劉興記生煎包專門店

营业中

休息中

位於旺角鬧市區既人氣生煎包，2024年OpenRice開飯熱店之一，趁lunch同朋友經開旺角見到好吸引就入去試吓🤩平時記得預留多啲時間去食飯，有機會要排隊等位💕🫶🏻豬扒乾拌麵豬扒外焦內嫩，肉質鮮美，搭配香滑乾拌麵，味道濃郁，口感彈牙👍🏻🫶🏻 麻醬手撕雞乾拌粉皮麻醬手撕雞搭配為乾拌粉皮增添左獨特風味。雞肉嫩滑，麻醬既香氣令每一啖都充滿層次感，好適合而加個天氣食😋🫶🏻人氣生煎包必叫👍🏻生煎包外皮金黃酥脆，內餡多汁，令人垂涎🤤每一啖都可以試到鮮美湯汁，呢道小食非常適合作為開胃菜或小食，深受到廣大食客既追捧❤️🫶🏻糖醋排骨糖醋排骨味道酸甜可口，排骨肉質鮮嫩，外層裹著一層誘人的糖醋醬。每一口都能感受到醬汁濃郁，與排骨鮮美相互輝映😉🫶🏻整體嚟講質素都唔錯，值得一試😍大推生煎包同雞絲粉皮👍🏻

之前食過幾次生煎包水準都keep到👍🏻 外皮煎到金黃酥脆，一咬爆汁，勁正😋見佢出左瀨尿蝦生煎包一於試試，食到有瀨尿蝦肉，個湯汁好鮮甜，幾有驚喜。招牌炸雞扒菜飯都唔錯，炸雞扒外脆內嫩，咬落仲有肉汁～麻醬青瓜雞絲粉皮，諗住當佢小食..但份量幾多，應該當主食先岩🤣麻醬香濃，雞絲同青瓜絲都幾多。小雲吞湯麵清清地，雲吞細細粒，皮薄餡靚，個皮勁滑～叫套餐/食夠$60就可以任飲豆漿，豆漿少甜，幾好飲～職員好nice，會keep住幫你refill~仲會叫你唔夠就叫佢refill👍🏻價錢親民，唔怪得知6點半未夠就開始爆場啦～食完出嚟已經開始要排隊lu🙈

看見餐廳門前張貼了發哥和韓國歌手成始璄用餐的相片，進入店內又看見餐廳獲得開飯熱店銅獎及最喜愛食肆2024。餐廳內木製檯櫈，籐製吊燈，感覺温暖雅致。我和朋友點了原味上海小籠包、鮮雞湯小雲吞和生煎包兩隻、上海排骨菜飯、麻醬青瓜絲粉皮。因為已點滿了$60以上，所以侍應送上一大瓶豆漿可任飲。朋友喜歡飲豆漿，低糖豆漿充滿豆香，有少少豆粉，感覺是自家鮮磨豆漿，非常健康。原味上海小籠包：皮薄餡靚，鮮肉餡非常嫩滑，滿滿的鮮甜肉汁，一咬爆汁，很美味。5款人氣熱賣皇牌套餐選了鮮雞湯小雲吞和生煎包2隻：小雲吞皮非常滑溜，包著嫩嫩的肉餡，配上雞蛋絲，青綠的小棠菜，酥炸的蒜片，別有一番風味。生煎包同樣皮薄餡靚，外皮煎至酥脆，再撒上芝麻蔥花，豬肉餡鮮甜多汁，果然是招牌菜。上海排骨菜飯：外皮炸至酥脆，肉質嫩而不韌，味道不錯。麻醬青瓜絲粉皮：粉皮滑溜Q彈，爽脆青瓜，麻醬汁濃厚香滑，撈起來吃很惹味。總括來說，環境乾淨，員工有禮，食物質素不錯，價錢親民，是不錯的餐廳。

晚餐時間去需要排隊，不過等十分鍾就入得，地方細細但都有3/40個座位。而且，都幾多遊客黎食，當日旁邊分別有日韓遊客。有套餐揀，好抵食，包生煎包同豆漿，呢兩樣都係必食必飲，實在太正🤤。要大讚呢到姐姐服務好好，好有親切感。✨豆漿 👍🏻👍🏻👍🏻口感滑順濃厚，唔係平時一般個種水水淡口，係偏少少杰身，飲得出好足料，豆味濃微甜。✨生煎包👍🏻👍🏻👍🏻熱辣辣，要小心咬，因為真係超多湯汁爆出，內餡豬肉大舊鮮味，加埋底部煎脆口感，非常滿足，令人印象深刻，係呢到必食美食，如果無爆汁可以要求更換。✨雞絲酸辣湯套餐 $54 酸辣味岩岩好，好開胃。雞絲分量唔少，肉質嫩唔鞋口，有埋香菇同豆腐令成碗湯好豐富。✨蔥油雞扒菜飯菜飯呢個配搭好好，菜飯清爽可以減低雞扒膩感。雞扒多汁，蔥香味濃，令人食欲大開。

