見見面 (琉璃街)

🐟見見面🐟位於天后的一間酸菜魚、烤魚、雞煲、火鍋於一身的四川店舖。走進去後便會發現有種似層熟悉的感覺，如果你之前也有試過在內地去一些酒家吃過小菜，就是那種感覺！衞生不錯，有茶水供洗碗碟。亦都用左QR code點餐，咁就唔怕同餐牌有接觸啦。餐廳選擇幾多，但見到食評推介一般都係酸菜魚、辣子雞，所以都試試佢，另外再叫左炸曼頭和紅糖糍粑：🐟酸菜魚（生魚）$188:點菜時見到可選少油少鹽，即刻試試，又真係少油少咸喎！魚款有兩種（生魚、桂花魚），因為桂花魚要+100所以食左個生魚。佢絕對唔係包裝魚，有兩、三件背骨比你睇下，其他魚塊亦食得出魚的口感，唔會太滑捋捋。🐥飄香辣子雞$143:辣子雞分左兩款，一款有骨，一款無骨。平時少食無骨又試試佢。的確叫小辣係同譚記的五小差不多，重點係個麻都幾出色，食到麻味，但唔會維持到你食完返屋企。女生可能幾喜歡！🥖炸饅頭6件$38；平時街食既饅頭要食4-5啖先搞掂，呢間1-2啖就ko, 方便之餘可以等你解解辣。紅糖糍粑$38:暫時食過最solid，最煙韌的。可能紅糖不算太有特色，但糍粑的確出色。有青島，藍妹等等酒水。味道：🦙🦙🦙🦙🦙/5環境：🦙🦙🦙🦙/5推薦：🦙🦙🦙🦙/5抵食：🦙🦙🦙🦙/5…查看更多

酸菜桂花魚桂花魚比生魚貴不過值得，魚肉真係好滑🥺小編食過唔少酸菜魚，暫時呢度算得上頭三👍🏻做到酸度適中，食得出淡淡檸檬香(直頭見到檸檬片)，絕對唔係單純靠酸菜煮出酸味！口水雞（半隻）勁大碟orz 明明只係叫例牌，但眼前滿滿都係雞😂😂😂肉質結實有雞味，配料份量足，好抵食！乾煸四季豆常見川菜之一，呢度都整得正正常常，肉粒調味合宜唔會話過鹹過濃，四季豆爽甜，正🥰紅糖糍粑😍😍😍第一次食，咬落煙澀，好驚喜😇沾少少紅糖汁又幾夾喎。…查看更多

星期五晚偷懶唔煮飯，同老公去食佢鍾意既酸菜魚。酸菜桂花魚 (生魚)揀左少辣少麻少油，鍾意呢間連油都可以揀少油，辣度我接受到，條脷食到麻麻地，生魚夠嫩滑，基本上無骨，份量亦好多，啖啖肉，爽。辣子田雞揀左少辣少麻少油，炸得好香脆，十分惹味。夾沙肉揀左少油，我地第一次食，底層係糯米同紅豆沙餡，鋪住肥豬肉同砂糖，口感黏稠，好特別又幾好食。四川擔擔麵揀左中辣多麻，湯底十分濃郁，湯汁非常掛到啲麵，花生味都好出，香港數一數二好食既擔擔麵，十分滿意。紅糖糍粑有12條甘多，紅糖醬另上，糍粑好軟糯，外皮夠脆，好食。叫左支竹蔗茅根下火。…查看更多

之前試過九龍城果間，咁啱見到大坑開咗分店，就book左試吓同九龍城果間有冇分別，大坑呢間水準都好好。酸菜魚好味，魚肉好滑，湯唔太油，可以飲，不過如果再酸d就好啦。口水雞雞肉係普通質素既雞，精彩既係個汁，超好味，食到停唔到口仲叫左孜然牛肉同擔擔麵擔擔麵條煮得啱啱好，湯好香，濃度適中，唔太辣，令人一口接一口。孜然牛肉，孜然粉太多，呢道餸我一般。紅糖糍粑超好味，外面炸到脆脆，裡面煙煙靭靭，再配上甜甜既紅糖汁，好幸福🥰係呢餐晚飯完美既收結。3個人食，每人$200蚊到，好抵。…查看更多