一品活蝦

📍一品活蝦（北角）收工去北角附近同朋友食飯，見到有間居酒居餐廳，仲要有蝦食🥹就決定試試！😋。🌟胡椒蝦（小）$198餐廳有8款口味嘅蝦選擇，而我哋就簡咗呢款餐廳人氣口味試試😋！一上菜已經聞到好香嘅味道，胡椒味唔算好重，更驚喜嘅係佢唔係剩係得一種辣味，而係有胡椒同其他香料嘅香味一齊，做到香而不辣，食多幾隻，都唔會覺得太油膩！而蝦肉嘅質素亦都相當新鮮，結實而彈牙。。🌟烤澎湖墨魚香腸（細） $68雖然外表同一般嘅台灣腸冇分別，但估唔到入面塞滿墨魚肉之後，比一般嘅台灣腸更加彈牙！配合埋蒜片同蔥條一齊食，味道更加有層次。蒜既微辛、蔥既清香、墨魚肉既彈牙，各有層次卻互有融合！。🌟 古早味鹹豬肉（細）$78通常食鹹嘅菜式，都會驚處事一味不斷落鹽，結果成碟餸都只係得一份死咸嘅味道。而今次呢一碟古早味鹹豬肉，味道就啱啱好，除咗有本身嘅鹹香味，肉質亦肥瘦相間，真係忍唔住食完一舊又一舊！。🌟 冷盤油雞 （細）$78一上碟見到三分天下 - 薑、蔥、雞。雞肉已經全部起晒骨，而且唔會太肥，肥瘦適中。薑蔥嘅香味，配搭埋有麻油既雞肉，味道豐富！。🌟 空心菜 $78其實即係大家嘅所熟悉嘅通菜，炒出嚟有鑊氣，配埋蒜蓉夠晒香！。最後，居酒屋有多款汽水、茶、仲有啤酒！作為一間居酒屋，除咗食嘢要好味道，最緊要氣氛好！一諗到可以放工之後同一班朋友嚟居酒屋吹水、食嘢、飲酒，真係chill爆，又開心！🤩🤩…查看更多

難得Happy Friday! 緊係要約班朋友出去食下飯啦🤓平時日式居酒屋就去得多 台式真係少見啲咁啱有位朋友好中意食蝦，所以就睇中佢有好多選擇喇🤣我地4位叫呢個餐 另外加個小食啱啱好🫶🏻抵啲之餘仲可以試唔同嘅招牌菜👆🏻鹹蜆仔 (飲酒必食!!!)佢食落鹹鹹地，好鮮味 一食就停唔到口🤣同埋佢係醃熟左 所以就算唔食生野嘅朋友都一定要試下🙈👆🏻冷盤油雞唔好睇佢白雪雪好似冇乜味咁食落估佢唔到幾嫩😳同埋個麻油香啱啱好!夾埋薑蔥食仲好香好鮮味🤤👆🏻烤澎湖墨魚香腸呢個真係必食😍烤到金黃色咁好脆好香口!!!食落真係好香墨魚味，同埋好彈牙真係會忍唔住食完一舊又一舊🤭👆🏻奶油蝦不得不說 啲蔥同洋蔥索曬奶油味真係好正😍強烈建議拎少少汁擺自己個碗啜完個蝦殻，搣完隻蝦之後點番啲汁 再夾埋洋蔥咁食真係會好味好多!!!👆🏻蒜頭蝦超多蒜🫣🫣食落好香蒜味比起其他口味，相對地會冇咁惹味但搣完蝦肉再痴多啲蒜食就夠曬正👆🏻胡椒蝦3隻味之中最濃最惹味的😎重口味人士必選入味到食唔定口，真係好香胡椒味但係又唔會太辣，好彩揀左要大size🤭隻隻蝦都好大隻 好實肉，仲勁多羔!!!!👆🏻燒酒蝦店員推介我地套餐入面湯品揀呢款，咁就變相可以試多一種口味🙈個湯充滿住蝦嘅鮮味同時，同有好濃嘅藥材味所以一飲就有種好補嘅感覺🤣👆🏻魚汁麵線店員送上嚟嘅時間重點介紹所謂嘅魚汁其實係傳統類似麵豉嘅一種😯而並非用魚煮出嚟嘅湯食落味道都幾特別~ 不過淨飲湯會有啲偏咸，配埋個麵線就幾好成餐飯食左好多唔同口味嘅蝦好滿足😍店員仲好有心機咁同我地介紹餐廳嘅菜式之前去台灣都已經好中意食一品，所以遲啲有機會一定會再encore😆😆…查看更多

