Cafe Bauhinia

忙完一個星期, 終於到了放假的日子, 假期其中一個節目就會相約好友去食下午茶, 我地都鍾意找尋一些有特色的下午茶, 可以一邊傾計, 一邊食嘢, 非常悠閒渡過一個下午, 今次我地來到位於上環的CaféBauhinia食下午茶.一踏入店內, 感覺截然不同, 四圍放滿花, 好似置身在花園中.枱上也放了插花作為裝飾, 令人感覺偷快.我地點了神秘初夏的花果園之旅下午茶.每一款食物的名稱也改得好有意思.飲品我點了Blue Butterfly Pea Vanilla Milk.由於這款不落冰, 啱晒我的要求, 便點了這個.飲品幾靚, 杯底是淡淡的藍色, 漸漸是雪白色.奶味幾香, 夠滑身, 只是略為淡味一點.下午茶終於上枱拉~賣相非常精緻, 以一個盒承載着.上層是甜點.下層是咸點.愛你多一些(香蕉花生朱古力s’more)由於棉花糖是剛焗好, 所以叫我地先食這個.我用餅乾點棉花糖中間的醬, 當混入了香蕉花生朱古力棉花糖, 多重口感, 非常好味.而棉花糖是半溶的狀態, 就咁食也不會覺得太甜.甜心脆脆(香脆酥)蝴蝶酥夠鬆化和香脆, 入口帶有少少的甜甜地.黑芝迷惑(黑椒芝士蝴蝶酥)食完個甜的蝴蝶酥, 試了一塊咸.平時我較少食咸蝴蝶酥, 入口帶有微微的黑椒香味, 配上芝士, 感覺幾特別.思念(車厘茄配水牛芝士串)車厘茄夠新鮮, 配上水牛芝士, 起了中和作用.食得有形(原隻鮑魚迷你漢堡包)初時以為是普通漢堡包, 原來內有有一隻鮑魚仔, 幾彈牙.食得出色(意大利醋汁蟹冧肉配青瓜雞茸撻)蟹肉夠鮮甜, 配上爽口的青瓜, 帶點酸酸地的醋汁, 多重口感.浪漫色彩(四色馬卡龍)我試了其中兩款味道, 分別為綠色和啡色, 馬卡龍甜度適中, 這個質感是偏脆身, 我自己較鍾意煙韌口感.花樣年華(粉紅胡椒粒配芒果芝士鮮果朱古力撻)這個也用上了胡椒粒, 配上芒果芝士, 未試過的組合, 估不到味道不錯.五月的愛(芒果杯子蛋糕)以芒果作為主要材料, 賣相幾靚, 味道還可以.食得健康(奇亞籽芒果布甸)芒果布甸幾清新, 甜甜酸酸, 好適合依加的天氣食, 當中還混入了奇亞籽, 更加健康.每一款食物賣相也精緻, 而且可以一口氣試了多款甜點和咸點, 這是我鍾意食下午茶的原因之一.…Read More

天氣晴朗，最適合出外走走。跟好友去完文武廟，就來到是花店又是cafe的Cafe Bauhinia搵好東西吃~cafe位於西港城後的小巷，環境較靜但易找。未進門已經給門前風景吸引住。深灰色外牆配綠色燈的名字，加再上門前粉色的電單車，構圖很美。一進門就聞到陣陣花香，非常怡人。cafe裝修簡潔，更突出擺放在中央的花朵。洗手間在閣樓。雖然只有洗手間，但閣樓的牆壁也裝飾得很美。Afternoon tea $468/2位，定價有點高。除了afternoon tea，還有Flower Jamming玩~ $398/2小時，包一杯花茶，好有趣。