塚田農場 (已結業)

好耐都冇去過沙田啦估唔到新城市多咗咁多食肆今次就去咗塚田農場聽講佢哋嘅食材 好多都係日本運送過嚟唔止食菜啊 連個裝修都好有日本feel🥰我哋先叫咗一個沖繩唐揚魷魚($58)香脆嘅外皮 結合多汁肉嫩的魷魚酥脆外皮一咬 充滿日式風味😋😋之後叫咗個三文魚親子鹽昆布炒飯($83)我覺得呢一個飯絕對係令我刮目相看因為睇落去材料好簡單 但係味道係一流👍🏻👍🏻絕對推薦大家叫呢一個炒飯食😚最後主角出場啦 我哋叫咗個美人涮鍋要咗澳洲牛肉&豬腩肉 湯底就係壽喜燒 ($460)全部肉圍住個鍋 睇落去真係好靚😍😍當然佢嘅材料都好好味啦 無論牛定豬都好新鮮😝總括嚟講 呢一餐我哋都好滿意😛-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂…查看更多

第一次嚟呢間塚田農場，一入門口就比嗰啲七彩鮮艷嘅蔬菜籃吸引咗，入到去發現地方寬敞，乾淨整潔，而且今晚人又不多，環境安靜舒適。呢度都有幾款招牌鍋，亦有套餐可選，不過店員有介紹剛剛今日更新了餐牌，有些新菜式，也想試試看，所以最後散叫了一個美人鍋（二人用 $360 ）、牛肉時雨煮框飯（ $45 ）和鰻魚忌廉芝士美人卷（ $42 ）。美人鍋有一大盤蔬菜加幾件雞和肉丸，重點是日本空運到港的黃金骨膠原雞湯，真是非常濃郁的雞味，亦好飲！記得落材料之前飲番碗先！另外蔬菜籃款式多，而且非常新鮮，雞件本身已經煮過，所以在煲內略煮翻熱就可以進食，鮮味滑嫩，正！至於牛肉時雨煮框飯，份量唔多，配合埋美人鍋就感覺剛剛好，飯係白米和糯米混合煮成，口感煙韌，相當特別。仲有啲蛋絲、蘿蔔絲和牛肉配合，味道不錯。鰻魚忌廉美人卷都好食，米紙包住鰻魚、蔬菜和芝士，有特色之餘又好味！…查看更多

小妹終於復工了下班後跟TT去吃頓晚餐～想著之前經常說想試塚田農場就去試吧但今次沒有優惠才去試真的很貴門面挺漂亮的，而且可以看到廚師們在準備美人鍋，看起來很吸引反正單點也不便宜，所以決定叫套餐但原來套餐美人鍋是沒有包肉類的最後要多加$168澳洲牛肉亦沒有包飲料...（見人見智～看地段看食材）（就算物有所值，小妹這些平凡人還是吃一次就夠了看到價錢都怕！最主要是因為份量不多）先來的是前菜《三文魚牛油果美人卷》，這個真的好吃！薄薄的米紙包著豐富的餡料果然是黃金骨膠原雞湯～上桌的時候還是啫喱狀～加熱慢慢融入醬油小妹又試嘗過美人湯的湯底，呱～果然滿滿的骨膠原很濃的雞湯原本如果沒有點牛肉的話就只有前面這一盤以蔬菜為主的拼盤想必一定不夠前面兩支是雞肉滑，還挺好吃的！紫色一片片的原本以為是紫蕃薯片，原來是醃製過的蘿蔔片很好吃！還好TT喜歡吃蔥類～否則應該整盤都要浪費掉了小妹看到加了$168的澳洲牛肉後突然很心痛被只有三塊牛肉片嚇了一下幸好原來每塊牛肉片是重疊的，即是有六片還是比預期中的少...店員教小妹把牛肉片涮熟後沾溫泉蛋吃其實這些澳洲牛肉的紋理很漂亮而且就算沾了溫泉蛋吃依然不會覆蓋本身的牛肉味而且牛肉的肉質很冧滑超好吃～頓時沒有太心痛吃到滿滿的碗～但真的只是得一碗溫泉蛋超正！套餐還有三款刺身～三文魚及帶子很新鮮最後還有抹茶朱古力石鍋雪糕配芝士蛋糕抹茶雪糕非常濃郁上面的芝士蛋糕亦是非常重芝士味哇～看到單據不得了$826....二人自助餐的價錢雖然這間餐廳的食材很新鮮，而且味道都很好！但是始終份量是少了一些小妹這種平凡人試了一次就很足夠了:)…查看更多

