波士頓餐廳

之後去過灣仔既波士頓餐廳係修頓球場格離不過果頭太多好西食根本有排都唔會輪到去揀佢呢間就1966年開業未夠60年歷史年輕過皇后些少同好多豉油西餐一樣都係樓上雅座地下無人把守以舊式扒房黎講佢地算係比較多裝飾同埋就算武肺已經完左都仲有隔板係唔錯既大部份都係卡位設計舒舒服服亦都唔洗搭檯檯面有免費水可以自斟星期日下午無lunch set或者下午茶普通飯意粉就要加錢廿蚊先有套餐鐵板本身就已經係套餐所以今餐只得一個包同湯個紅湯就辣辣地凍飲就好細杯夏天熱辣辣未上食物都已經飲晒個焗豬比起皇后飯店大碟最緊要係好好好熱熱到辣口果隻上面仲有焦燶面炒飯底豬扒都係有切開無菠羅茄味好濃不過都算自然之後上係好耐都無食過既渣渣聲什扒餐仲係好有儀式感咁叫你拎張紙巾擋住再落汁什扒份量就一定係多有豬有牛仲有雞脾同肉腸煙肉本身有薯條仲有個意粉可以跟lunch黎講雖然係單點夜晚價但真係食到好L飽原本都想試下佢招牌既席前火焰雪山可以睇下侍應推架車仔黎點火但真係食唔落唯有等其他食客order黎睇下算數咁都係同一般舊式扒房價錢差唔多無lunch set係比較貴既焗豬一百雜扒二百因為埋黎收錢所以要加一不過算坐得舒服得閒又可以睇下點火侍應反而有後生仔而唔係果種呼呼喝喝既阿叔阿伯級數檯面有水可以自己斟黎飲都算唔錯咁佢價錢叫做平過皇后飯店都叫坐得舒服雜扒超大份味道唔算難食都叫做正正常常四平八隱係比想像中好既…查看更多

(照片最後帶餐廳特技表演☝🏻)小編飯堂2，今次介紹灣仔經典鐵板餐，重拾80後90後的童年回憶，餐廳環境設計以80-90年代餐廳感覺，窗外霓紅燈招牌充滿時代感，小編身為90後，好似母親大人係我細個帶我去既餐廳。小編因為都成日去食、以下係曾經食過但未能盡錄☝🏻精選牛柳 $179/套餐美式什扒 $169/套餐精選羊扒 $154/套餐精選肉眼扒 $166/套餐(套餐包左餐湯、麵包、餐飲、飯/意粉)照片最後特技的影片是 火焰牛柳 $185/套餐小編第一次食過後就愛上呢間鐵板餐，重拾小時候的感覺，而且餐廳肉的質素都幾高，真係食落去啖啖肉汁，非常Juicy。…查看更多

第一次食，星期日七點半左右等左幾個字有位，唔算耐。上到二樓，環境幾好，一貫嘅扒房暗淡浪漫燈光，整體都乾淨。不過一坐低發覺個位好大風，大風到連枱上面張餐紙都吹到翹起，向侍應求助，一位阿姐好心地幫手閂細左個風，有明顯改善，抵讚。不過一間餐廳空調直吹枱面明顯係會令食物速凍，仲要係賣熱辣嘅鐵板餐，細諗就真係麻麻。閂細左風之後張餐紙係翹起到定左型，可見風力有幾勁。落左單，餐包嚟，熱嘅，下面牛油都半融狀態，唔錯。忌廉湯係粟米忌廉，幾杰，味道係正常水準。之但係，朋友個餐包食到最尾嗰啖食到粒煙頭，直情食到個口有酸味煙味臭味嗰種，即時吐在餐巾上找侍應投訴啦。侍應來到，即時反應係想收走佢，連嗰粒嘢都冇認真睇過係乜嚟，然後表示啲包都係人地交嚟。見佢咁樣就唯有請佢放返低粒煙頭搵經理嚟啦。經理嚟到，落手將粒煙頭撥嚟撥去撥嚟撥去，最後唔好意思都唔多句，剩係收走左粒嘢，話俾過份餐包就算。成個感覺係我地拎粒煙頭出嚟屈佢咁 真係火都嚟，whatsapp已經有朋友話搵食環，朋友太善良話費事搞，咁唯有尊重事主啦。不過我就冇咁大方啦，點都要話下俾人知先得嘅。到主菜嚟，都等左ok耐，不過唔緊要，出晒煙啲油彈到周圍係係要等下嘅，上菜侍應都好細心提醒我地用餐巾紙擋住。但係一擺入口，問題嚟喇，個洋葱干邑雜菌牛柳粒，咸到飽和，仲要係用梳打粉夾硬乸到冧嗰種質地，差啲以為食緊茶餐廳牛肉，唯一分別係厚左啲囉。試左鐵板上面唔同位置左中右三嚿，都係咁咸，唯有放棄。轉攻薯菜諗住食飽就算，點知連薯菜都係咸到飽和，完全唔想食第二嚿。同樣試左唔同位置嘅幾嚿都一樣。唔知係咪因為俾塊扒責住所以整咸埋。食幾嚿是日鈉吸收量已經超晒標。成碟嘢最出色係嚿蕃茄，厚肉，多汁，最重要係，唔咸！係正常味！感動到我呢！個汁、洋葱同磨菇都好食冇問題，平心而論個汁本身味道唔差，有洋葱香之餘唔會滯，所以應該係牛柳粒出事。最後唯有食晒啲配菜算，飯或意粉都冇要。朋友嗰碟雜扒就正常發揮，起碼嚿牛扒正常冇乸過，黑椒汁有香味但唔算辣。唯一好笑係塊鐵板，拱形嘅，仲有散射式嘅裂紋，啲黑椒汁喺兩邊向低窪地區流淌，咁都可以繼續用？真係環保到想頒個獎俾佢最後餐飲冇得加錢轉特飲呢啲就唔講啦，傳統嘢點都有人buy嘅。但我就唔會再嚟囉。好耐冇試過食餐飯食到咁冇癮。當時我㩒緊電話唔係好聽得清楚，事後朋友講返，佢話當時個經理撥完一輪之後仲話唔係煙頭嚟，我朋友話：你睇下，紙嚟個喎！你睇清楚啲！ 最後個經理先拎走左粒嘢，由頭到尾唔好意思都唔多句添。由頭到尾嘅態度係對件事一啲都唔重視。…查看更多

