留家廚房

窩夫與閨蜜的生日飯聚，壽星女想吃中菜，一行四人光顧灣仔的「留家廚房」。點了兩個前菜，太史戈渣(每件$25，四件起)原是北京街頭小食，以上湯和雞蛋製作，上桌時賣相似甜品，口感很特別，蘸砂糖吃更加滋味。另一前菜苔條九肚魚($128)的九肚魚比例較少，脆漿偏厚。薑蔥焗廣島蠔($198)的薑蔥總是比蠔受歡迎。留家煙燻雞(半隻$218)是招牌菜，將雞以鹵汁浸熟後以乾玫瑰花蕾、片糖和甘蔗煙燻成，煙燻味香，雞肉入味，不愧為招牌菜。魚湯雜菜煲($188)的賣相不錯，蔬菜種類頗多，有芥菜、白菜、菜心和金菇等。提早一天預訂的壽桃(半打$72)叫人失望，上桌時六個包散落在蒸籠中，因為想捧著來拍合照，只好自行將包擺好，但差不多個個包都裂開，實在無辦法補救。請經理過來看看壽桃的賣相，他說因為天氣太熱………查看更多

留家廚房食過幾次今次難得好多人一齊食可以叫啲一圍圍先食到嘅菜式！例牌必叫留家煙燻雞雞肉滑，雞胸部分都好冧極香煙燻味，好好食！留家叉燒即叫即燒肉質軟熟，烤到好香仲有啲脆脆燶燶地嘅邊位🤩艇曬蝦醬蒸玻璃肉蝦醬好香又甜又會死鹹上次食過虎掌菌扣肉念念不忘啖啖滲出泡椒香氣，肥而不膩非常正圖中為兩份份量京酥鴨🦆鴨內釀有蓮子薏米瑤柱仲有好香嘅鹹蛋黃🤩鴨炸得酥脆，上菜時淋上鴨汁份量都大，最好要有半圍人先勉強食到🤣梅菜蒸芥膽有驚喜本身怕芥菜會苦，但呢個好甜陳皮牛肉餅好香牛肉味口感不俗，可以送好多飯男仕們好喜歡涼拌醉鮑魚用酒糟，玫瑰露同味醂醃製酒味濃郁而帶微甜羊肚菌豆腐都有菇香，豆腐滑溜最尾個炒飯叫雪山飛龍即係黃鱔炒飯…查看更多

回想去4月底，那時剛剛回復生活正常，可以回公司工作。巳經有2.5個月，冇見同事啦，我哋幾個約埋一齊食午餐敘舊一下。其中一個提議食點心，另一個提議嚟呢度食，咁我就負責訂枱啦～留家煙燻雞 (HK$208/半隻)．呢個招牌菜，試過會覺得真係色、香、味俱全．上枱巳經聞到好香，入口雞肉嫩滑，雞皮吸晒啲鹵汁，呈現出金啡色，好吸引雪菜火鴨絲炆米 (HK$108)．米粉入味，一條條的，口感軟腍．鴨肉絲咁滑溜，不過肉不太多大史戈渣 (HK$25/件, 4 件起)．每件看似日式玉子燒，其實係以上湯和雞蛋製成的炸蛋．入口是酥軟口感、蛋香、不過味道會比較淡一點，可以點少少白砂糖一齊食蜂巢芋角 (HK$45/籠)．外表真係好似一個蜂巢😮．內裡除咗芋頭好粉之外，中心仲有驚喜的餡，是粟米粒嗎？🤔筍尖鮮蝦餃 (HK$52/籠)．算大隻，餃皮幾薄，蝦肉新鮮爽彈松露燒賣皇 (HK$48/籠)．驚喜在每一粒面頭都有好多松露，肉厚實彈牙南瓜湯鮮竹卷 (HK$34)．這個配南瓜湯汁真係第一次見，好特別😮．鮮竹卷正，幾多餡料焦糖雞蛋撻 (HK$36/一碟)．餅皮蛋撻上面加上焦糖香，好食，但正常呀～…查看更多

