老鍋台式火鍋 (京都廣場)

又到星期六，放假要食好啲，上OpenRice搵吓有乜好食，又有折扣優惠；最後去咗一間台式火煱店打邊爐，經OpenRice訂位，全單7折 (海鮮及飲品除外)；我哋叫咗1️⃣ 老鍋秘製麻辣鍋 + 老饕酸菜白肉鍋 (鴛鴦鍋) $1582️⃣ 美國梅花豬肉 $983️⃣ 涮鍋小羊肉片 $984️⃣ 鴨血 $685️⃣ 皇室魚肚 $886️⃣ 醬料/茶芥 x 2 $40整體來講，這間火鍋店食物水準不錯👍🏻價格💰：$452 ($550 - $153全單7折 + 服務費$55)味道😋：OK…查看更多

今日黎到老銅食台式火鍋~7點零鐘，火鍋店開始多人，店長好好人安排左卡位俾我地。店內不似一般火鍋店，而是非常整潔乾淨，印象不錯喔~火鍋最重要當然係湯底~我地點既就係老饕酸菜白肉鍋~究竟入面係點既呢好期待~登登~~酸菜白肉呢個combination 係香港都幾罕有。湯底除左酸菜，白肉即豬肉外，仲有鮮冬菇。點左皇家魚肚~超超超厚魚肚滾個一滾後，吸晒湯底精華，爽歪歪。仲要咁厚鵝肝墨魚丸及黑松露蝦丸黑松露味道非常香，加係彈牙蝦丸上係非常夾既~愈滾愈大粒香港人一定要有牛 打邊爐我地就點左牛肩肉。牛肩脂肪比較少，岩晒一個二個又減肥又要食。而滾一滾上水後，脂肪都溶化左，肉身結實，有咬口，我幾中意。當然打邊爐唔少得響鈴~鮮炸既響鈴係與眾不同的，滾過後一樣仲脆脆既感覺~酸菜加粉絲係另一個經典配搭~之前既食材鮮味在湯底之中，俾粉絲盡吸，加上辣味，好味非常最後，相信唔少朋友都講唔出以上係咩菜~呢種係台灣空運過黎既水蓮，口感近似通菜，但要再脆一d, 青味不濃，小朋友都會抗拒，可以一戰。…查看更多

老鍋旗艦店在上年年底開幕後一直無暇光顧，現在終於有時候前來了新店位於京都廣場二樓，座位寬敞舒適！備有多款調料讓食客自取點了女仕養顏至寶膠原蛋白美人鍋！湯底用含豐富膠原蛋白的桃膠，滋陰補虛勞的原隻烏雞，配杞子、南棗及金華火腿以老火肴制喝過老火湯後便正式開始打邊爐！精選手切牛肩肉含有許多筋絡及油花，吃起來軟嫩適中皇室魚肚厚得像扒一樣，每一口都充滿著湯汁精華鹹蛋黃炸魚皮鬆脆起沙，充滿油香鵝肝墨魚丸爽口彈牙又夠鮮！黑松露蝦丸蝦肉鮮黑松露味重，每一口都齒頰留香我的大愛台灣水蓮完全沒有澀口感，吃起來脆脆的滑溜滑溜的稻庭烏龍麵充滿嚼勁吃了那麼多，最好就是來一杯自家製的沖繩黑糖烏梅汁解油膩又或杞子杭菊露明目養肝…查看更多

