媽咪雞蛋仔 (已搬遷)

銅鑼灣希雲街開咗好多間大大小小嘅餐廳，呢間小食店應該都係其中一間比較出名嘅，就係大名鼎鼎嘅媽咪雞蛋仔。➡️ 粒粒朱古力雞蛋仔 ($25)同平時食開嗰啲嘅雞蛋仔唔同，平時嗰啲係溝咗啲朱古力醬落去蛋漿黎整，但係呢度嘅就用左一粒粒嘅朱古力，仲要食每粒雞蛋仔都會食到有，雖然有少少太甜，但鍾意食朱古力嘅朋友一定喜歡！媽咪雞蛋仔地址📍: 銅鑼灣希雲街1-5號禮信大廈地下17號舖.............................. 味道😋: ⭐️⭐️⭐️💫抵食💰: ⭐️⭐️⭐️…查看更多

今日行過一條橫街, 竟然俾我見到「媽咪雞蛋仔」的蹤影! 係我讀書時期果陣, 有一段時間成日都幫襯, 好懷念! 既然俾我遇到, 既雞蛋仔既種類又更勝從前, 就梗係要買番一底黎食啦! 仔細咁數一數, 原來宜家已經有16種口味可以揀! 其中包括近幾年大熱的咸蛋味, 仲有邪惡的芝士味🧀! 不過最後我都係揀左我中意既朱古力味🍫!粒粒朱古力雞蛋仔 ($25)我落單既時候已經有2個人係度等緊, 所以店員同我講大概要等6分鐘左右。但實際上好似唔需要6分鐘就拎得。熱辣辣的雞蛋仔真係好正! 呢底雞蛋仔好完整, 粒粒都漲卜卜, 唔會爛。咬落去內脆外軟, 而且唔係空心的, 證明有落足料, 食哂成底好飽肚😆 另外佢既朱古力🍫味好濃郁, 而且見到個雞蛋仔面頭有好多一粒粒黑色朱古力, 唔係用朱古力粉溝出黎的! 整體黎講唔錯!…查看更多

好耐都冇食過雞蛋仔啦,見今日放早就去試下都幾出名既"媽咪雞蛋仔" 除左一般既原味之外,仲有其他味道可以揀,,今次我就揀左粒粒朱古力($20).雞蛋仔係即叫即整,所以落單時阿姐都有話定我知大概要等幾耐,等我有個預算.不過雖然今日我去既時候係放學時間4點零鐘度,但係等既人都唔多,10分鐘內就有得食啦. 新鮮出爐雞蛋仔~ 雞蛋仔外脆內軟,,中間空心既位置少,可想而知佢都有俾足料架!中間啡啡地色既就係朱古力啦,都幾香朱古力味,不過佢應係用原味既蛋漿做Basic,之後落朱古力粒落去溶既,所以有啲唔係咁均勻.整體黎講,宜個雞蛋仔都幾好味,不過$20就有點兒貴,間唔中食下都ok既.另外一提,就係佢地鋪頭出面既行人路比較窄,多人等候既時候更加迫,而出面馬路都幾多車出入,所以各位食家係等候其間都要小心,唔好背住馬路企呀,小心安全.…查看更多

去買Via Tokyo 雪榚見到旁邊開左間媽咪雞蛋仔，有好多小學雞排隊買喎！我緊係要排埋一份！呢間雞蛋仔店真係好專一只係賣雞蛋仔同格仔餅。我叫左一份個名好吸引的粒粒朱古力雞蛋仔($18)。雞蛋仔即叫即做，要等五至十分鐘。攞上手熱辣辣，外脆內軟但又不至於會脆到𠝹口(個人認為北角雞蛋仔會𠝹口所以dislike)。雞蛋仔唔太甜，粒粒朱古力其實已經半溶，個味道幾好，好過朱古力漿整嘅雞蛋仔好多！推介！下次再encore!…查看更多

店名：媽咪雞蛋仔地址 : 銅鑼灣希雲街1-5號禮信大廈地下17號舖好味指數：7／10價錢：$18粒粒朱古力雞蛋仔媽咪雞蛋仔竟然係銅鑼灣開左分店。人龍依然，但係味道就同總店差好遠。之前係總店食粒粒都有好多朱古力，仲要流出來，但係呢間就唔係粒粒都有朱古力，朱古力又唔流出泥，好彩口感仲keep到外脆內軟。…查看更多