慶祝生日約咗朋友嚟食留家廚房，本身約夜晚，但又停晚市堂食，唯有改食午市變咗飲茶。餐牌上選擇都好多，第一次嚟所以嗌咗啲招牌菜留家煙燻雞同太史戈渣。叉燒都係招牌菜，我哋都好有興趣，但侍應只答一句「而家無喎」。唔知係嗰日賣晒，還是午市無供應，唔明佢咩意思…首先上枱嘅係留家煙燻雞，一上枱就聞到好香煙燻味食落帶煙燻味嘅滷水非常香。雞皮薄，脂肪唔會太多，雞肉嫩滑，就連雞胸位都好滑完全唔鞋用上新鮮雞所以有埋雞肝同雞腎，雞肝甘香，雞腎爽口，兩樣都好食另一招牌菜 - 太史戈渣，以高湯加雞蛋再上粉炸成，係個好花功夫嘅菜式。食時加啲白砂糖喺面，表面酥脆，味道好似玉子豆腐，同樣口感滑溜，但就多咗高湯嘅味道。苔條九肚魚粉漿夠薄，炸得非常酥脆，而且唔油膩內裡九肚魚嫩滑鮮味，帶點海苔嘅香味。炸到金黃色嘅蝦多士賣相好靚，食落多士酥脆唔油膩，蝦肉鮮味有彈性星期日限定嘅三色帶子餃造型精緻，表面橙色係蟹籽，黃色綠色分別係粟米同菜粒。內餡除咗有帶子仲有蝦肉，蝦味比帶子味道更突出。火鴨絲腸粉皮厚薄適中，中間夾住好多火鴨絲，好足料芋角比起一般無咁油膩，內餡芋泥綿密，好好味鳳凰煎米雞係煎嘅糯米雞，表面煎到微燶，口感同煲仔飯飯焦相似，鍾意食飯焦嘅會好鍾意呢個！炒飯粒粒分明有鑊氣炒貴刁都同樣有鑊氣，而且唔會過份油膩。整體嚟講食物有水準質素高，環境亦坐得舒服。唯一係侍應服務好有進步空間！我本身對服務都算無乜要求，喺香港食呢啲幾百蚊一餐都唔會求有咩特別好服務，做到基本嘢就得，但個別侍應連基本都做唔到，希望餐廳可以改善下。…查看更多

唔知莎士比亞定愛因斯坦講過…「要留住男人個心，先要留住佢個胃」【留家飯店】老闆係劉健威，佢偏偏棄「劉」而取名「留家」，又會唔會有少少咁嘅意思……意思還意思，主角始終係餸菜，究竟又留唔留到我呢位顧客呢？四個人，普普通通一餐，冇海鮮，冇貴價嘢，魚蝦蟹金錢葫蘆通通欠奉，不過味道一啲都唔普通，每一味，都食得出心思，而且服務貼心，價錢又合理，加埋甜品，一人三百都唔使！又點會「留」唔住我個心？…查看更多

🇭🇰💛留家廚房 Kin's Kitchen🥢好想再食😆😆拎過米之連一星⭐️既良心💛中菜私房菜🥢今次👦🏻帶埋👩🏻去食👩‍❤️‍👨非常期待🤤餐廳係灣仔 銅鑼灣附近 環境舒適Staff服務周到 野食好好食帶屋企人黎食實好岩😋😋建議大家黎之前記得book位📞仲可以留定煙燻雞🐓🥃涼拌醉鮑魚(💰$58/pc)花雕酒香好重 鮑魚入哂味質地爽口得黎柔軟 非常易切開🍴而且價錢唔貴 可以一試🔥留家叉燒(💰$188)‼️必食平時👩🏻都係頹食叉燒多靚靚既叉燒真係好少食叉燒即叫即燒 肉質用左梅頭咀半肥瘦 油份充足 成舊沒有明顯肥膏瘦肉之分😍😍肉特鬆軟又滑又腍 帶燶邊 除左好食就是好食😋😋👍🏻2人KO 一碟冇問題🤰🏻🐓留家煙燻雞(💰$208/半隻)‼️必食煙燻雞唔係得個名聞到好香濃的煙燻味 感覺特別🌫滷汁味入哂隻雞 雞肉肥瘦適 嫩滑 不油膩 好食半隻都夠2人食 最後要打包😝😝🦐咕嚕蝦球(💰$208)👍🏻推薦蝦球件件都大大隻 份量多 啖啖肉唔會配料多過蝦球🦐🦐酸酸甜甜🍍開胃幾送飯螞蟻人👩🏻表示鐘意😍…查看更多

