極尚大瀛喜日本料理

我同朋友都鐘意食放題，所以間唔中都會去食。今次我地又再encore 呢間放題😋我哋叫咗三文魚、油甘魚、帶子、劍魚腩、赤蝦、甜蝦。刺身同上次一樣都係好鮮甜肥美又厚切😍😋所以encore 咗幾次😆😋壽司方面真係好多款！除咗叫咗炙燒壽司同手握壽司之外，仲叫咗芝士鰻魚玉子燒、黑松露拖羅魚籽塔、七味芝士蒜蓉大蝦。我自己最鍾意炙燒壽司同七味芝士蒜蓉大蝦。因為炙燒燒到d魚油出嚟入口即溶勁香魚油味😍而七味芝士蒜蓉大蝦好好香蒜味👍🏻燒香草羊鞍同牛舌超好味！😍😋蒲燒鰻魚好肥美又厚😍另外，今次見到有乳鴿，咁真係要試吓先！ 估唔到放題嘅乳鴿咁好食！！好有水準！一d都唔hea!我仲食唔幾舊😆😋而炸蝦天婦羅🍤卜卜脆又唔會成口粉👍🏻另外仲叫咗鮮蟹粥、雪花牛肉鍋、牛油煮鮮大蜆。鮮蟹粥好鮮甜，粥又綿😋 雪花牛肉鍋味道帶甜，牛肉又大片👍🏻最後要食返個甜品做結尾😋真係大滿足呀😆…Read More

平日午市都咁多人？幸好我有訂位，幸好餐廳夠大，不覺迫也不覺嘈，三小時，食下傾下，找數每人二百多少少，好抵。放題食刺身，食燒物就人人都知，其實自助區的選擇都好多，而且當中不乏高質好味的食物。自助飲品區：可說是包蘿萬有，中西俱全。清酒、梅酒、洛神花蜜、蜂蜜菊花蜜、椰青水，還有各式本地及韓國汽水、啤酒、清涼茶，果汁等等，完全是飲品放題，客人定能找到心頭好。自助甜品區：同樣是多不勝數，各式蛋糕、布甸、和菓子、豆腐花、芝士撻，全都小巧可愛，一件不會令你飽滯，唔夠就拿多件，任君選擇。當中我最欣賞同時大力推薦的，是椰汁海燕燉鮮奶。它屬熱食的糖水，海燕即是寒天，是一種由紅藻造成的食材，口感滑順，配埋椰汁、鮮奶和紅棗，清甜滋潤。未完呀，還有多款雪糕雪條。我食咗一支榴連一支朱古力，大滿足。自助熟食區：有炸的炸薯角、炸雞塊、炸魚皮等；有涼拌的螺肉、海藻等。其中最吸引我的是一味雜菜煮蝦仁，當中的翠玉瓜和雜菇都清甜好味，蝦仁又夠爽。我食完一碗又一碗。咁除了自助區，用QR Code點的刺身、壽司、燒物、炸物和主食都好高質。這點我就不多介紹了，直接看圖吧。…Read More

銅鑼灣午餐消費不嬲價錢幾高，難得朋友搵到一間小食任食、還有刺身正餐，而價錢亦都只是50至60幾蚊，簡直無得輸 一入餐廳有消毒酒精和密實袋畀你包住口罩，這個值得一讚，其次小食方面有泡菜餃子、章魚丸、螺肉、中華沙律等等前菜無限添加，仲有甜品豆腐花、糖水啫喱可以畀你揀，飲品方面亦都有蘋果白桃茶，樽裝或者杯裝飲品給你選擇，一共有八種到，正餐方面有刺身，亦都有海鮮丼或者有炸豬扒飯等等任君選擇，座位都十分舒適，值得大家推介，還有可以使用信用卡，如果儲分都可以…Read More

Lunch放題超高質！一坐低就放低左個QR code俾我地可以電話落單，好環保好方便，仲要冇乜點漏過單 👍🏻特別推介係燒饅魚。嘩! 平時日本餐廳叫個鰻魚飯得5-6舊賣舊幾水，呢度俾$200加一 $220 就可以任食，下次可約埋FD黎呢度齋食鰻魚 😂 天婦羅都好正呀，特別欣賞蝦同蟹柳，炸鮮奶都勁好味，100分 😍肉方面呢，牛舌同羊架係必食，熱辣辣，又夠調味，juicy! 刺身唔使講，一睇相就知佢冇慳住俾，魚生大大塊，甜蝦大大隻。好甜好新鮮。芝麻雞翼係炸雞翼，漲卜卜，好脆炸得好好。甜品老實講係麻麻地，但有好多唔同色既馬卡龍，食落唔多甜，拎黎打卡影相都好好呀! 😙值得一提閒日午市有個後生仔好靚仔，韓仔style，服務態度超好又好笑容，大家可以去偶遇下佢 🤣…Read More