去完轉旅行返到香港最掛住既食物就係打邊爐，今晚即刻搵間食返餐🤣揀左老鍋，貪佢地點就腳，又有得喺openrice訂位👍🏻膠原蛋白美人鍋（左）先介紹美人鍋，有好多材料，養顏就當然必食桃膠、烏雞啦😍 店員會俾埋較剪食雞，唔怕論盡😌 湯底鮮甜，淥菜一流！老鍋秘製麻辣鍋（右）麻辣鍋就跟左豆腐同鴨血，仲有好多香料，所以愈食愈辣，爽🥳精選手切牛肩肉肉質鮮嫩，一啲都唔靱😀鵝肝墨魚丸、黑松露蝦丸兩款丸都好彈牙🥰 特別係蝦丸，黑松露味好出☺️皇室魚肚吸晒啲湯😍同勁厚，淨係食佢都可以食得飽🤣冰菜爽脆得黎好高營養🙌咸蛋炸魚皮近幾年好火熱既小食，上台時熱辣辣，就咁食勁鬆脆🤩 淖幾秒食又別有一番風味杭菊露清熱解渴，唔會太甜，岩我口味☝️北台灣荔枝啤酒男朋友就話要飲支番鬼佬涼茶😂 淡淡既荔枝味令啤酒有種清新既感覺🤗…查看更多

阿媽見我呢排成日都去打邊爐 佢又話要跟住我去食好西 咁我就帶住佢黎呢間銅鑼灣樓上火鍋店Menu同阿媽一齊食就梗係要叫番個膠原蛋白美人鍋啦 呢個鐵鍋好特別 係市面上都比較少見美人鍋個湯底真係好足料 隨便𢳂一羹已經發現有好多爽滑煙韌既桃膠 另外仲有成隻烏雞 再配上杞子.南棗.金華火腿.冬菇.粟米等去淆製 真係淨係食湯料都食得飽 我地趁個湯滾左 就即刻裝左一小碗黎飲先開始打邊爐 媽媽都話好滋補養顏精選手切牛肩肉食落有咬口 牛味好濃皇室魚肚魚肚入口爽滑 無魚鯹味之餘仲吸盡個美人湯既精華鵝肝墨魚丸 黑松露蝦丸口味好特別 不過要留意既係食既時候會爆汁 既時所以要小心d鹹蛋炸魚皮魚皮好酥脆 係即炸既美味 不過落左鍋之後食唔岀有鹹蛋既味道冰菜好新鮮爽口 平時好少會食到 都係打邊爐先會見到呢款養生菜醬料就要行到最入個調料吧自己拎 都幾企理乾淨門口有個位可以俾客人自己設計電子許願天燈 最後我地食飽之後都放左個天燈先走…查看更多

今日係5月20，即係大家所謂嘅520，係呢個咁有意義嘅日子，咁就梗係要向自己既愛人表達❤意，點解會揀老鍋？因為係呢度可以放天燈！放天燈？犯法架喎，大家放心，係老鍋放既天燈絕對合法，而且唔會引發火災係門口右手邊就有天燈區，可以用餐廳提供既IPad 揀天燈既形狀及輸入上面既心意句子，2分鐘就搞掂，冧男仔女仔都好Work呀講完咁特別既設拖，就講返正題，老鍋係一間台式火鍋店，真材實料既鍋底配以新鮮食材鍋底方面點會少得台灣勁出名既麻辣鍋及酸菜白肉鍋，除此之外仲有美人鍋同養生鍋對於女士黎講梗係要揀返個膠原蛋白美人鍋$228湯底好鮮甜，唔會好油，店員仲會好細心咁幫人客夾起湯底入面既烏雞然後再剪碎，烏雞既肉好嫩，唔會煲到過晒龍第一樣緊係要試黃金炸魚皮$68 好鍾意邪惡既咸蛋黃, 老鍋既咸蛋黃炸魚皮蛋黃份量超多, 炸得鬆脆, 好好味老鍋既手打丸都幾出色, 同埋好貼心地可以叫半份, 我地叫左黃金咸蛋豬肉丸同芝士牛肉丸 (半份) $48食既時候要小心D, 因為入面既餡料好熱, 2款丸既好感好好, 都幾好食打邊爐又點可以少左牛肉, 今次叫左精選手切牛肩肉 $198比起其他部位貴少少, 牛味好香, 好腍, 唔會韌, 個質素都幾高有個咁靚既湯底又點可以唔叫返個皇室魚肚$88魚肚全部好厚身, 放左落個湯度吸收哂個湯既精華, 完全唔需要點豉油另外仲叫左個冰菜 $68同埋寛粉 $38, 冰菜好少地方有得食淥一淥就食得, 好爽脆平時食寛粉都要煮好耐先入味, 但老鍋個寬粉比較薄身好快就食得, 而且仲會好細心比容器你裝住黎淥, 唔使之後撈得咁辛苦餐廳環境舒服, 唔會好嘈, 坐得都幾舒服食物同服務都好好, 值得推介!…查看更多