留家廚房係一間以傳統天然粵菜打出名堂既中菜廳，仲係2011年榮獲米芝蓮1星殊榮，bookmark左好耐，終於有機會試留家叉燒選用豬既稀有部位「梅頭嘴」，唔用鬆肉粉&人造色素，以廖孖記醬料醃製，即叫即燒，燒至燶邊，叉燒好腍帶少少肥，蜜汁一d都唔吝嗇，好好味留家煙燻雞以鹵汁浸熟後以乾玫瑰花蕾，片糖、甘庶煙燻而成，隻雞真係好滑，淡淡既煙燻味芬香撲鼻，好出色太史戈渣以上湯同雞蛋製成，係北京既街頭小食，食落係有d似玉子，但質地係更加軟滑，幾得意鳳凰焗魚腸面頭放左d油炸鬼，魚腸份量都唔少，真材實料，平時真係好少機會食到呢道菜，可惜原來我不太喜歡魚腸既腥味蝦子柚皮柚皮製作工序繁多，需要花好多時間既一道傳統粵菜，柚皮一d苦澀味都無，個茨汁用上金華火腿雞湯熬製而成，再撒上蝦籽，濃郁好味懷舊芝麻卷唔太削亦都唔太爽，煙韌度岩岩好，甜度適中，芝麻味可以再香d就更好了蛋白杏仁茶杏仁味唔算好香，甜度則岩岩好芒果雪葩用上當造印度芒果新鮮製成，真係好似食緊啖啖芒果肉咁，清甜好食每一道菜都係心機菜，而且食完一d都唔會覺得口渴，價錢都合理抵食，CP值高既一間粵菜餐廳…查看更多

二訪呢間良心中餐，今次一篇過介紹。第一次午市黎有啲菜式試唔到，趁娘親生日就預早留定餸，今次老闆仲喺度監場呢。呢度有唔少功夫多，所以市面上鮮有嘅菜式，例如太史戈渣，而且以私房菜黎講價錢算係幾實惠，同長輩慶祝可以考慮下。🍽留家叉燒叉燒即叫即燒，呢個部位嘅肉特別鬆化，燶邊加蜜汁無得輸，留意只有晚市供應。🍽慢煮牛肋肉腐乳芝士汁一款中西合璧嘅菜式，低溫慢煮24小時嘅嘅加拿大牛肋配廖媽記腐乳同藍芝士醬，牛肋肉入口即化，腐乳芝士汁重口味得黎又幾夾，配埋煮到淋又無渣嘅蘆筍非常好食，唯一要挑剔嘅係有一兩客膏嘅比例較多。🍽太史戈渣原材料只有雞蛋、粟米粉、上湯，但聽講控制火候好考功夫，食落似炸玉子豆腐，但個上湯雞蛋餡當然香滑得多，點砂糖食梗有風味。🍽留家煙燻雞呢度嘅招牌菜之一，用玫瑰花蕾、片糖同甘蔗煙燻而成，滷汁甜甜地，雞肉嫩滑入味，必點。🍽薑蔥廣島蠔雖然蠔仔當然比唔上海鮮檔嘅大蠔咁嫩滑，但做到邊脆多汁已經好難得，薑蔥爆香可蓋過腥味，唔錯。🍽鮮拆蟹肉菜茸羹用大大隻碟上好似飲西湯咁，但其實份量唔多，個湯都幾濃稠，蟹肉鮮甜，食到蔬菜嘅原味。🍽艇曬蝦醬蒸玻璃肉半肥瘦豬肉切薄片後落蝦醬蒸，我唔鍾意肥膏所以難以評價，只能講蝦醬無太鹹同埋好入味。🍽瑤柱扒時蔬白菜仔每棵都煮到好淋，瑤柱汁唔太杰，好食。🍽豬膶燒賣蝦餃肉丸上鋪左兩大件嘅豬潤，醬汁帶點酒味，朋友幾欣賞，我少食嗰舊就韌左啲。🍽芝麻卷芝麻卷好有彈性，唔會一團粉咁，芝麻味都夠濃，仲有啲芝麻碎沙沙地嘅口感，非常出眾嘅飯後甜品。…查看更多

