享慢煮泰

鐘意泰國菜又鐘食法國菜嘅大家有福啦！🤩😏 今次要介紹嘅就係近期好hit 位於堅尼地城嘅法泰Fusion餐廳Lemon Grass啦！餐廳裝修頗有格調 坐得亦都舒服✨ 啱哂大家收工同朋友嚟chill🤣🍹而我地今次就叫咗 $258嘅4 Courses Set Dinner!🌟 法式龍蝦湯流心牛角包🥐流心牛角包係嚟到Lemon Grass嘅必食之選🤣 個包外面焗得勁金黃酥脆😍 一切啲龍蝦湯即刻爆哂岀嚟 勁澎湃🤩 外脆內軟 口感十足😋🌟 招牌流心布拉搭芝士沙律🌟 瑪莎曼咖喱和牛面頰呢個瑪莎曼咖喱和牛面頰都係餐廳嘅招牌主食！因為用咗真空慢煮嘅方法烹調，牛嘅肉汁完全被鎖住咗，食落又香又淋tim，完全唔會咬唔到😍 包保你食完一次想食第二次！🌟 蟹肉流心蛋龍蝦汁燴飯(+$18)呢個燴飯入面真係有勁多蟹肉 超級足料😍 小編鐘意吉穿隻流心蛋同啲飯撈埋食😋 食落勁有蛋味同龍蝦香！另外值得一提嘅係燴飯入面仲有啲蟹籽🤩 食落脆卜卜 夠哂層次！🌟 燒白松露真姫菇/燒雞泡魚乾 ($78)🌟 泰式奶茶奶凍/真空慢煮法式焦糖燉蛋甜品方面餐廳依然有泰式元素! 🇹🇭 泰式奶茶奶凍有濃濃嘅奶茶味 但又有奶凍嘅口感🤣 認真特別！而燉蛋嘅焦糖表面整得又香又脆，食落又蛋香味又軟滑，仲要入口即溶！🌟 泰式奶茶芝味特飲/ Thai Styled Mojito*另收加一服務費…查看更多

九月係小妹其中一個最鍾意嘅月份😋😋自己既生日月之外好多朋友都係九月生日🥶🥶今晚就黎到哩間一早book mark左嘅餐廳一試拒地signature 既🥐🥐牛角包！ 六個人叫左2x 4 course1x 3 course 4x Appetizer Appetizer 🍴1. 白松露燒真姫菇 $78幾香 d菇燒完都好Juicy 味道有啲似BBQ時用錫紙包住嚟燒嘅😛🍴2. 花生醬沙嗲雞串 $78串燒正常 沙嗲汁幾好味唔似出面嗰啲好杰 🍴3. 燒雞泡魚乾 $78加上蛋黃醬一齊食 佐酒一流👍🏻🍴4. 泰式燒頂級加拿大豬頸肉 $88哩個好好食丫！ ！ 😻😻雖然佢厚切 但食完絕對唔會成口油燒得岩岩好 好juicy 推介！ 4 course $ 258 x2 3 course $ 208 x1Appetizer: 🍴 1. 冬陰龍蝦湯流心牛角包有驚喜！ 牛角嘅酥皮吸哂d汁食落口好似飲緊成碗冬陰功咁😂辣辣地好開胃🍴2. 法式龍蝦湯流心牛角包 x2同冬陰功嗰個又冇得比較因為係兩種唔同嘅style 只可以講龍蝦嗰個比較斯文，而冬陰公嗰個就比較wild 🤤各有各好 建議兩個都試哂Salad:🍴1. 招牌流心布拉塔芝士芝士texture好厚身 車厘茄辣辣地幾醒胃兩個夾埋係口入面既衝擊好得意🍴2. 龍蝦鳳梨沙律 個感覺好似岀面壽司 - 食緊芝士蟹子沙律咁一粒粒幾爽口😂😂🍴3. 燒美國生蠔 2隻我無食到朋友話蠔味幾重 燒到岩岩好Main: 🍴1. 蟹肉流心蛋龍蝦汁燴飯 +$18 蟹肉都幾多 仲有蟹籽不過個龍蝦汁淡啲 食落無乜味😣🍴2. 龍蝦汁龍蝦蟹肉伊麵 +$28(忘記影相)不過都係遇到同一個問題，就係龍蝦汁都係冇乜味🍴3. 招牌西班牙黑毛豬腩配黑毛豬頸份量唔多 豬腩香口有得encore到厚切豬頸肉加分😙😙Desserts: 🍴1. 椰子雪糕配風乾鳳梨&紫糯米 😻😻😻😻哩個好好食！ ！ 首先椰子Gelato質感好細滑 甜香之餘同粗糙既紫糯米超級配！ 糯米仲有d微溫 一暖一凍既配搭食完一啖又想食下一啖🤪🤪😋😋🍴2. 真空慢煮焦糖燉蛋呢個同樣好味，厚厚一層焦糖一啖焦糖一啖滑燉蛋，朋友都想叫多個😌最尾因為我哋有蛋糕所以冇叫到 (提提大家切餅費$150)總括嚟講，佢真係一間幾唔錯嘅fusion泰國菜雖然我哋食咗好多係龍蝦汁嘅餸最推介都係龍蝦汁嘅牛角包😙下次等我地試吓拒既下午茶，都好似好多選擇👍🏻👍🏻讚！…查看更多

