煮打菜打冷小菜館 (已結業)

近期食咗太多泰越菜式, 要食返啲中式菜先得! 放工就同同事即興去咗筲箕灣嘅煮打菜食打冷小菜! 同事唔食鵝肉, 但嚟到打冷又可以唔叫番啲潮式打冷呢！滷水併盆 (小) $82 ~ 併盆有墨魚, 紅腸, 腎, 腩肉, 大腸, 生腸, 豬耳, 鵝腸。滷水汁調較得唔錯, 味道喊淡度恰好,生腸,豬耳好爽脆, 墨魚爽口彈牙, 其他的也夠晒入味!呢到嘅招牌菜~必食蒸選~都唔能夠錯過吖!籠仔荷香蒸爆牙肉餅 $92 ~ 肉餅有(咸蛋/土魷/鮮魷/銀魚/咸魚/梅菜)等6款配料可選擇, 我就選擇咗其他餐比較少有嘅銀魚嚟作配料,肉餅佈置銀魚仔乾, 好香口嚼勁, 肉餅底墊有荷葉來蒸, 帶有微微的荷葉香, 肉餅厚薄適中, 好有肉汁, 一齊食好有口感! 原本已有大蝦伊麵而沒有叫白飯的都忍唔住要叫一個飯嚟肉餅撈飯 始終肉餅配白飯先係最佳配搭!芝士焗大蝦伊麵 $188 ~ 伊麵送到上檯時溢出濃郁的芝士香氣, 嗅覺已經即時享受咗芝士汁好creamy 一點都唔膩, 大蝦有8隻, 每隻都啖啖肉! 伊麵我個人就喜愛較硬身的, 所以就覺得有點腍! 整得味覺都很不錯打冷配啤酒🍺 一個字爽Asahi $25下次可以一班朋友嚟再叫多啲餸…查看更多

煮打菜呢間菜館我之前和同事食過兩次，覺得呢度D野食好好食同好地道，所以今次就特意帶男朋友的家人前來試試。我地總共點了5個菜及2個炒粉麵。滷水拼盤拼盤食物種類很多，而且排得整整齊齊，有豬耳、八爪魚，雞腎，大腸，豬腩肉等等。整體味道不錯，但略嫌鵝肉太肥。蜜椒吊燒骨佢個蜜糖醬汁調配得好好，甜甜地，幾開胃，而肉質都好鮮嫩，唔會話太肥或者太瘦。豉油皇大蝦豉油皇大蝦最緊要一定係個豉油啦，而佢的確整得好好，醬汁惹味，有少少甜甜地，但略嫌上菜時不夠熱。潮式爆花蠔餅蠔餅炸得非常香口而且鬆脆，而裡面亦有好多隻蠔，隻隻都好飽滿，十分足料。籠仔荷香蒸爆牙肉餅今晚既主角終於黎啦，呢個肉餅佢有好多配料俾你簡，包括鹹魚，鹹蛋，土魷等等。而我地就簡左銀魚仔。佢地既肉餅比一般餐廳整既肉餅彈牙好多，肉餅之間亦都加入豬耳，令彈牙之餘亦會有爽口既口感，高度推薦 雪菜肉絲炆米及揚州炒飯份量十足，鑊氣十足，我地一行六人叫左兩碟粉麵都好夠飽。食完晚飯之後，最驚喜既就係竟然仲有糖水送，成個"家的感覺"即刻出哂黎。而我男朋友的家人對呢間餐廳都有讚無彈，所以下次我一定要再帶他們來吃。…查看更多

作為筲箕灣街坊, 屋企附近的餐廳好多食過, 最近街坊介紹左我食呢間, 平日夜晚來, 都坐無虛席, 深得街坊支持。 :)籠仔荷香蒸爆牙肉餅$82店舖主打係個肉餅“籠仔荷香蒸爆牙肉餅” , 因為拎過獎, 店內有很多海報宣傳, 所以必定要試!! 個肉餅係超級彈牙, 好夠入味, 口感似係猪肉再混合了魚肉的感覺, 非常好食及難以形容! 蠔仔肉碎粥$42蠔仔好大粒呀, 又夠多, 又大碗, 2-3個人都夠食.韭菜猪紅$48大大粒, 猪紅夠實, 口感又滑!韭菜份量又夠多!生煏大魚頭煲 $158我好鐘意食魚頭, 飲魚頭湯, 今天試呢個係店員介紹, 魚頭夠鮮味, 大碟又多肉, 且用上好多不同香料製成如胡椒,八角...等, 更帶出鮮味及其獨得煮法, 非常美味可口.店內很多不同宣傳海報環境舒適, 適合三五成群飲酒食飯或家庭聚會.…查看更多

