一風堂 (新港中心)

好耐冇黎呢一間了... 有段時間不在香港，去日本和台灣旅行時反而有主動找好的拉麵店...今次約了好友來食，好在味道水準還能保持... 白丸和雞湯豬骨拉麵都好食 --- 後者味道較濃，麵質亦有不同，但ANYWAY，係好食既。我個人認為，此店比大板市近心齋橋的店更好。以前試過餃子，味道一般，今次不再點了。…查看更多

一直食開豚王覺得好滿意，但食得多始終會悶，想試下其他出名的拉麵。今日終於有機會，落雨，早放工就係最好時機。唔夠7點去到，自動拎飛，等左大約15分鐘就叫可以入去，坐低環境都唔錯，見到師傅在玻璃窗入面煮麵，幾得意。開始翻開餐牌睇食乜，最後叫左白丸同赤丸，再加多個叉燒角包，呢個夾餅一點都唔平，但見咁多人介紹即管試下。好，好，好快，唔洗10分鐘食物就黎齊。首先當然係一試湯底，普通，好普通，同豚王簡直冇得比，似出面街買的包裝拉麵，自己返屋企煮的味道，濃又唔濃的豬骨湯底，好普通。份量又少，兩啖都搞掂，女仔黎講都好少，完全唔飽。豚王都唔係貴好多，但食完係滿足又飽，都係乖乖地食返豚王吧啦最驚喜係個叉燒角包，睇個包都已經ok細，入面塊叉燒先經典，細到呢，飲茶個d叉燒包個包重比呢個軟，一樣無味，完全唔值得叫，有被騙的感覺。埋單$200唔洗，叫做試左，再食，sorry，做唔出。…查看更多

一次自己食,一次同友人食兩次都係兩點後食,雖然無乜人,但唔知點解兩次都咁好彩miss左我個number,追問下先馬上補回湯底真係好濃味,最後成碗湯飲哂,但麵身差d,再彈牙同軟身d會更好隻蛋我自己倒番落湯,連埋濃湯食夠哂濃味赤丸帶些少辣,食落去感覺比白丸更濃味…查看更多

日本大阪嗰間一風堂幾年前已經試過，印象不錯，湯底同麵條都好，唯獨店裡面太熱，抽風好差，食到d汗不停滴。至於香港呢間，開咗一段時間，開業初期要排兩個鐘，實在無本事去等。而家開多兩間分店，尖沙咀呢間嘅客量少d。12點去到，唔洗排隊，食完大約一點鐘，外面都只得幾個人排緊隊。我地一家3口，被安排坐卡位，好寬敞，而且冷氣夠，唔會好似日本咁食到身水身汗。最近推出新拉麵，阿爸一睇就話要試。我同阿媽就試番d basic d ge, 阿媽要白丸，我要赤丸。再加一客餃子同爆裂豆腐。爆裂豆腐，size 細細，索價$58，有點貴。所謂ge爆裂係用熱石鍋上，上枱時gi gi ja ja，加上辣辣地。除咗豆腐，仲有麵條碎，洋蔥碎同肉碎，而個精華係個汁，好惹味，味濃，又辣，貴得有道理。餃子一般，無咩特別。阿爸嗰碗勁豐富，有4片叉燒、半隻半熟蛋、炸牛蒡同蒸蛋。仲有骨膠原凍同柚子胡椒。份量好多，阿爸連湯都飲埋，食完連餃子都食唔落。白丸同赤丸嘅湯底係一樣，只不過係赤丸加咗辣。豬骨湯底味道濃郁，赤丸嘅湯底多咗一層肥油，所以好似香d...麵係幼身，同其他拉麵店不同，軟硬度適中，同個湯好match。不過蔥花同日本差好遠，日本嘅蔥花勁多，而且蔥味濃，好食好多。叉燒半肥瘦，都唔錯。…查看更多

好多朋友都話好好食，所以專程出去食，見到超多人排隊都照等入到去招呼唔錯上菜時間都 OK 快，不需 10 分鐘已經有麵送上不過當食第一口時就覺得不值呢個價錢和等這麼久跟日本拉麵店比仍差一大段距離1. 湯不夠濃2. 麵的份量也少3. 差燒也淡而無味可能是我的期望過高吧 …查看更多

終於可以去拜會一下呢間高食評既拉麵店, 但失望而回.....如要等一小時換來此質素, 跟本不值得.....麵質一般, 湯味道濃烈, 喜歡濃味的不錯選擇這個冇特別炸物一堆, 不吃也罷 唯一推介.....讚辣辣地, 冇乜特別…查看更多