環境4分：放題餐廳地方好大，坐卡位唔迫，張枱都算大，可以畀四分。衛生5分：地方都打掃得好乾淨，又有任用紙巾，杯，筷子同匙羮。自助飲品區有各種汽水，綠茶，紅茶，啤酒，果汁，大部份獨立包裝好企理。出面有沙律，熱盤，湯，甜品，任攞唔嬲，衛生好好可以畀五分。服務5分：手機落單又快又準又環保，夥記送餐收碟換骨桶都算快，服務一樣可以畀五分。味道5分：1) Ｄ刺身枱枱都係成隻船咁上，虎蝦，俄羅斯甜蝦，珍寶大赤蝦全部都好爽好甜好滑，三文魚同油甘魚好肥好鮮，乾冰效果令到視覺同味覺都滿分。2)  兩隻海膽醬黃金蝦壽司好濃味又爽口，池魚壽司就好鮮。3)  鰻魚燒到好香，呢個一定要encore。4)  比目魚原塊上枱，食落甘香，Ｄ皮仲有少少脆。5)   羊架Ｄ肉非常之淋，又有肉汁。6)  芝麻雞翼冇得輸，因為好香脆，熱氣都要食多幾隻。7)  蘆筍炒珊瑚蚌好脆好嘢味。8)  自助沙律Ｄ生菜好鮮脆，相睇唔到，但生菜下面Ｄ粟米粒同蟹柳絲同青瓜絲，又甜又脆。9)   中華沙律，八爪魚，海蜇絲好清涼好香辣。10) 鮑汁花膠好似成梳翅咁淋同滑，唔encore對唔住自己。11) 燒菠蘿帶有少少酸味，飯後食可幫助消化。抵食5分：日式放題嚟講真係好好食，七點半前埋單仲有85折，足足有兩個鐘任食任飲，可以叫做超級抵，畀佢滿分。…Read More

呢間放題一出地鐵就見到好方便，約朋友都好方便。同一幢大廈還有另一間規模頗大的放題店，記得約朋友要講清楚地址呀。兩所集團的放題我都食過，各有特色。而呢一間比我既感覺係刺身更為出色，另有一些原創食物。魚生種類眾多，蝦都有甜蝦、虎蝦同珍寶蝦三款。用app落單有相參考，但我睇錯一張貌似北寄貝的相，後來才發現係吞拿魚。各種刺身質素都係水準以上，因為朋友係玻璃肚，呢一餐既刺身好夠凍都好重要。三款蝦都幾彈牙，吞拿魚超水準送上雪花的腩位，唔會有腥味! 食完生冷野叫左一窩蟹粥暖胃，份量唔多兩個人都可以吃光光。蟹身比較細蟹肉都幾多，仲可以用蟹膏伴粥食。因為有蔬菜粟米煮粥，甜甜的好易入口。酒樓先有既瑤柱扒豆苗都有得嗌，茨汁淡淡地唔鹹，如果有小朋友同枱食飯真係必點呀。壽司方面款款係迷你size, 一口一粒不經意食左好多件。最值得點池魚同燒左口魚壽司，兩款入口滑溜可以encore!其他放題未必有既避風塘魷魚做法都幾似模似樣，一碟有3件總共6隻腳。個人覺得一點都唔辣，鹹香味突出。食到一半可以出去自助取飲品小食或甜品。小食主要為日式前菜，另有沙律吧供應飲品連枝裝既都有，更有日本提子酒同啤酒，唔飲甜既亦可以揀樽裝茶同水。串燒類食物以肉為主，不油膩唔需要加檸檬都好好味。芝麻雞翼更加係我去到邊間放題都消滅幾隻的心頭好。雞翼多肉仲有肉汁唔係翻炸架 。甜品有3個櫃的貨量。一個放雪糕冰條，推介榴槤雪條同mega脆皮雪條。一個存放包裝甜品，有乳酪、豆腐花。