聽身邊嘅人講咗呢間中菜好耐，主要係食傳統考功夫嘅中菜。始終中菜都係多啲人先嗌得多啲試得多啲，今次就約埋另外三個朋友過嚟試。果然冇失望，絕對可以encore! 👯‍♀️👯‍♀️▫️涼拌醉鮑魚 - 鮑魚柔軟爽口，滲透著玫瑰香同酒香，夠晒入味☺️▫️太史戈渣 - 留家廚房出名嘅一道菜，玉子豆腐嘅質感，不過味道係鹹的。要知道真正嘅食材同煮法，當然要問google達人啦。其實佢係用金華火腿同老雞熬成上湯，將上湯混入雞蛋、生粉、加少少豬油，再加雞子蒸熟，蒸熟後揉爛煮成漿。然後冷藏凝固，切成菱形，沾上生粉再炸。就咁睇已經知步驟唔少，再諗下當中嘅過程例如混成嘅漿液要過篩隔渣、生粉炸漿嘅厚薄調節、火候嘅控制，太史戈渣絕對係一道考功夫嘅心機菜🙇🏻‍♀️▫️蝦子柚皮 - 另一道考功夫菜，自己一定煮唔到，當然要試吓。柚皮一啲苦澀味都無，炆得夠入味，上湯茨汁厚薄適中，蝦子帶出鮮味，食落甘甜👍🏻▫️留家义燒 - 半肥瘦嘅豬肉，肉質軟熟，邊位燒到有啲燶夠晒脆口，再加埋個醬汁，送飯一流👍🏻▫️留家煙燻雞 - 另一道招牌菜，雞肉嫩滑不油膩，好有煙燻香味，仲有少少雞汁，送飯又係一流👍🏻▫️鳳凰焗魚腸 - 魚腸粗身肥美，雞蛋係焗至全熟乾身，但唔會鞋口☺️…查看更多

期待已久終於食到傳統失傳菜❤️正宗灌湯餃❤️濃湯係晒隻餃入面，唔係周圍都有得食同做得耐咁精彩❤️太史戈渣❤️金華火腿，老雞熬成上湯，混入雞蛋定型成糕狀之後炸成一嚿❤️留家煙燻雞❤️用玫瑰花同蔗糖煙燻， 入晒味, 雞皮又爽丫丫❤️雪山飛龍❤️睇個名唔知乜膠嚟， 其實係黃鱔炒飯，一上枱已經好有飯香，加埋黃鱔陳皮，炒到粒粒分明❤️豬潤燒賣❤️都係精彩， 勁潤味❤️芝麻卷❤️好戲在後頭， 皮軟糯黑芝麻又香， 直情好似成匙黑芝麻放入口咁💜留家廚房食到好嘅餐廳要一個post留念…查看更多

