可能唔夠新鮮，肉質都係一般。雲南紅薯粉 $30除左響鈴，另一個食麻辣鍋必點既當然係紅薯粉！呢款紅薯粉比較幼，唔算寬，好快就熟，加湯加左幾次之後先落紅薯粉可以冇咁油，食飽之後再食紅薯粉先夠喉。芒之戀 $42爸爸想食個甜品，估唔到呢到同「許留山」合作，有「許留山」既芒果「手作甜品」系列。叫左個芒之戀，即係乜都有，有小丸子、西米撈、糯米糍，食完辣再食啲凍冰冰既甜品係舒服既。總括黎講，今次試左佢既新Menu，食得辣之人好岩，因為真係煮得好入味，色、香、味俱全，肉質又唔會煮到老哂，同佢招牌燜鍋一樣食過難忘，有機會同屋企人再黎比佢地食返招牌燜鍋！…查看更多

就是被這張宣傳單張吸引，在九月三十日前凡惠顧黃記煌任何燜鍋，即可免費享用許留山的芒之戀一客。芒之戀（免費）相信大家對許留山的芒果甜品都不會陌生，有三款芒果甜品，原價是$42，這個甜品真是火鍋的最佳拍擋。這個燜鍋的樣貌與原理和摩洛哥塔吉鍋非常相近，同樣是不需要加水於鍋內，利用食材本身的水份燘煮，三角圓錐的造型使蒸汽循環上升，水汽均匀落在食材上，完全可以保留食物原汁原味和營養。這個貌似紅色的花樽，原來叫六寳盒，內面有五層：第一層是白底油, 是由藥材、植物油和沙律油製成。第二層是蔬菜㡳料，總共有10種，包括紅棗、杞子、紅薯、西芹，洋蔥、紅蘿蔔，蒜頭，青紅椒等。第三層就是燘鍋自選食材，我們選了黃骨魚第四層是秘製醬汁第五層是莞茜前菜 （$10/碟）一粒粒黑潻潻的是竹炭花生，有點像魚皮花生，但外層的竹炭比較鬆脆。原條黃骨魚燘鍋（$238）有四條原條黃骨魚斬件，魚塊會即時調入客人自選醬汁調味。－侍應先把底油煑溶，－再放入蔬菜略炒，－再把魚塊排好放在蔬菜上面，－放入四種調味料，分別是秘製香粉、五香粉、胡椒粉和調味酒，再加蓋煑10-13分鐘，－之後侍應會把醬料拌勻，並塗在魚的上層後再加蓋煑大概三分鈡，－最後加入莞茜焗多三十秒左右就可以吃。黃骨魚很嫩滑，真正可以吃到魚的河鮮味道，接著吃下面的蔬菜。醬汁有五種選擇：招牌鹹鮮汁、海鮮鹹鮮汁、香辣豉皇汁、麻辣小辣、麻辣大辣。吃到剩下大概五成蔬菜便可加上湯吃涮鍋。唐生菜（$35）生菜新鮮豬天梯（$48）這個是豬的上顎，有點似吃豬軟骨的感覺，但比較爽脆，很特別。手工牛肉芝心丸（$38/半份）這個牛肉丸是新鮮牛肉滑包入芝士，牛肉有鮮味，口感幼滑。手工鵝肝蝦丸（$38/半份）蝦丸內包着鵝肝，蝦丸爽彈，加埋內面的鵝肝令鮮味更加提升。雲南紅薯粉（$30）紅薯粉煑熟後，煙煙靭靱。涼菜-夫妻肺片（$48）這個夫妻肺片除了有牛𦟌和牛肚外還有牛舌，而且都算是厚切，麻辣汁加芝麻和青瓜絲一起吃，口感豐富。西瓜汁（$48）一樽大概分到三至四杯，重點是鮮榨的，看到水吧即叫即榨。鮮甜冰涷的西瓜汁，解渴一流。四種調味料，分別是秘製香粉、五香粉、胡椒粉和調味酒…查看更多

