豚王 (新城市廣場)

已經好耐冇食過，但咁啱同朋友行過見到，就諗住去試吓。叫咗個2人餐，有拉麵2碗，溏心蛋2隻，餃子，同嘢飲2杯。我哋叫咗赤王，同翠王。首先嚟嘅係餃子，不過係微暖嘅⋯⋯，然後啲拉麵嚟到嘅時候，好似唔係幾夠湯咁。最後，呢間嘢都係唔收信用卡嘅⋯…查看更多

同朋友踩完單車後，去咗新城市中心嘅豚王食拉麵🍜。.這間豚王好大，位置都好多，而且間店會播放日文歌同有啲日本🇯🇵嘅燈飾。. 點咗個翠王，$96蚊。個人口味揀咗多醬油，香味油普通，叉燒肉係腩肉，椰菜，同幼麵，而沒揀咗佢嘅自家製辛辣醬，而麵度都揀咗普通。.佢碗麵都幾大下，啲幼麵都幾彈牙，唔會太容易斷，湯的比較澀同濃。可能我揀咗多醬油嘅關係，濃湯🍲隻味都幾好飲，而且啲麵浸落啲湯到都幾入味。而腩肉比較薄身，有少許肥肉（每塊都有肥肉）。但我唔太食肥肉，所以對佢嘅叉燒肉感到一般好多。而椰菜無咩特別，平時食果重椰菜一樣。不過整體還可以，夠飽。…查看更多

其實咁多款味道 我最鐘意嘅係#翠王 係由芝士粉再加上㊙️制的橄欖油 再配上羅勒葉而成的😊☺️小妹揀了麵底係太麵🍜肩肉🐷多蒜蓉要有䓤 仲加左隻流心蛋🥚同木耳絲😄㊙️制油味道又真係幾好味好香 另外 成碗麵都幾大碗 開始食嘅時候 真係食到好大陣羅勒味😋🤤勁正～～～但食食下又好似無咁重味😅😅麵質適中 煮得幾好 唔會過軟或過硬👍🏽👍🏽流心蛋 🥚係必食吧 真係好好食呀😍🤩好流心好軟熟呀 好好好味👍🏽勁有衝動想加多一隻🤣😆豚王餃子王 有五隻🥟🥟🥟🥟🥟個餃子底煎得幾燶下😐😶但係味道都唔錯 係幾好食嘅👍🏽👍🏽值得encore喎～～～heehee😁😁…查看更多

夜晚七點到黎食，唔洗排隊即刻入得👍🏻豚王拉麵賣四款拉麵：豚王、黑王、赤王、翠王。黑王（$96）黑王湯底本身偏濃，所以最重要記得湯底唔好揀濃！如果唔係會好咸，普通濃度已經足夠。呢款拉麵對我黎講比較容易滯，食完都易口乾。但比起其他款，我覺得黑王係最好味😹肉嘅份量幾多，可惜冇溏心蛋，加一隻嘅話要$16～朋友嗌翠王（$96）佢話個湯底好濃郁，芝士味唔雖然唔太特出，但覺得整體好味過黑王。另外麵嘅份量唔算太多，男仔可能唔夠食～…查看更多

凍凍地的晚上9點幾，想食碗熱辣辣的面食，即刻諗到豚王，好彩佢收晚上11點。可能都夜了，完全不用等位，但赤王同限定王都無lu, 咁我同朋友就叫左一客豚王同翠王，雖然明明係想食赤王。熱辣辣的拉麵轉眼就送到我面前，tick左2的辣，感覺都唔係好辣，下次可以試下3；我特別鍾意豚王，可以選擇面的硬度同湯的濃度，亦可以選擇多garlic, 讓我選擇自己喜歡的口味，感覺上亦比較似在日本食拉麵的味道。枱上有辣粉可以自己加辣，另外有蘋果調味醋。日式拉麵一般都比較咸，豚王亦同日本的拉麵店一樣有一壺水係每枱，不會迫你叫野飲。…查看更多

