頂好原味道1990 (中海日升中心)

想食正宗台灣菜, 行到位於觀塘嘅”頂好”, menu多款台灣美食, 而且好似好抵食wor.🧋鹽酥雞綜合拼盤 (HKD48)必食嘅小食梗係鹽酥乜乜乜吧! 真係大件夾抵食, 手工香腸, 百頁豆腐, 甜不辣, 糯米腸<皮勁脆必食的> 真係估唔到原來咁好味gaaaa, 一路食我地一路嗌: 台灣原味道😋. 🧋滷蛋肉燥飯 (HKD35)Li度嘅台式滷水都好好味, 我最鐘意就係每啖飯都有肉燥&汁但又唔係水汪汪嗰隻. 🧋重口味組合*關廟麵 (HKD62)豬腸好正! 豬腩肉好正! “豆腐卜”好正! 個麵仲要已撈好勁香麻油味… 原味道!🧋萬丹紅豆烏龍鮮奶+芋圓 (+HKD26), 珍珠鮮奶茶 (+HKD15)整返杯紅豆鮮奶先, 由紅豆之鄉萬丹直送嘅紅豆真係好綿呢, 而且甜度係啱啱好, 加一蚊嘅芋圓仲要好多粒香QQ.🧋飽到一個點, 然後人均消費竟然100蚊都唔使🤩.…查看更多

呢日去咗觀塘做嘢，搞掂都兩點幾，於是就同同事食埋晏先返公司。我哋喺中海日升中心搵吓有乜食，其實呢度有一半餐廳我都食過，質素都唔差，但總係會想試新嘢😛，於是就揀咗新開嘅「頂好原味道1990」。由於過咗食飯高峰時間，所以人流都散咗唔少。呢度冷氣唔太強勁，但好彩都有風扇搭救。我坐咗喺高枱，空間感更佳🪑。餐廳全日用同一張餐牌，菜式係各款台灣特產🇹🇼，即係有手工肉燥飯、夜市鹽酥攤小食同滷味等等。價錢OK嘅，但份量就唔算好多。台北夜市人氣組合($55)，🍜呢碗嘅餸料包括甜不辣、雞中翼、米血糕、百頁豆腐以及金針菇，麵條就選配咗蒸煮麵。餸料無分開另上，望落幾多，而且仲額外附有椰菜、蔥同冬菜等，好豐富。米血糕同甜不辣係比較台式嘅地道小食，估唔到呢度都有賣。我第一次食蒸煮麵，造型有啲似公仔麵，口感較為煙韌，相對應該無咁油膩。重口味組合($55)，🍜呢碗嘅餸料包括豬大腸、豬腩肉、豬皮、花干同白蘿蔔，麵條就選配咗烏龍麵(即係香港所講嘅烏冬)。雖則餐廳稱依個組合為重口味，但我覺得叫豬豬全餐更為適合，哈哈。調味方面，唔好以為滷水就一定係好鹹，呢度係偏清淡的，反而食到餸料嘅原味。堂食不設揀辣度，因為枱面有辣椒醬供客人自行調節。鹽酥雞綜合拼盤($48)，拼盤內容包括鹽酥雞、手工香腸、百葉豆腐以及甜不辣🍢。炸物雖然無靚靚嘅擺盤，但就炸得唔錯，因為炸衣夠薄、夠脆身。除咗甜不辣之外，其餘三款都好食，特別係百葉豆腐，口感得意，煙煙韌韌。炸雞肉質唔乾，都值得一試🐔。飲品方面🥤，呢度犀利喇，皆因佢同著名茶飲店「春陽茶事」合作，款式唔算有好多，但有得飲已經係意外驚喜。當中有三款更係嗌午餐免費奉送的，我哋要咗古意冬瓜茶以及蜜香紅茶。兩杯都好好飲，冰涼解渴。冬瓜茶固定甜度，呢款要有一定甜先正；而微甜紅茶就清清哋都幾好。總括嚟講，我覺得餐廳幾似車仔麵店，因為都係有好多餸揀再配麵，而餸料就富有台式風味。可能今日午市太好生意，有兩款麵都賣哂，無機會食到有啲啲可惜呢🙈。…查看更多