2年前慶祝朋友生日，食過位於尖沙咀的塚田，佢既美人鍋令人回味，所以今晚就同友人一齊去左沙田果間再食下。這間分店跟尖沙咀不同的地方，就是門口位置已經見到開房式廚房入面放著美人鍋的火鍋配料，顏色奪目，吸引不少行過的途人停留。餐牌太多款式可以選擇，最後還是點了一個套餐。Bijin Combo ($598)，呢個美人鍋餐都幾抵，除左有鍋物之外，仲有美人卷、刺身、烏冬同埋甜品，另外加錢仲有飲品呢!三文魚牛油果美人卷，呢款美人卷其實外面就像越南米卷的外皮，內裡除了有三文魚刺身，還有牛油果、cream cheese同埋蔬菜，幾fresh!三色刺身盛合，包括有吞拿魚、帶子同埋三文魚，這幾款都好新鮮!美人鍋，點了原味的美人鍋，個鍋上的時候是一舊好似啫喱狀的湯底，煮滚口店員會先盛一小碗湯給你試試，然後再會把火鍋配料放入鍋內，淨係睇個樣都覺得好味!個湯非常鮮甜，好好飲。火鍋配料包括有雞、雞丸、菜、蘿蔔、魚腐等。這些配料都好吸收湯的味道，非常惹味!立魚($168)，估唔到立魚打邊爐原來都好好食架!店員介紹我們食是日推介的海鮮，平時立魚刺身就食得多，打邊爐就真係第一次，熟食仍然食到立魚獨有得味道，而且又冇骨!芒果石鍋雪糕新地，這個是套餐的甜品，除了有少許芒果外，還有雲尼拿味雪糕和cheese cake，幾特別!灸燒生薑走地雞($198)，這款雞非常嫩滑juicy，配上生薑汁更加能提起雞肉的鮮味!總括黎講，雖然價錢並唔算便宜，但食物質素高質，而且店員服務都不錯，會主動加湯。值得再次光顧!…查看更多

舊同事相聚揀左沙田新開嘅塚田農場以前係日本試過一次記得啲雞好好味但果陣就係亂指亂點野食嘅今次一行三人6點半左右到，唔洗等位門口姐姐話限時90分鐘:(點左燒枝豆作為前菜味道ok 份量較少再點左美人鍋 升級版套餐 加配 串串 套餐有壽司🍣前菜 份量較少 好細件個湯一定要係加菜之前飲 好鮮甜佢加湯係加美人鍋嘅原湯 唔係普通野 可以飲多啖加完之後係兩碼子嘅事 差太遠雞件都好好食 只有5-6件 份量好少因為唔夠飽 加左個雞炒飯 好味 但比較油呢度份量都較少食量少嘅女生先夠食可以請職員幫手放食材賣相會靚啲…查看更多

今日放工諗住約姊妹去沙田掃貨，去到先知原來大特價未開始，只有部份貨品有優惠，空手而回，好失望，唯有去食餐好開心返。喺商場行咗一個圈，最後決定去試一試「塚田農場」。黎得呢度，當然要食招牌菜「美人鍋」，餐廳依家做緊8折優惠，＄592 就食到美人combo套餐，除咗美人鍋，仲包括有雞尾酒、生春卷、壽司同甜品，非常豐富，望到心情都已經好返！生春卷好有越南風味，係用米紙包住d蔬菜同海鮮，我地要左三文魚牛油果美人卷同鰻魚忌廉芝士美人卷。三文魚牛油果美人卷餡料豐富，除左d青瓜絲，仲有軟腍嘅牛油果，爽腍口感同時擁有，有趣！至於鰻魚忌廉芝士美人卷就味道比較濃郁，芝士配米香，又係另一番風味。美人鍋係呢度名菜，聽講店舖標榜食材健康同新鮮為主，雞隻同湯底都由日本直送。一黎到當然飲個湯先，果然名不虛傳，非常creamy，雞味濃郁，膠質感重，完全感受到骨膠原嗰種厚實口感，好滿足。配上各式各樣蔬菜同免治雞肉，真係好健康！蔬菜吸收個湯嘅精華，變得非常入味，雖然味濃，但食完唔會口乾，證明真材實料冇味精！壽司細細粒，非常精緻。帆立貝玉子壽司卷味道清新，玉子甜味帶出帆立貝鮮味，至於海老天婦羅脆脆卷都做得唔錯，蝦炸得夠脆，蝦肉爽口。兩杯彷雞味酒都以果味為主軸，菜乃花以柚味主導，楓就係苺味，兩杯個味都係酸酸甜甜，岩晒飯後清一清個油感。甜品係杏桃杏仁撻，除左香脆嘅杏桃撻之外，上面仲配埋雲妮拿雪糕，酸酸甜甜，為晚餐畫上完美句號。Overall，食物質素都好新鮮，美人鍋鮮味十足又豐富，fusion 米紙卷同壽司口味亦佳，服務都好好，會再黎試其他口味美人鍋！…查看更多