朋友約係堅尼地城食飯介紹咗依間fusion泰式料理餐廳，餐廳裝修帶點古典味好有氣氛。晚餐可以隨自己喜歡選擇2/3/4 個course嘅set dinner，非常有彈性。法式龍蝦湯流心牛角包牛角包外面酥脆香口，一切開龍蝦湯隨隨流出，龍蝦湯鮮味香濃。冬蔭龍蝦湯流心牛角包冬蔭湯較稠身，牛角包吸收曬所有湯汁。龍蝦鳳梨沙律沙律菜及菠蘿新鮮，龍蝦肉爽口，蟹籽粒粒口感特別，整體酸酸甜甜非常醒胃。真空慢煮挪威三文魚配冬蔭燴飯慢煮三文魚出色，三文魚外面微微煎香，內裡肉質嫩滑，冬蔭燴飯冬蔭味會香濃，燴飯煙韌。龍蝦汁龍蝦蟹肉伊麵蟹肉及蟹籽份量足，龍蝦汁掛滿條條伊麵。真空慢煮法式焦糖燉蛋甜度適中，蛋味香濃，口感綿滑。…查看更多

👁‍🗨 享慢煮泰📍 西環堅尼地城卑路乍街150號加多近山地下A號舖@----------------------近日非常火的這間泰菜，一早預約好終於可以來一嚐，由於時間尚早，入座的客人只有數枱，選了旁邊2人枱位置坐得舒適Set Menu可自選2-4 course， 由於我們胃口一般，店員誠意推介選4人course 2人share最prefect，另外drink menu 都有多款特飲加配⚑ 4 course $258好食度：✔️✔️✔️✔️➰法式龍蝦湯流心牛角包牛角包即烘即上， 切開已見到龍蝦湯湧出來，以往最愛用餐包沾上餐湯吃，原來反其道而行，用香濃龍蝦湯釀進香脆牛角包，啖啖龍蝦湯滋味又不會令牛角包失去脆脆的口感👍🏻➰慢煮美國雞胸伴青咖喱及南瓜蓉份量非常大，表面用咖喱醃過的雞胸，切開後中心呈現粉紅色，熟成度拿捏得簡直完美，口感非常軟嫩，肉質仍保持濕潤，淡淡的的咖喱味為雞胸增添泰式風味➰ 招牌西班牙黑毛豬腩配黑毛豬頸驟眼看雙拼份量很少，豬腩肉煎得焦香，脂肪瘦肉一層層分怖均勻，口感彈牙又有脂肪的甘香滑嫩🐷 豬頸肉就略嫌太少，只有薄薄一片，泰式香料味過重偏咸➰真空慢煮法式焦糖燉蛋份量不大，焦糖脆面配上蛋香味濃的軟滑燉蛋，作一餐的結尾非常滿足💬 食物質素不錯，但賣相確實一般，以Fushion菜來說價格相當合理，由於這間店還有出名的3層架Tea Set，人流亦頗多，要朝聖建議提早預約😉…查看更多

