神石燒牛扒水產專門店 (如心廣場二期)

周末在家偷懶了一天，決定和先生經海旁散步到荃灣西，順便食埋晚飯再回家。先生想食牛扒，而我想食羊扒.... 🤓經過如心廣場二期『神石燒』，發現除可單點外，竟然有包括豬，牛，羊，海鮮的二人套餐，價錢仲要唔貴。$525 就有A5 和牛， 極黑豚，頂級羊扒， 安格斯同海鮮，好開心我們選了「日本佐賀和牛二人前」$525日本佐賀A5黑毛和牛100g美國極黑豚200g美洲頂級羊扒120g美國黑安格斯牛膈肌200g北海道珍寶帶子2 隻日本清酒煮蜆好多野食呀～～～～～～～🤹‍♀️🤹‍♀️除了A5 和牛吸引外，店內仲可以免費無限添加白飯，日式麵豉湯，微辣韓式泡菜牛肉湯， 薯仔沙律和芝麻醬蔬菜沙律，性價比極高。最先上枱有極黑豚，頂級羊扒同安格斯牛膈肌，全部都已預先煎至半熟， 切小塊煎一陣，就食得，非常方便。仲有北海道帶子同清酒煮蜆，好豐富呀 ！！！接著上枱的是「日本鹿兒島A5和牛肉眼」， 一樣好靚～～「鹿兒島A5和牛肉眼」色澤鮮紅，油花豐富，放在熱石上輕煎幾秒就食得，入口牛味不算太濃，勝在肉質超級軟淋。食羊扒最怕羊騷味重同肉質好韌，這款「美洲頂級羊扒」煎好入口香噴噴，肉質柔軟又美味，基乎無羊騷味，不愧為頂級羊扒。先生最中意食牛，這塊「美國黑安格斯牛膈肌」正合他意，面層煎得金黃的牛膈肌放到熱石煎一煎，剛好就是5 成熟，牛肉味道濃厚，而且肉汁豐盈，絕對出色。一直鐘情SRF極黑牛，估唔到SRF 「美國極黑毛豬」，同樣有水準，豬扒較為厚身，但唔會韌，肉味同質感都優等。由於我中意食較熟的肉肉，所以我的部份，都切得細細，方便掌控熟成度，沾上餐廳提供的岩鹽， 生薑燒汁後，送飯食真係一流，熱石即燒即食，好香口。原本只係散步順便晚餐，但估唔到都俾到我大大的驚喜，整個二人餐除清酒煮蜆味道較為普通外，豬牛羊都很出色，而且麵豉湯和泡菜牛肉湯任飲，食完真係好滿足，下次再試另外2 款套餐。神石燒牛扒水產專門店 (如心廣場)荃灣大河道98號如心廣場二期2樓206號舖🌙月光太太…查看更多

今晚突然間好想食牛扒，咁一於揀間可以自己煮既餐廳揀呢間餐廳嘅其中一個原因係呢度保證實食得飽，呢啲全部都係喺自助吧度拎既，有薯仔沙律、泡菜牛肉湯、麵豉湯、沙律菜、白飯任裝，最正就係白飯上面嗰啲紫菜，鹹鹹地，又卜卜脆，餸飯一流，我仲拎左勁多黎餸飯講下今晚食咩先，我同朋友一齊嗌左個set$525，咁就唔使煩，咩都有得試下首先呢款和牛一共有8塊，我係塊鐵板輕輕掃上一層油，咁就可以開始燒啦其實和牛好快熟，每邊煎一分鐘就可以食一塊入口即溶既和牛就完成啦個set另外仲有以下食物因為燒非牛肉既肉類關係，都要慢慢燒熟佢，所以中間都換左幾塊鐵板，真係麻煩哂餐廳職員唔知係咪自己燒既關係，肉質鮮嫩，真係覺得寧捨好食，有好大既成功感…查看更多

突然想食燒肉，但又想簡單一點，於是便想到之前也有光顧過的神石燒，最初打算和太太一人一份牛肉套餐位置（10/10）：餐廳旁有扶手電梯通往去海之戀及荃灣西站的天橋，步行只需1-2分鐘環境（8/10）：餐廳裝修簡約，抽風系統好；用上金屬枱方便清潔油漬，感覺比較乾淨服務（8/10）：下單是用自動售賣機，不明白時侍應會主動幫忙處理，下單後需要等侍應安排座位。用餐期間要求侍應換熱石也很有禮貌及快速食物（9/10）：以往食一人牛肉餐只覺實惠，而這一次太太大方選了比較貴的二人套餐，才知道原來餐廳食物也有這麼高質日本A5佐賀和牛二人前套餐 $525套餐包括以下六種食物：日本A5佐賀黑毛和牛100g幾片A5和牛品質高，肉色鮮紅，油脂分佈平均，燒過後油香十足，有入口即融的口感，但牛肉味較少美國極黑豚200g侍應說是用上美國SRF極黑豚，上碟時已半熟，燒香後豬肉味濃，而且肉質嫩滑，一點也不韌美洲頂級羊扒120g羊架有兩件，同樣新鮮肉嫩，燒完有陣陣羊的香味，啖啖肉而不會羶美國黑安格斯牛膈肌200g很大塊的牛膈肌肉，要自行用刀叉切成細片來燒，切出來意想不到的多，很香濃的牛肉味，卻同時鮮嫩多汁，非常適合用來燒肉北海道珍寶帶子2隻帶子預先煎香一面，可能因此沒有很大隻，輕輕燒熱就可以食，味道夠鮮甜飽滿日式清酒煮蜆清酒味香，蜆肉鮮甜，份量亦有不少免費區可以自取沙律、白飯、麵豉湯及羅宋湯，而且無限添加，更有各式沙律醬及白飯佐料提供，相當著數總括而言，這個套餐非常實惠而且份量十足，食材亦較上乘味道很不錯。加上餐廳位置極方便，環境亦不差，下次肯定會再光顧🌺神石燒牛扒水產專門店🌺地址：荃灣大河道98號如心廣場二期2樓206號舖…查看更多