連文記冰室 (九龍灣)

有朋友大力推介呢間餐廳 話好好食 稱得上平民米之連 所以今日就去試下啦！朋友叫咗胡椒豬肚雞米線 話湯底好入味 食到最後仲飲晒成碗湯 佢仲話自己平時唔多食雞 但都覺得隻雞幾嫩滑 畀咗相當高嘅評價！我唔係好食辣同內臟 所以叫咗竹笙雲吞雞泡飯 湯底清淡得嚟又夠味 本身唔鍾意飲湯嘅我都想飲多幾啖～餸嘅份量都好多 有好多芫茜 雞就有5、6嚿 有大大隻雞脾好開心 最後食到好飽！但除咗雞脾之外其他部位都唔算好嫩滑 而雲吞就得2隻 唔多夠喉 所以希望可以調整一下兩者嘅比例就好啦～…查看更多

其實一直都收藏左荔枝角連文記諗住去開果頭就會即刻去試奈何荔枝角真係好小會經開 所以一路都未試過呢間今日同朋友去觀塘整小小野 點知俾我離遠望到連文記三個字 我即刻二話不說拉埋朋友入去試當時係下午3:45 左右原來而家疫情關係 呢間鋪係收4:30 想去食既朋友仔記得早小小一坐低已經決定胡椒豬肚湯米線是必點另外再叫了兩款下午茶餐其實都想試花膠雞米線 可惜果日太飽了唯有留下次先試胡椒豬肚雞米線湯底有濃濃既胡椒味但唔會嗆喉 豬肚爽口彈牙酸菜都正 唔會煲到無晒味果隻雞肉尚算嫩滑 唔會鞋口不愧為主打另外兩款茶餐味道正常下次一定要再黎試花膠雞…查看更多

一直計劃要去荔枝角「連文記」試試濃濃的雞湯米線。但時不與我，不論上班又或工餘，都甚少能夠踏入該區。況且它不做晚市，星期日也全天休息，更沒可能一嚐盧山真面目。原以為連文記與我絕緣，但愛驅每年驗身，經過九龍灣，竟發現低調地開了分店。位於九龍灣工廠區之盡頭，觀塘繞道之入口，非常易找泊車路邊亦方便。由此連續去了兩天，驗車取車時也找上了「連文記」。餐牌簡單利落，但眼睛只著眼於它的兩款招牌湯底：花膠雞湯、胡椒豬肚雞湯。店主極有想法，土生土長香港人多喜歡飲阿媽老火靚湯，也喜歡吃上湯麵，於是將兩者合併，打破一般茶餐廳不重視湯頭的想法，不用味精雞粉豉油湯，改用雞殼精制湯底。兩次入座均大概下午兩點左右，竟然十座九空，只有零星兩枱顧客。荔枝角大名鼎鼎「連文記」，在此九龍灣虎落平原無人識。只得我孤芳自賞，抱琶自樂。突然，侍應冷淡走來說「埋單先，今日提早三時關門」。荔枝角總店沒去過，不曉環境如何。九龍灣新店樓底極高，配上落地大塊玻璃，把室外景色收歸店內，使客人視線錯覺大增空間感。幸好並非向日落向西方向，否則太陽殘照，店主必要浪費金錢購買遮陽窗簾大開冷氣。被安排座在門口位置，不太清楚內邊布局。【胡椒豬肚雞湯米粉】湯色呈金黃色，湯面泛著黑黑點點之胡椒碎粒，味道香濃味辛。是潮州制法，煮法先將主材料雞殼豬肚飛水洗淨，再加入清水、胡椒、芥菜、豬肚、及雞件，用文火煲約兩三小時變色即成美味湯底。為免浪費，可把豬肚撈起切絲備用。相信這兒預先把雞脾雞翼留用另行煮制。制湯只用雞殼下欄中雞骨位置。湯碗內原隻雞脾，雞皮鮮黃雞肉幼滑，相信沒與高湯一同沸騰兩三小時，否則已皮開肉綻了。原隻雞脾具有誠意，但不作切件，相當困難咬噬，弄得滿臉湯油。另外雞脾因與高湯分開制作，以白水清煮，未能入味，與濃湯有點疏離感。【招牌花膠雞米線】第二天來是選吃另一招牌花膠雞湯。賣相湯色奶白清純，甚少黃油，非常優質。每啖濃湯也充滿雞味及帶有花膠黏稠口感。濃湯制法大致相同，只是將豬肚胡椒改為花膠而已。特別留意是花膠不耐煮，會熱溶水中。自己曾有煲湯失敗經驗，過早落下昂貴花膠筒，最後$2000元完全溶於湯內，猶如膠水，一件花膠也沒得吃。這兒花膠扒落落大方，接近一隻手掌般大，彈牙吃得過穩。可惜是雞件過熟，血色呈黑，肉質略為粗糙。總括而言，來「連文記」只要$60左右就可飲用高質靚湯，十分超值。這是廚師耐心之功夫錢，如自己煲又要洗豬肚、又要浸花膠、將雞殼飛水，絕非一時三刻便可完成。既然「連文記」玩湯，提議不如加自己渴望飲用已久之童年味道靚湯鯊魚骨猴頭菇湯底、及杏汁白肺湯。想起已口水直流了。…查看更多