小富臨

上次同姊妹兩人來, 今次我們一家四口來,  可以食多D 野啦, 阿囝自己一人想食一碟"紅菜頭鹹魚雞粒炒飯" , 但份量大, 所以share 了比我和囡, 很好味喎, 原來加了紅菜頭炒, 可以中和了鹹魚的鹹味,  粉紅亦很美, 將來我們在家也可以用紅菜頭炒飯。老公獨食"木桶鳳爪排骨飯", 好大, 佢話食極都唔見底。我同囡share "鴻圖超脆面", "有雞先定有蛋先" 及 "雪山熊仔 (榴槤味)" 真係飽到呢 !  首先, 我最喜歡榴槤, 而依個雪山熊仔的餡是滿滿的榴槤蓉, 一入口, 滿是榴槤香, 好開心, 出面一般的榴槤甜品都無咁多餡。而有雞先定有蛋先, 其實是鹹水角及芒果布丁,  鹹水角熱熱的上來, 不是番熱的,  我囡話布丁太似生雞蛋, 一路食一路好驚。鴻圖超脆面上桌時, 我以謂來錯了, 心中一直想是一碟面樣, 怎麼面也可以一圈圈上, 多特別, 味道也相當唔錯。茶錢每人HK$ 8, 比很多傳統酒樓平宜, 值得Encore …查看更多

V Walk商場雖然不大，但勝在方便，位於西鐵南昌站商場內有各種的商店、食肆、超市和其他，我們就逛逛👀👀看過電影後，決定光顧「小富臨」，我們喜歡早些吃，皆因不用排隊、不需和人逼、又可選枱坐1.古法乳鴿$29.8，沒想到會這麼好味，皮脆肉嫩又juice😋👍🏼，實在吃得滋味，不愧是人氣之選，推介2.紅菜頭鹹魚雞粒炒飯$88，很有創意的炒飯，既美觀又好吃，鹹魚的份量剛好，惹味得令人越吃越想吃😋👍🏼，推介3.醉雞$48，酒味頗重，雞肉不滑，也不太嚡，只可說中規中矩。沒辦法，要看當時貨源的質量，希望下次會好些4.花生苗紫金醬炒蟶子皇(4隻)$158，醬料太濃，偏鹹，和微辣；不喜好花生苗，因有草青味，花生苗的條狀身是爽的，苗頭是花生，質感也當然像花生…查看更多

一早已經聽聞南昌西鐵站有個新既商場 :: V Walk 有勁多店, 仲有戲院!! 特登約埋朋友黎參觀下~~ 係勁新淨勁多野睇既一個商場!!! 行到累累地.. 就睇下有咩食, 離遠見到呢間小富臨門口 勁多人, 又好多慶祝新開張既花牌~~ 就決定要試下佢 !! (主要原因都係因為我真係好鐘意食中菜 🥢) 食物款將傳統菜加入創新元素, 好多都好吸引!! 晚餐一定要叫起碼一款飽肚野~ 我地就揀左賣相好吸引既 紅菜頭鹹魚雞粒炒飯 $88 紅色飯粒 原來係可以咁靚 ! 仲要堆成金字塔形狀~~ 紅色係因為加左紅菜頭, 正~ (紅菜頭可以抗氧化) 其實紅菜頭味唔重, 食入口都係好似平時既鹹魚雞粒炒飯味道~ 不過呢個好似更加惹味 新張優惠(做到7月31日)有我最愛既 炸乳鴿$29.8 買一送一 !! 雖然唔算好多肉 但性價比極高!! 熱辣辣炸起 外皮香脆 肉質嫩滑, 好正 朋友鐘意食蟶子, 所以揀左個 花生苗紫金醬炒蟶子皇 $158 醬汁有少少辣 但對我黎講係可接受~ 蟶子爽甜 ~ 仲有營養價值高既花生苗拌碟!! 好得意 , size係大過平時D芽菜10倍~ 好耐無食點心既我地… 試左個 五星拼盤 $68 一個大籠 載住5款點心 ~ 一個人食就岩晒😌 有燒賣, 蝦餃, 水晶餃, 小籠包同翡翠餃 ~ 全部味道都唔錯 不過小籠包外皮 略嫌厚左少少, 如果皮薄D會更好 最後 我地仲試埋 薑茸松露鮮龍蝦 $268 龍蝦幾肥美, 肉質彈牙, 而且配上特製既薑茸mix松露 🖤 不過朋友唔鐘意薑茸 我諗可能有唔少人都係咁 如果薑茸松露另上 比客人自己淋上 可能會好D~~ 茶錢 每位$6 餐廳環境很不錯💖 好Trendy既感覺 同埋好欣賞呢度可以食到傳統滋味mix創新元素! 無咁悶 帶埋屋企人黎食都好適合 !!p.s. 我去個晚係星期五黎 真係好多人等位 .. 大家想試既話 建議早少少去 : )…查看更多