最後一個放散件甜品，全部都係一口一件的大小。上圖有蓋心形盒裝甜品好岩女仔，係椰汁西米布丁，食完可以留個盒做記念。另自助區有心太軟供應，有射燈照住食落仲係流心，唯一係食到底部比較多油。當日仲試左白桃&朱古力慕絲、軟芝士蛋糕、檸檬蛋白撻，全部都無伏可以留肚食多D。Lunch週末時段放題$178，可以食足三個鐘。用app入單無漏單上菜都好快，食得快飽得椰汁西米快我同朋友傾下計坐到2點已經可以全身而退…Read More

最近唔知做咩，約親d 約會都係食放題。。。（雖然我本身都好鍾意食嘿嘿）突然發現自己寫左好多放題既食評，踏上放題食家之路？（哈）而家食多左開始識得比較，有d以前覺得好食既，而家發現原來好普通。有d餐廳，而家先發現有幾好！大家都知放題既名係透露到餐廳既級別今次食呢間極尚大瀛喜都幾期待，話曬都"極尚"wor!入到去已經見到有一排沙律前菜bar同埋甜品櫃上次去x屋見到d自助區已經好驚艷，點知今次應該有過之而無不及。沙律區d基本款都齊（例如中華沙律、胡麻豆腐之類）另外仲有新鮮既沙律菜可以自己夾。而前菜就有很多少見既款式，譬如岩好有一盤新鮮熱辣既章魚小丸子端上黎。熱辣辣既小丸子細細粒但都幾足料。d前菜每次夾完都會換d新款，有新鮮感。呢度連湯都有兩款，中湯同日式麵豉湯。分量自己裝，可以每樣都試少少（唔洗每次都成盅飲曬甘飽！）但個湯我嫌略甜（因為系蘋果煲雪梨哈哈），我個人比較中意飲鹹d既湯。不過甜都證明佢足料。坐低落單，就算冇前菜甜品，一樣有成疊紙，選擇唔少。一餐完美既放題，當然由刺身開始。刺身既擺盤睇落好高級，噴曬煙甘！特別推介呢度既蝦，大赤蝦咬落啖啖肉，甜蝦就肉質嫩滑，高質。而壽司方面，topping夠曬大件。尤其系條鰻魚，咬落啖啖肉。呢個辣酒煮蜆係全晚無限encore之選。蜆唔腥，夠入味，不過每份得三隻，建議每次填多幾份！當然仲有放題必點小食：芝麻雞翼同燒菠蘿、雞軟骨、日式蕃薯！全部都即點即整，夠曬香口。之後終於到今次放題既主角：甜品！冇錯，甜品先係主角！之前食左咁多間放題，呢間既甜品真係可以算最精彩。首先甜品櫃有曬平時基本放題有既甜品，譬如蛋糕、木糠布甸、水果之類。都有平時少見既甜品，譬如流心糯米糍、杯裝乳酪！見到真係心花怒放，滿足我既甜品胃。牛奶布甸奶味香濃，另外個拿破崙超脆，又唔會得個甜字，好味！之後仲有雪糕櫃既大量雪糕任拎！最令人驚喜既係有得任唧乳酪！乳酪配料都係任加，加爆爆珠又得，加果醬又得，得左！有朱古力雪糕，朱古力味濃，同埋夠凍，好硬身。有原味乳酪雪糕，酸酸甜甜好好食！飲品方面都係選擇眾多淨係熱飲就已經睇到眼花撩亂。仲有幾個大雪櫃裝住滿滿既凍飲！p.s.除左座位比較窄之外，其他都真係無可挑剔。…Read More