由於没心理準備做flower jamming，我們就選了afternoon tea set.紫色的蜜糖檸檬熱飲，看起來有點似「熱檸賓」😝捧在手心，淡淡的花香不太突出。味道就是蜜糖檸檬，不算特別。Blue Butterfly Pea Vanilla Milk由藍到白的漸變色真的很美，賣相滿分！凍飲的關係，花香比剛才的熱飲更不突出。味道也只有淡淡牛奶味，雲呢拿味也不太嚐到。最期待的畫面出現了~老闆娘把純白色的雙層小櫃放在我們面前。黑白間條的枱墊讓顏色繽紛的食品更突出。下層的鮑魚仔漢堡樣子好似漢堡神偷 哈哈~Afternoon tea又怎少得signature的S'More? 剛焗起的線花糖記得要先吃，否則就没有了半溶的口感。香蕉花生醬朱古力平時吃到的都是甜到漏，但這𥚃的甜度適中，再配埋高纖麥餅，感覺更健康。👍 朱古力口感滑溜，加上粒粒花生醬及半溶棉花糖，美味無比。先吃下層鹹點~ 還有2隻小碟方便我們share，夠貼心 ❤️由中間的車厘茄配水牛芝士串開始。車厘茄不夠juicy，鮮甜度一般。還好有一小舊Mozzarella調味。墊底的麥包是心形的，很有心思。但可能怕車厘茄會把它弄濕吧，麵包不夠軟熟。我想倒不如把麵包輕烘一下，可能口感更好。蟹肉雞茸撻是蟹鉗肉，肉厚而且結實。一絲絲蟹肉口感讓人很滿足，撻皮亦夠鬆脆。雞肉味道頗惹味，配上清新的青瓜，味道配合得宜。再來原隻鮑魚迷你漢堡，那雙黑色眼睛真的好cute 😍 別看它鮑魚仔小小，口感彈牙。鮑魚仔與吞拿魚沙律的組合聽落有點古怪，但味道出奇地夾。👍看起來平平無奇的蝴碟酥才是main point! 蝴蝶酥非常鬆脆，有2款味道：原味及黑胡椒。原味表面有點蜜糖coating，甜甜的。微辣的黑胡椒帶點芝士味，好味道令人驚喜。😋吃完鹹甜吃甜點~先來奇亞籽芒果布甸。奇亞籽營養豐富，高纖低熱量，加在布甸𥚃，吃甜也吃得健康。布甸甸水凝，口感滑滑。果味香濃、天然，又不會太甜。👍但小妹覺得似熱情果味多於芒果。芒果cupcake賣相吸引，cream甜味輕盈，一點也不漏。底層蛋糕濕潤又鬆軟，帶有淡淡芒果味，很滿足。嫌Creamy的芒果filing配上濃郁朱古力撻皮千篇一律嗎？加點粉紅胡椒又如何？粉紅胡椒粒配芒果芝士鮮果朱古力撻又是另一款有趣甜品。辣辣地的粉紅胡椒帶點香甜，為平凡的朱古力撻加點刺激。朋友說太辣，但對於吃慣辣的我來說辣度ok。😝Macaroon有4種口味：咖啡、開心果、玫瑰和檸檬(?) 質地還可，味道不太甜。咖啡味蠻香濃；淡淡的玫瑰味也不錯。開心果味較普通，黃色的太飽没有吃。夏日開胃，不一定要酸酸甜甜的。這𥚃以辣味來迎戰悶熱的夏天，有趣又刺激。加上以健康為主的食品，非常適合我這種又怕肥又愛吃的女生。還有優美的花花環境同超nice老闆娘，小妹真的很喜歡這𥚃。若不需加一，價錢合理一點會更吸引。…Read More