行完SOGO 行到攰，媽媽想食火鍋，搵間好坐又好食嘅火鍋，係openrice 搵到呢間評語唔錯又咁啱係附近就上嚟食啦。位置好方便，係銅鑼灣地鐵站C出口，一出對面馬路京華廣場2樓就係老鍋啦…一出有個天燈許願區可以許下願，啲老人家最鐘意有啲花臣玩下又有得影下相就最開心。火鍋價錢唔係特別貴，先嚟揀湯底先，有6款以上選擇，同媽媽嚟咁係揀養生鍋啦（$228）內有多種名貴藥材，人參，火腿老雞同豬肉精心肴製而成，果然上枱好香人參味，啲料都好多，有粟米，蜂巢凍豆腐，冬菇，紅棗，圓肉杞子等等。食火鍋點少得牛肉，我地叫左個精選手切牛肩肉（$198）新鮮又夠牛味，因為係牛肩肉，所以脂肪唔多，反而好好咬口又唔韌，唔錯。三秒響鈴卷（$68）新鮮即炸，好脆又大隻，正。鵝肝墨魚丸併黑松露蝦丸（$58）半份鵝肝墨魚丸內有一粒小小鵝肝，味好濃配上墨魚丸好爽好咬口夠彈牙，黑松露蝦丸就香黑松露味蝦丸依舊爽口彈牙。叫左呢到出名嘅皇室魚肚（$88），有8大件，超厚身，淥完後索哂啲湯好好食。最後嗌左個限量冰菜（$68）高纖低卡豐富維他命B6,感覺健康啲加上翠綠賣相好靚，淥完都好爽脆。…查看更多