今年七一除咗慶祝香港回歸祖國二十週年之外，更是首位女特首上任之日。希望明天會更好，我倆順勢慶祝一番，去銅鑼灣嘅[極尚大瀛喜]擦餐勁！預早訂定位，中午12點正可以即時入座，二人座位較為狹窄，點餐就要分上好几次！現代科技日新月異，連order薄也被智能手機所取代，只須上market度download apps，再scan埋個code，就可以自助點餐了！可能假期關係，漏單較為嚴重，不過上菜都几快手！我倆一落完order，跟住出去逛逛揾食，攝吓時間先~先取飲品，勁呀~成三大個凍飲櫃、小型紙包飲品櫃、自助果汁機等。計有汽水、茶、啤洒、梅酒、果汁、清熱飲品、韓式飲品等等，數得出嘅乜都有齊！跟住梗係攞啲前菜、小食咁喇！首推大受歡迎嘅章魚丸，估唔到有呢類小食，重要係熱洪洪的，咬開夠脆口，而且食到丁點小章魚粒呢！黑松露炒什菌，酷愛黑松露嘅我，對它又愛又恨，攞少少來食，咁早食太多嘅話，一陣點食得落嘢呢？！黑松露味道濃郁，什菌炒得爽口，十分入味！極品牛肋腩，又係邪惡之物，炆牛肋又腍又好食，腩肉嫩腍入味，太罪惡了！食咗好多件，只是有個別腩塊咬唔斷。迷你萄撻，雖然攤凍咗，但一樣好味。其他小食如味付螺肉、酸辣鳳爪、辣炒粉絲等，少食多滋味！見到有沙律、炸薯角、芝麻八爪魚、麵豉湯、中式湯等等，為咗留番啲quota, 唯有望梅止喝吧！打咗個熱底之後，剛好盤蠻有仙氣嘅刺身駕到~刺身明顯有漏單，漏咗几款添！至首推挪威三文魚，厚切肥美！希靈魚、北寄貝，口感爽脆！北海道帶子，肉質鮮甜，但較薄片。甜玉子，好味道！日本油甘魚、劍魚腩，肉厚細緻！酒煮榮螺片，肉質清爽！珍寶大赤蝦，勁大隻多膏，肉質爽彈，惜蝦味略淡！虎蝦、俄羅斯甜蝦，毫無鮮甜味！整體刺身屬ok，但談不上好！食罷刺身，下一round要會一會創作壽司~漏單之說無可避免，反正我倆實試唔晒，也就不追call了！極尚花之戀，暫時食過咁多間放題，較好之一，三文魚算厚身，蟹籽滿瀉，無散開又包得靚，三點已嬴晒！注入沙律醬，口感味美非常！香蔥鵝肝帶子，鵝肝超細件，feel唔別口感，香蔥配帶子，去腥添香！熟蝦膏甜蝦，甜蝦無鮮甜味，舊飯團太黏實！整體創作壽司，唔算創新！到火炙+卷物上埸~醬燒極尚帝皇蟹棒，不嬲醬燒滋味一級棒，巨型蟹柳棒，加上濃濃醬汁，十分惹味！鹽燒三文魚，薄鹽燒，入口香醇適中！芝士鰻魚玉子燒，口感豐腴！相比之下，卷物較失色，皆因飯質過於黏實，雖則卷物不會散開，但口感差矣！波士頓三文魚卷、炙燒芝士大蝦卷等等被飯卷影響下，無法突圍而出！全埸至係燒物系列~燒紐西蘭香草羊鞍，肉質格外嫩滑juicy, 搞到我倆一再encore！蒲燒鰻魚，又係食唔停口之選，有著濃郁燒汁香氣，又有鰻魚嘅油潤味道，yummy yummy！黃金燒原隻帆立貝，口感柔軟，每粒都充滿醬燒味，但較為膩口！比目魚西京燒，完全係日式討喜嘅甜味燒物，魚肉嫩滑，魚皮香口！燒有機日本蕃薯仔，味道香甜！燒有機新鮮菠蘿，厚身兼鮮甜多汁！炸物之中，吉列炸蠔，香脆有蠔味！一口芝士波波，外脆内嫩，芝味濃！整體熟食較優勝！最考食力嘅甜品登埸嘞~我倆對放題啲甜品，都唔會抱有太大期望，今次亦唔例外，好在件件迷你版，yo……使乜驚呀！芒果糯米糍，食到芒果肉，惜糯米口感太硬身！芝士蛋糕，兩款cheese cake，口感結實，芝味濃厚！抹茶大福，入口十分軟糯！抹茶蒟蒻，口感QQ之中帶點嚼勁！類似拿破崙，餅皮過腍唔酥脆！豆沙卷，甜度適中，但又係糯米太硬身累事！木糠布甸，件oreo餅腍嘅，布甸ok！Tiramisu，口感軟滑唔太濕！Q版心太軟伴鮮果，心太軟無乜流心，但朱古力味濃郁，算唔錯！至期待嘅係雪糕+乳酪，除咗有凍櫃，亦有自助任唧款，啱哂大人細路！