約了好友lunch聚會， 在港島西區放工後去咗堅尼地城卑路乍街， 首選近街尾的『Lemon Grass』❣️主打泰式fusion 菜，亦有 high tea 茶點，甜點供應。 餐廳樓底夠高， 中間有開揚嘅卡位 ， 以墨綠色為主調， 裝修好有東南亞大自然渡假feel。午餐選擇很多， 可包括2至4個course 👍，main course 也有八款選擇。 另有單點餐牌，當然叫  set會係更化算～😀法式龍蝦湯流心牛角包這裏經典嘅人氣美食， 非常期待！ 法式龍蝦湯注入牛角包內， 即叫即做熱辣辣 香噴噴， 牛角包層次分明，夠酥脆， 充滿牛油香，輕輕切開就見到流心嘅龍蝦湯， 味道香濃，啖啖滋味～太令人心動的美食。燒美國生蠔配泰式辣汁肥美嘅生蠔配泰式辣汁，酸酸辣辣非常刺激醒胃， 也是很東南亞嘅食法。龍蝦汁龍蝦蟹肉伊麵加入蟹肉同煑嘅龍蝦汁伊麵味道又是另一個層次， 蟹肉份量也不少， 海鮮味道濃郁！ 伊麵煑得啱啱好會太腍或者太韌。冬蔭龍蝦汁燴龍蝦海鲜龍蝦， 蝦味非常突出～ 配合冬蔭功湯底， 完全感受到海鮮濃郁嘅精華完全融入， 湯汁配白飯實在冇得輸！大海蝦鮮甜， 青口亦非常肥美嫩滑， 大蜆鮮甜啱啱熟，肉質好鲜！ 整太出色。真空慢煮法式焦糖燉蛋也是店家的招牌甜品， 蛋香濃郁到一個點係會上癮～ 又滑又香， 加上面層嘅焦糖和一塊大樹菠蘿乾作配襯～ 口感豐富味道也是一流！…查看更多

西環幾時都係我最鐘意既區域！今個週末有機會返黎行下，揀左間bookmark左好耐既餐廳。Openrice訂座都要再等位，可見人氣幾旺。Set Menu有分Two/Three/Four-Course （$158/$198/$238）。以上三款都可以揀招牌菜流心牛角包/Starter。見份量都幾多，Order左Two Course  + Four-Course Share黎食。＊－。－。－。－。－。－。－。－。－。－＊老實講我唔係鐘意食包既人，總覺得好似好乾咁。最多都係飲餐湯時邊濕下咀邊食餐包😂「流心」牛頭角打破左我覺得乾既概念🙈仲要聽到係Crossover我最鐘意既龍蝦湯，即刻心心眼！【SIGNATURE LAVA CROISSANT】🔸冬蔭龍蝦湯流心牛角包 / 🔸法式龍蝦湯流心牛角包法式 x 泰式CROSSOVER做法好創新！牛角包金黃酥脆，輕身得黎又盛載到好澎湃既流心湯2款龍蝦湯都好Creamy，味道好濃郁。冬蔭版會更惹味！一切開中間就爆漿，相機要準備好！＊－。－。－。－。－。－。－。－。－。－＊【STARTER】🔸泰式大蝦柚子沙律份量超大，大蝦好巨型，爽口彈牙。配上大量柚子肉，微酸輕型又開胃。＊－。－。－。－。－。－。－。－。－。－＊【MAIN】🔸真空慢煮挪威三文魚配冬蔭燴飯慢煮同一般香煎出黎既效果真係差好遠不但保存到食物本身原汁原味，肉質近乎入口即溶，十分軟綿冬蔭燴飯味道未算好濃，剛好唔會蓋過主角三文魚既味道🔸泰式燒西班牙黑毛豬頸肉相比起以上幾樣食材，未見有太驚喜同一般泰式餐廳食到既差不多肉質爽而不膩，可加沾泰式酸汁食更佳＊－。－。－。－。－。－。－。－。－。－＊【DESSERT】🔸真空慢煮法式焦糖燉蛋面層焦糖燒至金黃色，一按即脆燉蛋蛋味好香好滑，甜度適中＊－。－。－。－。－。－。－。－。－。－＊【DRINK】🔸Tiramisu Chessy 提拉米蘇芝味特飲，店員提醒可以大大啖飲。令上層Tiramisu可以與下層咖啡一齊入口。(大概係想做到芝士奶蓋效果)但Tiramisu層密度有點過厚，入口時兩層未能好融為一體。直到冰塊融化時，味道變得更淡，略為有點失望。＊－。－。－。－。－。－。－。－。－。－＊…查看更多

