嚐囍煲仔小菜

鮮蝦腐皮卷 $29新鮮即整，腐皮夠脆身。 鮮蝦燒賣皇 $33新鮮即蒸，彈牙也大粒。 臘味排骨飯 $102飯焦造得很好，不但沒有太燶的情況，飯焦也沒有黐著煲底，焦得剛好！臘腸ok，有玫瑰露香，臘肉和排骨也ok。 茶壺大，茶夠熱，茶葉泡得有茶香。服務︰Ok環境︰Ok …查看更多

《本次為自費用餐食評》西環馳名煲仔飯！餐廳供應各式各樣煲仔小菜、超過二十款不同口味的煲仔飯、點心，和一般小菜，食物選擇十分多元豐富。今次試了馳名臘味排骨飯，排骨十分嫩滑，臘味的油香滲入米飯入面，淋上甜豉油，攪拌後有香脆的鍋吧，名副其實，十分出色！點心鮮蝦燒賣皇大大粒，蝦肉和豬肉鮮甜。稍微不足的是椒鹽鮮魷的炸粉有點厚，粉感有點重。整體來說，是一間出色的煲仔飯餐廳！-🔘 臘味排骨飯 | hkd$102🔘 鮮蝦燒賣皇 | hkd$33🔘 椒鹽鮮魷 | hkd$108-🍽️ 食物 | Food: 4.5/5🌅 環境 | Environment: 3.5/5💆🏻‍♂️ 服務 | Service: 4/5💰 價錢 | Price: 4/5📝 總結 | CP Value: 4/5-A foodie documentation of dining experience in restaurants based in Hong Kong 🇭🇰.…查看更多

Came here for claypot rice when the weather was colder. The rice was nice especially its crispy bottom. The quantity was less than 坤記 and I wish there were more ingredients but they were made very flavourful. .Other dishes were just okay, not so special. The fish head had some unpleasant fishy taste and was too big in sizes..Will come here only for their claypot rice..🥂臘味排骨飯 $98🥂白鱔田雞飯 $98🥂椒鹽九肚魚 $88🥂豉汁蒸魚雲 $118🥂鮮菌浸豆苗 $90Overall rating: 6/10jsv_foodie…查看更多

秋風起，除咗食臘味之外，仲係食煲仔飯嘅季節，上次介紹咗新界荃灣嘅煲仔飯代表，今次就介紹港島嘅代表，其實港島有唔少好出名嘅煲仔飯，今次介紹呢間仲要有米芝蓮必比登推介，除咗煲仔飯出名，佢嘅小菜同點心都係必食。嚐囍係西環區人氣既街坊小菜館，舖頭連續三年得到米芝蓮推介，受到各大傳媒報道，晚市未開始已經見人龍，係港島煲仔飯必食嘅餐廳之一，深受街坊歡迎，同一樣攞到米芝蓮推介既坤記一樣喺西環，近排仲喺樂富開咗新分店。