Frozen yogurt，帶點酸，口感幼滑！這兒有各式各樣嘅toppings，隨意任君選取，裝飾軟雪糕乳酪！馬卡龍，過甜！朱古力軟雪糕，香濃滑溜！凍櫃則有各式牛奶公司雀巢牌子嘅雪糕、雪條。亦有士多啤梨、藍莓味yogurt。雪糕糯米糍有草莓、朱古力、綠茶味等。嫌唔夠？！仲有豆腐花呢，問你頂得順未？！整體熟食較好，花款多，埋單連加一都係合共$414.-我倆由頭帶到落尾，食足三小時，認真抵食！…Read More

星期三晚farewell 同事，我們一行人就去到這間極尚大𤅀喜食放題，雖然一早訂左位，但因為很多人，所以仍要等位。在等位時，我見到很多款式的日式食物可供點選，連加一，一個人二百幾蚊絕對十分抵食，到底有咩食？等我逐一為大家介紹。先說壽司，壽司和刺身款式好多，有三文魚，加州卷，鰻魚壽司，芝士鰻魚燒玉子，蟹籽軍艦，炸蝦壽司，炸軟殼蟹壽司，八爪魚壽司，花之卷，鵝肝帶子壽司，芒果沙律大蝦壽司，刺身方面有牡丹蝦，帶子，三文魚等，壽司和刺身都好新鮮，壽司款式很多。除了壽司和刺身外，還有沙律，冷麵，炸物，羊架，浦燒鰻魚，燒海虎蝦，磯燒元貝，鹽燒海虎蝦，千島醬芝士焗元貝，燒菠蘿，日式蕃薯，咖哩炒蟹，椰子雞鍋，牛肉鍋，燒牛舌，蟹粥，甜品等，應有盡有。最驚喜是浦燒鰻魚，很多日式料理店都只得一至兩塊鰻魚夾著壽司或手卷來吃，但這兒竟然任食，羊架都可以任點任食，而且味道幾好，鰻魚控的我當然狂食，羊架我則一般，覺得有點氈味，串燒牛舌夠稔，千島醬芝士焗元貝，千島醬酸酸甜甜，配芝士和元貝，一點都不膩，而且口感不俗。炸物方面包括有炸蝦，炸皇帝蟹柳，炸芝士蝦球，炸吉列蠔，燒雞翼，炸芝士等，這些炸物大家都食得多，想不到這間日式放題還有炸榴槤食，真是十分有驚喜，雖然不是很多人接受榴槤的味道，但喜歡食的朋友自然是一大吸引，因為可以食餐飽之外，仲有甘多喜歡食的美食。人們常說女人有兩個胃，一個是用來食正餐，一個是用來食甜品，所以食左很多主食之後，開始食甜，這間日式放題甜品款式同樣驚喜，雪糕雪條是基本的，還有雪糕糯米糍，馬卡龍，乳酪，綠茶大福，tiramisu, 雲石蛋糕，葡撻等，同樣任君選擇，大飽口福。飲品同樣多不勝數，令人目不暇給，而且仲有熱飲可供選擇。可以食到不同種類的日式美食，飲品和甜品款式又超多，價錢又合理，真是物超所值。…Read More

「有朋自遠方來，不亦樂乎。」 朕最喜歡吃日本菜，時不時都會去吃日式放題， 皆因美食應有盡有，又有各式各樣的飲料，一次過滿足晒所有願望！☺️ 而眾多間日式放題中，大瀛喜就是朕最喜歡的，因為食物質素每次都維持相當好的水準， 「極尚」大瀛喜更有非一般的感覺😇，所以今次一盡好客之道，帶了來自鄰國的貴族來一起品嚐😋 日式放題固然有各式各樣的日式料理， 刺身、壽司、火炙壽司、卷物、手卷、軍艦、傳統壽司、串燒、燒物、炸物、天婦羅等一定是少不了 雖說是日本放題，但別的國家的料理都會涵括其中，例如一品料理中的咖哩炒蟹、主食中的蟹肉粥和雲吞等，食物種類繁多！ 貴族們一來便可試盡各國美食佳餚，這就是日式放題比壽司店大不同的優點吧！😏 除此之外，還有不少涼拌小食和沙律供自由添加。 