契妹愛花又嗜食，幾次經過「Café Bauhinia」門前都話要搵日去試。見佢下個月將離港返鄉，XO仔就特意週末抽空，陪佢午遊「洋紫荊園」 。小店以香港市花起名，門外亦好相襯地擺出兩棵搶眼奪目o既白色洋紫荊樹 ，雖然係假花，不過都相當有吸引力。門牌中英對照地用粉筆字寫上黑板，側旁加插咗一小盆鬱金香，的骰可愛極。步入花花世界，腳下先由金太陽及小貓一雙歡迎二人。直望可見大瓶細瓶o既鮮花，美輪美奐。左旁o既陳列架上放滿細小精美o既小花擺設，有真有假，顏色美艷，同樣吸睛。就連平時唔多起眼o既牆角位、冷氣機頂都以小草盆栽陪襯、綠葉綑邊 。其中三盆攀藤更以心形o既透明玻璃花瓶吊出，掛於牆邊，四周都散發著自然美 。白色o既牆身掛上茶座獨特o既美食圖照。走上通往洗手間o既樓梯，仲會發現到心形小草及古雅吊燈添。男女共用o既洗手間內同用餐大堂一樣貼有靚畫廣告 ，整店o既裝潢可真謂一絲不苟。正門旁邊o既散座用上木造摺枱摺櫈，與落地玻璃窗後o既白色洋紫荊最為貼近，據悉最受少女們歡迎，相信互聯網上亦可尋到不少足跡。小肥因身形問題揀坐中央o既高櫈，坐落就好似度身訂造咁，十分舒適。餐桌上有小兔及迷你傢俱陪伴，輕鬆寫意得很。 埋位後，店員即亮起新潮燈泡。放低餐牌單張，等二人細閱一番後，妹妹仔就再次回頭落單，推介菜式及飲品。其實入門前一刻，XO仔已立心要食個「神秘初夏的花果園之旅下午茶」，只係未氹掂契妹一齊食。眼見坐喺隔離枱位靚女食客點選咗一人份量o既下午茶，細佬即放下心頭大石，放心等食靚靚套餐 。嘻嘻，靚女妹妹仲好客氣咁任小肥影相添！結果契妹就要咗個午餐，並幫忙契哥食咗三味內含花生、開心果及麥包o既點心，因為小弟對此三款食材均有敏感反應。點好菜，兩位年輕貌美o既妹妹仔即返回小角o既廚房準備食物。Blue Butterfly Pea Vanilla Milk（$38/單點；跟餐免費）：跟下午茶餐可點選「藍蝶花之初夏特飲」一杯。顧名思義，藍蝶花呈藍色，花朵綻放時形態極似蝴蝶展開翅膀。由於店內並無此花o既實物，唯有展出圖片一張。據單張所講，藍蝶花益處甚多，包括助長秀髮生長、防瘀、保持皮膚亮滑、增強視力、促進血液循環、清毒、抗氧化等等 。透過玻璃杯可清晰地睇到藍蝶花雲尼拿奶昔由上面o既白色泡泡漸進地延伸為淺粉藍色，至到最底o既粉藍色，猶如藍天白雲般，淨睇都覺得心情開朗 。白雪雪o既雲泡上拉出兩朵紫藍色o既藍蝶花，夠哂詩情畫意。藍蝶花雲尼拿奶昔微甜幼滑，陣陣o既花香清秀怡神，美妙動人！神秘初夏的花果園之旅下午茶（$234/一人；$468/二人）：服務生抱歉地道出店子只有一個細盒，故小弟份一人下午茶餐不得不用大盒上。其實有得食一人份量，XO仔已經好滿足 ，何況初夏o既花果園仲要咁豐富？！盒子分上下兩格，上格為甜點，下格則為咸點。老闆娘親自送上花邊餐碟等二人一同分享美食，一啲架子都冇，細心又貼身。食得有型（原隻鮑魚迷你漢堡包）：迷你漢堡包以兩小圈橄欖點睛，配合埋花果園盒底o既黑白間條，好明顯係自以為好有型o既漢堡神偷黎咗喎，哈哈哈哈，等細佬一口食咗你落肚先 ！