若友人不介意，4人以上的生日飯局，我多半會選中菜館，可以多嘗不同菜式，價錢亦不會太昂貴。今天來到期待已久的留家廚房，雖然是平日的午飯時間，仍然全場爆滿。圖1/留家煙燻雞—上菜當刻已經聞到濃濃的煙燻味，雞肉嫩滑無比，肥瘦適中，後來留意到餐牌提及用足100日生雞醃製，難怪如此滋味，而且滷汁味道剛剛好，好吃！圖2/太史戈渣（伴糖）—軟滑棉棉，吃下去，是雞蛋？是豆腐？唔～還帶點蘿白糕的質感，帶有兒時在家中常聞到踏單車賣豆腐花的伯伯經過時的煙燻味。翻看餐牌，是上湯與雞蛋的結合，江太史之物，好吃圖3/菠蘿咕嚕肉—最近在尋找好吃的咕嚕肉，這個也不錯，還想試試跑馬地的富多來、天后的食得好及中環星記。圖4/柚子蝦球—酸酸甜甜爽爽脆脆，一流！圖5/酥炸豬大腸及蝦子薑蔥撈麵—前四道菜太出色，可以先試圖1-4😂下次encore要點干巴菌鹽焗雞、頭抽豬蹄筋、虎掌菌五花腩、焗魚腸、留家叉燒（看了攻略，即叫即燒，要第一時間order)臨走時，看到老闆劉健威先生獨自吃午餐，吃得津津有味，有間合自己胃口又如此滋味的餐廳，實在令人羨慕！又想起前陣子石原里美飾演的日劇《天堂餐廳》，女主角為了滿足自己每天享用優質法菜的慾望，經營法國餐館並每晚留枱給自己，這個也算是我的超現實夢想😂P.S對啊，難怪餐牌對菜餚的描述如此詳細。#留家廚房 …查看更多

正嘅中菜真係寥寥可數，但留家廚房絕對可以歸類為好正嘅中菜！今次幫襯係平日晚市，我提早三日訂位，都唔算難訂座。其實就咁睇餐牌我絕對唔會點呢一道菜，四個字我都識讀，但拼埋一齊完全唔明發生緊咩事，但呢一道菜試過之後真係會「嘩」一聲。佢外層嘅口感係酥脆嘅，內層反而係綿滑嘅，味道咸咸地，我地講笑咁講有啲似玉子豆腐，但佢又綿過玉子豆腐，整體黎講非常特別！煙燻雞雞肉嫩滑，帶有淡淡嘅燻味，歸納出黎個感覺其實係燻豉油雞嘅感覺，都值得一試。呢個九肚魚好有驚喜！平時嘅椒鹽九肚魚都係炸粉勁厚，但呢個完全相反。而且佢入面嘅九肚魚係Juicy到有汁，我哋一度懷疑入面個條真係九肚魚😂？不過不失，純粹想食菜。叉燒控表示留家嘅叉燒有九十分！半肥瘦叉燒已經😍😍😍，甜度同火候都剛剛好，唯一缺點係我覺得一碟唔夠我哋四個人止癮，想食多一碟😂…查看更多

之前見食評好壞參半，所以對這家的粵菜並未抱太大期望。或者因為這個原因，反而食過之後覺得水準比一般小菜酒家還要高！食材簡單，但煮法提升了整體的質素！先講這碟留家小食- 包括醉鮑魚、豬腳凍和太史戈渣醉鮑魚酒味很出，好鍾意。豬腳凍口感不錯！而最特別必定是「太史戈渣」，其他地方真的未食過這款小食！問問店長原來這是蛋與上湯煮成，再雪凍成形後再落粉漿去炸！口感好軟熟，味道激似流沙蛋糕，好好味！必食之選！再來的鴛鴦蝦，頭與尾都壤了西芹、蘑菇，加上葡國汁煮，簡直是滋味無比！有驚喜！虎掌菌五花腩味道適中，唔太鹹，食落啖啖肥豬肉好惹味！三豉班球裡有磨豉、豆豉同欖豉！欖豉味道好出，完全食得出3豉，比一般豆豉蒸味道來得豐富！好夾！最後不得不讚「留家煙燻雞」，除了雞夠滑之外，煙燻味道好香好濃！同樣是必食之選！留家廚房整體水準比酒店還要高！食材無須名貴但都能留下印象！…查看更多