今晚到台灣過江龍一品活蝦晚餐，位於北角京華道9-27號富利來商場地下2-4號舖。 店內帶有懷舊氣息，木製桌椅簡約美觀😊。餐廳是一間台式居酒屋，主打蝦料理和台式小菜， 可以散叫或套餐📋，我點了雙人餐$468 📌(蒜頭蝦、胡椒蝦、魚汁麵線、空心菜) 、麻油麵線$58、 仙草爽$18。 🔸蒜頭蝦🦐 ～ 蒜蓉味非常濃郁， 蝦身爽甜，爆高大隻， 食到停唔到口。🔸胡椒蝦🦐 ～ 胡椒蝦辛香撲鼻好惹味，Q嫩彈牙的肉質，讓人吮指回味。 🔸魚汁麵線🍜 ～ 麵線有彈性， 蒜香味好出。 🔸空心菜🥬 ～ 清脆爽口， 炒得幾香。 🔸麻油麵線🍜 ～ 麻香味獨特， 配上手工麵線， 一啖湯一啖麵，好正。 🔸仙草爽🥤 ～ 飲品在自助區自取， 埋單時再計數。 推介喜歡食蝦的朋友🦐， 一定要試下這裏的胡椒蝦。🏷️溫馨提示～ 整個用餐體驗均屬個人分享意見， 只作參考😊。 …查看更多

一個令人放鬆享受美食的地方就是這間在小巷轉角的台灣居酒屋幾枱木製桌椅配搭大紅燈籠洋溢着台式懷舊氛圍主打即撈即煮鮮蝦美食店員積極向我們推薦招牌菜式前菜先來有冷盤油雞薄薄的雞皮與肉之間不見有脂肪一問之下原來用的是台灣土雞難怪肉質更為彈牙有嚼勁口感比一般在香港吃到的緊實配上蔥花薑絲更加提升了它的風味再來有送贈的鹹蜆仔以醬油蒜頭辣椒等調味料醃制用來搭配啤酒享用作為下酒菜剛好另一特色小食是烤澎湖墨魚香腸感覺每一口都吃到墨魚的嚼勁吃起來清爽不油膩一試難忘酸辣蝦以新鮮的蝦為主料口感爽脆香辣可口非常適合作為開胃菜或主菜食用花開兩朵胡椒蝦更為惹味同樣以新鮮的蝦為主料胡椒粉的獨特辛辣味道渗透到蝦肉裡面使蝦肉更加香辣可口弄走蝦殼上的胡椒後呈現出鮮豔明亮的顏色蝦肉很有彈性名副其實一品活蝦居酒屋少不了酒精飲品但工作天我們不沾酒精店家貼心提供無酒精的台灣啤酒我們分別選了蘋果和荔枝清新的味道配合上述下酒菜一流…查看更多

同朋友2人去食5:30-7:30個輪。服務態度好又親切。會推薦邊款蝦食先。胡椒蝦同鹽燒蝦真心好，上菜賣相都ok。可能因為食左胡椒蝦先，麻油蝦感覺OK而已，但其實都算唔錯，麻油味都重。凍雞同鹹蜆推薦要叫黎送酒。真似台灣食到既味。野飲有台灣個款apple soda，燒仙草爽同台灣啤酒。而家5點呢輪有happy hour台啤買2送1，2個人啱啱好！環境裝潢唔錯，炮台山站出黎後唔算難搵。有啲貴但都會再幫親。建議大家預先訂台。…查看更多

差不多有兩年沒有得飛去台灣，令我最想念的台灣美食，除了牛肉麵，就是胡椒蝦。雖然香港有很多不同種類的海鮮，但胡椒蝦的味道在香港完全找不到。我上個月經過北角，竟然俾我看到我最喜愛的一品活蝦來了香港，店舖正在裝修。等了數星期，餐廳終於公布試業，我立刻打電話去訂位。只有晚市，跟台灣那邊一樣，但香港店只營業到晚上11點。如果可以做埋宵夜就好了。點餐要用電話點，我第一時間就點了我最掛念的胡椒蝦。餐牌上還有鹹蜆仔，胡椒螺和墨魚腸。真的好似來到台灣了！鹹蜆仔和墨魚腸的味道跟台灣那邊一模一樣！接着就是我最期待的胡椒蝦到了。我急不及待吃了一隻蝦，感覺實在太幸福，完全是台灣正宗味道。食完一隻蝦才記得打卡😅可惜餐廳還未有酒牌，未有啤酒供應。如有台灣啤酒伴，這餐晚飯就會更完美。好味！好味！每樣菜都做得十分出色！下次要叫多幾位朋友一起來，試埋其他口味的蝦。…查看更多