餐廳主打煲仔飯，因為知道香港人講求健康、少油少納，所以佢哋嘅煲仔飯同小菜標榜冇落味精，同坤記一樣係以火山石炮製煲仔飯 ，以前佢哋係用炭火，不過始終用炭嘅成本比較高，攞牌就要用好多錢同時間，而且對控制大小細火嘅技巧要求好高，而且會令到成間餐廳都係炭味，最後就用菲律賓火山石放喺特別訂造嘅爐灶，可以有穩定而且高溫嘅火力，食客都唔會成身炭味。而且師傅會混合泰國新舊米，多次嘗試邊一種米比較吸水，加上幾滴豬油，令到香味加倍。師傅一次過可以同時處理15個煲仔飯，高峰期可以一日賣300個煲仔飯。煲仔飯約有30款，好似有白鱔滑雞冬菇煲仔飯、臘味排骨煲仔飯、臘味滑雞飯、有創意既日式鰻魚煲仔飯等。因為小菜隔離嗰間係同名嘅點心店，同樣獲得米芝蓮推介，老細曾經任職於陸羽茶室，亦都係潮江春做過，而且有50年點心經驗嘅師傅主理，所以對自家製嘅懷舊點心有信心，點心價錢都合理夠平民，即使食緊煲仔飯，都可以嘆吓一盅兩件，夜晚都一樣供應，如果唔係係小菜館堂食都可以買外賣，係廿四小時供應。因為西環嘅長者比較多，知道佢哋收入低但係又鍾意飲茶，所以點心店曾經喺朝早免收佢哋茶錢半年，餐廳都冇收+1服務費。要講到點解會有呢間餐廳，店主因為後生嗰時喺另一區食過好食嘅煲仔飯，所以就有開業嘅念頭，而家餐廳已經開業10年，為咗滿足香港人唔同口味，所以係幾年前更加擴展通宵營業嘅點心店，而佢覺得兩間餐廳都同時可以比米芝蓮肯定係非常珍貴。其實店舖曾經差啲俾大財團高價買走，全靠良心業主保住佢個舖位，所以即使第一年上米芝蓮推介榜，佢都承諾一年唔加價，為食客提供大眾化價錢嘅嘢食。呢度其實係可以book位，本身約咗朋友星期四去食，咁我前一兩日就打去book位諗住book 七點，打去個姐姐同我講七點book唔到 ，六點就book得，咁我就諗可能七點太多人唔比book位，咁就諗住Walk in，朋友大概七點就到餐廳，攞咗張飛係24號，但Number係叫緊10幾號，之後就發覺其實好多人都有book位，但其實book咗位都係要排隊，Book咗七點三可能七點九先有得入去，只不過個優先會比起walk in快，最後我等咗差唔多一個半鐘先可以入去。第一係因為我哋係三個人，去到後期其實有好多二人位，飛都嗌左好幾個Number，但三人位或以上啲人就完全冇人走，而且我係去到後尾先知原來可以接受搭枱係可以快啲入去坐，所以佢嗌嘅數字係係咁跳，變咗見到有好多遲過我哋嚟嘅 ，反而俾我哋更加吁入去坐到，其實安排座位方面都幾混亂，如果因為三個人以上既枱係食得耐啲，咁餐廳應該要考慮限時用餐去有效咁控制客人離座，從而令到book位嘅人可以準時入去，同時walkin嘅人都唔駛等咁耐，或者可以彈性咁安排二人位同四人位既比例。環境來講，係香港嘅煲仔飯餐廳入面，佢算係座位闊落，地方夠整齊，而且全部座位都係室內，唔使坐街邊對住車既廢氣或者垃圾桶。價錢以攞過米芝蓮推介嘅餐廳來講唔算好貴，冇因為出咗名而大幅加價，令大家可以以親民嘅價錢享受米芝蓮美食。煲仔飯大概有30幾款選擇，夜晚六點之後先供應。而點心方面係即叫即蒸，大約有40幾款，好似有山竹牛肉、腐皮尖椒、蘿蔔糕、馬蹄糕、黃金糕等。