Fusion 泰菜喺香港唔算罕有， 但crossover牛角包就頗有心思💖 而且味道有驚喜～ 一吃上癮， 對於我這個牛角包控更加無法抗拒😊今天來到西環Lemon Grass， 臨近聖誕， 店內裝飾充滿聖誕氣氛。🎄🎄冬陰龍蝦湯流心牛角包🥐冬陰功流心味道算是溫和，唔會太辣並搶去牛角包牛油嘅酥香。 牛角包外皮焗得好脆，層次分明， 充滿牛油香， 即使冇特色流心也是相當美味！🥐🥐法式龍蝦湯流心牛角包龍蝦湯味道濃郁， 冇特別切開用湯匙舀起飲特別滋味～燒美國生蠔配泰式辣汁味道冇得彈， 生蠔略燒過令蠔味更加濃郁！ 泰式辣汁夠惹，加上切碎嘅檸檬葉絲更帶出蠔嘅鮮甜！冬陰龍蝦汁燴海鮮賣相非常泰式， 冬陰湯濃郁，充滿海鮮味， 辣味唔嗆喉，大虎蝦，青口，貝柱，雜菇。。配白飯也真是恰到好處。泰式燒西班牙黑毛豬頸肉黑毛豬肉質柔軟，帶甜味，外皮燒得焦香👍 自家調製醬汁十分精彩， 匯集各種東南亞口味！😋蘋果汁賣相似足一杯cocktail， 味道清新天然！真空慢煮法式焦糖燉蛋推介必試甜品。 久未試過那麼濃郁的蛋香， 真空慢煮之下又滑又香甜， 美味得令人融化。另一款『椰子雪糕配風乾鳳梨紫糯米』 更充滿泰式風情， 細細球的椰子雪糕放在紫糯米上， 不用椰奶也有椰子香味。 風乾鳳梨像濃縮了百陪嘅菠蘿酸， 配搭特別令人驚喜！食物實在超水準， 到依家仲好回味～4個course 的午餐不過$228 實在吸引😋…查看更多

今晚趁最後一晚有晚市堂食，拉男朋友陪我黎食流心牛角包。我地都揀左$228既Four Course。冬蔭龍蝦湯流心牛角包法式龍蝦湯流心牛角包平時牛角包比我既感覺係屬於甜品類，估唔到鹹食既牛角包別有一番風味。兩個牛角包都係一切啲湯就流晒出黎，而且牛角包麵保持到鬆脆，無變到腍晒，好食。花生醬沙嗲雞串大大串，啖啖嫩肉，花生醬沙嗲有花生粒係入面架。燒美國生蠔配泰式辣汁超正，生蠔鮮甜，個汁同生蠔好夾，好出色。鍋炒帕能咖哩雞幾惹味，我第一次食炒到乾身既咖哩，令雞肉好入味，份量又足，撈飯食一流。冬蔭龍蝦汁燴海鮮有青口、蜆、蝦、小元貝，好豐富。個汁飲落係冬蔭功湯，飲晒成碗。真空慢煮法式焦糖燉蛋口感順滑，甜度適中。泰式奶茶流心牛角包熱辣辣，真材實料，甜既流心牛角包都好食，流心程度一樣甘澎湃。…查看更多