（影片）最近新開咗間黃記煌三汁燜鍋,佢哋晌國內已經有多間分店,就連美國,台灣等地都見到佢嘅蹤影.嚟試呢晚時間尚早,仲未有食客,之後就陸續有人入座.雖然嚟自國內,但裝修唔俗氣,仲幾有特色.每檯都預先放咗金色嘅燜鍋,個蓋設計到好似頂帽,又有啲似棋,幾有趣.餐牌詳細地介紹佢哋嘅三汁燜鍋,係用清代御膳名菜香辣汁魚做藍本,再加入多款蔬菜同藥材等等.呢度嘅燜鍋共有十多款配搭,分咗魚,雞,牛,豬,海鮮類,醬汁就有五款,其中兩款唔辣,另外三款就有唔同程度嘅辣,另外亦有多款涼菜同火鍋料去揀.我哋最後決定叫自選燜鍋,可以自己揀四款指定食材.同行嘅人唔食辣,所以醬汁就揀咗唔辣嘅招牌鹹鮮汁.呢份餐前小食係竹炭花生嚟嘅,賣相幾特別.冇幾耐侍應就拎咗一個好似花樽咁嘅六寶盒嚟,每層都放住唔同嘅食材,之後就即席晌我哋面前煮燜鍋.侍應先開電爐,晌鍋度加入底油,再倒埋西芹,甘筍,紅薯,洋蔥,青椒,紅椒,車厘茄,蒜頭,紅棗等等十款蔬菜同藥材.之後逐一鋪上我哋自選嘅石斑魚柳,白蝦,牛肚,秀珍菇.將食材平均鋪好之後,加少少調味料同調味酒,就加蓋煮一陣.然後,侍應小心翼翼地將非常黏身同杰身嘅招牌鹹鮮汁加入鍋度,再加蓋煮多陣.燜鍋加熱時傳嚟陣陣討好嘅藥材香,非常吸引.最後加啲芫茜,咁就完成.成個過程都由侍應負責,同埋用咗無水烹調法,主要係靠食物自己嘅水分嚟燜煮,咁樣比加水煮更加可以保留原味,又唔怕食物營養會流失去水入面.食物表面蘸滿佢哋嘅招牌鹹鮮汁,幾濃郁美味.自選食材方面,石斑魚柳肉質唔鬆散.秀珍菇吸滿醬汁.當中以牛肚最為爽脆.燜鍋嘅食物食得七七八八之後,就可以請侍應加埋高湯用嚟做火鍋.哈哈,加湯之後又係另一種風味.我哋人比較少,加上啱啱燜鍋嘅肉類份量幾多,所以只係叫咗蔬菜野菌拼盤,入面有金菇,秀珍菇,杏鮑菇,粟米同生菜,正好用嚟中和一下.由網上得知佢哋早前收購咗許留山,所以餐牌入面有唔少相關產品.我叫咗壺銀菊露,一邊食火鍋一邊飲感覺唔錯.同行嘅人就叫咗芒椰芒果爽,頂層有唔少芒果粒,中間有層厚厚嘅椰汁,然後係芒果汁同芒果爽,甜甜哋咁幾好味.之後再叫多份芒之戀,一份就有晒迷你版多芒亮晶晶,多芒小丸子同芒果糯米糍三款甜品,啱晒多心又想試多幾款嘅我.小丸子煙煙韌韌,同埋係沙冰底嚟嘅.芒果糯米糍入面嘅芒果肉甜而唔酸,仲用芒果片伴碟,從外到內都係芒果嚟.雖然同行嘅人唔食辣,所以唔可以一試佢哋嘅辣汁,但呢次嘅招牌鹹鮮汁都夠惹味.服務方面啲侍應非常細心,會不時走嚟換碟.幫我哋煮燜鍋同打開蓋時,仲特登將個蓋向住佢自己嗰邊,以免熱水蒸氣吹向我哋嗰度.加湯時又會特登用手擋住,防止熱水彈出,可謂見微知著.…查看更多