泰贊- 創意泰餐廳

幾年前泥過兩次，水準都唔錯，今晚再泥。餐牌今次冇影，因為實在厚過字典。首先送上既係奶茶，造型方面好似係街邊檔買甘夠冰凍，有泰味（係泰國飲過奶茶就明）唔錯。甜味、奶味、茶味再重多dd就好接近泰國風味。整份沙律份量係一碗飯多d，魷魚幾冧，炸粉厚，唔夠脆同重口味。柚子甜甜酸酸又苦苦地，調味剛好，好少辣，柚子唔會雪到硬配料仲有白芝麻魚干同花生粒，又咸又脆，令沙律口感同味道更加豐富😋冇冬蔭功味，但有西炒飯味，其實都ok，不過唔太對辦。海鮮方面有大蝦、青口、蜆等，都算足料。一大舊咸豬手，外層炸到脆卜卜，肉質一絲絲既，嫩炒飯重口味，少辣，好香如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️…查看更多

So Thai So Good雖然主打泰國菜，但其實又有西式嘅食物，所以其實都係fushion菜。餐廳裝修都幾現代化，唔睇menu同唔睇店名都唔覺係食泰菜。叫咗椰青煮蜆丶金柚沙律丶大頭蝦炒泰式金邊粉同脆皮豬手配香葉辣椒炒飯。椰青煮蜆，一心以為個湯底係椰青水，但其實唔係，只係有啲椰青肉，而個湯底都有少少辣，啲蜆肉有D沙。沙律個汁用試管盛住，可以因應自己口味落幾多，個汁酸酸甜甜令人幾開胃。金邊粉正路，炒得幾好味！脆皮豬手配香葉辣椒炒飯，其實味道都幾好味，配搭又幾夾，豬手堅脆，可惜成個飯一上枱已經唔熱所以扣左分。至於甜品叫咗香芒拿破崙同埋窩夫。甜品有啲驚喜，因為本身對佢個拿破崙都冇乜期望，話晒呢一間都係主打泰菜。不過個拿破崙又真係整得幾好味喎! 窩夫就不過不失啦唔算好脆。環境氣氛： ★★★★☆食物質素： ★★★★☆服務態度： ★★★★☆…查看更多

平日晚上6點多到，唔算多人，有講明限時1.5小時，6:45pm 之後就愈來愈多人，7點幾已經差不多full！係味真係咁好味呢？點了兩個頭盤，蟹肉梳乎厘伴海鮮汁($65)... 本身覺得幾得意wor, 張相都幾吸引，黎到，說實在的，有點失望！同佢menu 張相頗有差距，黎到見到好多汁，都唔多見到海鮮，汁入面有少少蟹肉、兩粒青口肉、兩舊魷魚圈，個汁... 冇咩蟹味，亦唔太夠濃厚，其實個汁本身都唔太好味，同梳乎厘又唔太夾！另外一個係泰式三文魚他他配薄多士($68)，泰式汁好野味，又由於太過濃味，我自己覺得個辣汁完全地蓋過了三文魚的味道...最後點了脆皮豬手配香葉辣椒炒飯($90), 脆皮豬手個皮真係好脆，超好味，自己好鍾意食辣野，個炒飯好野味，辣味剛剛好，唔會太辣又唔會唔夠辣！正！不過唔食得辣既就應該覺得算係頗辣既！另外，環境裝修是不錯的，但當坐滿人後，聲音都幾集中，其實都幾嘈，唔可以算是舒服傾計的好選擇！食到差不多1.5小時，沒有waiter 來問有沒有需要再order ，就咁放低張單，感覺上有點兒沒禮貌，雖然好多餐廳都有限時，但好多時都會行過黎問一問會否加單，才會埋單... 所以臨尾是有點兒不開心...…查看更多

