老街 (西洋菜南街)

今日晏晝經過太子，見好耐冇食過台灣嘢，又想食紅燒牛肉麵，見佢個lunch set平平地，就入咗去試下。入到去見到佢個裝橫用咗好多木，仲有好多台灣嘅景點相。 我地4個人，職員比卡位我地，有啲逼，勉強坐到。我嗌咗個紅燒牛肉麵lunch set（$60），加$8有杯凍桂花冰梅汁。#紅燒牛肉麵佢嘅麵係圓身，寫住係「拉麵」。食落有少少硬身，唔太掛到湯，但都好食嘅。牛肉都比較好食，好腍，又有牛肉香味。牛肉切做長條形，2長2短，呢個價錢都可接受。#凍桂花冰梅汁普通酸梅汁，酸甜度合適，不過冇桂花味。…查看更多

嚟到旺角想食台灣嘢，就嚟咗呢間老街試吓。店面唔算太大，坐嘅時候覺得有少少迫，不過還可以接受。🤨🤨紅燒牛肉麵（$62）🐄湯底幾香牛肉味，不過牛肉偏韌，面嘅質地唔錯，好有咬口，不過份量可以再多少少就好啦鹽酥雞肉操飯🍛（$56)鹽酥雞炸得不錯，上菜時嘅溫度亦係熱辣辣，不過個人覺得賣相可以更好。另外肉操味道偏淡，所以覺得不過不失。食物嘅質素還可以接受，但係週末嘅午市去到呢間餐廳，發現佢哋人手不足，一開始門面剩係得一位店員幫手，點餐亦要等一段時間店員先至可以幫到我哋。因為餐廳唔大，走廊非常集，店員上菜嘅時候可以見到有啲困難😖😖，所以喺我哋用餐嘅時候，亦有一位店員倒瀉其他客人嘅飲品。所以個人覺得服務質素可以提升，餐廳嘅環境亦可以更好。…查看更多

紅燒牛肉麵$60 左右價位，性價比高麪：一係食牛肉麵都非常注重麪條。呢一間麵條非常煙韌，口感好好。牛肉：脂肪與肉一層層，煮得好淋，唔係有咬口嗰種。牛味突出，好香。湯底：唔係好濃，好混濁果種，有陣陣藥材味，味精唔多。香味不是太突出，沒有蓋過其他食材。…查看更多

紅燒牛肉麵 $62鹽酥雞肉燥乾拌麵 $55👍 牛肉好淋，仲研3大舊，性價比高！！👍 湯頭濃郁，麵質都唔會過淋，掛湯不俗👌 鹽酥雞份量都唔少，應該係即叫即炸，所以要等耐少少，調味比較溫和，都幾好食嘅。👌 乾拌麵啲肉燥都幾夠撈哂成碗麵，仲有好多青瓜條 (咁嘅粗度應該唔係絲掛 🙈)，可以無咁膩，幾好。唯一係略嫌太濕，碗底有一定份量嘅湯，有人可能鍾意濕啲嘅，但我叫得“乾”拌麵會希望乾少少。👎 都唔算係扣分點：枱面係無辣椒醬嘅，但我覺得乾拌麵一定要有辣椒醬先好食。當日唔方便問佢攞，所以如果可以俾埋辣椒醬，或者點餐時就可以揀埋辣度就好啦。…查看更多

男朋友和我都喜歡吃台灣食物，果日吾知食咩好就上open rice search太子附近有咩好食，因為男朋友系太子放工系果邊，甘岩見到呢間野賣台灣野加上大家啲食評打都甘好，好似好吸引，於是打算去食。但其實當我地去到餐廳門口望到好似好普通都吾系甘想入去，但吾想唸食咩所以唸住試下都無仿。食左一次試過就好了，已經吾想再去食多次。有好多台灣餐廳都比佢更好吃。同埋應該有位餐廳員工系新人泥，我地落單果陣佢明明double comfirm都系岩既，張單出左果陣佢話睇下有無錯，我地平時都吾睇點知一睇就睇到真系落錯左碗麵，甘我地即刻改番都無事既，點知我杯飲杯都落少左野，因為我想飲胚芽珍珠但佢無所以我只好叫胚芽奶茶再加珍珠，點知佢無加珍珠比我見佢系新人就算拉吾話佢了，同埋男朋友飲珍珠奶茶都有珍珠食佢果啲好了。吾系話佢服務吾好，但我覺得可以細心啲會更好。…查看更多