想當年淨係得佢一間嘅日本拉麵係最正宗就覺得佢好好食成日早起身走去排隊，依加拉麵店開到一街都係，將佢同其他拉麵店比較先發覺佢個湯底有啲偏咸，尤其係"豚王(原味)"以外嘅"王"。所以唔鐘意咁喊嘅朋友可以係香味油同秘製醬油果度揀"少"。除左"豚王"之外其他"王"都有一舊半圓形嘅醬，舊肉嘅色就代表唔同嘅味，但個base都係"豚王"。"豚王"係88定唔知9蚊，其他王係95蚊。全部拉麵會包兩塊肉，可以揀肩肉或腩肉。我次次去食都淨係會揀肩肉，比較薄身但好大塊。我分別食過翠王同黑王。翠王:主要材料係巴西葉同芝士粉。睇啲材料似意粉汁好似好怪咁，但係又啱味架喎。個湯好香豬骨味，加上巴西葉別有一番風味。黑王:主要材料係肉碎同黑蒜油。上面講果個半圓形嘅醬偏咸，所以其他有味嘅嘅都可以揀。…查看更多

下午茶時段經過沙田新城市廣場的豚王，又不用排隊，決定走進去試一試未嘗過的翠王，橄欖油及不同的蔬菜放在拉麵上，令湯底擁有特別的清爽香氣，而香濃芝士溶在湯中，飲左幾啖湯更覺與別不同，充滿芝士奶油的味道，相信特別喜歡芝士的朋友會一食愛上，但同行友人卻覺得格格不入，喜歡傳統的話，還是選擇豚王吧。…查看更多

阿P好鍾意食拉麵，阿J就唔太like，因為我好怕食啲蒸氣不斷湧上塊面度嘅食物。不過凡事都有例外，每次係沙田新城市探望完同事之後，都會心思思想來豚王喝豬骨湯，加上下午茶時間通常都唔洗等位，於是PJ便決定來個quick tea。我只喜歡豚王的豬骨湯拉麵，因為這裡可細緻地要求味道的濃度及調味。最開心可以走哂啲葱、蒜、芝蔴及麻油，吃拉麵時可盡情享受豬骨湯的精華。豬肉每次都選肩位，全瘦肉卻keep到軟熟。我最怕食淋及粉的拉麵，豚王的麵身雖然及唔上一蘭般彈牙，但也算爽滑。整體上豚王的水準平均，每次食都滿意。阿P的口味比我多元化，他勇於嘗試Daily Special及雜錦Combo。他今天試了翠王，綠色的湯底內加了羅勒，加埋啲芝士阿P話個湯底好濃味。湯底內的橄欖油同芝士味幾夾，不過佢話都係黑王最好味。服務員勤快有禮，環境開陽乾淨。最好係排隊時間短，唔洗同人迫。…查看更多

細佬喺外國讀書嗰陣，成日話好想食日本拉麵，叫我喺香港試勻佢，然後帶佢去食喎！我都好想幫佢，但係香港人鍾意嘅日本拉麵，通常都係濃厚又重膠質嘅豬骨湯底，自己個胃又唔爭氣……試咗幾間就頂唔順，但覺得豚王都唔錯。呢日一家人去開沙田，就還細佬一個心願啦！首先介紹豚王。湯底好香豬骨味，膠質未算太重，幾啱我口味。翠王，加入新鮮羅勒葉同埋大量芝士粉，似fusion菜，味道幾特別，都唔錯。黑王好杰好鹹，據講落咗墨魚汁。喂！要有海鮮嘅鮮味唔需要鹹到嘔㗎！黑王鹹到嘔，赤王就辣到嘔。辣到根本食唔出碗麵有其他味。如果你無辣不歡，可以一試。個人就喜歡一風堂嘅赤丸，微辣得嚟有層次感。結論係，原味最好食。想變吓款？翠王啦！其他就咪搞。為咗款原味，值得嚟一次。…查看更多

位於新城市廣場最入面嘅豚王，真係幾隔涉@@上圖我同朋友叫咗黑王同翠王，真係幾重口味湯底十分濃，顏色都好重，食完之後食口變晒色！咁啱我中意重口味嘅野，所以我係覺得幾好食嘅XD…查看更多