跟蝦子餅和朋友一行三人在尖沙咀吃晚飯，訂了一直想試的So Thai So Good，用餐時間為90分鐘。沒想到第一道上菜的會是脆皮豬手配香葉辣椒炒飯($90)，脆皮豬手共有三件，一人一件剛剛好，豬手的皮十分香脆，沒有太多脂肪，炒飯比預期中辣，吃了一啖便要點飲品。經過個半小時裡的觀察，這個炒飯應該是當晚店內最受歡迎的菜式。我點了香桃乳酸($36)，朋友點了芒果乳酸($36)。IMG_2749($80)是有創意的配搭，將肉碎四季豆放在窩夫上面，窩夫做得很鬆軟，肉碎四季豆炒得很乾身，但我朋友選的自家製薯角伴香辣芝士蛋黃醬($45)。脆炸茄子配泰式辣醬($45)的碟子很有趣，茄子的脆漿不會太厚，亦不太油膩，水準不俗。壓軸出場的是椰青煮蜆($90)，蜆大大隻脹卜卜，還有大大片的椰青肉，味道不錯。大家都吃不下甜品，下次再試吧。…查看更多

今晚我們去咗尖沙咀美麗華商場嘅「So Thai So Good」食晚飯！我們叫咗脆皮豬手配香葉辣椒炒飯、燒牛西冷伴泰式辣汁配糯米飯、脆香豬手伴泰式辣汁、鮮雜果忌廉窩夫、香芒拿破崙、熱藍莓朱古力同士多啤梨乳酪！脆皮豬手配香葉辣椒炒飯嘅炒飯炒得好乾身，味道辣辣地，極之惹味！係本人嘅必食推介！燒牛西冷伴泰式辣汁配糯米飯嘅西冷牛肉嘅肉質都幾嫩滑，牛肉嘅味道好濃郁，糯米飯亦好煙煙韌韌！脆香豬手伴泰式辣汁嘅豬手肉質好瘦好嫩滑，豬皮相當香脆！鮮雜果忌廉窩夫嘅窩夫非常香脆鬆軟，雜果都幾新鮮！香芒拿破崙嘅拿破崙相當鬆脆，芒果亦超香甜！士多啤梨乳酪嘅味道酸酸甜甜，非常醒胃！…查看更多

這家鋪門面裝修得好歐陸式，完全不像是吃泰國菜的，室內以藍白做主調，反而有一種地中海既感覺，環境尚算舒適，是和好朋友放工後relax談天說地既好地方。炸魷魚圈炸得幾好，皮唔會太厚，仍保持魷魚既鮮甜，亦唔會太煙韌，容易咬斷配上小小辣既調味汁，好醒胃，係一道好好既開胃小食。脆皮豬手配香葉辣椒炒飯豬手皮烤得非常脆, 肉仍保持嫩滑好juicy, 飯炒得好乾身，都頗辣和香葉好重，好適合愛既辣既人，十分惹味，份量唔算大，但都夠食。芒果沙冰芒果味好突出，應該真係落左好多芒果，不會太甜，質感好細滑，最緊要係解辣良品。冬蔭功海鮮意粉味道很特別，冬蔭功醬好惹味，意粉煮得好彈牙，每條意粉都掛到香濃既醬汁，好有fusion 感覺，意大利遇上泰國，原來可以甘有化學反應。 …查看更多