今日臨放工收到死黨whatsapp約我去沙田話有筍嘢執，反正夜晚無約人梗係唔執輸啦，見面後才知道這個超喜歡shopping的朋友想趁著一田大減價去掃化妝品，但今次佢真係老貓燒鬚，搞錯日期，現在只有部分貨品做優惠，真正大優惠要等22/11才開始呀！兩個人未能滿足購物慾，有點失望，就決定食餐好嘅嚟平衡番心情，落到新城市廣場最底層食肆林立嘅一樓，巡視一周後，就揀咗呢間來自日本宮崎縣的人氣居酒屋「塚田農場」。聽講店舖食材理念以健康及新鮮為主，在日本擁有自家農場，所有雞隻都是由日本空運到香港。這裏的招牌菜是「美人鍋」，我地就選了一個做緊八折優惠的＄592 美人combo套餐，包括有雞尾酒、生春卷、美人鍋、壽司及甜品，睇落好豐富啊！首先係生春卷，我地叫左三文魚牛油果美人卷配鰻魚忌廉芝士美人卷。呢個生春卷係用左越南米紙包住，裏面夾住醃蘿蔔同生菜。三文魚牛油果美人卷食落幾鮮味，牛油果軟滑同蔬菜爽脆配合，幾有層次。鰻魚忌廉芝士美人卷，鰻魚唔會腥，芝士配合又幾夾，食落creamy口感。之後就到主角美人鍋，呢個湯底好特別，雪成一大粒骨膠原啫喱咁放入鍋煮返開。店員話佢係用左大量雞骨熬制而成，日本空運到港架！飲落認真不得了，好有膠質，骨膠原豐富呀！好似飲左好多隻雞嘅精華落肚，好養顏。配料方面，除左新鮮雞件之外，仲有一堆蔬菜同手製免治雞肉（七味粉、芝麻），配料都好新鮮，落個湯到一齊煮，好入味，吸收埋個湯d精華，好豐富呀。之後壽司我地揀左帆立貝玉子壽司卷同海老天婦羅脆脆卷。比較欣賞係帆立貝玉子壽司卷，賣相已經滿分，非常colorful，食落都好鮮味。飲品方面，我地叫左菜乃花 Nanoka 同楓 Kaede。菜乃花柚子味比較重，幾清新。楓就甜甜酸酸，雜莓味比較重，我個人幾鐘意！最後係甜品杏桃杏仁撻，杏仁撻焗得幾香脆，雖然杏桃有d酸，但食返啖雪糕，甜甜地，又幾balance。總括而言，真材實料嘅美人鍋，味道不俗，環境亦舒適，食完覺得補充左骨膠原咁，好滿足！…查看更多