豚王出名大家都知，但小弟最怕排隊，所以屢是無緣拜會這個香港正宗日式拉麵元祖。剛好今日無聊走入沙田，新城市廣場店無人排隊，當然要趁機一試。我都知閣位食家達人對豚王點麵方式講解過無數次，不過小弟第一次拜訪，真心覺得order 紙比其他麵店詳細清楚，除了麵質硬度，蒜蓉份量，香油份量可供選擇外，還供太麵，肩肉或腩肉，青蔥或白菜選擇，適合不同口味。有選擇困難症的大可選廚師推薦。原本想試是日限定，可惜我太遲，已經售罄。朋友的黑王，廚師推薦口味濃濃的墨汁豚骨湯，中央金蒜粒，細麵，麵質偏軟。不味是否墨汁的原因，豚骨湯味被掩蓋了，麵質比我個人喜好偏軟，不過仍然是水準之作。我的翠王，濃味，肩肉，青蔥，太麵普通硬度。未見其麵，先聞其香。香濃的羅勒跟芝士的香味，我還以為身處意式餐廳。從來沒想到pesto跟豚骨湯這麼配合得出神入化。豚骨湯味濃，完全試出骨的甜味。每口麵都夾雜著羅勒，芝士，豚骨的味道層次，這個配搭跟本就是fusion 菜。普通硬度的太麵最合吾意，口感爽滑。豚肩肉軟滑，入口即化。我在太愛這拉麵，麵連湯通通纖滅。有人話始終只有中環元祖豚王最好吃，本人未試過，如真有其事，經過今天一試，日後必要拜訪老店。…查看更多

話說因事要到沙田，結果正事沒辦成，反而去了吃拉麵。沙田新城市這幾年來，成為了自由神的聖地，我這等平民，已經很少去了，尤其是食肆，人滿為患。不過還好有app可以排隊，所以不用排隊。加上去到，才發現這家根本沒有中環、銅鑼灣的盛放，反而隔鄰的鼎泰豐多人幾十倍。不是第一次吃豚王，上次吃完感覺很滯，沒有特別想再去的感覺。不過因為不用排隊，就不妨一試吧。今次吃的是朋友力推的翠王。因為怕肥，所以點了肩肉，另外加了蛋。翠王要93，蛋要17元，一點也不便宜。一看這碗，就知油量十足，又要想辦法減肥了。當然，實情是這個翠王本來就是芝士加橄欖油，沒有油才怪。這個拉麵其實是好吃的，選了我愛偏硬的「生麵」，煙軔十足。芝士的香氣甚濃，混和在湯底也配搭。肩肉，還真的堅硬……木耳，其實也很硬。我最愛的，是這只蛋，很香很香的蛋味。而且溏心程度剛剛好，真的是半生熟！完全不會變鹹蛋，又不會不夠味。就是價錢偏貴（笑）沙田這間的座位比銅鑼灣的好得多，加上有app，不過排隊，可以一來。但老實說，拉麵一碗接近一百不算便宜，而且吃完之後的滯感，比一般拉麵店嚴重。偶爾吃一次還好，真的不能多吃。…查看更多

19.10.2013這天神級拉麫店豚王登錄了沙田新城市廣場了對於我這沙田友來說，實在是喜訊。好多人都係知道豚王人客多，要排隊輪候至街尾今次要介紹不用呆等位的方法:我地download 左新城市廣場的Apps, 可以用手機取票我們在坐車前往新城市廣場時已在手機按定票了重可以request 拉面枱tim!!!Apps可以看到叫到幾多號，重有5位，個apps會提醒你ga~~ 好Happy ga~我地坐車前往時已按定票，一去到就有位了!看看這班呆等的人們?! 嘻嘻其實我們是第一次試豚王，這是會吃上癮的拉麵喔!有四種口味可選，我們叫了豚王及翠王日本街頭拉麵檔的氣息，坐得較迫翠王是加上了羅勒、橄欖油及芝士粉的豚王選擇不多，但大家可選面低、軟硬度及肉的種類這裡的麵條有幼麵和太麵兩種, 我選擇了幼麵，冷生選擇了太麵太麵是較扁平麵, 更具口感, 但掛湯能力傳統細麵較優勝評語:【環境: 3】有點像日本街頭拉麵檔的氣息，中間有數張大長方枱，搭枱是必然的了，而且坐得較迫【服務: 4】新開張的關係，我們下單後，拉麵等成十多分鍾，但他們也有主動向客人解釋及積極熱心服務【味道: 4.5】麵的掛湯度很高，湯底味豚肉味濃，有想喝光光的感覺。肩肉也很腍，但個人覺得比較像火腿的口感，稍為差了點【抵食: 4】好貴a~~$83-$93一個，但也值得一試…查看更多