人氣生煎包店，全港六間分店見到人哋啲reels拍爆汁小籠包／生煎包已經流口水🤤今次到我試Lunch set$54抵食▶️ 麻醬青瓜雞絲粉皮 ($54)粉皮一卷卷，咬落有質感唔似蒟蒻香滑麻醬份量十足，沾滿每塊粉皮🥜青瓜絲同雞絲比例恰當 (當然如果雞絲份量再多啲會開心啲)雞絲唔乾柴，配埋青瓜夠清爽🥒▶️ 生煎包x1 跟餐～證實真係會爆汁🫣大家小心啲好食！個底夠燶非常香脆個包唔會太厚太粉入面個肉好Juicy，唔油膩食完一個想再食haha▶️ 白灼小棠菜苗 ($22)擺盤好整齊🥬附上豉油小棠菜咬落清脆，健康！▶️ 低糖豆漿 一嚟就有免費任裝豆漿😌唔太甜，啱啱好真係飲到啲豆粉，證明真材實料磨出嚟，一啲都唔稀👍🏻-朋友仔有叫湯麵、拌麵、菜飯，配炸豬扒同炸雞扒佢哋話拌麵好食🍜湯麵正常發揮菜飯就麻麻哋因為冇乜點炒過炸豬扒同炸雞扒都好香口呢度啲姐姐服務超好🙂‍↕️有禮貌又風趣座位就窄少少，我哋五個人坐四人枱所以迫啲價錢超實惠，平均$50-60/人，有主食、小食、飲品夠豐富！Lunch time好生意，大家可能要預等一陣位

招牌爆汁生煎包, 一定要去試下 食物 : 迷你雞絲酸辣湯+生煎包6隻+凍豆漿 $59, 麻醬手撕雞粉皮+生煎包2隻+凍豆漿 $54 生煎包大大隻, 真係好爆汁, 食時要好小心, 湯汁好多好鮮, 幾好食 麻醬手撕雞粉皮, 粉量幾多, 味道幾好, 手撕雞唔會嚡, 麻醬夠多, 粉皮唔會好淋, 都唔錯 迷你雞絲酸辣湯, 細細碗, 材料都幾多, 但味道只有酸, 無辣味, 普普通通 飲品 : 凍豆漿細細杯, 味道正常夠凍 環境 : 當天雖然是下午茶時段, 但人都幾多, 座位較迫 服務 : 職員有禮貌 價錢 : HK$113 (無加一服務費)

「劉興記」在短時間內於港九新界各區開了六間分店，窩夫與蝦子餅也要去品嚐生煎包。某週日去了旺角女人街的分店，約下午五時座無虛席呢。除了招牌生煎包，還有菜飯、湯麵、拌麵和小食等，選擇不少。還有四款人氣熱賣皇牌套餐，價錢親民。惠顏任何套餐或消費滿60元即可任飲豆漿。豆漿較平日喝的濃稠，低糖不太甜。排骨蔥油拌麵($42)一上桌已聞到蔥油的香味。窩夫與蝦子餅甚少吃蔥油拌麵，一吃便愛上了，麵條的粗幼度、軟硬度和調味都叫人非常滿意，會為了吃這個蔥油拌麵再光顧的。麻醬手撕雞絲粉皮($35)的麻醬份量剛好，將雞絲、青瓜絲和粉皮拌勻來吃，十分滋味。點餐時可按個人口味選擇少醬或多醬。皇牌4號套餐($59)的迷你雞絲酸辣湯味道不錯，非常足料，木耳絲特別多。主角生煎包來了，剛剛煎起新鮮熱辣，吃時必須非常小心，𥚃面超級多汁，一不留神便會爆汁弄污衣服或是燙傷嘴巴。反轉生煎包一看，底部煎成金黃色，非常漂亮，咬下去十分香脆，配上包內鮮甜的湯汁，叫人一試難忘。窩夫與蝦子餅一人一隻蟹黃生煎包(每隻$18)，比招牌生煎包多了一重蟹黃鮮味，值得一試。手工豆沙窩餅($28)的餅皮炸得香脆，豆沙饀不會太甜。