塚田農場源自宮崎, 係日本有超過200間分店, 香港暫時只有2間尖沙咀同沙田兩間分店。由於餐廳部分招牌菜係由日本直送, 所以係香港都可以食到來自宮崎嘅原味道,  開業以黎一直深受歡迎。今日趁一田大減價來到沙田, 當然要帶老婆黎食返餐啦。😁我地7點左右到餐廳, 雖然未到晚市繁忙時間, 不過客人已經好多。餐廳裝修走簡約日本風, 黑, 白, 木色嘅配搭, 既富有日式風格, 亦有型格。餐牌圖文並茂而且款式非常多, 當中最吸引當然係日本直送嘅美人鍋啦, 我地兩個人點左一客美人套餐, 套餐包括雞尾酒, 生春卷, 美人鍋, 壽司同埋甜品, 優惠價只係$592, 非常抵食。👍美人套餐 $592套餐的飲品分美人雞尾酒同美人仿雞尾酒, 分別在於仿雞尾酒係不含酒精的。我地揀左兩杯都係不含酒精嘅"菫", 紫色嘅仿雞尾酒, 帶有桂花味同果香, 仲掛有水果, 賣相非常吸引。😍鰻魚忌廉芝士美人卷 三文魚牛油果美人卷美人卷有別於一般卷物, 賣相超級講究, 顏色鮮艷, 令人食慾大增, 呢款日本人氣No.1嘅鰻魚忌廉芝士美人卷, 兩款食物都係味道濃郁, 以米紙包住食, 加上雞蛋同生菜, 味道層次豐富。三文魚牛油果美人卷味道比較清淡, 沾上特製醬汁, 味道清爽。😙美人鍋美人鍋湯底由雞骨烹煮8小時製成, 雞味超濃郁而且骨膠原豐富。大大件骨膠原慢慢溶成鮮濃雞湯, 店員會幫忙放入配料, 配料有日本直送嘅野菜, 豆腐, 蘿蔔同埋宮崎走地雞, 另外仲有手打雞肉滑, 2人份都已經很豐盛。雞肉鮮嫩, 配上吸滿雞湯嘅新鮮野菜, 非常惹味。我地邊食邊喝骨膠原雞湯, 最後喝到一滴到不剩。😆三文魚蟹肉沙律壽司卷 帆立貝玉子壽司卷三文魚油脂豐腴, 配上蟹肉沙律同微微酸嘅壽司飯, 感覺好清新。帆立貝玉子壽司卷外層係薄薄蛋皮, 中間青瓜非常爽脆, 口感豐富。👍甜品由於套餐甜品餡餅缺貨, 所以換左呢款石鍋抹茶朱古力雪糕配芝士蛋糕, 食埋呢款甜品, 呢餐超級滿足。😍…查看更多

美人鍋(2人前) @塚田農場今次係第一次食呢間嚟自九洲宮崎既日本餐廳係日本 新加坡 印尼擁有百多間分店香港首家分店位於海港城而今次食既位於沙田新城市廣場塚田農場係致力打破男性主導聚餐酒館既文化而佢主打美人鍋 加入好多女性美顏既食物部份食物更加由農場直接購入特別係日本走地雞🐔美人鍋究竟係乜東東呢？其實意即係湯底蘊含豐富骨膠原 食完會變美人咁話🤤而且佢呢個鍋仲有其他湯底美人蕃茄鍋、美人辛辣鍋、美人三文魚莞茜鍋等等第一次食梗係食返個原汁原味既"美人鍋"先啦佢個鍋仲配有幾件新鮮雞件 彩色蔬菜同埋2條唔同口味既雞肉滑（七味粉&芝麻口味）而且會有人幫你將啲配料擺得靚靚咁放入個鍋到等你慢慢享用以呢個價錢$380 2位享用既話其實都唔錯蔬菜新鮮同雞肉都幾滑下亦有貼心地提供3種唔同既汁比你沾雞食分別有韮菜、洋蔥同麻醬佢仲可以另外加配白飯同蛋合共$25咁就一定唔怕唔夠飽啦🤪而我地仲額外叫多咗個鰻魚忌廉芝士壽司卷$98呢個反而無乜驚喜 普普通通 不過其實呢間嘢仲有其他嘢可以叫既例如冷盤有枝豆,紫菜牛油果熱盤有梳乎里玉子燒,炸粟米塔仲有飯&麵 其實都幾多選擇下次幫襯就可以一次過試晒啦🤤…查看更多

美人鍋(超濃雞湯湯底)Sake🍶食物非常新鮮、等候時間不夠5分鐘 食物就送上鍋上濃湯未加熱已經聞到陣陣雞味(期待期待)準備好了嘩好豐富非常濃烈嘅雞香！未開始吃肉前、店員會先倒一碗雞湯給我們飲第一啖 很健康的味道 是濃濃的 不油膩的雞湯廣島蠔新鮮新鮮、每一隻都很肥美、經過3-4分鐘左右煮熟後、仍然大大隻味道濃郁𩶘魚賣相已經值回票價❤️兩個字-新鮮- 本人覺得落鍋後1-2分鐘左右就食得。這樣 最嫩 最保留鮮味。(好味到停不了口)本地嫩雞分返開雞胸 雞柳🐔有啖啖檸檬香 新鮮嫩滑...記得 煮的時間不要太久、避免肉質失去水分、變得太硬:)所有店員非常有禮貌☺️細心解釋清楚每款食物、如何食才最好不厭其煩地幫助我地確確實實是良好服務態度刺身5色盛合我最愛的刺身有5款不同新鮮刺身。味嘗後齒頰留香很想一食再食！我們還品嚐其他美食同美酒~鰻魚忌廉芝士美人卷、美人鍋可追加拉麵/烏冬、至愛的chardonnay 感謝朋友介紹 平常試開放題/自助餐的朋友、可以值得一試這間不平凡的餐廳！保證有驚喜…查看更多