迷你漢堡包包身鬆軟，中間隻鮑魚鮮甜腍滑，組合新穎有趣。黑芝迷惑（黑椒芝士蝴蝶酥）：甜味蝴蝶酥就食得多，不過黑椒芝士味都真係第一次聽同試。蝴蝶酥香脆鬆化， 黑椒同芝士o既調味不但冇沖突，惹味得黎仲好輕巧，迷惑得黎好有驚喜 。食得出色（意大利醋汁蟹冧肉配青瓜雞茸撻）：撻皮乾脆帶甜，蟹肉鮮甜，一次過夾埋片青瓜食，分外清爽。浪漫色彩（四味馬卡龍）及花樣年華（粉紅胡椒粒配芒果芝士鮮果朱古力殼）：二人份量有四件不同口味o既馬卡龍，一人份量就變為兩款。咖啡色o既咖啡味馬卡龍入口即化，鬆巧得黎脆中帶點煙韌，咖啡味醇濃而不過火，比起好多酒店做得更為出色 ！朱古力殼果香清甜，不過唔講真係食唔出有辣椒成份。甜心脆脆（香脆酥）：香脆酥不甜不膩，同之前兩片黑椒芝士蝴蝶酥一樣咁酥脆輕盈。五月的愛（芒果杯子蛋糕）：以兩朵小花點綴o既杯子蛋糕金光閃閃 ，極富五月初夏之陽光氣息。蛋糕鬆潤有彈性，面層o既芒果忌廉芬芳滑溜，亮點卻為綑邊o既細小糖粒，視覺上雖並不起眼，咬落卻增添甜味脆感，親証配角之重要性 。食得健康（奇亞子芒果布甸）：所謂「健康」其實係指近期大熱o既養身保健食品奇亞籽，據悉食用後有減肥美容之效。可能味蕾受到之前幾味甜品影響，芒果布甸味道偏淡，食落好似有啲椰子味，都幾清新。踏進「Café Bauhinia」，恍如置身如花花世界內，由外至內，每個角落都可見小草綠葉、花朵盆栽，靈氣迫人，幽靜雅致 。友善o既女主人攜同客套有禮o既女助手創出精緻可口o既「神秘初夏的花果園之旅下午茶」，真教人一試難忘。獨個兒黎賞花絕不會感到孤單，更可以$234揀選單人份量，實屬超值之體驗。店子為表謝意，隨餐更完滿地送贈鮮美o既「百分百感激」（紅色永恆玫瑰）作結。經特別處過理o既紅玫瑰花鮮麗亮澤，燦爛嬌艷，不需澆灌都可以保存多年，寓意著「花可百日紅」，愛情可長久 ，有意思極！。。。《花花宇宙》原唱：陳慧琳作詞：林夕作曲/編曲/監製：雷頌德雙眼　在白紙之中看出璀燦令夢想開出更多花瓣　亦未算難oeo oeo oe oeoeoeo將平凡　成為迎風的帆將搖藍　成為藍天的藍細世界　會變花花世界oeo oeo oe oe更多更多渴求　會有更高報酬更高更高享受　為甚麼不追求每天有新星球　發揮你小宇宙趁火勢加風頭　有勇氣請追求魔法　令昨天今天各有風格令十等於一百的方法　就是誘惑oeo oeo oe oeoeoeo將平凡　成為迎風的帆將搖藍　成為藍天的藍細世界　會變花花世界oeo oeo oe oe。。。…Read More