-1️⃣ 臘味排骨飯 💰90（👅: 8.5/10）呢度最出名就係煲仔飯，以前都係用炭火煲，但由上年開始已經係用火山石，火山石嘅熱力比炭火恒定，而且更容易煲出金黃又香脆既飯焦。煲仔飯係即叫即整，首先用煤氣爐將飯煮熟，喺加料嗰時再放上長形嘅炭爐，要等大約20分鐘，如果有叫到小菜或者點心，煲仔飯應該係食晒之後差唔多上，上枱嗰時店員會同時比一碟豉油你落，豉油份量其實唔算多，或者可能餐廳覺得咁多就夠。上枱嗰時因為呢一款有臘腸、潤腸、臘肉，未開蓋已經明顯聞到臘味嘅味道。呢度嘅飯係用泰國米再溝米，係煲得啱啱好，夠乾身，真係做到粒粒分明，我同朋友都非常滿意，即使落咗豉油都唔會拎到濕咗，依然都係好挺身，食落係唔會過硬，而且有米香。呢度嘅豉油係用臘味嘅頭尾煲製而成，豉油味都唔會過鹹，亦都冇令到個飯過濕，可能因為份量本身唔多，如果鍾意重口味啲嘅人會覺得依度嘅豉油唔夠味，咁當然香味方面唔會及江湖小棧，因為佢係有豬油。臘腸嘅肥瘦比例適中，食落算甘香不過未到好有驚喜，不過份量都幾多，有成六七條，反而潤腸比臘腸更有驚喜，入面夠粉夠香，鹹香味足夠，不過兩者嘅香味都冇完全滲入係飯入邊，而排骨方面就偏肥一啲，唔算有驚喜。飯焦方面都係可以成個起，係頭盔型飯焦，咁當然唔會淨係留飯焦到最後食，最好就係撈飯嗰時將飯焦整碎同飯一齊食，飯焦未去到金黃色，但係完全唔會燶，係整到啱啱好，咬落去脆口，食落去唔會有苦味，因為豉油唔算多，所以飯焦都唔會太重味，算係差唔多完美嘅飯焦。總結來講，飯同飯焦都係冇咩好挑剔，要挑剔嘅就係啲餸，餸未可以完全將佢嘅味道完全滲入係飯入邊，尤其係臘味嘅油香無喺飯度食到。-2️⃣ 白鱔臘腸飯 💰90（👅: 8/10）呢一碗同上一碗個分別就係將排骨轉做白鱔，因為聽聞白鱔係依度嘅招牌，鱔其實都係鰻魚黎。白鱔肥美爽脆，肉質就正常嫩滑，食落冇腥味，會帶小小骨，不過份量偏小，得兩三個，三個人食真係一日一舊就無左，不過同樣味道就未算好突出，亦都冇將佢嘅鮮味滲入係飯入面。呢一碗嘅飯同樣都係整到好乾身，不過睇佢飯焦就知道佢overcooked左，因為會見到有部份位置燶咗，而且起飯焦嗰時都比上一碗比較困難，淨係兩個煲仔飯水準就已經有分別，係咪代表佢水準唔穩定？因為有見過人哋話佢嘅飯好濕，不過今次我食就冇。-3️⃣ 椒鹽鮮魷 💰88（👅: 9.5/10）雙併 椒鹽九肚魚 ＋💰30（👅: 9.5/10）另外依度嘅小菜都好出名，所以就叫咗一樣小菜必食嘅椒鹽魷魚併九肚魚，聽講呢一個好受歡迎好容易賣晒，都係即叫即做，上菜時間都好快，上完點心好快就上到菜，所以食落口嗰時仲係熱辣辣，份量都好足夠一班人食，除咗九肚魚仲可以併其他好似茄子、豆腐、牛仔骨等。首先椒鹽鮮魷熱辣辣，夠厚身，每件大小適中，咬落去係非常香脆，但佢個炸皮係完全唔厚，算係我食過最薄嘅炸衣，入面咬落去係彈牙，即使炸過嚟，食落去完全冇油膉味，而且唔會骨肉分離，可見佢個炸功係一流，而魷魚咬落去係非常之軟熟。九肚魚同鮮魷一樣炸皮超薄，幾大舊不過唔會話一夾魚就斷開，咬落去係入口即溶嘅感覺，好耐未食過九肚魚都可以咁腍咁滑，外脆內嫩，食落去係鮮甜味，魚肉夠肥美，夠晒新鮮，香口惹味。