麻辣火鍋，源起於四川重慶，這個吃完舌頭發麻、辣勁十足、湯頭濃郁的火鍋，在台灣和香港均大受歡迎，台灣和香港的火鍋店，因應當地人口味，獨創屬於她們的麻辣火鍋。最近也愛上了台式火鍋，愛上了頗有名氣的【老鍋】。銅鑼灣、尖沙咀都有分店。但近期去了去了兩次都是銅鑼灣分店，今次一早預訂位置，準時入座。銅鑼灣店門面一入門口就係一個天燈影相位，有得放天燈其實都係一件幾Sweet既事，唔錯既Gimmick。餐廳裝潢方面走中國風，木色枱櫈，以格子木門作分隔，位置都算多，枱與枱間有適量空間，二人枱夠闊落，坐得舒適。枱邊亦有布籃，客人可以放置個人物品。環境過得去。 睇下餐牌先，老鍋主打台式火鍋，鍋底溫和，鍋底有幾款選擇，有麻辣鍋、酸菜白肉鍋、美人鍋、養生鍋，定價$158/228，可以雙拼。我們點了麻辣中辣。並點了一些配料，配料質素高，單點價格稍高但食靚野貴小小都值得一試的。有海鮮、肉類、小食、丸類、餃類、蔬菜等。 有時係網上、手機程式不時有訂枱折扣優惠，相對抵食，可以襯優惠一試呢。茶芥、醬油 $20/位🔹老鍋秘製麻辣鍋 $158 追加鴨血及凍豆腐每份$30有大中小辣選擇((**餐牌標示，為令顧客可品嚐食物鮮味，湯底麻辣度偏低，如想品嚐麻辣味道，建議選取大辣。我們點了小辣，一開始果然辣度偏低。**)) 食落去麻辣味唔算特別重，不過後尾就愈食愈辣但最後不夠辣是可以免費加辣的..湯頭聞起來有點嗆，完全不麻，飲一啖湯非常香麻，以香料、藥材配製，可見鴨血、凍豆腐等材料。鴨血為友人推薦，果然出色，滑溜到像啫喱一樣，鮮嫩無比。鴨血跟凍豆腐等使人吃個不停。🔹咸蛋黃炸魚皮 $68驚喜食物亦係前菜就係鹹蛋黃炸魚皮，見到網上都幾推介決定一試，即炸既關係，脆卜卜，就咁食已經覺得好好食， 咸蛋與炸魚皮的創新結合，爽脆口感配上咸蛋風味，竟然出奇的搭配。蛋黃黏滿在魚皮上面食落唔油膩多了一種鹹香，極惹味。放入湯底三秒即刻食，多了種小麻感又唔會唔夠脆口，剛剛好！咸蛋黃炸魚皮用黎打邊爐係一流，食到停唔到，令人忍不住一口接一口。🔹極品黑毛豬梅肉 $138點肉類都係打邊爐之其中一個要項，在這個肌肉上並沒有多少運動量, 適合用黎打邊爐食，豬味非常濃郁但又不會很臊， 肉質鮮嫩非常軟腍，比想像中更加好吃。果然配得起極品兩字呢。🔹台灣水蓮菜 $68留意到幾家台式火鍋的蔬菜類價格較一般港式火鍋高，但吃火鍋總少不了蔬菜，還是點了份水蓮菜 。一株株翠綠細長的水蓮，是美濃獨有的風景，帶著蓮花香的水蓮菜配麻辣鍋，吃起來卡茲卡茲的爽，爽而入味。 滾1分鐘就食得，夠快手呀。🔹皇室魚肚 $88皇室魚肚超好吃,但價格偏貴，每件魚肚厚到好似件魚扒咁，放左落個鍋到好吸汁，吸晒之後一定要攤凍少少先好食，唔係一定會辣親。啖啖精華又有口感，叫誰不喜歡呢？！🔹鵝肝墨魚丸拼黑松露蝦丸 $58 半份丸類整體質素不俗，手打大粒，叫咗半份有四粒，每一粒都好大粒，鵝肝墨魚丸食落去鵝肝唔重，墨魚丸不過不失，反而黑松露蝦丸幾特別，黑松露較出之餘，蝦丸彈牙。🔹寛條麵 $38食到最後未食寬粉條都已經飽飽地了，但嗌左就不要浪費了，寛條麵份量挺多的，寛條麵大概放入鍋中一至兩分鐘就可以索晒湯底入面嘅麻辣精華，寛條麵好爽口、好有口感，好入味！就是個不敗的火鍋主菜！🔹抗菊露非常有台灣特色的【老鍋】，無論食物、環境同服務整體質素不錯非常有誠意。走之前可以再玩電子天燈喔。下次再encore試試其他湯底先。…查看更多

已經有一段時間沒到過台灣，特別掛住台式的火鍋。於是找了一家天燈的火鍋店，一解相思之苦。老鍋的旗艦店設有電子天燈，令台式味道更濃，進餐廳前在這裡先打咭是指定動作。餐廳的坐位舒服，石枱有現代感，襯托火鍋有不錯的效果。點食物後先到醬料區。膠原蛋白美人鍋桃膠有豐富的膠原蛋白，而原隻烏雞有滋陰和補虛勞的作用，加上杞子、南棗，金華火腿和老火熬，好滋補，減少傳統火鍋給人邪惡的感覺。精選手切牛肩肉肉質爽滑，口感討好，牛味突出。皇室魚肚賣相似豬皮，入口軟綿。芝士牛肉丸 - 牛肉中間爆出溶溶的芝士。黃金豬肉丸 - 豬肉丸彈牙，咬開中間有驚喜，豐富的鹹蛋黃令豬肉丸添加了咸香味。鮮炸響鈴響鈴即炸熱辣辣，香脆鬆化而且不太油膩，即炸的溫度襯熱食就最好不過。寬粉條口感滑溜，整體感覺似河粉，但更煙韌。冰菜口感清爽，味道清新，想不到作火鍋配菜也很出色。杭菊露滋潤清香，非常適合作為火鍋的配飲。要回味台式火鍋的味道，這裡是個不錯的選擇。…查看更多