上環新街市街只是短短幾十米，已有兩三間特色咖啡店，是日到訪的 Cafe Bauhinia 是其中一間。餐廳以鮮花作主題，不難發現店內花踪處處，從花飾擺設，以至美食特飲，也滲透了鮮花的原素。喜愛插花的朋友，更可來一次 Floral Jamming，先享受插花藝術的樂趣，再一嚐可口的甜點特飮。是日與細周生同行，沒有閒情學插花，只想忙裡偷閒坐下享用一頓豐盛的下午茶。這份名為「神秘初夏的花果園之旅下午茶」，切合初夏時令推出。而今期的主題花品，是予人清新形象的藍蝶花。這杯藍蝶花之初夏特飲，主體色澤呈浪漫吸引的粉紫藍色，上下層次分明。在品嚐前的一刻，輕輕拌勻飲品，令人著迷的顏色 Tiffany Blue 頓時顯現眼前。這杯飲品口味輕巧，藍蝶花花香含蓄，並夾雜點點茉利花的清幽。另一杯藍蝶花特飲是富忌廉奶香的選擇，賣相同樣吸引，特意為細周生而設。藍蝶花的出現，標誌著「神秘初夏」的來臨。這份下午茶以一個雙層櫃盛載，設計簡潔。上層是一眾甜點，下層是鹹甜雙碰的小吃，總共有十款精緻美食。平日享用 High Tea，正常先吃鹹點，再吃甜點。因餐廳的 signature 「愛你多一些！ 」(香蕉 花生醬 朱古力 S'more) 是新鮮焗製的綿花糖，所以店員建議先行品嚐。綿花糖表面焗至微微焦脆，內心半溶甜蜜起絲，味道本已十分吸引，再加上粗粒花生醬及香濃朱古力醬，更令人愛不釋手。餐廳為這道甜點配上數塊鹹味餅乾作蘸點之用，口味更平衡，口感亦更豐富。回歸鹹點懷抱，這個「食得有型」 (原隻鮑魚迷你漢堡包)，廚師巧妙地運用橄欖片作眼睛，鮑魚自然曲綫作笑臉，縱使味道上未見很突出，筆者還是欣賞這個富心思的做法。「思念」(車厘茄配水牛芝士串) 是另一包點小吃，外觀有點似蝴蝶頭飾，相比「食得有型」，口味更為清淡健康。「食得出色」(意大利醋汁蟹冧肉配青瓜雞茸撻) 以大件蟹冧肉作主要食材，味道新鮮清甜。「黑芝迷惑」(黑椒芝士蝴蝶酥) 與「甜心脆脆」(香脆酥) 皆是蝴蝶酥製品，可見餐廳對此美食頗有信心，結果也無令人失望。兩款蝴蝶酥口感皆很酥脆，尤以黑椒調味的「黑芝迷惑」創意十足，效果亦不俗。 「花樣年華」(粉紅胡椒粒配芒果芝士鮮果朱古力殼) 是另一道富辣感的甜食，味道剛烈特別，但不太合個人口味，哈哈！筆者平日少吃杯子蛋糕，因大多很甜很膩。這件「五月的愛」(芒果杯子蛋糕)，色彩陽光奪目，甚有夏天氣息。淺嚐一口，甜感不算過份，面層的芒果忌廉亦見香滑。 馬卡龍是常見的下午茶美點，一客四色的「浪漫色彩」(四味馬卡龍)，煙煙韌韌味道多變。細周生一人吃了三塊，只剩一塊咖啡味馬卡龍供筆者淺嚐。成品洋溢濃郁的咖啡香氣筆者甚為喜歡。下午茶以「食得健康」(奇亞子芒果布甸) 作結。奇亞子其實是鼠尾草的種子，營養豐富，纖維量高。點點泛黑的奇亞子平均分佈於軟滑的布甸當中，雖然不給味，卻默默為每口布甸帶來營養。布甸本味甜度適中，並泛著清清的果香。作為以花作主題的咖啡店，每位客人最後皆贈以「百分百感激」(紅色永恆玫瑰) 作小小心意。這朵色澤艷麗的火紅玫瑰，以永生花模式處理，可長久擺放而不衰，作為小禮物也不錯呀！整體而言，這份下午茶令人賞心悅目，水準也不錯。建議在食品中增加與鮮花有關的味道，以突顯餐廳主題。亦建議追加鹹點款式，或多加一小碟水果，用以平衡甜吃的膩感。…Read More