雖然竟斗膽要朕自取，但味道確實是「上」級水準！ 是朕有史以來食過的放題中，最有水準的涼拌小食！不愧為朕的御用放題呢！😋 泰式鳳爪酸中帶辣，作為頭盤十醒開胃！喜歡食泰式辣野的一定不能錯失！ 芝麻八爪魚 雖然八爪魚size不大，但甜味適中，拌上清新爽脆的青瓜，中和了醬料的甜膩感 味付墨魚仔和螺肉也相當不錯，調味得剛好，又有咬口 麻辣雞腎雖然對於嗜辣的朕來說不太夠辣，但微辣的感覺也相當過癮！ 中華沙律絲絲入扣，冰涼脆口！ 第一次食放題見到有醉雞翼食😳，而且雞翼大大隻，酒香濃郁入味，令我食而忘返 這些涼拌小食，好食到我還盛了兩轉呢！🙈 刺身有十五款，都算多，而且最重要是夠新鮮！ 當中朕最愛吃珍寶赤蝦，有一隻☝🏻️手指的長度，而且肉質鮮甜爽口，正😋👍🏻👍🏻👍🏻👍🏻👍🏻 其他刺身如油甘魚、三文魚、劍魚腩、北寄貝等都非常新鮮 極品和牛壽司、黑松露燒三文魚壽司、醬燒皇帝蟹棒壽司🍣 別的放題和牛朕倒是不敢吃，但「極尚大瀛喜」的和牛壽司就非吃不可！和牛燒得半生熟，牛味十足🐮☺️ 每次來朕都必食呢～ 黑松露燒三文魚壽司，三文魚燒得半生熟，魚肉軟嫩，黑松露味突出👍🏻 醬燒皇帝蟹棒壽司的皇帝蟹棒是朕喜歡帶點嚼勁的口感，不會「粉」！ 香蔥拖羅蓉軍艦、蟹籽軍艦、北寄貝沙律軍艦 軍艦紫菜微脆，配料質素不俗，可以一試。 傳統壽司中的花之戀人，三文魚腩鮮甜肥美，配上卜卜脆的蟹籽，絕對媲美得上壽司專門店的花之戀呢！ 創作壽司中龍蝦膏甜蝦、芝士鰻魚玉子燒雖配搭新穎，可惜龍蝦膏甜蝦的紫菜蓋過了整件壽司的味道，而芝士鰻魚玉子燒的鰻魚肉質又有點「嚡」、玉子不夠熱😫 虎蝦天婦羅、皇帝蟹棒天婦羅、流心一口芝士丸天婦羅全都是新鮮熱辣炸好的，外脆內軟，虎蝦肉質尤其鮮嫩彈牙😁 蒲燒鰻魚燒得外皮微脆，肉質有彈性，完全不「梅」 有機日本蕃薯仔燒得香口，薯肉軟腍 值得一提的是鹽燒牛舌不但厚切，而且燒得爽脆多汁，滋味得朕一個人獨吃了兩三串呢！😋 燒有機鮮菠蘿也燒得出色，菠蘿香甜多汁！非試不可！ 香草蒜香牛油帆立貝 帆立貝雖size不大，但炒得香口惹味 不可不試的是黃金燒原隻帆立貝！ 「大瀛喜」的特調蟹籽蟹肉甜椒沙拉醬把鮮帆立貝烤焗得香甜滋味，又多層次感 雖知其他同業都有醬燒帆立貝等同類食品，但都不比「大瀛喜」的啖啖滋味😋 芝麻雞翼、一口芝士、榴槤炸彈 芝麻雞翼朕的貴族朋友就最喜歡，她們都大讚雞翼炸得香口。 最令朕最驚喜的非榴槤炸彈莫屬，榴槤炸彈外皮炸脆，裡面竟是榴槤熔漿，滋味十足！👄 榴槤粉絲必試！ 唯一失望的是一口芝士的芝士並不流心，又沒有芝士年糕的外脆內軟，又沒有帶煙韌流心的口感😭 自家製醬燒雞翼 如果不太喜歡煎炸食物，那醬燒雞翼就最好不過了！ 沒有點兒炸雞翼的熱氣口感，醬燒得入味，肉質鮮嫩多汁💦 鹽燒海蝦 原隻大海蝦，燒得鹽香入味，蝦肉彈牙，朕看旁邊每枱鄰桌都叫了一碟，相當受歡迎呢！ 鹽燒鯖花魚燒得外皮呈現微微的金黃色，而內裡的魚肉又有油脂不乾柴 黑松露伴牛油炒鮮雜菌 雖然看似是普通菜式，但「大瀛喜」卻細心到連這看似不起眼的菜式也炒得出色又有鑊氣，淡淡黑松露味滲透出來 日式鮮蟹肉粥熬煮成綿線粥底，鹹味倒是有，但蟹的鮮味卻不夠 胡麻大蝦冷稻庭，烏冬彈牙，但胡麻醬有點稀釋了，所以不太夠味😟 說到「極尚」的享受，甜品當然不會少得。 