７／３／２０１２同阿媽＆阿姨行ＴＳＴ，　晚餐打算去一風堂睇睇洗唔洗等太耐，　７：１５ＰＭ去到，　有少量人等緊（因為唔人齊唔比入）。我地３個，　安排坐４人的卡位。食物：我要了白丸：麵有咬口　（我ｒｅｑｕｅｓｔ了硬身的麵），　個湯好濃好香，　肉就薄薄２片。味道仍然好，　不過好似細碗咗，　幾啖就食完咁。阿媽同阿姨要了雞湯豚肉拉麵。蟹肉牛油果芥末沙拉：份量細，　不過都幾好食。用Ｄ蟹肉牛油果搽上塊好似餅乾的物體，　幾香牛油果味、蟹肉都幾多，　加上芥末味都幾襯。叉燒角包：之前食過一次，　已經覺得係必食之物。不過今次Ｄ叉燒無之前食咁＂豐滿＂，　但味道仍然好，　個汁仍然好味。ｓｅｒｖｉｃｅ　ＯＫ，　不過無主動問Ｄ麵要軟定硬，　我叫走蔥又忘記了。…查看更多

之前睇報紙飲食版都有介紹過博多一風堂，好吸引；係openrice既食評排行榜亦高居前位，所以要決定親身去試下有幾好食。去到餐廳門口拎位已經有好多人等位喇，果然吸引好多人黎一嘗博多拉麵風味。我地都等左大約三十分鍾呀.....好肚餓~~~當入餐廳門口，職員一口純正而流利既日語招呼，好親切呀。亦有侍應係日本人，招呼亦好友善同細心因為我唔食得辣所以叫左白丸，男朋友叫左赤丸，另外我地每人再加隻半熟蛋yeah~~~~拉麵到喇，奶黃既湯底不太油膩，先飲一啖湯，飲得出係好香甜濃味既豬骨湯底，真係好似係日本食既正宗拉麵~~~好滿足，好正呀拉麵麵度適中，好彈牙呀~~~塊叉燒同半熟蛋亦好好味，完全收貨！！！試左男友個碗赤丸既一啖湯，係偏辣，飲唔到太多湯，好岩鍾意食辣既朋友。因為實在好肚餓，拉麵份量亦唔夠，我地兩個追加拉麵，食完真係好飽呀~~~~~~…查看更多

前排見到同事個facebook講過一風堂以正宗日本拉麵聞名,所以今日我同baby黎潮聖我同事講過黎親都要排一個鐘隊,所以我同baby一早一點黎到結果只係等左三個位就到一如我所料店內裝潢得好日系拉麵店feel,i'm like!!拉麵主要分三種,赤丸,白丸同辣肉,我同baby就揀左白丸同赤丸order時侍應會問你麵o既軟梗度有:軟/普通/梗選擇,彼窩心的服務白丸主要係豬骨湯味,豬骨湯好香好濃而且好有豬骨味good唯獨叉燒冇乜味...赤丸主要係加左辣醬味o既豬骨湯,反而赤丸有日式叉燒叉燒味道好好,好香口好特出!糖心蛋流心好多,我建議食o既時候放落碟度,以免流漿炸雞一d都唔油,肉質鮮嫩唔乾而且有肉汁,不過唔明佢點解改個名咁長....餃子味道一般唔算有驚喜~…查看更多

今日一早同屋企人飲完茶就搭車出新港...專登黎試呢度既拉麵一去到要等70張飛, 等左45分鐘.服務態度幾好, 上菜速度5分鐘左右白丸($68): 濃味豬骨湯底. 仲見到一舊舊白色細細粒既肥膏. 入口感覺真係有D肥膩... 但味道就幾好, 叉燒唔知係咪咁啱呢...好瘦, 有D"鞋"赤丸($68): 都係豬骨湯底, 有少少辣, 仲有蒜油味. 個人覺得味道好食過白丸.糖心蛋2隻($10x2) : 好好味~叉燒角包($28): 有沙律醬, 生菜, 肥肥地既叉燒, 熱熱地幾好味但男友話都係覺得豚王好食D. 不過坐得無咁舒服囉…查看更多