南昌新開左個商場V Walk 好多連鎖店都做緊新優惠 行完街就搵地方去食晚飯見到有間小富臨酒樓就入去試吓啦乳鴿 $29.8有優惠乳鴿買一送一 古法炮製我梗係試吓啦 紅燒好夠味道 肉質真係超嫩滑 仲好有肉汁 係「乳」鴿！！💁‍♂️💁‍♂️💁‍♂️💁‍♂️五星拼盤 $68估唔到晚飯都有點心食 蝦餃燒賣各一粒 雖然蝦餃皮唔算好薄 但勝在蝦好爽口彈牙 又大粒 💁‍♀️相比之下 燒賣出色啲 而豆苗餃都唔錯 好香好足料💁‍♂️薑蓉松露蒸龍蝦 $268龍蝦開邊都好大隻 蒸得好稔 配合超濃郁既松露 成個味道好突出 又帶出左龍蝦嘅鮮味💁‍♀️ 松露落得好大方 我仲留咗啲一陣加落炒飯度食 haha💁‍♀️紅菜頭鹹魚雞粒炒飯 $88造型係桃紅色金字塔 賣相夠特別 鹹魚唔會好重 所以食落唔會太咸 💁‍♀️ 有埋紅菜頭成件炒飯都健康啲 飯炒得粒粒分明 份量好多 幾個人食就岩哂💁‍♀️💁‍♂️花生苗炒蟶子皇 $158近期大熱嘅花生苗 電視介紹過唔係好多間餐廳有得食 估唔到小富臨竟然有 口感好爽脆 男朋友話有啲似大豆芽 味道好鮮甜 仲有一陣新鮮田園蔬菜嘅味道 好特別 蟶子皇就炒得好嫩唔會老 辣辣地夠惹味💁‍♀️💁‍♀️…查看更多

適憑星期五晚約左daddy mami食晚飯，佢地係屯門出來，就佢地近近地去左南昌站新開商場Vwalk既小富臨食。新開張第一日人山人海，八點半先有得食，門口仲排緊隊🤭餐廳格局似西餐廳多過中餐，坐得好舒服！🐔 叫化雞 $398 不得了不得了！ 原隻雞醃焗製，新店開張送你黃金槌揼開表面既泥，店員仲會講恭賀說話祝福食客😍肉汁完美保留，超級juicy，肉質嫩滑雖則係醃製，醃料味道唔算太濃，反而突出到雞味👍🏻🉐🉐🉐隻雞都幾大隻，六人份量每日限量九隻，售完即止，好好彩嗌到最後一隻😍 首一百名惠顧既客人仲會得到黃金搥，下次翻黎再嗌叫化雞會有半價🤤😍🦆金屋藏鴿 $38 (新店開張買一送一) 乳鴿唔大隻，得我隻手咁大但烤得好好‼️ 正宗皮脆肉嫩！ 味道岩岩好偏鹹少少！ 推介🉐🉐🉐五星拼盤 $68 共五款招牌點心，包括蝦餃、鮮蝦菜苗餃、燒賣、小籠包同鳳眼餃！小籠包好出色！ 皮唔厚，夾起唔會穿，最重要係多湯!!!!!!!$68 五粒點心係有d貴，但可以一次過試曬五款招牌點心係幾吸引既🤭花生苗紫金醬炒蟶子皇 (4隻) $158全晚最野味同濃味既一個菜🤤紫金醬重口味🤭 送白飯一流！第一次食花生苗，口感同味道都好似大粒版芽菜😂 蟶子皇雖然唔算好大隻但肉質彈牙👍🏻成個菜既配撘唔錯喔！薑蓉松露鮮龍蝦 $268Presentation好靚☺️ 上枱個下都嘩左一聲無expect係中菜廳會有個咁西式既野😂龍蝦肉質唔錯，不過薑蓉略嚴有少少太鹹，蓋過左龍蝦鮮味松露同薑蓉始終一個中式一個西式，味道唔算太夾調味方面可以再改進一下喔紅菜頭鹹魚雞粒炒飯 $88第一次食紅色既炒飯，好靚😍雖然紅菜頭味唔重，但感覺好健康整體味道比一盤鹹魚雞粒炒飯淡身d，但都幾好味喔！飯底一d都唔油👍🏻👍🏻小富臨都係under富臨集團，但成個感覺、路線同menu都好唔同，無得擺婚禮酒席。菜式比較特別，味道都好唔錯，性價比高！推介🉐🉐🉐…查看更多

深水埗V WALK 商場最近開幕，星期五晚去朝聖已經人山人海。V WALK 在西鐵南昌站上蓋，落車不用5分鐘可以到達。商場很長，但只有兩層，而「小富臨」就在商場二樓的一端，很容易找。跟家人吃晚飯除了中菜都很少會吃其他，而「小富臨」是新派中菜廳，主打新派粵菜，家人也會易接受。餐廳裝潢新穎，以金色和暖色作主調，配以現代的幾何圖案設計，時尚也摩登，環境令人溫馨和愉悅。乳鴿因為新開張，乳鴿買一送一，雖很少會點乳鴿吃，但見買一送一便試試看。乳鴿不是原隻上，會一開二，頭也會斬掉，很方便食用。乳鴿皮薄香脆，一邊食一邊肉汁都滴出來，而鴿肉嫩滑不會太鞋，不錯。五星拼盤五星拼盤賣相吸引，五星指蝦餃、燒賣、小籠包、水晶餃、和翡翠餃。用料新鮮，熱辣辣燙口，但通病是皮都厚了一點。薑茸松露鮮龍蝦龍蝦肉已開邊，非常容易挑出，肉質鮮甜彈牙，齒頰生香。配上薑茸松露醬更令龍蝦味道提昇，不過薑茸松露過多，會奪走龍蝦的鮮味，所以加少少調味便可。花生苗紫金醬炒蟶子皇蟶子皇是我很喜歡的食材，蟶子皇很大隻，鮮甜爽滑，一點都不韌。蟶子加辣椒醬，辣椒醬雖然惹味，但也會過份地掩蓋蟶子皇的鮮甜。花生苗非常爽口，加上辣椒醬的香辣也算是不錯的配菜。紅菜頭鹹魚雞粒炒飯紅菜頭的紫紅色很吸睛，令本身平平無奇的鹹魚雞粒炒飯昇級。一上碟，鹹魚的香氣難掩，令人垂涎三尺。而炒飯粒粒分明，每粒米顏色都染上紅菜頭顏色，視覺味覺都滿分。侍應服務態度好，也很禮貌，上菜和反應都快。…查看更多