十兄弟車仔麵 (已結業)

今日啱啱喺灣仔有事情要做，忙完之後都晚上八點幾啦，於是就喺附近搵咗間車仔麵店食呢間麵舖可以用qr code自助點餐，而且唔想食麵嘅人亦都可以轉蔬菜底🥬<自選車仔麵> $64(米線|腩汁|柱侯牛坑腩|鮮蝦韭菜餃|鮮蝦雲吞)米線煮得剛好，唔會好硬身亦都唔會太軟淋，牛坑腩尚算入味；兩款餃子&雲吞各有千秋，不過更喜愛鮮蝦韭菜餃，因為除咗鮮蝦之外仲帶有韭菜嘅香味，腩汁唔會搶咗原本配料的味道， 食到原汁原味，凍豆漿不太甜幾好<呢碗唔野少> $75(烏冬|咖哩汁|香辣玻璃魷魚|鮑汁魚肚|日本珍寶蟹柳|蠔皇紅燒鮑魚(兩隻)|順德魚腐)呢碗麵個名幾特別🤣配料份量真喺唔野少！咖哩汁香濃，烏冬彈牙，成碗麵共有五樣配料，其中最特別嘅梗喺紅燒鮑魚😎我都估唔到車仔麵有鮑魚可以食～鮑魚口感入味得黎有咬口，至於其他配料方面，玻璃魷魚爽口，隱約帶少許辣味；鮑汁魚肚口感偏軟身，吸曬啲湯汁…查看更多

灣仔春園街出名多隱世小店，呢間新開車仔麵夠晒特別，傳聞中嘅秘製辣汁好正，車仔麵竟然有鮑魚叫？ 一定要試下尊貴版車仔麵😋Lunch時間排晒隊，原來係新開張外賣有9折，怪不得咁旺場😱 店舖入面乾淨企理✨間舖雖然唔係好大，但勝在空間寬闊仲有單邊座位，啱晒分流客人，加埋自助落單減低感染風險😷多達52款經典餸菜同10款麵底 任君選擇🤓🍜 呢碗唔少嘢 $75 辣菜脯$2有紅燒鮑魚、蠔油冬菇、鮑汁魚肚、日本蟹柳、香辣魷魚5餸配河粉鮑魚煙韌有口感，冬菇好厚身入味，蟹柳同魚肚索晒湯汁同秘制辣汁，辣菜脯既香辣又刺激而且唔咸 🔥真辣得好過癮！堅正！🍜 食神嗱喳麵 $49 有香辣豬紅、鮑汁魚肚、蘿蔔、香辣魷魚、漿爆牛丸5餸配粗麵魷魚爽口彈牙，漿爆牛丸爆汁好Juicy，豬紅微辣，蘿蔔好腍又冇渣，同魚肚一樣索晒啲汁好惹味！🍜 自選車仔麵 $65揀咗牛孖筋、柱侯牛坑腩，咖哩牛柏葉、漿爆牛丸4餸配油麵🐂牛孖筋真係炆到勁腍入口即溶，啖啖骨膠原😍 牛坑腩係最尊貴嘅部分，筋肉比例各半食落去好煙韌又充滿牛味，牛柏葉爽脆有咖哩香味，牛丸一流！車仔麵都可以咁新派，而且睇得出製作認真花心思，了解食客嘅喜好同推廣優惠，要排下隊都抵啦！🤓…查看更多

唔知幾時開始鐘意食車仔麵 可能係潛意識喜歡佢可以自由選擇 冇約束力 ！今日去銅鑼灣開會 朋友知道我鍾意食車仔麵 叫我一定要去試灣仔春園街新開十兄弟車仔麵 極力推介我辣汁同埋玻璃魷魚 試問我都算食得最多車仔麵嘅人 遠至元朗都特登入去試 所以今日過咗嚟一探究竟！✅首先門口好醒神 踏入個刻已經有食慾 ✅如果以車仔麵檔黎講 佢哋店員的服務超水準 見到你已經會同你打招呼坐低教你scan QR code 之後都會有啲推介 俾你 問你食辣嘅程度 依家人力成本咁重 做幾十蚊生意嘅通常都係冇服務 呢度我感覺到自己好似食緊幾百蚊服務✅落單好方便 -用QR code 落完唔到3分鐘 一碗熱辣辣麵 就送到面前✅食物方面 ：我揀玻璃魷 豬紅 韮菜餃 少辣 當然加埋辣菜脯 係辣度方面佢好有層次感 唔係一味死辣 店員話佢地師傳朝朝好早返黎就係炒呢個辣醬 我見到隔離枱位男士 應該係加辣 眼水鼻水一齊標 我哋仲講笑話係咪冷氣機滴水✅同事叫咗碗八寶麵 讚牛腩 牛丸好掂食完會返轉頭 同埋會介紹埋俾朋友嘅一間車仔麵👍最後辣到係咁用紙巾唔記得影相…查看更多

🥚🥚🐷配料款式多元化✨性價比：7.5/10🍳食物：7.5/10🌏環境：7/10🕺🏻服務：7/10💰是次消費：$ 69#蛋蛋豬 🏝地點分類: #蛋蛋豬在灣仔🍰食物分類: #蛋蛋豬吃車仔麵————————有沒有試過在車仔麵上加隻鮑魚，把車仔麵昇華成奢侈的美食呢。灣仔地鐵站附近開了一間新的車仔麵小店，配料款式包羅萬有，除了基本的丸子和蔬菜，還有罕見的香炸豬頸肉、五香金錢肚，當然還有紅燒鮑魚。自選車仔麵 - $69湯底：秘製香辣汁米線 ($14)紅燒鮑魚 ($9)牛骨濃汁牛丸 ($14)香炸魚蓉燒賣 ($10)香炸豬頸肉 ($12)跟餐汽水 ($10)濃汁牛丸是這裡的十大推介之一，咀嚼時有牛汁擠出，爽口有牛味。比較少見的有香炸燒賣，不過脆皮被浸淋，下次會要求另上。紅燒鮑魚抵食正常，相信是小店招牌。自家秘製香辣醬都幾辣，食到出汗，值得一試。每項加餸的價錢合理，選擇多而且特別，包括一些平時沒見到的材料，有驚喜。十兄弟車仔麵🚦灣仔春園街地下16號舖(灣仔站 B2 出口, 步行約3分鐘)🕰營業時間：11:00 – 21:00…查看更多