而無論係魷魚定係九肚魚都好明顯食到椒鹽味，但唔會話太重，調味係岩岩好，因為依家係出邊食到好多嘅椒鹽魷魚等等其實係冇落到椒鹽，淨係落一啲蒜或者辣椒就改個名做椒鹽，呢度有椒鹽味而且都唔會過鹹，呢一碟係我食過嘅椒鹽魷魚入邊，唔係第一就係第二。-4️⃣ 啫啫煲唐生菜 💰68（👅: 8/10）食煲仔菜唔少得就係叫啫啫煲，因為想叫個菜，所以冇叫雞而係叫唐山菜，唐山菜上枱嗰時仲係碧綠色，無overcooked ，咬落幾juicy，有少少鑊氣，入邊有唔少嘅蝦乾，所以食落去有蝦乾鹹香味，幾惹味，整體唔算太鹹可以接受。-5️⃣ 咖哩金錢肚 💰25（👅: 8/10）成個點心最出色就係佢個醬汁，個咖喱汁食落有黑椒味道，味道幾濃，有少少辣，非常惹味。金錢肚咬落去算軟稔，食落去夠入味，但最大敗筆就係舊金錢肚係凍，感覺上係未解夠凍或者蒸得唔夠。金錢肚入味不過蘿蔔就唔入味，好似金錢肚還金錢肚，蘿蔔還蘿蔔。-6️⃣ 黃金炸鮮奶 💰25（👅: 7.5/10）之後就到酒樓唔常見既炸鮮奶，呢度一碟有四舊，價錢算平民，炸衣有啲厚，咬落去幾脆口，鮮奶入口滑嫩，咬落去算煙韌，食落去奶香味都有，唔會太甜，不過我覺得大圍小館或者同區嘅新興會更好食更香口。-7️⃣ 流沙千層糕 💰34（👅: 8/10）另外仲試咗一個甜嘅糕點，千層糕上枱熱辣辣，咬落去夠鬆軟，食落去唔算好甜，不過蛋黃嘅口味算突出，但唔會搶過其他味道，食落係有鹹香味。-🌟食物來講，呢度最出名嘅煲仔飯，我覺得佢飯嘅質地係做到差唔多完美，而飯焦都係可以做到成塊起出嚟，但第一碗同第二碗個水準有分別，第一碗接近完美但第二碗就有啲overcooked，調味方面就正常，餸就冇乜驚喜，最有驚喜係潤腸，而且餸嘅味道油香無滲入係飯入面，整體都算係好食嘅煲仔飯。點心方面就正常，不過我覺得點心會食到凍嘅金錢肚係唔太可以接受，即係佢未蒸得得或者未完全解凍，仲要呢一間點心係米芝蓮推介，凍嘅點心可以攞出嚟比客人食真係有愧於呢一個榮耀，我會寧願去同區嘅新興食點心，至少佢一定係熱辣辣。而小菜方面反而係最有驚喜，呢一疊嘅椒鹽魷魚加九肚魚，可以話係我食過嘅數一數二，如果要同佢匹敵嘅，我諗我食過就只有深水埗嘅愛文生，所以嚟緊我會食多次愛文生睇吓邊個係香港第一。總結係講呢一間係冬天食係幾適合，如果鍾意煲仔飯都可以一試，不過最推薦嘅係椒鹽魷魚同九肚魚，以食物水準係值得一黎。但唔建議Walk in排隊，一定要book位，同朋友嘅結論就係如果要排一個鐘多啲就唔會嚟食，因為呢度book左位都要排隊等，如果係半個鐘我就會嚟食， 一個鐘我寧願外賣個煲仔飯喺出邊食完俾返個碗佢，又或者淨係外賣個椒鹽魷魚。另外餐廳應該可以諗吓點樣可以有效咁安排book位同排隊，因為我見到情況有啲混亂，book位個機制係會插係walkin既人，但book咗八點都有可能8:30先入得去，而Walk in方面Number係跳來跳去，原因除咗係當晚有好多兩人位，而3、4人位係冇人走之外，如果唔介意搭枱係可以坐先，所以我聽到有啲比我後Number嘅人反而比我入先，係我到後期先知道，我覺得店員如果有咁嘅安排應該要一開始講清楚或者寫明，因為我完全唔介意搭枱，只係想快啲入去有得食，我覺得係呢一方面店舖要改善下，因為嘢食點好食法，如果呢一方面做得唔好都係令人卻步。