11月時的2人聚餐，友人上網見到西環尾開了一間餐廳，主打泰法fusion菜，當中的名物是冬蔭龍蝦湯流心牛角包，十分吸引，見個價錢又唔貴，一於試下，thank友人book位。店子裝潢似西餐廳，周圍佈置了不少泰國裝飾品及盆栽，有小清新之感，不失泰國風情，樓底高有空間感，坐位尚算闊絡，晚上時段甚有氣氛。Menu:two course $148three course $188four course $228據聞是試業優惠價，用$228可試到4道菜，都真係幾抵，本想試牛面頰，可惜當日售罄呢。Tiramisu Cheesy，跟餐特飲+$28，友人的。Storm Rider(笑看風雲)，跟餐特飲+$28。人氣咖啡特飲，混合橙、活性炭及奶泡，圓杯盛載，黑白色的組合似雲石呢，有藝術的美感，入口順滑。冬蔭龍蝦湯流心牛角包，主打必食。，切開牛角包，澎湃的湯餡湧出，牛角包口感酥脆，冬蔭龍蝦湯少許辣，湯汁浸軟了牛角包入口更美味，似酥皮龍蝦湯之感，同時估唔到味道都幾夾。燒美國生蠔配泰式辣汁，生蠔新鮮，配上生蝦辣汁，甚有特色，少許辣，味道清新可口。冬蔭龍蝦汁燴海鮮，配白飯，冬蔭龍蝦汁，味道酸酸辣辣(幸好唔算太辣)，下飯一流，海鮮有蝦、蜆肉及青口等，份量豐富，鮮味十足。泰式燒西班牙黑毛豬頸肉，配白飯，豬頸肉，口感爽脆，香口惹味，味道不俗。椰子雪糕配風乾鳳梨及紫糯米，泰式的甜品，以雞尾酒杯盛載，賣相精緻，椰子雪糕軟滑，紫糯米香甜，口感豐富。真空慢煮法式焦糖燉蛋，面層的焦糖薄脆味道香甜，燉蛋口感軟滑。食物有水準，賣相靚有創意，而且好抵食呢。…查看更多

堅尼地城有一間新開既泰式fusion餐廳，其中最吸引我既食物係冬蔭龍蝦湯流心牛角包，而餐廳推出左一個4 courses既套餐，正正包括流心牛角包、仲有埋前菜、主菜同甜品，價錢非常吸引，只係$228。我同女友都叫左4 courses。首先我講左我既4 course先😝- 龍蝦湯牛角包牛角包內有乾坤，一切開龍蝦湯已經流曬出嚟🤤牛角包挺身而且非常酥脆，至於龍蝦湯好香濃，不過略嫌比較稀身。- 燒美國生蠔配泰式辣汁呢個配搭非常出色，生蠔本身味道比較淡，泰式辣汁更能帶出生蠔既鮮甜，味道更上一層樓😍- 泰式燒西班牙黑毛豬頸肉估唔到連主菜都咁有驚喜，豬頸肉好爽口，而且特別軟稔，配上泰式辣醬，惹味程度絕對超乎想像，一瞬間就食晒，連白飯都食得一乾二淨。- 椰子雪糕配風乾鳳梨及紫糯米椰子雪糕配紫糯米令口感特別豐富，椰子雪糕亦唔會太甜。女友既4 course如下：- 冬蔭龍蝦湯流心牛角包牛角包一樣好挺身同酥脆，反而冬蔭龍蝦湯既質感無咁稀，沾上湯之後牛角包仍然鬆脆😋- 花生醬沙爹雞串雞肉幾嫩滑，花生醬濃稠度啱啱好，椰香同花生味一樣突出。- 鍋炒帕能咖喱雞帕能咖喱啱曬唔食得辣既我，雖然賣相一片紅海，但味道偏甜，椰奶比例較重，所以口感特別香滑。雞件亦炒得好香，沾上咖喱後非常惹味👍🏻- 真空慢煮法式焦糖燉蛋表層灑上一層糖再用火槍將糖燒焦，而下層燉蛋口感香滑，蛋味亦濃。總結而言，每款fusion菜式都好正，尤其係招牌菜流心牛角包😋另外每款菜式之間等候時間唔會太長，服務非常貼心。…查看更多