仔細想想已經很久沒有去尖沙咀行街食飯了。因為上班是在港島那一邊, 下班了要找樂子, 也都會在港島尋寶就算。奇也奇在星期六日想活動也習慣回去港島, 或者留在新界。九龍區, 想來算是被我違棄了。今晚和好幾個友人在尖沙咀辦貨, 完事之後已經是八點多快九點。要找晚餐吃, 還是求教於openrice。不看不知道, 原來尖沙咀區又多了不少新餐廳呢。由其是Mira Mall 那邊的「食四方」, 百樂小館、亞來金河等等看上都很吸引。看來美麗華商場和酒店翻新, 得益者是我們這一眾饕客! 但最後我們還是選擇了美麗華商場一樓的so thai so good 這家摩登的西泰餐廳。其實這家尖沙咀店是它們的第一分店。本店乃是開於大埔, 不算是一個很熱門的飲食地區。看過不少食友分享的文章, 也算是好評不斷, 因此對尖沙咀店的信心和期待也是蠻大的。到達門口第一個感覺就是氣氛和美心集團旗下的simplylife很相似。空間大, 用上簡約設計, 帶出的是歐陸式時尚格調, 只是用色上比較淡一點, 也更令人覺得輕鬆, 寫意悠閒的氣氛更為平易近人。除了裝修不帶有泰式或是東南亞風情之外, 打開餐單, 內容也不很「泰」。常見的泰式菜當然有, 但更多的是帶有泰式風情的西式菜, 或是很純粹的western food! 雖然大部分食物都相當似樣. 但價錢定得不高, 頗有驚喜。先來一份小食, 沒想到雞翼已經是預先分半成為單骨雞翼, 驚喜之餘也覺得吃起來非常的方便。而且雞翼分半, 沾染醬汁和香炸過的地方就多了, 自然更為好吃。泰式醬不算辣但頗惹味, 個人覺得牛油可以再下少一點, 泰式感會更突出。這個嘛, 比較像是佐啤酒的小吃吧。炸得不油膩就是上好(笑)。魷魚不會韌, 椒鹽香口, 但重點還是在放一旁的辣蒜, 超香超惹味, 辣之餘也帶點微酸, 開胃得很。是必吃之選。這個嘛, 還要我再解釋嗎? 炸的飯球, 我又怎會忍得住不點個來吃吃? 和一般的意大利risotto球不一樣, 這裡用的是普遍米, 雖然咬下沒有一般的risotto米般有咬口, 但味道搭救就好了。飯球不是純粹的飯而是混入了吞拿魚蓉, 味道要特別得多。再沾點石板上的汁律醬, 味道就更香甜可口啦。是我很喜歡的一碟小菜。雖然賣相漂亮但相對失色的一個小吃。薯角應是先烚熟再拿去焗, 因此口感太軟也不香口, 和那金黃色的外表不相襯! 芝士下得再多也不能讓人滿足。主菜先來一個完完全全的西式菜 - 卡邦尼意粉。味道雖然很不錯但就少了亮點。味道偏向單調, 只有忌廉白汁的濃郁, 火腿味不夠香, 只算ok。再來一個泰西crossover 吧! 香葉辣椒炒飯吃得多, 也遇過不少加豬肉呀牛肉呀雞肉同炒的版本, 不過在上面放幾件燒豬手...第一次見。香葉辣椒炒飯炒得很不錯, 香葉淡淡的香味, 加一點點的辣, 光是吃這個就可以吃一大碗! 不過豬手就不大好, 皮不脆, 還有一點的硬。有很大的進步高間。吃泰菜又怎可以不叫一個炒通菜? 但, 就是沒有通菜! 改點了有點奇怪的炒白菌及翡翠苗。翡翠苗的味道很濃, 帶點青氣, 但口感爽甜, 是一種很特別的菜。多見外邊的食肆會用來做沙律或者上湯煮, 辣炒也算是新穎。味道和白菌有一點風馬牛不相及, 但辣勁頗足, 幾好吃呢。各款 冰茶 / 乳酪 HK$36+10%再來每人一杯飲品, 冰茶又好乳酪又好都是款色眾多, 價錢又不貴。飲飽食醉, 竟是甜品也吃不下了。埋單是大概HK$130一人, 好像在香港這個價錢已經不多見了。也很推薦大家去吃吃坐坐, 和朋友聊天可是一流呢!…查看更多

2個女仔去shopping前先去醫肚。星期六晚上要在尖沙咀找吃的真的不容易，友人想試這間新開的泰菜，想訂位卻已滿座。死心不息多我們還是要來walk in, 豈料那3張枱一等就是半個小時。還好餐廳位於美麗華商場，可以在附近逛逛不用呆等。我們被安排了一張2人枱，空間有點小，和鄰桌也是非常接近。我們點了2個小食和2個主食，這裡上菜的速度很快，不一會已經全部到齊了。椒鹽蒜辣魷魚 - 炸漿很薄也炸得香脆，但本身沒什麼味道，附上的酸辣汁味道很好也很開胃脆炸蝦餅配泰式辣醬 - 大大件，差不多有一吋厚，口感彈牙，捲青瓜同吃可減油膩感冬蔭海鮮意大利麵 - 配料有蝦、魷魚和青口，味道濃郁，假如酸辣度能再加強一點會更好脆皮豬手配香葉辣椒炒飯 - 豬手皮脆肉嫩，炒飯很香也不太辣，美中不足的是圓柱體的造型上桌時被震散了這裡的甜品好像很吸引呢，可惜太飽了，惟有下次再試好了。…查看更多