是日友人生日，買埋蛋糕同朋友黎到依間新開既塚田農場，餐牌種類不多，但每道菜擺放都好別緻，拍得住喺日本既餐廳，本來想喺餐廳切埋蛋糕，一問之下，切餅費要成$150（喂～我個蛋糕都係兩舊幾姐，唔洗咁貴呀麻？）仲要佢地個雪櫃放滿野，冇得同我雪蛋糕，姐係明叫我唔好喺到食， 高招！…查看更多

今日又去試新野，lunch時間去到大概1300都唔洗等位。 去到緊係要試下個美人鍋啦，揀左個最平既試試伏先（之前中得太多伏）🙈 行過見到個炭爐，決定叫多個炭火燒雞！ 先黎左個湯底，成舊jelly咁上枱，溶得好快，好黏好稠身！湯底溶左7成，美人鍋既食材都黎啦！擺碟好整齊，枱枱既擺位都一樣，疏菜望落好新鮮，雖然個鍋二人用姐，都唔洗款款菜得個兩條呀ma... 等湯底完全溶哂，有職員會黎serve你。先係一人一碗湯底試試味先，好香雞骨味好黏口，飲落似係加左小小味精，但相信都落左唔少心機去煲。 職員再幫我地整齊咁將所有材料擺放係煲中，先係用湯浸住d半生既雞，再將疏菜擺面，一d都唔馬虎，值得欣賞未食已經有驚人發現... D雞附送雞毛一條...之後食食下發現兩三舊都有... 講下個味道先，個雞同白切雞冇分別，唔會有特別香或者咩感覺，好普通... d菜樣樣都好新鮮食落香甜，但職員冇特別介紹d菜，所以都唔知咩黎。 成個美人鍋最欣賞既係個湯底，相信加個飯變泡飯會唔錯（我地試左個拉麵，唔QQ，可以不試） 個炭火雞好香！侍應會即時刨山葵，望落好硬身，侍應都好用力刨。 食落個雞好juicy有淡淡既炭味，加上山葵香味（但唔辣既）好好味！值得推介！呢到其中兩個職員係講日文，上菜擺碟都好細心，有置身於日本既感覺，但食物質素都係香港既貨色... 溫馨提示：帶外來飲品係要收費嫁，仲捉得好嚴，當日有兩枱都帶左台式飲品入黎，職員都幫佢地dump左。🙈…查看更多

新開餐廳。試新野週六早上12:00.......仲有好多坐位1）環境：卡位四人坐，都好鬆動，舒適 有一半坐住卡位，清靜舒服2） 服務： 日式餐廳，服務高質，有禮貌，回應都好快。主動倒水，放碟....3） 味道 ： 》豬肉飯團🍙 - $38。濃味醬汁，合格》 美人鍋 -$380 +$15 拉面 🍜 湯底滿分， 好濃好膠質，夠清甜，可能清湯、香味沒有很突出......清飲都已經 好正。 配 小雞🐤 雞肉丸 兩條，一些豆腐菜 店員主動幫忙放入鍋中......菜吸收 湯味，超甜 ，雞件一般，沒有雞香，反而雞肉丸 好味點，調味幾香》 甜品 兩樣： 但超乎想像的.....細碟😑😑 朱古力咁細既size 味道一般，試一次就夠4） 性價比 ： 一般。 美人鍋好食，其他炒飯，壽司，甜品 都很精美......份量異常地少可以一試。但大食既朋友仔，請打底先好去😂…查看更多

一間很昂貴的餐廳，每位消費起碼要200元以上，只能坐90分鐘的。知道新城市廣場的食鋪，鋪租比較貴，所以要做多一轉的服務。我和媽媽2人，在5點30分便到達餐廳，這麼早，當然可以坐卡位啦！細心看餐牌，美人鍋都要380元，給2人份量，如果要牛肉美人鍋，就要580元，根本不值這價錢。因為份量很少，蔬菜量也很少。只是牛肉質素，選用較優質的外國貨，值得嘗試。壽司份量又超精緻兼細件，完全不值。食物份量，基本上我覺得只可以為適合2個女仕的份量。梳乎厘玉子燒，又不是一個很美味的，像蒸水蛋的，沒有驚喜。說真一句，當餐廳有蒼蠅飛過，又可能近路面，說真不能接受。希望餐廳多改善~餐廳職員，只懂行行企企，不懂服務。:( 希望餐廳職員，多多改進。…查看更多