星期日計劃好去參觀老死新屋, 約好1:30集合, 所以前一晚亦到諗定要去豚王試個拉麵先赴約, 朋友亦告知最好11點前去排隊, 否則有排等! 不過最後10點半先起身, 所以放棄咗! 突然間諗起最緊人氣旺盛0既一風堂, 心諗一定會較易搵位, 所以即刻action! 去到一風堂已經12點10, 唔係太多人等緊, 當時只係叫到7號, 但係我拎到50號飛, 心諗起碼要等30分鐘至45分鐘! 最後好好彩等咗20分鐘就入座, 可能因為一個人關係, 所以快少少, 所以有時獨食都係唔錯 ^^一入內大部份0既待應都會一齊講歡迎語, 起約聽幾次都覺得 ok, 但係每有人入座, 佢地都會講一次, 之後就會覺得有少少嘈睇完餐牌最後決定點白丸+流心旦+柚子茶 先講白丸, 豬骨湯底清, 唔肥膩, 好味! 而幼麵亦夠彈牙, 叉燒肥瘦都適中, 整體嚟講都唔錯! 流心旦亦夠流心, 不過係無用醬油調色過, 可能係店主希望食客可以食到旦味, 不過我個人較鐘意有醬油0既旦 而最後柚子茶就唔夠柚子味, 一般!總括嚟講下次會再試! …查看更多

身為日本一蘭拉麵的Fans，早前聽聞繼中環豚王後又有日本拉麵店新開，特意去試一試！為免等太久，差不多過了Lunch Hour才到的，不算太多了，等了25分鐘左右而已~店內都幾多位，比起豚王確實係坐得舒服很多...白丸元味，豬軟骨湯底不算濃，只是普普通通麵身唔夠爽，一般而已叉燒是不錯的，幾好味，肉質唔會太老，又有少少湯底味加了溏心蛋，好味，不過貴左D... 赤丸新味，湯底都的確有點辛辣侍應生說不太辣...可能是本人不吃辣吧..吃到嘴也紅了 麵身質地真係唔夠彈牙，跟豚王差很多呢......一風堂辣肉味噌友人很吃辣的，但也說頂不順 總而言之，我只能說這兒的拉麵不算差，但如果要排隊這麼久，真是免了...... 質素只是比味千好些少，但價錢一點也不大眾化完全比不上中環豚王，莫說日本一蘭拉麵了... ... …查看更多

最近迷上食拉麵,中午晚都可以食...加上近日食友不斷推介一風堂真係忍唔住都要行住等!是日放工後就去拿飛當時叫到5X, 我張起飛係0361 (到E家都不能忘記),行住等都等得好辛苦,最後入座時間9:20分左右 饑餓狀態咁.... 所以入座既時候大家都好DOWN,2個人...拿拿淋叫左5樣野白丸元味 - 豬骨湯底, 拉麵雖然唔知正唔正宗, 但係又食唔出有咩特別!赤丸彩味 - 又唔係話好辣....份量不多,我可以要食2碗先可以夠~餃子 - 都OK....一啖一隻....又唔會漏! 炸裂豆腐 - 想俾個UNLIKE佢....俾佢個名呃左!!!!用炸過的麵條&豆腐加上辣味增湯度.......湯極咸!豆腐份量又極小.....千奇唔好俾佢個"人氣" 呃到叉燒角包 - 未去之前....D食友已經講到好吸引....又點會唔好食先??? 真係要強烈推介啦!!!用饅頭咁既包 包著叉燒....中間夾著生菜和沙律醬~個沙律醬用d 叉燒又幾match wor 等到癲左既一餐晚飯....如果下次食都要等咁耐! 我老實答你....寧願唔食啦…查看更多