今次食既係留家廚房，聽聞佢最出名係個醉鴿，但係估唔到其他食物都有番咁上下水準；開餐時間係6點，好早而好少人，因為食頭輪，相信無論係廚房同樓面既水平都應該會高d，而一早就order左醉鴿同燉湯，其他野食就到場先叫。首先黎個豬腳凍好鬼似肴肉，但係食落去多汁同埋鮮味，用既腿肉唔太肥而結實，每一啖有咬口，味道清甜而唔油膩，而Jelly果部份入口就溶化，感覺真係好似食緊骨膠原一樣，好好食。苔條九肚魚睇落好簡單既菜，入口皮脆唔太多油，平時椒鹽九肚魚就食得多，但就太油太燥，反而呢個整法就清淡好多，再食多d都唔會食到上火。而個皮既上既日式醬汁將魚肉既味道帶出黎，唔會得陣油味，而佢地亦整到食到魚肉既滑既特色。燉湯如圖所見，好大條淮山同栗米，入口後唔覺有味精，而火喉亦足夠，飲完成個人好似吸收左湯既精華咁。72度醉乳鴿見圖隻鴿上碟好靚，唔見好多油出，D肉嫩而且帶少少粉紅。食落口第一啖係一陣汁擁出黎，再咬多幾啖，食到一陣酒味，碟邊既醃蘿白同埋紅菜頭係一個驚喜，平時碟邊菜係得個樣，見到都唔會食，但係呢四粒菜食完可以幫你個口清左之前食左鴿肉既濃烈味道，等你之後食其他菜時唔會破壞晒既感覺。留家煙燻雞煙燻雞睇落賣相一般，但食落去發覺非常有層次，D肉無為左煮到入味而煮到爛，由於煙燻既工序多，又要顧火候，手勢唔好既廚房就會煮到D肉爛等味道可以入到落雞入面，但係呢度既雞就無呢樣野，證明廚房好有心機去煮。食落去比較乾身，但仍然食到有汁，但係雞肉味就比較淡，如果可以多番D汁就相信會更好食。魚兩食同埋芋頭煲魚就中規中矩，芋頭煲到D芋頭好諗，好易咬開，而且都好入味下。成間店既裝潢好舒服，令人覺得呢度空間好大，等客人可以好舒適咁用餐，燈光唔太強，而侍應既服務亦好好，反應好快，唔會扮睇唔到客人。 …查看更多

