喜相逢 (砵蘭街)

這日來到太子地鐵站附近一間餃子店。呢間店都幾特別，外邊睇落去古色古香。店舖下午主要係餃子店，夜晚嘅菜式就比較多元化，有西餐餐牌。有隻貓仔坐陣haha我哋兩個點左兩份煎餃子，一碟蔥油雞。一枝豆漿。餃子即叫即煎，開放式廚房睇到同埋聽到廚師煎餃子。我哋一向都好喜愛食煎餃子，呢度嘅煎餃子整體不錯，香口得來沒有肥膩感覺。雲耳椰菜豬肉餃的口感比較多層次，雲耳及椰菜絲也爽口，感覺健康清新。隨碟附有少少辣嘅餃子汁，令到味道更突出。白菜豬肉餃子感覺比較傳統，佢哋用嘅白菜係大白菜，即係好似紹菜，餡料顏色望落去都比較淡。食落去口感比較林，配合酸酸地嘅應該係似鎮江醋，係傳統家庭味道。最後我哋嗌左一碟蔥油雞。蔥油幾香，雞嘅味道都幾鮮，肉質香滑，唔錯。最後食餃子不能忘記配上豆漿😊期待下次再嚟食其他味道的煎餃，及其他小食😊…Read More

有時覺得成日出去食咁多Cafe野、韓國日本野都有啲大魚大肉了，有時會想食返少少中式野，清淡啲、簡簡單單反而仲好。不過好多時係街隨隨便便咁搵都好易中伏。今日去開太子，就搵到呢一間食餃子嘅。白菜豬肉餃&雲耳椰菜豬肉餃雙拼（$40）呢間主打食餃子嘅，咁就緊係必點餃子啦。都有幾種餡選擇，白菜、雲耳椰菜都想試，所以決定叫雙拼，每款各4隻。鐘意啲肉餡無味精味，調味亦唔會太鹹。啲餃子仲係當日新鮮包嘅，無擺過落雪櫃。又真係會好食少少，可能因為個皮無雪過，唔會因為收乾左水而太硬身太粉感。見到師傅同姐姐包餃子都包到唔停手。雞絲湯麵（$36）除左點餃子，決定叫個麵試下。呢個雞絲湯麵唔辣嘅，啱曬唔食得辣嘅人。麵質方面無咩特別，合格嘅。蒜蓉萵荀絲（$68）而家食飯好多時都鐘意叫多碟菜，健康啲。呢個蒜蓉萵荀絲，雖然係「炒」，但完全唔油，同埋最緊要唔辣，清淡啲健康啲。呢個屬於兩人份量，一碟如果自己一個人食會食唔曬。題外話，其實本身係見到呢間個門面幾特別，好有中式復古feel。真係有啲估唔到，呢間裝修得幾別緻，但啲餃子同麵嘅價錢卻仍然係抵食嘅街坊價錢。…Read More

放工行到嚟太子塘尾呢頭，如果諗唔到食咩，set定食餃子嘅目標俾自己都可以，皆因呢頭好多餃子店，話唔定食到間絕世餃子𠻹呀呢間嘅醉雞酒味好濃烈，啲雞肉完全入晒味，澀澀地好過癮煎餃子一上碟，姐姐提大胃趁熱食，果然溫度決定鮮味，好好味呀點吓碟上嘅麻辣醬，唔太辣仲好吊味，好易入口同開胃湯餃隻隻都好大粒，雙拼仲要唔使加錢𠻹呀一碗有8粒，隻隻都好足料咁仲有茶脯跟碟，辣辣地幾得意雲耳夠晒爽口，同豬肉亦唔會有衝突無論你食唔食芫荽，呢個香菇芫茜餃絕對易入口，仲好綿好嫩，味道亦唔濃烈辣醬加溏心蛋，完美彼此昇華呢間係兩間餐廳合營，所以風格較為獨特…Read More