今日同奴才爸出去旺角食生煎包🥡🥢之前已經見過好多人介紹都話好正又爆汁又盛，今次一於探個究竟🤭果然係人氣生煎王，遲兩張枱都冇位要出去排隊等🤭不過就算舖頭咁爆場都好，啲店員姐姐都一樣咁好態度咁好服務，今時今日真係難得，我哋都覺得真係要好好表揚👍🏻🙌🏻🥇蟹黃生煎包🦀同普通生煎包一樣咁多湯汁，而且仲有濃濃嘅蟹黃味🤤🦀🦀咬開就見到非常足料冇揸流👍🏻$18一隻都好抵食😋生煎包（4個）🥢上枱時店員姐姐都有提示會爆汁小心燙口，果然真係超多湯汁🤩生煎包皮薄多汁，個底仲煎得好脆🤤我仲見到有告示話如果唔爆汁免費更換，真係對自己出品好有信心👍🏻小籠包（4個）小籠包皮夠薄多湯汁，雖然都係好食不過比起生煎包始終都失色少少🤏🏻排骨蔥油拌麵🐷🍜排骨即叫即整要等20分鐘，好欣賞啲舖頭咁有堅持，確保客人食到新鮮熱辣既食物😋👍🏻排骨果然夠熱夠脆😋蔥油拌麵都好正，奴才爸都大讚👍🏻今次去仲見到舖頭做緊優惠，每人食滿$60或以上豆漿任飲🤩豆漿唔甜有淡淡黃豆味，免費都一樣有好野😋我同奴才爸夾埋飲咗一jar豆漿😂豆漿當水飲不是夢😂😂🤑 人均消費：～$60🤩 推薦指數：9.5 / 10📍 餐廳資料：劉興記生煎包專門店 (旺角)旺角通菜

以前好細個食嘅生煎包，就係好厚嘅菜肉包煎脆當係。跟住多謝Oscar令香港有第一間真正生煎包，之後荃灣有一間X興記都唔錯，呢間劉興記 之後開左喺同一個位置，所以以為係佢地嘅分支。直到今次試左旺角分店，知道其實係唔同，因為劉興記款式多好多，同埋正啲。見到四行大字好吸引，睇完就用QR code落單啦！招牌生煎包(2隻) $20餐牌有2隻生煎包，同4隻生煎包可以揀，一個人食4隻太多，可能食唔到主食，2隻又唔夠喉，因為「唔爆汁，唔收錢」呢個好吸引，所以真係需要食多啲。原來解決方法係叫餐，會有1隻送。生煎包上面有芝麻同香蔥，聞落好正；底煎得非常香脆，邊咬一小角，有好多湯汁爆出，差啲辣親。飲完湯，之後食到新鮮嘅肉香。第2隻想多啲變化，加少少黑醋同豆瓣醬，酸酸辣辣更加開胃，呢間有下次。S1 上海排骨菜飯+生煎包(1隻) $54雖然食生煎包，食麵係好啲，因為無咁飽。不過佢呢度有菜飯賣，的確想試。菜飯好多小棠菜粒，唔會好鹹都唔會太油，配排骨正好可以平衡。原來上海排骨係有特別架，用新鮮豬扒生炸，所以係要等10分鐘。豬扒上左少少粉，有吉列豬扒嘅香脆，但無平時嘅吉列咁硬，肉肥瘦適中，仲有少少肉汁，真係超正。跟餐

🥡🥢🥧驚喜爆汁生煎包▫️只收現金▫️qr code落單🔻皇牌套餐S3 - $54 🆗鮮雞湯小雲吞12粒 小雲吞的確細細粒，入面只係包住嚿肉，雲吞皮比較重鹼水味，但係幾欣賞上面仲送咗蛋絲同埋兩條菜心。不過個湯底感覺係味精湯。 ☑️招牌生煎包2隻生煎包的確值得推薦，新鮮煎好，底層好脆而上層嘅皮好軟熟，一咬的確爆汁，入面嘅湯汁可以裝三個匙羹，要小心焫親個口。 ☑️凍豆漿一杯套餐會包埋一杯凍豆漿，豆漿係用茶杯裝，所以都唔太大杯，唔算好甜，但係都幾好味。

我一向好少寫食評，因為呢間餐廳服務員真的很好，而且食物質素高，價錢合宜，所以決定寫呢篇食評表揚下。第一次來吃這間餐廳的食物😋很滿意！樓面服務很好❤️ 特別想讚揚一位叫阿玉的服務員，她好熱情，非常細心體貼🥹 好好笑容，令人很喜歡和開心💕👍今日叫了一個上海排骨湯麵🍜套餐還有包括一個生煎包和一杯豆漿☺️ 炸排骨好好味，完全沒有油膩感，乾身又鬆脆。生煎包我最喜歡，裏面熱湯鮮味濃郁，加埋豬肉餡，真心好好味🤤 最後在結賬時，令人驚喜地送了一個生煎包給我😆🙏🏻