灣仔的 W Square，從落成至今，都是一個美食的集中地。由曾經令香港人瘋狂排隊的 《Burger King》 開始，至人流超旺的《八喜》，再有德國的《Berliner》，韓國的《阿里朗》，以及人氣品牌《板長壽司》、《Spaghetti House》及《大家樂》。在這一個時尚的商業大廈的內外，都充滿著各式各樣及各種層次的美食。新的食肆，慢慢地，也不斷地，把空置的樓層填充，而是日拜訪的《留家廚房》，就是最新進駐這一棟時尚商廈的時尚食肆。《留家廚房》，早已在天后區打響了名堂，向來都以優質的點心同精緻的粵菜去服務大眾。W Square 的分店，能吃到精緻的點心已經不在話下，一個開揚，寬敞的飲食空間，舒適的大檯及光猛的街景，覺得在這兒飲茶用餐，份外的舒服。第一次來，主要是品嚐他們的點心。《留家廚房》非常之特別同細心，因為他們的點心是可以每件每件的上，不是一律只能叫一籠四件的樣子。這一種做法，好讓客人多叫幾款點心，多試不同的食品，十分之有心思。一籠兩件的點心，不是偷工減料，不是被廚房伙記偷食了。我說過，這是我們要求的，兩件就兩件一籠，一個人食的話，一件一籠也可以。這兒的蝦餃，味道香口，蝦味荀味都達到高水準的水平，只是皮未夠晶瑩，但夠煙韌香軟，已是做得好好。燒賣，未入口已經令人感覺到肉的香味，鮮味的豬肉，加上鮮味的原隻中蝦，再以蝦子作為這燒賣的點晴，這香味，實在是沒法擋。珍菌餃，只是以冬菇粒同蘿蔔做餡，其餃皮比起蝦餃更加之晶瑩剔透。不要以為素食的餃子不會夠味道，夠菇就會夠香口，冬菇的香味，令到這一個看似清淡的餃子充滿了濃郁的味道。再比喻，素食用的冬菇蠔油，其味道一點也不會差過真正的蠔油。上湯煎粉果，在英國，這是一個中國餐館熱賣的其中一個點心，只不過是沒有上湯而已。這餃，帶有鮮香的蝦味，不點上湯，入口香脆，點了上湯，化解了其令人感覺熱氣的油炸氣味，是一個會令人食不停口的點心。兩個酥點，叉燒酥同合桃酥，這兩個酥餅，入口的確有酥化的感覺。叉燒酥，咬落有層次感，而每一層都香脆酥化，夾在內心的叉燒及叉燒醬都十分之甜美，令咬落的每一口，都香味十足。合桃酥，是酒席中常見的美點雙暉之一。留家的這一個酥，是精心的製作，完全沒有像酒席的粗製濫造感覺。這合桃酥，非常之香口，而且香不只是合桃肉有香，而是整個酥餅都帶有合桃香。午餐的主食，我們點下了一個黃鱔炒粉絲，用上了蔥及芽菜去一起炒，再添加了一些芝麻。這一個干身而且無汁的炒粉絲，其濃香的味道早已滲滿在粉絲的麵條內，黃鱔的肉汁香味，完全可以在粉絲內感受得到，既特別又味道好。改日，我同同事們再來用膳，這一次我們主打小菜，我們叫了一個二人套餐加一個一人套餐。是日的例湯叫什麼名堂，我完全沒有去考究。但入口味濃而帶甜味，也令人知道這是正宗的老火湯，而且落重了蜜棗。留家五味骨，是否有甜酸苦辣咸在一身呢? 感覺上可以說是，因為那一個汁，的確是五味俱全，以京都汁為主體，又帶點川式的酸辣，有點怪但的確可以說是好好味。另外，肉炆到很腍，沒有牙的老人家們，絕對不怕無啖好食。蒜片牛柳粒，說是他們的招牌菜之一，有蒜，有蔥，有肉，有濃香醬油，味道十分之濃郁，而且蔥蒜兩者的香，加上了牛肉自身的濃香味道，很吸引，大家都很想多吃幾粒。留家煙燻雞，是一個帶點醬汁的煙雞，有炭煙的香味，有醬油的甜味。雞皮沒有因為煙燻而脆下來，反而是沾滿了又甜又香的醬油汁，而且皮爽肉嫩，又有濃烈的煙燻炭香，我們也嫌份量太少了。蒜子上湯浸菜心，上湯是魚湯，加了炸蒜子去除了腥味，這樣去把茶心浸熟，很是鮮美，令平凡的菜妏成一個高尚的時髦小菜，以心思去帶出美味，感覺到劉家兩父子的創新粵菜，非常之有心思，但絕對不是花巧。是日的甜品是腰果南瓜露，腰果香加上南瓜的甜，食落有腰果露的滋潤感覺，入口又有南爪糊的濃烈甜味，兩味交雜得十分之完美。《留家廚房》由名廚劉健威先生及其兒子劉晉監督主理，具有創意的廣東菜式，集合了中國東西南北的精髓及國外菜式的特點來給予大家粵菜的新感受。這兩次來，輕輕的午餐及點心，已能夠令我們深深的體會到甚麼是新派粵菜，甚麼是精湛廚藝。…查看更多