希望佢嘅煲仔飯同小菜好食嘅同時，其他方面都可以做得好，唔會辜負食客對佢嘅期望。店主目標係將來開更多粵菜嘅分店，想建立一個良好嘅品牌 ，而家已經開咗樂富嘅新分店，算係將目標逐步實踐。一個人能力有限，雖然獲得推介，但食物質素都要保持到，而且要感激員工嘅努力同埋食客嘅支持，最簡單就係令到食客可以將嘢食食得乾乾淨淨。煲仔飯比較： 煲仔飯飯焦:🥇荃灣 江湖小棧🥈西環 嚐囍煲仔小菜🥉 筲箕灣 祥囍煲仔小廚煲仔飯飯粒分明乾身:🥇西環 嚐囍煲仔小菜🥈荃灣 江湖小棧🥉 筲箕灣 祥囍煲仔小廚煲仔飯調味:🥇筲箕灣 祥囍煲仔小廚🥈荃灣 江湖小棧🥉西環 嚐囍煲仔小菜煲仔飯配料:🥇筲箕灣 祥囍煲仔小廚🥈荃灣 江湖小棧🥉西環 嚐囍煲仔小菜-👅味道: 8.5/10🍴環境: 7.5/10💰消費: $150pp (服務費: NA)…查看更多

踏入初冬，呢幾日開始有寒意，又係食煲仔飯嘅時候啦！個人非常喜歡食煲仔飯，皆因凍冰冰時，每一口暖笠笠嘅飯真係溫暖到身心☀️。「嚐囍」喺煲仔飯界係人氣王之一，連續兩年獲得米芝蓮推介，主打炭烤煲仔飯，據聞長期滿座要排隊，所以今次第一次試，已經做定哂功課，6點前到咗入座，入座後鋪頭員工都有講：「6點後就無位㗎啦！」果然，6點鬆啲就全場滿座，門口仲有人開始等緊，非常旺。而鋪頭裝修同一般舊式茶樓差唔多，燈光非常光猛，枱與枱之間距離都相當足夠。餐牌選擇好多，分別叫咗三個煲仔飯同三個小菜，煲仔飯方面等咗大約30分鐘至45分鐘左右，其實三個煲仔飯係喺配料上有所唔同，最緊要嘅「飯」，水準係差唔多，同樣係粒粒分明，而且無過硬嘅情況出現，煲底飯焦亦係非常完美，可以成塊起，帶金黃之餘亦好脆口，豉油亦唔會過咸偏甜。🔹臘味排骨飯($𝟗𝟎)：個人而言，覺得有臘味嘅煲仔飯相對其他配料嘅煲仔飯一定係更美味，因為夠哂香，呢度都唔例外，臘腸味道濃郁，軟硬適中，飯粒會帶有臘腸嘅油香味，更香口更惹味，連埋無敵飯焦，必叫👍🏻🔹鹹鮮魚(馬友)肉餅飯($𝟗𝟔)：雖然肉餅蒸得啱啱好熟度，唔會過嚡，但肉味唔重之餘，馬友味亦比較淡，成煲飯比較淡而無味，而中間位置亦比較濕潤。🔹白鱔滑雞飯($𝟗𝟎)：係呢間鋪頭嘅人氣煲仔飯之一，個人覺得啲雞夠嫩滑，雞味幾濃，但白鱔唔夠新鮮，有啲「梅」，厚肉但係唔彈牙，而且無鱔味，係有啲失望。🔹椒鹽九肚魚($𝟖𝟓)：相當出色，炸粉好薄，脆得嚟蒜香味重，裡面嘅魚肉好滑溜，大大舊之餘唔會一夾就斷，食到停唔到口。🔹黃金酥炸生蠔($𝟏𝟕𝟖)：有啲辣椒同埋炸蒜做調味，外皮好酥脆，裡面嘅蠔肉好濕潤，一咬落去就有汁水，唔會炸到好乾身，亦好味。🔹梅菜扣肉煲($𝟖𝟖)：梅菜偏咸，扣肉嘅肥肉好大舊，而且成個煲都好多汁，送飯一流，就咁食就會非常漏。當日離開時大約都係7點20分左右，門口已經滿佈人龍，所以如果要嚟建議6點前嚟到入座或有心理準備要等一段時間，同埋要留意返佢嘅煲仔飯係晚上6點後先開始供應。呢度嘅臘味煲仔飯絕對係好高質，其他配料嘅就可以更好，而且幾款小菜都幾好食，所以會有下次。…查看更多