老闆娘係四川人🇨🇳所以味道非常正宗，主打手工餃子同涼拌小食。裝修好似間中式酒吧咁，仲有個開放式廚房。💗蔥油雞 ($78/例牌)呢個組合有d反傳統，由涷食雞件配上熱辣辣蔥油。雞皮爽滑，底下有層水晶啫喱，再到口感結實嘅雞肉。聽講係走地雞，所以脂肪比例較少，肉質較瘦相對冇咁滑，但健康好多🐔白斬雞冇用鹽醃過，未夠入味，雞味亦未算好濃，所以一定要點即叫即撞嘅蔥油🥣蔥同薑嘅份量足料夠哂香，但都係唔夠鹹。💗雙拼湯餃 ($40)餃子包得好工整，隻隻大小一樣🥟外皮薄身得嚟唔易穿，食落比一般餃皮更煙韌，悲傷小姐特別欣賞👍🏼餡料脹卜卜，菜同肉既比例啱啱好，唔會淨係得肥肉，伴碟嘅生菜食落都爽脆清甜。🥬白菜豬肉餃較淡味，更食得出菜嘅清甜味，咬落去好多肉汁，餡料比較柔軟。🐷雲耳椰菜豬肉餃口感就較豐富，雲耳增加爽口，配上嫩滑豬肉，食落偏鹹鮮。配埋四川麻辣醬油吊味，帶少量蔥、芫茜同辣椒粒好香，花椒油唔會太麻，唔食辣都接受到🌶💗雞絲湯麵($36)麵條幼細，口感較軟滑，唔會煮到淋哂依然有咬口，不過悲傷小姐本身比較鐘意爽口彈牙嘅粗麵多d🍜舖面嘅雞絲唔會得個一束仔做裝飾咁少，食落都唔算「鞋」🐥清湯底帶濃烈嘅麻油香。整體味道偏淡，必定要加自家製菜脯，食落爽口帶微微麻辣，完全畫龍點睛😍…Read More

經過太子見到尼間主打川菜同手工餃子既店鋪，裝飾古色古香，播住懷舊經典金曲。廚房係開房式，但係絕冇油煙味。除左川菜仲有西餐可以點，選擇多多。叫左秘製醉雞例牌($78)，鴛鴦戲水湯餃($40)，雲耳椰菜豬肉煎餃($33)。醉雞係餐廳既必食推介。醉雞酒味香濃，每啖雞肉都充斥住花雕味，而且脂肪凝結成膠狀，加上鮮嫩既雞肉口感豐富，伴碟有少少曬乾咗既杞子。湯餃可以雙拼，各款有4隻。揀左香菇元茜豬肉餃、白菜豬肉餃，湯餃每粒都脹卜卜，餡料十足。香菇元茜豬肉餃既元茜味非常重，有大量元茜，適合中意食元茜既人。而白菜豬肉既比例均勻，粒粒都好足料。湯餃會附送辣辣地既菜脯，爽口帶辣，令淡淡地既湯底更添色彩。雲耳椰菜豬肉煎餃，煎得剛剛好，唔會過火，尼個餡料既配搭好有層次感，而且食落好健康，點埋四川辣椒醬汁就過哂癮。整體，餐廳裝潢有心思，以木為主既設計令人有種好似去左古代食餃子既感覺。餃子餡料豐富，而且包得靚。抵食。…Read More

又係幫人補完習，要食嘢補充體力嘅時候啦！今日唔太想食飯或者麵，就一於去食餃子啦😆依間係太子嘅喜相逢好近地鐵站，超容易就可以揾到。店舖環境ok嘅，係暗咗少少😆我點咗一份雙拼湯餃子(四隻白菜豬肉餃同四隻雲耳椰菜豬肉餃）同一份水晶皮蛋。我怕自己受唔到辣，所以仲叫咗豆漿😂😂😂如果一個人去食，我建議大家真係好肚餓先點埋小食，因為佢啲餃子好足料🤣先講白菜豬肉餃，一食落去有少少酒味，再感覺肉汁嘅味好強烈，但因為有白菜嘅關係，味道重得離唔會太過👍🏻第二隻我就點咗辣油，食落又另一翻風味！我幾推介大家好似我咁先試佢嘅原味道，再根據個人喜好點辣油😆雲耳椰菜豬肉餃嘅豬肉味同酒味無白菜豬肉餃強，但依款餃子所有餡料嘅味都食得出，都唔錯呀！最後小食辣嘅水晶皮蛋幾特別，係透明㗎！😳因為配咗啲青瓜絲，所以辣都唔怕！…Read More