有自由斟的雲呢拿軟雪糕和棉花糖、軟糖等配料自由添加，又有雀巢雪糕、各款甜品等， 為整頓放題畫下一個完美的句號。 整體來說， 「極尚大瀛喜」食物質素相當有水準， 在眾多的日式放題中大瀛喜一直是朕的首選！ 而且還推出了優惠時段，早食早享受， 5:30-7:30時段有85折優惠，不用$250（已包一）可以食到餐任飲任食的放題，真的是很抵食！ 極尚大瀛喜日本料理 (銅鑼灣) 銅鑼灣駱克道463-483號銅鑼灣廣場二期11樓 營業時間：星期一至日 12:00-15:00，17:30-00:00…Read More

因為父親節當天兩老會上中山兩日一夜一遊，故提早一星期與他慶祝。雖說其實他不太重視節日，但也藉著節日帶兩老吃點好東西。又其實他們不是真的懂得吃好東西，只在乎是不是價廉物美，相信今天的放題絕對能令他們滿意！因先前已看到很多食評都大讚，我自己也滿心期待一探究竟。我們訂了午膳時間，早了五分鐘去到，已開始有人排隊，大家都已訂了枱，只要向職員説出訂枱編號後便能入座。我們很快便被帶到四人梳化卡座，座位夠寬敞，坐得舒服！一開始都決定想吃的每款叫少量，好吃的話再追加，以免叫太多吃不完會浪費，反正有三小時讓我們慢慢吃。點餐過後便出去逛逛，很少見放題還有沙律吧、甜品和少量熱食，飲品更是有大量選擇，冷熱俱備！先來一碟刺身！肉眼已看到質量不錯！不會因是放題而將價就貨，刺身仍是十分肥美，蝦刺身已有數款選擇，媽媽大讚蝦刺身，十分肥美和鮮甜，我亦喜愛鮑片，頗為爽甜，唯玉子我較愛熱吃，而且味道亦弄得過甜。再來芝士焗帶子是必吃！以為帶子只是小小一顆，怎料它家毫不吝嗇，大大顆帶子，配上濃郁的芝士，我們四人都吃得津津有味！再來燒菠蘿，經過燒烤增加它的香口，菠蘿多汁香甜，美味非常！比目魚我沒有試，爸爸說味道可以，但我看來有點偏油。然後是各式壽司，我們沒有全試，最喜歡芝士鰻魚玉子，口感豐富！燒物亦有很多選擇，牛舌，蕃薯仔，鰻魚，雞軟骨等等，蕃薯十分甜，喜愛蕃薯的人不要錯過，一定令你一個接著一個吃！鰻魚亦燒得剛好，醬汁十分惹味！還有一些炸物、天婦𤓓忘記拍下來，均炸得鬆脆，味道亦不錯！弟弟表示芝麻雞翼很好吃，炸紫薯丸亦飽滿香甜，喜歡榴槤的朋友也有榴槤炸彈可品嚐！我們亦點了一些一品料理和鍋物，牛柳粒煮得不夠淋，咬起來有難度，但味道還是可以的。咖哩蟹的蟹肉雖不算多，但咖哩汁弄得惹味，亦有一定的辣度，以放題來說質素已夠！牛肉鍋亦值得一試試，有點像和民的味道，湯都是甜甜的，鍋內的食物都十分入味，但我認為可以稍減一些甜味會更好。最後當然要以甜品作結，其實甜品真的有不少選擇，但未能盡試，雖說質量與酒店相比是稍遜一點，但畢竟主打是日式食品，不能要求太高，我這甜品控已相當滿意。喜歡雪糕的朋友也不乏選擇，有雀巢杯裝、大腳板等，也可自己裝牛奶或乳酪雪糕，更有topping可選，總有一款合你意！總結來說，這餐放題我們這一家都吃得滿足，也能讓兩老經歷到什麼是放題了。…Read More