今日約了另一半去我居住的地方西環逛逛，再到西環泳棚打卡，看見殘舊的泳掤, 我的腦海突然想起一間歷史悠久餐廳，相信另一半都會喜歡的我説的就是位於灣仔的波士頓餐廳，1966年已在香港起家, 超過半世紀歷史。我們晚上六點幾來到餐廳正門地下已有數十人等候，還好的，只等了二十分鐘就可以入座。我們被安排坐在窗口位, 可以望見街景，我認為是餐廳最好的座位餐湯我們都選擇羅宋湯, 味道帶點辛辣，勝在湯料都沒有馬虎, 湯亦很香濃。餐包如要挑剔的是不算太熱。我自己就很喜歡吃熱騰騰的麵包，試想想熱騰騰的麵包裡面放了半熔化的牛油不是很？？主角到了，我和另一半都選擇了什扒鐵板餐，上餐的時候服務員有詢問我們要不要意粉或飯, 我們選了意粉, 味道不錯, 吃得出有用牛油煮過，沒有慳功夫主角什扒餐果然沒有令我們失望，先說材料，有牛柳 、豬扒 、雞柳 、煙肉 , 還有肉腸及薯角配菜，每一樣都很美味, 八個字型容這個什扒: 價錢合理，份量十足用餐後感想:餐廳真的很合適在附近如利東街或附近地方逛逛，然後來享受一頓豐富的晚餐，我和另一半很享受這裡的每一刻！…查看更多

同一班朋友行完會展，大家都體力透支，就諗起來据扒。來到門口很多人等位，幸好我們人多，大枱很快就有了。我點了美式什扒—— 有豬、牛、雞、煙肉、腸，每件肉都新鮮好食配上蒜蓉汁，很惹味！餐前例牌有個羅宋或忌廉湯和一個餐包。我選了羅宋湯，太餓忘了拍照 羅宋湯唔係間間都好味，有些很酸什至很咸，這裡的羅宋湯酸酸甜很開胃！由於我太貪心想咩都食啲要左呢份什扒，講究啲就點火焰牛柳或肉眼吧。朋友點的燒春雞好鞋。。好難食到難食的燒春雞，呢度做到了。…查看更多

N年前，爸爸與媽媽約會總會到此餐廳；家庭日也總會與我們到此餐廳。波士頓餐廳像與我們成長，而我們也見證著這餐廳的改變。今天，與父母一同到這裡午餐。我們點了...精選牛柳$172（3款中，大家覺得最好味是它）厚切西冷扒$172美式什扒$165…查看更多

細個屋企人成日帶我黎食，今次黎到已經裝修到唔同晒。之前食開知成日都要等好耐，今次突登早啲去，6點鬆啲就到左，唔洗等坐低左之後比枱邊啲污積整污糟左件衫即刻叫個侍應抹番佢，佢都好細心咁濕左d紙巾比我抹 足料羅宋湯跟餐包 -精選肉眼扒5成熟($148)配蒜蓉汁，個肉眼好腍好好食，一啲都唔痴牙，又大塊，好正-美式什扒餐($148)比較普通但勝在份量多，好足料，有豬扒，牛扒，雞腿，煙肉同腸仔跟鐵板仲有得揀飯或者意粉，識揀意粉加茄汁，係細個既味道…查看更多