街坊小店若要取得客人心，份量慷慨是必需的，味道亦起碼不過不失，最好有一兩道首本名菜能令人吃得回味，否則阿媽或姐姐做得到啲，我們又何須花錢呢？這夜下班，就是想找家實惠小店吃個有住家感的晚飯，瞬間已經想起煮打菜打冷小菜館的爆牙肉餅。 小菜館位於後街，相約的食伴依著Google map走，打了個圈方才找到，街坊小店，自然要省些租金，盡量把成本花在食物質素上，客人才覺得物有所值。 裝潢亦不花巧，但求光猛企理，一般粵菜飯店風格。 廚師推介，相比半年前光顧，只有輕微改變，換上時令的雙冬羊腩煲。 同一個菜牌，我喜歡吃蜆及鱔，而肉餅亦要回味，因此，這夜既嚐新亦回味。蒜蓉牛油焗蜆  鼓椒炒蜆吃得多，蒜蓉牛油焗原來更加惹味，牛油的脂肪經高溫烤過後香味無法擋，黏在蜆殼上令其顏色焦黃，外觀及香味來得十分誘人； 蒜蓉青蔥及芫西份量充足，倍增辛香；最重要是蜆隻新鮮大只厚肉，鮮甜脹卜，汁水豐富，吃得我們津津有味。美味指數:3.5/5鼓蒜蒸原條蟠龍鱔 (例牌) 選材不錯，新鮮肥美，肉質彈牙，樣子亦白滑， 喜歡鱔肉質感緊密不鬆散，膠原蛋白亦不少，魚皮滑溜中帶煙靱，豆鼓蒜蓉汁令鱔肉味道豐富，調味平衡不過鹹，淨吃不佐飯亦可。美味指數:3.5/5籠仔荷香蒸爆牙肉餅（土魷） 六款口味，可選咸蛋丶土魷丶鮮魷丶銀魚丶咸魚及梅菜，上回試過銀魚，覺得鹹香是好但我較喜歡淡味點，因此，鹹味的咸蛋丶咸魚及梅菜皆不在選擇範圍內；土魷較香及傳統，鮮魷較軟身口感不一樣，最後決定選前者。 主打小炒的街坊小店，香辛材料絕不輕手，土魷粒份量豐富鋪滿整個肉餅，而荷葉上留有鼓油汁，相信入口定必肉汁豐富兼且味濃。附上一只小平鑊鏟，令人客容易分切肉餅，相比用刀中式化，有心思。大啖入口，已經全部剁碎的肉餅柔滑汁豐，如果就是這樣，口感未免過腍，秘缺是混了爽脆的豬耳及海哲粒，令肉餅變成有嚼勁，硬朗的豬耳，咬到＂確確＂聲，十分爽脆，低調的海哲增添柔靱，這個配搭無難度，只是想得到；話說過來，如果肉餅本身用手剁，嚼勁效果會更平均。美味指數:3/5照燒豬仔脾另一道香口肉食，照燒做法如風沙，豬仔脾上黏滿炸蒜粒，亦有鹽香，豬仔脾皮脆內嫩，肉汁保持，奈何難免是雪藏肉，本身沒有肉香，調味不深入脾肉，以至內心味略寡，另一方面，豬皮上的蒜鹽又重手了！一客有五條，每條肉厚，食肉默必滿足，佐啤酒亦適宜。美味指數:2.5/5馬蹄露最後贈送馬蹄露甜點，爽口不過甜，稀杰度適中，竟然有水準，並非隨便交功課，有心的免費甜點，可能成為成功取得客人心的秘密武器！美味指數:3/5作為隨意小酌，價錢合理，座椅寬敞，環境衛生光猛，惹味小炒，味道接受，是值得考慮的。…查看更多