五月第二個星期三晚上，清涼有微雨。下班後愛吃火鍋的朋友訂了在銅鑼灣吃台式火鍋，有一後時間沒吃了，最近天氣轉冷，很適合吃鍋。火鍋店在2樓，電梯門一開就是色彩繽紛的天燈高掛，旁邊有一部點天燈機器可以讓客人隨便許願，有30秒時間在顯示屏顯示願望，瞬間好像到了十份一樣。服務員安排我們坐下後就立刻點菜，湯底選了膠原蛋白美人鍋，等大概十分鐘掀開蓋子，裡面有原隻烏雞，烏雞有滋陰補肝益腎功效，為補身上品；有豐富膠原蛋白，近件大受歡迎的桃膠，湯底以金華火腿肴製而成，配以南棗，淮山，杞子，粟米等養顏食材，非常清甜。喝完湯以後開始火鍋時間，先有咸蛋炸魚皮，炒鹹蛋黃拌上鮮炸鬆脆魚皮，香氣濃厚，可以兩食：讓魚皮充分吸收湯底，也可以就這樣吃，保持惹味鹹香。然後有冰菜，冰菜表面有如結晶一樣而得名，爽脆多水分，低卡含高營養價值。在外國的時候會買來作沙律吃，口感清爽，吃鍋的話涮一下就好，不然越熟酸味會越明顯。有本人最愛的皇室魚肚，與一般魚肚不一樣的是，這裡的沒有油炸味，吸湯力比冰豆腐快幾倍，口感綿密，撈上來之後可以放涼一點一口吃更爽快。點了一份精選手切牛肩肉，油花分明，肉質紅嫩，入口牛味濃郁，兩人一份剛剛好。丸類點了半份的鵝肝墨魚丸，墨魚丸口感就是墨魚滑打成丸子，非常爽滑彈牙，加上一小塊鵝肝，口味獨特。再有半份黑松露蝦丸，蝦丸也是新鮮手打像鮮蝦滑一樣，加了黑松露，蝦子的香氣跟味道更上一層，而且真的彈牙得沒話說。吃到最後點了新竹米粉，為台灣名產，本人很喜歡吃新竹米粉那種乾爽身而不硬，越嚼越Q彈的口感，配上養顏湯底，是只有吃過才知道的美妙。喝完一杯明目養肝的杞子杭菊露，清清涼涼的，是時候回家休息了。…查看更多

去老鍋食過好幾次，貪佢逢星期一去食有得儲1蚊1里，但今次都係第一次去京都廣場分店，門口有得放天燈，超過癮！今次叫了酸菜白肉鍋 $158 湯底好夠酸，但略嫌肉嘅份量偏少～極品黑毛豬梅肉 $138 睇落已經覺得夠新鮮，薄切好快熟，唔駛等好耐就食得，豬梅肉夠嫩👍🏻鵝肝墨魚丸 (4粒) $58 墨魚丸中間蘊藏小小嘅鵝肝，為夠淡味嘅勿演添上色彩，但鵝肝唔肥美，有啲失色。黑松露蝦丸 (4粒) $58 每次嚟都必叫，黑松露香氣濃郁，滿佈成粒蝦丸，加上蝦嘅鮮味同埋彈牙口感，一流！皇室魚肚 $88 我無份食😆三秒響鈴卷 $68 新鮮炸起，但略嫌油膩感重。冰菜 $68 第一次食呢款菜，注意唔好淥太耐，煮一陣就ok，口感超爽口，好特別！寬粉條 $38 鍋底嘅粉唔夠食，所以加碼😆 食酸菜白肉鍋必定要有👍🏻杞子杭菊露 $28杯 真材實料，打邊爐飲呢啲係絕配～需加一服務費，埋單2人約$800。如果你鍾意睇我嘅食評，不妨關注我，支持吓我，謝謝你☺️💕…查看更多