近年台式餐廳開得愈嚟愈多，身邊好多成日去台灣既朋友周不時就要食返啲台灣嘢嚟感受下家鄉既味道，今次朋友就帶我嚟呢間「老街」。成間餐廳都係有一啲民國時代既裝修，好有台灣既感覺。我叫咗個夜市小香腸滷肉便當($52)，滷肉飯入面都幾多汁同上面幾多料，唔會太乾，所以個飯都食到好多，腸仔係台式腸，好有口感。紅燒牛肉麵($60)，湯汁都幾濃，而牛腩都幾爽口，唔太「銀」。再叫咗兩個小食，酥脆鹽酥雞($32)，幾鍾意佢個皮唔太厚，有時食鹽酥雞會剩係食到層皮，唔太食到啲雞肉，但佢呢間就相反，雞肉味係會大過出面層皮。酥炸花枝丸($28)，鹽酥味都幾重，好食！苿莉綠茶同檸檬綠茶，好解渴呀！…查看更多

今日放咗工就同同事黎到太子，好耐無食台灣菜，今日終於有機會啦！這間位於太子的老街，地方都幾大、舒服坐位、光線明亮又有特別籠形的燈飾、設計懷舊又簡單！台灣歌播放著，增添如在台灣的感覺我們叫了紅燒牛肉麵、蒜香豬軟骨便當、台式炸豆腐拼鹽酥雞、滷味切豬耳紅燒牛肉真係好香好軟好滑，有少少牛筋的，一層一層；麵條好有口感，份量多又大；有青綠蔬菜，健康爽脆；湯汁好香不會咸，濃郁美味蒜香豬軟骨好有口感又軟軟的肉質，好多塊；配上爽爽的蘿蔔乾、半隻滷蛋、健康香甜粟米鹽酥雞好多塊，大大粒，好多雞肉、不油膩皮不太厚又不會太燶，好香酥又啖啖肉炸豆腐外脆內軟，外皮好薄，好香又熱辣辣，配上甜甜辣辣的醬汁，好夾又大塊滷味切豬耳好爽脆，好香好有口感又好入味配上芝麻香味，正跟餐加$12可配特飲，熱芋香奶茶及凍荔枝QQ紅茶。芋香奶茶好香好滑又不會太甜、芋香味濃；荔枝QQ紅茶有口感，有好多珍珠及QQ粒粒，荔枝紅茶也是不太甜而且夠凍！…查看更多

前陣子去完台灣玩左轉, 番到黎香港始終都對台灣美食念念不忘, 上網 Search Search 台式食店, 大多數都係大集團經營, 終於都搵到呢間擬似新開嘅小店, 一於就去試下｡餐廳唔算好大, 但座位都幾多｡ 店內裝修都好特別,  牆上貼滿懷舊台式產品 Posters 望望餐牌, 俾佢封面碗牛肉麵吸引住 價錢算合理, 食物款式非常多｡紅燒牛肉麵湯底有淡淡嘅牛肉香, 味道雖然唔係好濃, 但勝在夠清, 應該係冇落味精 個麵嘅軟硬度煮得啱啱好, 好有咬口｡ 牛肉已經炆到非常淋身, 牛味好重 炸豆腐拼鹽酥雞食台式食物又點可以唔叫鹽酥雞呢 鹽酥雞細細粒, 炸到夠算脆身香口, 雞肉唔會好乾 炸豆腐外脆內滑, 配上少少甜酸汁一齊食, 非常匹配｡五味小茄子茄子面頭放左大量木魚碎, 連埋醬汁 & 木魚食, 味道都幾特別, 而且好開胃 珍珠奶茶跟餐 +$13 , 珍珠微 Q 彈, 冇咩黑糖味｡ 奶茶偏重奶味, 如果茶味再濃厚 D 會更好 …查看更多