從日本吹到來的拉麵店一風堂短短開業數星期，氣勢已相當迫人，好評如潮，是日便相約友人一同前來試過究竟。傍晚6時多到來，店子門口已人頭湧湧，派飛的便去到二百有多之後，但號碼仍只是停留在四十之頭，個多小時候回來更派至五百餘數並且截票，其後剛到的人客亦只好失望而回。苦等多時終於輪到我們了，麵店選用紅黑二色作其主格調，牆邊掛滿了不同樣式的拉麵碗。頂上更擺了紅白湯匙與拉麵碗，整間店子雖坐滿人客，但亦一點局促感也沒有，坐得挺自在的。店員亦見相當忙碌，與正休閒品麵的客人來過對比。白丸：麵店主打3款不同口味的拉麵，白丸便是其中一款，有別另外兩款拉麵，白丸走著清新路線。湯底用上清澈而不油膩的豬骨湯，湯裡能嚐出個濃郁的豬骨味。湯面灑滿了蔥花及一堆爽口的黑木耳。選用的拉麵為幼身，吃下質感為硬身且彈牙，整碗麵吃下亦見得拉麵因長時間浸湯而變得過腍。可能基於配合白丸的清新，叉燒用上瘦肉中帶點略肥的，以減去其油膩感，但叉燒之所以讓人又愛又恨當然是其肥美的滋味，故這幾片叉燒確有點失色。赤丸：若喜歡味濃的大可選擇赤丸，同樣濃郁的豬骨湯底裡加添了香濃蒜油和店方秘製味噌來調出其香濃且味辣的風味。除此之外，赤丸更外加上紅味噌。而赤丸用上的叉燒便是肥美的版本，不論油脂質感或其香味更勝白丸的，這樣叉燒才讓人有吃不停口的快感。辣味味噌：倘若你問可否有比赤丸更重口味的，當然要數到這款辣味味噌口味了。香濃豬骨湯頭再淋上赤紅色的辣油，來個鮮色奪人營造其辛辣形象。湯裡頭所滲出那香辣且甚富層次感，這辣味相信仍能一治你心中那股辣癮吧！而辣味味噌放的叉燒比赤丸來得更肥美，單看那透白的肥肉，這塊叉燒的口感亦非得閒之輩，好味亦需付出點代價餃子：鐵板盛著5件的煎香餃子上灑滿了葱花和薑粒。吃著相對地香味可口，而且內裡的餡料亦保留了些肉汁。雖是餃子小巧，一口整個吃下亦沒過多油膩感。但其味道表現並非有其獨特之處，在外亦可找到此級數的餃子，故個人比較推介叉燒角包。叉燒角包：這款為紐約及香港店獨有的包，暫姑勿論其味道如何，只起碼日本吃不到！！一大塊角包夾著肥瘦相間的叉燒及一片生菜，正是叉燒的那肥肉脂肪帶出了肥美的質感，這不是那些全瘦叉燒所能取代的味道。包子質軟味甜，配合那片生菜正好平衡整個包的油膩感並且徒添了些爽脆口感。而當中那些調配醬汁更能起著增加吃慾之效，一口接著一口地把它消化掉。吃著這個角包不禁令我懷當初在廣州實習生活時，每天早上都來個一口饅頭一啖豆漿的寫意生活。沖繩冬甩伴雲呢拿雪糕：說真的，之前尚未接觸個此道甜品，加上店員亦加以推介，故蠻期待。甜品送上時，幾塊已切開了的炸冬甩及一球雲呢嗱雪糕。冬甩炸得金黃色的，可惜吃下口卻來得比較硬身了，可取的是其濃郁的香味。而那球雲呢拿雪糕就選自普通，沒有太大驚喜。雙球雪葩：兩球分別為檸檬味與芒果結合熱情果的口味，雪葩的沙冰質感不算豐富，個人比較喜歡檸檬味以貪其味道較清新，酸酸甜甜的。在香港，那裡食店"鋒芒乍現"，那裡便人龍編成，排隊與用膳的時間更成反比，電話預約更需早上個多月。到底是否得花上一大段時間來換取，亦留待各人分析。…查看更多

今日約定左老婆去一風堂試下佢既拉麵. 咁我就早一個鐘去到拎位啦...點知1072號...但7點10分既時候叫到805號而已本來想放棄, 但老婆突然同我講你想試咁耐就等啦, 期間行住街食下野, 一等就到9點53分..終於入得去, 門口既帶位亦好有禮貌話'要你地等咁耐, 真係唔好意思'。因為一早就睇定食乜就立刻叫左白丸, 赤丸, 餃子同叉燒角包我的白丸麵外加溏心蛋, 湯清甜有豬骨既膠質, 但係返屋企都飲左唔少水, 可能天氣熱啦~老婆的赤丸麵加蛋, 因為有蒜油同辣醬, 味道比白丸更濃一風堂叉燒角包, 真係好好味, 但因為太肚餓, 兩三口就KO左一風堂出名既餃子, 雖然$38/5隻, 但真係好出色, 皮簿油少有肉汁總括黎講, $68一碗麵真係物超所值, 餃子可能算比較貴, 服務大致很好, 只時有些小插曲就係有人要求將3人既飛轉單人位攪到秩序好亂, 希望佢地控制到呢個問題啦, 唔係之後有排煩, 個個有理無理見多人就分枱座。 …查看更多