打邊爐既樂趣就係可以慢慢煮，慢慢食，隨著自己節奏走~平時通常打港式邊爐，今晚試吓台式火鍋，等位期間見到有個天燈區，原來可以放電子天燈，咁都比佢諗到，又幾過癮bo~我覺得台式火鍋呢款中空設計既爐加熱係快過港式果啲一般既鍋既，可能因為佢受熱面廣啲同埋水無咁深既緣故。有時一大班人打邊爐一次過淥好多野食落去，加熱快都係一個不可或缺既條件黎咖~養生鍋 $228我幾鐘意藥材味，鍋底本身已經好多餸，有超多人蔘、冰豆腐、粟米、紅棗等。就咁飲個湯會飲到好濃既蔘味同甘甜味。不得不讚係個冰豆腐，非常嫩滑好食，一咬就爆曬湯汁出黎，好出色~精選手切牛肩肉 $198牛肉鬆化，半肥瘦，咬落帶肉香，同埋切得有一定厚度，口感唔錯。手打豬肉丸及手打牛丸(各2粒) $58手打丸同普通機器造既丸係絕對唔同既，手打丸依然食到肉既質感同埋鮮味，機製既丸肉已打爛曬同埋撈左好多調味添加，已經食唔出肉既原型。尤其是豬肉丸，咬開有咸蛋黃，幾有驚喜~咸蛋黃炸魚皮 $68平時零食版既咸蛋黃炸魚皮食得多，鮮製既即炒咸蛋黃魚皮別有一番風味~ 流沙蛋黃咸香惹味，魚皮炸到卜卜脆，個個食到lam lam脷。稻庭烏龍麵 $48烏冬爽滑，食落煙煙韌韌，只有高質素烏冬先做到好既口感~ 呢度既烏冬唔錯冰菜 $68冰菜表面有一粒粒晶瑩剔透好似水珠咁既結晶，我鐘意燙一燙就食，保留佢爽脆口感，烚太耐軟左反而冇咁好食。皇室魚肚 $88魚肚件件都好厚身，好索湯，用黎打邊爐又係好夾既~ 好似海棉咁既質感，不帶腥味…查看更多

今天又來吃男友最愛的火鍋。鍋底選了麻辣大辣，另外點了各種配料。醬料是在外面的調料吧拿的，有青蔥、炸蒜、辣椒、沙茶醬、蒜泥汁、芫荽、香醋和醬油。老鍋秘制麻辣鍋（中辣） $158老鍋的麻辣鍋以多種香料及藥材調製，還加入鴨血及凍豆腐。原本想點大辣的，可是店員提醒不夠辣可再加。中辣果然也算蠻辣，雖然可以更辣一點，這樣子吃也比較輕鬆，我們也沒再加了。皇室魚肚 $88魚肚共有八件，上面還有冬菇及南瓜。魚肚吸了麻辣湯汁真的吃得很爽！三秒響鈴卷 $68三秒響鈴卷顧名思義真的下三秒就好！這樣子響鈴才不會過軟呢。精選手切牛肩肉 $198牛肩肉雪花分佈均勻，牛香味重，吃下去也很香滑，男友讚不絕口。寬粉條 $38又是另一樣麻辣湯底必備的材料，份量好足，吃完真的好撐呢！冰菜（限量） $68冰菜爽脆多水份，營養價值高又低卡路里，還有維他命B6，據說是有助控制情緒。吃了那麼多食物還是多吃點冰菜平衡一下。台灣啤酒（買二送一）麻辣火鍋少不了啤酒。這裡還有比較少見的台灣啤酒，還在進行買二送一的優惠呢。吃飽喝足的一頓飯，有機會可以再來試一下膠原蛋白美人鍋，好像很滋補呢！…查看更多