1. 生煎包4個 $30生煎包係幾出色既，即叫即整，上到枱仲係熱到出煙！仲要寫到明冇爆汁/穿左…會換過！生煎包味道都唔錯，好多肉汁，餡都算大舊既，但扣分位一定係個包厚！個底係煎得好脆，但一咬開就會見到個底既皮係幾厚！不過價錢唔貴，性價比高！2. 麻醬手撕雞絲粉皮 $35麻醬都幾香，青瓜絲同粉皮都算多，價錢都唔貴，但性價比唔高，因為得幾條雞絲咋😩會寧願比多少少錢…多返啲雞絲囉😕3. 上海排骨菜飯 $42菜飯係幾好食，不過排骨就真心好薄！冇口感可言！而且上到台…件炸排骨…係凍既😕真心有啲失望！另外豬排係以日式炸法去做，凍左…油膩感就更突出😟4. 糖醋炸排骨菜飯 $46呢個既炸排骨…係炸「豬肉粒」，同上海排骨菜飯既唔係同一種排骨，但炸既方式係一樣，日式炸法！糖醋係有個醬汁用來醮！不過可能係肉粒，有返啲厚度，肉粒有少少唔熟，而且肉粒相對肥少少，咬開啲舊肉，油脂會標出嚟🙈服務都幾好，我地同店員話炸排骨舊肉生生地，店員都馬上換過比我地，都有禮貌地講返唔好意思同送左兩個生煎包比我地！

我沒有接受餐廳任何優惠，真心覺得好食推介 今日過咗食飯時間先至有機會食飯，所以好肚餓入到去點咗兩個餐，因為太肚餓唔記得影相，但係嘢食實在好好味，所以特登再推介一下。本身我自己唔係太鍾意食生煎包，因為平時我覺得肥膩。但係呢間整得好好食，肉汁豐富，咬落去包底好脆，食落唔肥膩另外，過程中有個小插曲，這間店是自己用手機落單，但有個客人話係職員幫佢落錯單，要求更換。店內睇落似係負責人嘅大佬，相當有耐性，妥善處理好，值得一讚。

喺旺角西洋菜街入邊有一間排長龍嘅生煎包店，比較鍾意食蟹嘅緣故，於是決定去試吓。佢有套餐人均50幾蚊，就會有一個主食，煎連埋生煎包同埋飲品。至於咁為食㗎，我梗係唔鍾意俾人控制住，我就散嗌啦！我叫咗兩款王牌推介嘅生煎包。招牌生煎包 $20/2隻入邊新鮮滾熱辣嘅豬肉，連上湯。一口就爆汁，記得趁熱食，非常好味。蟹黃生煎包 $18/1 隻呢隻蟹黃生煎包又喺上海排長龍食蟹黃小籠包嘅感覺，有好多蟹肉同蟹膏，一咬落去，入邊嘅上湯會流出嚟，非常之新鮮好食。雞絲酸辣湯小雲吞（6粒） $32雖然賣相似碗仔翅、材料有豆腐、冬菇、木耳、竹筍，同埋雞絲，當然唔少得蝦小雲吞。酸辣湯嘅味道，有種濃烈嘅碗仔翅嘅醋味道，慢慢食到啲胡椒嘅感覺，亦都有少少指天椒嘅辣味。湯底嘅豆腐木耳同埋竹筍配搭得好好。一碗湯適合暖身，有一種食緊碗仔翅嘅感覺。特別係大大塊嘅花菇，同埋雞絲令我覺得有啲啖啖肉。至於佢嘅蝦雲吞就有六個，一啖就食得晒。蝦肉雲吞都好食㗎。秘製上海炸排骨 $22一開始以為佢係雞扒，因為佢炸得好薄。外層好酥脆，豬扒嘅份量都啱啱好，欣賞佢上面嗰啲炸蔬菜絲。趁熱食啱啱好。凍豆漿一杯 $8豆漿新鮮好飲！

最近喺社交平台見到呢間好吸引嘅爆汁生煎包於是就走咗嚟試試😋生煎包真係必食！⭐️S2餐（麻醬手撕雞粉皮+ 2個生煎包）$54生煎包爆汁又足料 焦底好脆好香口2個真係未夠喉🤣大推生煎包呀（食得太急第二日發現條脷焫親🤣小心湯汁焫口啊🙈）至於麻醬手撕雞粉皮 我好鍾意個醬😋有好重花生醬味同埋少少甜味青瓜絲嘅份量睇相都知道非常之多🤣建議麻醬另上會容易啲撈😆其他就不過不失啦👍🏻下次再去試吓蟹黃生煎包😋