女生們近期吃厭了西餐，所以是晚的女生gathering，要回歸中餐懷抱，選址較遠的筲箕灣，而且距離港鐵站還有一大段路 ，無辨法要吃好東西是要付出少少的。好朋友介紹這店的蒸肉餅遠近弛名，最重要是價錢大眾化，還在等什麼？Let's go………店舖裏頭有卡位、又有大圓枱，倆口子或一家大細的家常便飯都照顧到。除了蒸肉餅，還有其他菜式，真是多到不得了。鵝片雙拼墨魚鵝片中的滷水汁滷得相當入味的，入味之餘，也不失鵝本身的味道，一口一塊，「滷」得出色。墨魚片爽滑煙韌。滷水汁滲透墊底的芽菜，將爽脆而沒有太多味道的芽菜，添上另一個層次口感。椒鹽一口豆腐老實不客氣其實我是很喜歡吃椒鹽豆腐，每次與同事到酒樓品茗，二話不說同事們定必幫忙點選，所以這個菜式我是熱切期盼的。當我吃下第一粒豆腐，我只可以說: “可能是廚師失準吧！”雖然看上去每粒都是金黃色，每粒四四方方大小不均稱，大部分都是大大粒的，不會有吃下等於沒吃似的。然而豆腐的外表炸得不脆口，兼且又厚又硬，蘸炸粉蘸得太多的原故吧！幸好豆腐都尚算炸得乾身不油膩。蜜椒薯仔牛肉粒以薯仔及牛肉作為主要食材，牛肉不是粒狀，而是切成片狀。蜜糖味整整包圍每粒薯仔的表面，每口都嚐盡蜜糖的甜美，不知是否店家想做到每粒薯仔都做到蜜糖脆身，卻未能盡如人意。只係有些可以吃到表層微脆，有些卻一點脆口都沒有，薯肉粉腍可口，算是可以彌補那一點點美中不足吧！原來還有幾分辣勁滲透牛肉之間，更可帶出軟腍的肉質，濃香的牛味。連同薯仔一齊放進口，感覺份外惹味。籠仔荷香蒸爆牙肉餅可選咸蛋 /土魷 / 鮮魷 / 銀魚 / 咸魚 / 梅菜。而今次吃的是銀魚。肉餅是我小時候媽媽經常會做的餸菜，那當然不會用蒸籠去蒸啦！據講這裏的肉餅特別彈牙，而彈牙的原因是，會加入豬耳及海哲，再特別以人手打造而成的。這個不得不提其實是得獎菜式，很多人因為這個肉餅而來。店家給食客用鐵鏟舀肉餅，很容易方便一整塊就舀出來。肉餅當中沒有肥豬肉成份，面頭鋪滿了銀魚，使其更鹹香，口感真的一流！ 在座各位都好滿意這晚飯局，雖不是什麼正宗潮州打冷，但美食當前，又誰會在乎呢? 為著肉餅已值回票價啦！…查看更多

有次探朋友家興祝他新居入伙,到他家附近覓食-煮打冷小菜館店裝修格局似大排檔及茶餐廳簡單舒服,坐位很舒適寬敞.************首先叫了小食椒鹽一口豆腐外酥內嫩的豆腐,配椒鹽好惹味,但外皮略為厚一點,是送酒必備小食.***********韮菜豬紅 滑滑的豬紅,韮菜鮮嫩吸收湯汁,加了炸蒜在上,好美味.食打冷怎少得食**********鵝片雙拼墨魚鵝肉質嫩滑,附有好香醇滷水味道;薄薄的墨魚片,入口爽滑有口感,有好爽脆豆芽墊底.*************必試招牌,得獎菜式籠仔荷香蒸爆牙肉餅有鮮魷､土魷､咸蛋､咸魚､梅菜及銀魚選擇我地選了配銀魚,蒸籠打關後,有濃濃荷葉味,豬肉餅啖啖肉不肥膩帶荷香,配合甘香味鮮的銀魚.因豬肉內加入豬耳朵及海蜇材料,怪不得口感有嚼口及彈牙,好特別口感,勁惹味的小菜之一.***************帶子海皇小炒皇這小炒皇非常豐富,有帶子､鮮魷魚､蝦､及韮菜花等,韮菜花清甜爽脆,特別腰果口感爽脆可口,所有材料炒得乾身香口,是好滋味小菜.…查看更多

今晚又去左哥哥到借宿，剛好哥哥又在筲箕灣辦完公，阿嫂就帶住我同阿B同姐姐，山長水又遠咁去接阿哥收工。我咁大個女都未去過筲箕灣咁遠，第一次踏足呢個地方，筲箕灣呢個比我的印象是..."食得嫁？"即係無任何印象。等左好耐阿哥先到，他見阿B嬲嬲豬話要MUM MUM，肚子餓就是但搵間餐廳吃晚飯。基於阿嫂係潮洲人，阿哥就懶細心咁入左間打冷小菜餐廳，係屯門食打冷係好少有冷氣既，呢到食打冷係涼住冷氣、睇住我最愛的電視食，是一個很好的第一印象。廚師推介都係推D正常、普通野，價錢不算貴，也很合理。餐牌就是傳統普通的設計，簡單清楚。大拼盤(連鵝) $158吃打冷當然先來一碟前菜-滷水拼盤，哈哈！好少打冷會將D菜砌到整整齊齊，豬耳好爽口、八爪魚好滑唔韌，雞腎是最好入味，大腸有嚼口，整體都入味，味道不是死咸，而係甜甜咸咸的。籠仔荷香蒸爆牙肉餅 $66可以選擇咸蛋 / 土魷 / 鮮魷 / 銀魚 / 咸魚 / 梅菜我們選擇了銀魚做伴，入面內裡好驚喜的咬到有豬耳和海蜇，令肉餅好豐富口感，好有咬口，肉餅好濃香荷葉味，真係好岩送飯，外形也很可愛特別。潮式爆花蠔餅 $72圓圓的佈滿整個碟上，用筷子輕輕一督，已經察覺表面好鬆脆，裡面包含好多蠔仔，咬落好脆口、蛋香滿滿而香口，真的有潮州風味，如果再多D莞西就更加好。醬燒野菌牛仔柳 $88味道很濃、很適合送飯，牛柳很嫩咬落很爽，愈吃愈咸的話，再吃菇菇中和番口腔的咸感。…查看更多