講左好耐話要試下米之蓮一星的煲仔飯，因為系堅尼地城太遠，食評又話一早去都要排隊，所以都無去，今日星期四6點系中環，打電話去book位話無得book，但話現在有位，馬上坐地鐵去。去到門口6點20分系門口睇，都以為滿，好在仲有一兩個位置，坐低到6點24已經無位啦。落單等左大概20分鐘就來一個煲。臘味排骨煲仔飯（$90）3分- 臘肉肥瘦比例吾錯，肥肉吾會太油，瘦肉吾會硬；潤腸比較鹹，吾香；臘腸酒味比較濃，睇個人喜歡，吾似一般臘腸，皮薄但吾脆。白鱔黃鱔煲仔飯（$112）2分-因為餐牌無雙鱔飯，見到只要加22蚊就可以加餸，咁就一次試曬。可能一煲飯吾系由一條黃或白鱔魚，只有1/3肉是咬口爽脆，其他都系”淋 bat bat”,但所有鱔魚都無自己系街市買的鮮味，由於買魚到食物口感不一致系食物成功的一大關鍵，所以只比佢2分。兩煲飯都有比較做到幾均勻黃色的飯焦，可能系因為用電爐的關係，但比較厚同吾脆吾香，咬落比較硬。豉油落左焗左都吾香。…查看更多

嚐囍煲仔小菜係米芝蓮2018榜上有名，梗係要去試一試啦。 我地好彩提早六點到左，如果唔係再過多陣，就已經大排長龍要等位嗱。嚐囍既食物好有香港地道風味，而且價錢亦都非常親民。我地叫左3碟小菜同兩個煲仔飯。小菜包括三色蛋芥蘭 (HKD 60)，枝竹牛腩煲 (HKD 75)和椒鹽9肚魚 (HKD 75)。至於煲仔飯就叫左白鱔滑雞飯 (HKD 78)同埋臘味排骨飯 (HKD 75)。芥蘭非常鮮甜，分量唔細，而且仲有好多皮蛋添。 個枝竹牛腩煲，未食已經聞到好香。牛腩一啲都唔韌，好稔。 枝竹又多，個煲真係抵食又好味。個椒鹽9肚魚，炸得好香口，唔會有油膩既感覺。賣相唔錯，有紅椒同蔥花做點綴。至於個煲仔飯，就用料十足，而且味道唔錯。 白鱔，滑雞同埋排骨都係啖啖肉。啲臘味味道唔錯，連帶啲飯都有埋臘味味。試完之後，終於知道點解嚐囍可以晉身入到米芝蓮。…查看更多

慕名山長水遠嚟到西環堅尼地城食炭燒煲仔飯，全因為電視介紹，用炭燒既煲仔飯，香港唔超過10間，介紹咗4，5間，見到呢間既白鱔飯最吸引，特登google左好耐，鎖定呢間。建議大家早幾日訂位，仲要訂6點頭輪，否則喺門口窄街等食西北風，門口多人到爆，遲左要再排，有人遲左20分鐘，要等下輪，一個鐘後先有。唔訂就唔駛講.....椒鹽九肚魚$78，加$10拼椒鹽鮮魷，鬆脆皮薄，但九肚魚瘦左少少，椒鹽鮮魷就好好味，爽脆。雜菜煲，佢用大蝦乾，鮮味砂鍋魚頭煲，大讚，成個大大既魚頭，用大魚，所以肉好滑。整體唔油膩，香味十足，懷舊菜經典。仲有燒肉，炸豆腐，黃芽白，吸晒d汁。主角，要炭燒，果然要遲d到，都起碼20~30分鐘。白鱔飯，鋪滿晒，$78，用左大鱔，有部份係腩，肥美得嚟肉爽口，新鮮！飯有飯焦，加埋佢地煮過既甜豉油同鱔既豆豉汁，正！臘味排骨飯，平時我唔食臘味，但今次食超香，都唔錯，有臘味香既飯，感覺食緊真正既煲仔飯…查看更多