日式放題與自助餐的最大分別就是前者可以好好地坐在位置上就可以等到食物送來，而自助餐就要食客自己走到食物枱前選擇食物，而食物的選擇當然會有所不同。不過這餐廳就把兩者結合了，日式食物可以坐下來慢慢揀，而飲品及甜品就是自取的了。食物紙的外套設計得很豪華，感覺很高尚呢！吃了的食物太多，就選一些精華與大家分享吧。魚生中，特別推介鮑魚片。很鮮味，有口感。而壽司最美味的有兩款：和牛及柚子皮左口魚，兩者都是火炙的，令到食物有燒味之餘也不失原有的鮮味。最特別的是柚子皮，有很重的柚子味，與左口魚配合得不錯，味道變得很獨特。這款炒雜菌最特別的地方是除了牛油外，還加上黑松露，令整碟食品的香味特濃，而味道當然也很好啦。和牛絶對是很好味的食品，而鐵板蒜片就在牛的美味上加了蒜味，濃濃的味道在口腔中久久不散，叫人吃了一件又一件。燒物代表有鹽燒鯖花魚。皮脆肉軟，魚味也濃，真的不錯。說完坐下來而得的食物後，便到要走動下來得到的了。首先是飲品，真的品種煩多。除了熟悉的汽水及紙包飲品外，還有特別版的味道可供選擇。甜品的選擇也真的很不錯，那些蛋糕不會太甜之餘，也沒有放得久的感覺。真有點超乎想像。而除了雪糕雪條外，還有一部軟雪糕機。軟雪糕也是任取的，還有朱古力粒等其他配料可以加在上面，真是喜出望外。…Read More

人生總要(偶然)放縱幾回控制飲食、沒有大吃大喝半年了臨近期假的12月, 我終於要爆發一回~不遲亦不早, 我上網見到有人介紹呢間極尚大瀛喜心癮既起，不如一試？預先訂左位(9:30平d)，不用等太久，環境也不錯事不宜遲，小二，刺身唔該！話說呢盤刺身一上枱，真係「嘩」左一聲雖然佢樓下的「滿屋」也有類似的噴煙效果但呢個係加強版有‧氣‧勢～！　(雖然幅相影到條魚好似嘔奶咁....)身為刺身蝦小粉絲的我呢間店一次過滿足晒我3個願望：甜蝦、虎蝦、珍寶大赤蝦（個人紀錄：以前曾在銅記「一生放題」食左34隻甜蝦，食到d尾砌滿成隻碟.....）（結果：「一生放題」執左粒……我好傷心～）呢間的珍寶大赤蝦鮮甜味美、極creamy，竟狠狠地將我K.O. Perfect!!!大‧滿‧足～！另外，真心推介「蒲燒鰻魚串」近年放題有任食鰻魚的不多，畢竟鰻魚不是平宜貨色呢間的「蒲燒鰻魚串」我大為欣賞夠厚夠大夠多汁，毫不吝惜地俾咁大件，呢d係有誠意的表現～　火炙三文魚上面有黑松露，雖然不多，但是很香很可口帆立貝是放題必點之選可惜相中呢隻焗原隻帆立貝落左青椒(oh no~)，同埋醬落得太多over左小小，食完飽到漏建議大家揀「牛油蒜香帆立貝」，實而不華，會正好多！炸物同天婦羅是正常貨色，不過不失，唯一是炸蠔比較遜色(腥+濕)同埋我最愛的芝士年糕，佢炸得比其他放題較油除左order紙上的食物外，佢仲有好多自助既食物 推介大家試佢的「醉雞翼」,好正 (忘記影相)同埋佢的飲品同甜品係我試過的放題中數一數二地多，仲要自助我只拿了幾款我較喜愛的口味食完後才發現仲有牛乳奶凍,可惜我個胃已容不下它, 只能望而興嘆，說一句：相逢恨晚順帶一提，呢間放題的服務相當不錯店員有禮貌，接單上菜有效率仲經常留意住幫你換碟讚讚讚～！繼續加油～！食飽埋單由於   食9:30  + 新開張  + 預早訂位所以 每位減30  +  85折   + 免加一每位盛惠194~!!!   抵食~!!!…Read More