西環近年有咗地鐵後已經今非昔比，可幸既係帶嚟嘅社區重建造就咗好多新餐廳進駐，而家已經演變到一個小soho，各式各樣嘅餐廳都可以搵到。今次試嘅呢間fusion菜啱啱開幕冇耐，而家仲係Soft opening，見價錢都幾適中。——————流心牛角包都算係餐廳嘅招牌，喺其他地方都冇見過，嚟到一定要試！一切開裏面嘅龍蝦湯汁流晒出嚟，湯汁好濃好鮮味，好特別😝淨係睇賣相都已經好吸睛好有睇頭，生蠔隻隻都好飽滿，燒到啱啱好唔會太熟，所以保留到大量既鮮蠔汁，配上泰式辣汁入口特別惹味🤩一望落去已經見到大大隻大蝦，相當具份量，配上一絲絲嘅柚子肉以及泰式酸辣汁，特別開胃講到泰國特色又點可以唔提冬陰功呢，而夾埋龍蝦汁做湯底簡直係犯罪，整碟都係大蜆，帶子，以及大蝦，大量既海鮮將個鮮味推上另一個層次，送飯一流😋呢個帕能咖喱雞分量驚人，干炒嘅煮法處理咖喱雞相當罕見，每一啖都食到咖喱嘅香料包圍着整舊雞件🥰燉蛋相當精緻，一個小樽仔裝住唔同嘅層次，又最底嘅菠蘿汁，香滑口感嘅焦糖燉蛋，以及用菠蘿干做既裝飾，都顯得出廚師對甜品既想法又係用咗餐廳嘅招牌流心牛角包黎處理甜品，泰式奶茶制成既流心醬食落有滿滿嘅茶香，香甜嘅味道配上牛角包出奇地夾，為呢一餐畫上圓滿嘅句號😉…查看更多

成日都好鍾意試唔同國家菜式fusion嘅餐廳，今次聽講有間新開嘅泰式fusion菜，仲要喺堅尼地城咁近我，就搵埋一位同我一樣咁鍾意泰式風情嘅朋友一齊去食啦。餐廳有份soft opening menu，有得揀two/ three/ four courses，為食嘅我地就揀左four courses，每set都只需$228，有一份流心牛角包、一份starter，一個main同埋一個dessert。唔知係因為soft opening先咁抵，定之後都會係呢個價錢咁抵食啦。🦞冬蔭龍蝦湯流心牛角包喺中間一刀切落去，啲冬蔭功龍蝦湯流曬出黎，成個畫面好靚。冬蔭功味比較重，稍微有啲掩蓋左龍蝦湯嘅味，所以似係比較creamy嘅冬蔭功湯，但都好好食。🥐法式龍蝦湯流心牛角包呢個嘅龍蝦湯味濃好多，我個人比較鍾意呢個。牛角包中間浸滿龍蝦湯好正。🦪燒美國生蠔配泰式辣汁（Starter）每份有兩隻生蠔。每隻生蠔都好大隻，差唔多有手掌咁大隻，上面滿佈泰式辣汁，個汁有啲似明爐烏頭個汁嘅味，好正。我地叫左兩份。🥩瑪莎曼咖哩和牛尾（Main）咖哩好香濃，味道係甜甜地，唔辣但好食。和牛尾有三大舊，肉質好嫩滑。仲有啲煮得好軟淋嘅紅蘿蔔，配白飯一流。🍣真空慢煮挪威三文魚 配冬蔭意大利飯（Main，+$18）店員推介話呢道菜係呢幾日新出嘅，佢話呢個risotto唔係用意大利飯嗰隻米，係用泰國米。聽落覺得幾特別，所以揀左呢個。慢煮嘅三文魚特別嫩滑，同埋佢表面燒過，燒得有啲日式嘅炙燒三文魚咁，幾香幾好食。泰國米煮risotto幾特別，冇平時嘅risotto咁硬身，冬蔭功味濃而又唔會太酸，好食。🥥椰子雪糕 配風乾鳳梨 及紫糯米 用cocktail杯裝住好靚，勁啱打卡用。椰子雪糕嘅椰子味好濃，會食到中間有椰絲。配上風乾鳳梨同埋紫糯米，充滿泰國風情。🍮真空慢煮法式焦糖燉蛋呢個好好食！好彩有叫！焦糖燉蛋上面有一塊燒過嘅風乾鳳梨，燉蛋底下又有啲菠蘿蓉，好特別。個燉蛋係慢煮嘅，問過店員，佢話要煮兩個鐘。比起平時嘅焦糖燉蛋，呢個慢煮嘅燉蛋更加creamy更加滑，食落個口感好似食緊mousse咁，但又充滿蛋香，好食。我覺得自己會再黎食！…查看更多