今個冬天已經過去，印象中竟然沒有食過火鍋！反正，香港人早已不再局限於寒冬季節才食火鍋，再加上全球氣候暖化，香港的冬天越來越唔凍，即使天氣已經開始轉熱，也決定今晚打邊爐。近一兩年，香港忽然興起台式養生火鍋，到底與港式火鍋有什麼不懂就不太清楚，凡事總有第一次，就趁今晚揀「老鍋台式火鍋」試一試；一間餐廳竟然在銅鑼灣開設兩間分店，位置還要相當接近，應該有過人之處。第一個引人注目之處就是貼在牆壁上的明星與火鍋店老闆的合照。本來，這種普遍的宣傳手法也沒有什麼特別，但正中央位置竟然是「發哥」的照片；印象中，「發哥」從未試過配合餐廳宣傳，莫非這張照片真是「發哥」幫襯過的真憑實據？另一個裝修特色就是播放着「放天燈」動畫的LED屏幕，點題了「老鍋」是台灣菜餐廳。去到餐廳時間尚早，人唔多，獲編配靠窗座位，望著街外熙來攘往的人群，多添幾分熱鬧。裝修以深沉顏色木材為主調，並加入一盞盞正方體吊燈以模仿「放天燈」的場面，再加一枝枝「台灣啤酒」空樽；刻意增添台灣風情。台式火鍋與港式火鍋的第一個分別就是醬料的選擇，只有七款。火鍋料一頁兩面，另外還有兩張精選推介，款式唔算特別多，但基本選擇齊全。食火鍋首先要揀湯底，選擇同樣唔多，只有四款。不過，今晚食台式火鍋的主要誘因就是其特色養生湯底，從兩款中揀了膠原蛋白美人鍋（$228），另一款尚膳養生鍋偏重藥材，味道並非人人接受。邊爐鍋疑似仿製銅鍋，古色古香；如果是真正傳統銅鍋，中間的空心煙𠧧其實用來放入燒紅的木炭，藉此保持湯底的溫度。雖然銅鍋只是仿製品，實際還是利用電磁爐加熱，總算是一個特色。膠原蛋白美人鍋（$228）湯底材料豐富，包括原隻烏雞、南棗、杞子、金華火腿及桃膠；明顯專為女士而設的養顏滋補湯底。淺啡色的桃膠其實是植物分泌出來的樹脂，含豐富植物膠原蛋白及高濃度植物纖維，論味道當然及不上動物膠原，但卻較為健康。台式火鍋特色要先嚐一口湯底。味道鮮濃，較廣東老火湯更加濃味，真是啖啖鮮雞及金華火腿精華；要形容的話，等同中式湯羹的上湯湯底，淺嚐一小碗已非常足夠。炸魚皮在港式火鍋店已經流行了一段時間，既可當作小食，亦可放在火鍋灼幾秒以吸收湯水；幾年前由新加坡傳入的進化版香口小食鹹蛋黃炸魚皮風靡全城，估唔到「老鍋」也有得食，還強調即時新鮮製作！鹹蛋黃炸魚皮（$68）香脆鬆化，表面沾滿香濃鹹蛋黃醬，加上微微温暖，好食到停唔到口！但隔油唔夠徹底，碟底殘留了一片油脂，影響觀感。冇揀價錢較貴的安格斯牛排或手切本地肥牛，只要了精選手切牛肩肉（$198）。片片牛肉厚薄均一、大小尺寸也恰當，一口一塊。牛肩肉雪花紋唔多，勝在肉味鮮甜，肉質軟腍、咬口兼備。皇室魚肚（$88）每件約 1 cm 厚，這款鬆身魚肚雖然膠質及價錢比不上正宗花膠，但卻適合用作火鍋材料。盡吸湯汁之後，味道豐富；加上鬆軟口感、又夠厚身，好食。鵝肝墨魚丸拼黑松露蝦丸(4粒)（$58）適合二人份量，多人的話可以揀 8粒（$98）。蝦丸混入了黑松露醬，重口味掩蓋了蝦肉本身原有鮮味；雖然彈牙，但只有蝦膠、欠蝦肉粒；整體味道一般而已。鵝肝墨魚丸就好食很多，外層彈牙、有墨丸鮮味；中心藏有一小粒鵝肝（抑或只是鴨肝？），由於與墨魚膠分開，可以先後嚐到墨魚及鵝肝味道。綜合餃類拼盤（$98）包括水餃、鮮蝦雲吞、韮菜餃及魚皮餃各2粒。水餃及鮮蝦雲吞蝦肉爽口鮮甜，只是稍為欠缺蝦籽及大地魚粉的甘香。韮菜餃質素一般，韮菜份量唔夠多、豬肉比例偏高，韮菜香味唔夠。香港常見的腐皮，無論新鮮或乾身皆是皺摺成一條條的外型；千張豆葉紙(台灣直送)（$38）同樣是腐皮，但賣相就非常獨特，竟然是一張張平直、軟身的腐皮紙。灼熟之後原來同港式腐皮相同，也是皺成一團；咬落軟身帶爽韌，韌度較港式腐皮為高，豆香一般，勝在賣相特別。稻庭烏龍麵（$48）即是香港人稱的烏冬。口感不過不失，未夠彈牙煙韌；但所提供的小罩籬就非常貼心，用來淥烏冬非常方便。離開時已經晚上八點半，餐廳座無虛席，兼且煙霧彌漫。除了游水海鮮的選擇不多之外，其他各款火鍋材料已相當齊全，食材亦夠新鮮；火鍋湯底雖然選擇不多，但主打的台式麻辣風味及養生湯底就是與其他港式火鍋店的與別不同之處，值得一試。…查看更多

食台式火鍋唔係養生就係美人，兩個女仔當然係美人鍋啦～～美人鍋湯底有大大隻烏雞，有好多唔同嘅滋補藥材。我哋唔算好肚餓，所以主要都係叫D丸試下芝士牛肉丸&黑松露蝦丸牛肉好有濃味，一邀就爆出裡面嘅芝士醬，兩者都幾夾，至於黑松露蝦丸真係食到切細咗嘅蝦肉，黑松露味飄香但唔會勁到入唔到口，我自己覺得呢個程度剛剛好。皇室魚肚大大舊飽肚感十足，因為有好多氣孔位，所以放落去淥之後會將湯汁全部鎖住，一咬就會滿口鮮甜濃味嘅湯，加上爽口口感，好似食緊柔軟版嘅豬皮！精選手切牛肩肉牛肩肉紋理分明，牛味濃郁又有嚼勁，因為有一定厚度，令牛肉同湯混和嘅時間多咗，味道都更豐富，比起油脂豐腴嘅雪花肥牛，我自己比較喜歡口感類嘅牛肩肉～～鮮炸響鈴鮮炸響鈴一上檯就聞到大豆味，每件仲要比坊間響鈴大一倍，食一件已經大滿足！寬粉條打邊爐要食個麵先舒暢嘅話就一定要食呢個寬粉條啦～～佢最神奇嘅位係淥熟咗會變透明，口感爽之餘會有煙韌感覺，好似食緊麻糬烏冬，而且佢份量好多，一定食得飽。杭菊露用蒸餾方法萃取嘅杭菊露比一般菊花茶更清新甘甜，打邊爐一邊食一邊飲清熱解渴仲解膩，唔喜歡酸梅湯嘅朋友（我）可以考慮下呢杯飲品呢～～等lift期間發現門口位有個螢幕有好多天燈飛下飛下，影張相打卡都幾過癮。…查看更多